Тер лэ Дэвлэса ек дила кажно дес

1. Сар амэ тэ терас лэ Дэвлэса ек дила?

О ИЕГОВА создал лэ манушэн и во камля, кай вонэ тэ терэн лэса ек дила, кай тэ авэл кода, со во загиндосардя. И хоть лэ Дэвлэстирэ мануша найсовершенни, лэндэ вижал тэ терэн лэ Дэвлэса ек дила кажно дес. Кала амэ терас лэ Дэвлэса ек дила? Кала росԥэнас и лащи весть важ о царство и сытярас па Библия нэвэ учениконэн (1 Коринфянам 3:5 жы кай 9). Кати погиндон, сави када дэ бари честь, кай о всемоӷущё Дэл, саво создал вся и люма, витидя амэн тэ терас лэса ек дила, сави фартэ трэбуй! Но када най вся и дила, сави амэндэ вижала лэса тэ терас. Андэ кадэя статья амэ подаса дума, сар инке амэ тэ терас ек дила лэ Дэвлэса, кала поможысарас пэстирэ ерести и лэ ԥралэнди и лэ ԥэянди, савэнца амэ патяс андо ек Дэл. Кадяжэ, кала амэ драго прилас аврэн пэстэ, кала поможысарас андэ особо дила, сави терэл лэ Дэвлэстири орӷанизацыя и кала терас май бут андэ служэния (Колоссянам 3:23).

2. Васо на трэбуй тэ сыстос пэс аврэнца андэ кода, со тумэ терэн важ лэ Дэвлэско царство?

² Кала адинос кадэя статья, на сыстосар пэс аврэнца андэ кода, со ту терэс важ лэ Дэвлэско царство. Сэр, тумэндэ разни бэрша, зор кода, со терэлпэ андэ жызня и кода, со тумэ драго ӷанэн тэ терэн. О Павло лэ Дэвлэстар пистросардя: «Но мэк кажно сыкавэла пэстири дила, и тоди лэстэ авэла, васо тэ лошавэл, сар диқэл кати пэр пэстэ и тэ на сыстой пэс аврэнца» (Галатам 6:4).

ПОМОЖЫСАР ПЭСТИРЭ ЕРЕСТИ И ЛЭ ԤРАЛЭНДИ И ЛЭ ԤЭЯНДИ, САВЭНЦА ПАТЯС АНДО ЕК ДЭЛ

3. Васо ԥэнэса, кай кодэва, ко диқэл пала пэско ери, терэл лэ Дэвлэса ек дила?

³ О Иегова аштярэл, кай лэстирэ мануша диқэна пала пэстирэ еря. Ԥэнаса, тути трэбуй тэ затерэс важ о ери. Бут дэя бэшэн цэрэ лэ бэятонэнца, ай варико диқэл пала дад и дэй, савэндэ нинай зор тэ диқэн пала пэстэ. Када трэбуй тэ терэн. Андэ Библия пистромэ: «Сар варико на диқэл, со трэбуй кодэлэсти, ко лэсти пашэ, ай инке май фартэ, со трэбуй важ пэско ери, тоди во отԥэнделяпэ лэ Дэвлэстар и май вэрыто кодэлэстар, ко на патял андо Дэл» (1 Тимофею 5:8). Сар тутэ исин бут, пала кастэ тэ диқэс, тутэ на вижала тэ отдэс скати время важ лэ Дэвлэстири дила, скати ту камэс. Но на умэк и вас. О Иегова лошало, кала ту диқэс пала пэско ери. Кадя ту терэс ек дила лэса (1 Коринфянам 10:31).

4. Сар бут дада и дэя сыкавэн, кай о царство важ лэндэ май куч, чем кода, со трэбуй важ лэндэ? Саво лашимос кадэлэстар лэндэ исин?

⁴ Дада и дэя, савэ христианоря, терэн лэ Дэвлэса ек дила. Кала? Кала поможын лэ бэятонэнди тэ загиндон тэ терэн лэ Дэвлэстири дила андэ пэстири жызня. Через када бут тэрнэ шавэ и щея лэн май бут время тэ служын лэ Иеговасти дажэ дур лэ цэрэстар. Дэсавэ служын миссионеронэнца, пионеронэнца котэ, кай на хутилэл кодэлэн, ко тэ росԥэнэн важ о Дэл и вефильцонэнца. Файма, важ кода кай вонэ жувэн дур, лэндэ на вижал тэ авэн лэ родителёнэнца скати время скати вонэ камлоп. Но всаек и дада и дэя, савэ нисо на аштярэн важ пэстэ, терэн вся, кай лэндирэ бэятцэ и май дур кадя тэ служын. Но васо? Вонэ фартэ лошалэ кодэлэстар, кай лэндирэ бэятонэндэ о Иегова пэ пэрво ҭан (3 Иоанна 4). Файма, кай бут христианоря кацаво жэ андо ди, сар кай и Анна, сави ԥэндя пала пэско шаво пала Самуило: «Мэ отдав лэс лэ Иеговасти». Важ лэндэ тэ терэн лэ Дэвлэса ек дила, бари бах (1 Самуила 1:28).

