1 Тимафеё

5 На́ цыписав пэ ԥурэ мурша, но дэ дума лэнца ковлэс, сар дадэнца, лэ тэрнэ муршэнца — сар ԥралэнца, 2 лэ ԥурэ жувлянца — сар дэянца, лэ тэрнэ манушнянца — сар ԥэянца, и тер када вужэ гиндоса.

3 Стов патив пэ ԥивля, савэ па чачимастэ ԥивля. 4 Ай если кай варисави ԥивли исин бэяцэ или внукоря, мэк вонэ спэрва сытён андэ пэско ери тэ стон бари патив по Дэл. Вонэ трэбуй тэ полэн лэ родителёнэн, ай кадяжэ лэ папонэн и лэ бабэн кадя, сар прижал. Када уӷодно лэ Дэвлэсти. 5 И чачуни ԥивли, савя найко тэ подритярэл, надеийпэ по Дэл и взвийпэ каринг лэстэ ясвэнца и мангэлпэ о дес и рят. 6 Ай и ԥивли, сави жувэл кадя, сар камэл лако ди*, муля, хоть и жувэл. 7 На́ параш тэ уԥэнэс када, кай лэн нико ни андэр со тэ на дошалярэл. 8 Если варико на диқэл пала пэско ери, ай особено пала кодэла, каса жувэл андэ ек цэр, тоди во оджыля лэ Дэвлэстар и ашэля май вэрыто кодэлэстар, ко на андярэл лэ Дэвлэстири время.

9 Ла ԥивля можно тэ запистрос андо списко, если лати пала 60 бэрш, латэ сас ек хулай 10 и вой ашундёл лащя диласа: драго барярдя лэ бэятонэн, шолас сама лэ мирос, халавэлас и пэрнэ лэ свынтонэнди, поможыяс кодэлэнди, ко попэля андэ бида, и вся и время терэлас лашымос.

11 Ай лэ тэрнэ ԥивлян на́ запистросар андо списко, важ кода кай, кала вонэ камэн кода, пала со здрал и цыпа, лэнди ԥарэс тэ терэн лэ Христостири дила, и тоди вонэ старыинпэ тэ жан миростэ. 12 И пала лэндэ лэн найдраго тэ дэн дума, важ кода кай вонэ на зритярэн пэско алав. 13 Тай инке вонэ присытён тэ бэшэн би дилако и тэ ԥирэн цэр цэрэстар, но кадя вонэ присытён най кати тэ бэшэн би дилако, но и тэ розындярэн и хохавни дума пала авэр* и тэ ӷулен най андэ пэстири дила, кала ԥэнэн кода, со на трэбуй. 14 Важ када мэ камав, кай и тэрнэ ԥивля тэ жан миростэ, тэ анэн бэятонэн, тэ терэн и цэрутни дила и тэ на дэн возможность аврэнди тэ дошалярэн амэн. 15 Важ кода кай дэсавэ ужэ одбанделэ лэ чачимастар и жылэ пала Сатана. 16 Если кай варисави христианка исин родички-ԥивля, мэк вой поможый лэнди. И тоди лэ ӷуртости на авэла ԥарэс, и во сможэт тэ дэл зор кодэлэнди, ко па чачимастэ ԥивля.

17 И барэдэр ԥрала, савэ драго диқэн пала ӷурто, затерэн дувар май бари патив, ай особено кацави патив затерэн кодэла, ко анда ди терэл дила, кала росԥэнэн и сытярэл аврэн. 18 Важ кода кай андэ Свынти Лила сас ԥэндо: «На́ заԥандэн о муй лэ гурувэсти, саво мэлий о зэрно» и «Лэ манушэсти, саво терэл бути, трэбуй тэ авэл потиндо». 19 На́ шув сама, кала дошалярэн лэ барэдэрэ ԥралэс, если када на потвердина дуй или трин мануша. 20 Лажавар англа всаворэ кодэлэн, ко на парашэл тэ терэл бэзэх. Кадя ту поможыса аврэнди тэ фэринпэ. 21 Мангав тут англа Дэл, англа Христос Исусо и англа особени* анӷелоря: тер кадя, сар мэ уԥэндэм тути, и старысав всаворэнца тэ обжаспэ еқэндар и на́ шув сама варикас май фартэ, чем аврэн.

22 Никала на́ грабисав варикасти тэ дэс и блаӷословения*, на́ ав дошало андэ аврэнго бэзэх, ашпэ вужо.

23 Будэр на́ пи паи, но пи набут вино, важ кода кай тутэ насвало о жэлудко и тути часто терэлпэ наймишто.

24 Дэсавэ манушэнго бэзэх дицол всаворэнди, и лэн сразу сындон пала када, ай аврэнго бэзэх лэл тэ дицол ӷэт май интя. 25 Точно кадя жэ всаворэнди дицол и лащи дила, ай если дажэ на дицол, ла всаек на угаравэса.