5. Сар тэ поможыс варикасти андэ собрания? (Диқэн и картинка англа статья.)

⁵ Исин кодэла, кастэ нинай нисо, со тердярэл лэн андо ери, кай тэ поможын аврэнди. Касти? Кодэлэнди, ко занасвайля кодэлэнди, ко андэ ԥурэ бэрша чи кастэ авэр ԥаримос. Кадяжэ тэ поможын кодэлэнди, ко диқэл пала ԥрала и ԥэя, савэ андэ собрания. Родэ андэ тири собрания, касти трэбуй тэ поможыс. Ԥэнаса, и ԥэй диқэл пала пэстирэ ԥурэ дад и дэй. Вижылоп тутэ тэ побэшэс лэнца дэсави время и тэ одмэкэс ла, кай вой тэ терэл авэр пэстири дила? Ай варикасти тэ поможыс кодэлэса, кай тэ подындярэс лэн пэ собрания, тэ тинэс лэнца кода, со лэнди трэбуй. Кадяжэ, касти трэбуй, тэ авэс лэса андэ больница, кай тэ побэшэн кодэлэстэ, ко котэ пашлёл. Кала ту када терэс, ту терэс лэ Иеговаса ек дила. И кадя о Иегова дэл лэ ԥралэнди и лэ ԥэянди, савэнца ту патяс андо ек Дэл кода, со вонэ манглэ лэстар. (Адиносар 1 Коринфянам 10:24a).

ДРАГО ПРИЛЭ ПЭСТЭ ЛЭ МАНУШЭН

6. Сар тэ полас алава «драго прилэн пэстэ лэ манушэн»?

⁶ Лэ Иеговастирэ манушэн ӷатярэн па кода, кай вонэ драго прилэн пэстэ аврэн. Андэ Библия греческо алав «драго прилэн пэстэ лэ манушэн» сыкавэл «тэ терэн лашимос кодэлэнди кас на ӷанэн» (Евреям 13:2). Андэ Библия амэ адиносарас пала мануша, савэ драго прилэнас пэстэ аврэн (Бытие 18:1 жы кай 5). Амэнди трэбуй вся время тэ стас зор, кай тэ поможысарас всаворэнди и тэ на диқас, патяс амэ лэнца андо ек Дэл чи най (Галатам 6:10).

7. Саво лашимос тутэ авэла, кала ту драго пэстэ прилэс лэ разъезднонэ служытелёнэн?

⁷ Сар тути инке тэ терэс лэ Дэвлэса ек дила? Драго тэ прилэс пэстэ лэ разъезднонэ служытелёнэн. (Адиносар 3 Иоанна 5b, 8c). Кадя амэ подритярас ек еқэс (Римлянам 1:11, 12). Подаса дума пала Олафо. Бут бэрша палпалэ, кала во инке сас тэрно, андэ лэстири собрания авеля найжэнато районно надзирателё. Нико на ақардя лэс пэстэ тэ рятярэл. Важ када о Олафо пушля кай пэско дад и дэй, савэ на слинэ свидетеля, кай о районно надзирателё тэ ашэлпэ лэндэ пэ дэсави время. Вонэ мэклэ лэс кати сар о Олафо совэла по дивано. И важ о Олафо када на сас ԥарэс. О Олафо ԥэнэн: «Кодэва курко мэ никала на бистрава! Амэ рано тэсара ущясас и кала хасас, дасас дума бут пала со. Кода, пала со амэ дасас дума, дя манди кацаво зор, кай мэ фартэ закамлэм тэ служысарав пионероса». Сорок бэрш, савэ прожылэ, о Олафо служыяс миссионероса най андэ ек страна.

8. Васо амэ трэбуй тэ терас лашимос, дажэ сар и мануша спэрва на цэнин кода, со амэ важ лэндэ терас? Росԥэнэн.

⁸ «Тэ терэс лашимос лэ манушэнди, савэн на ӷанэс», вижала най кати кадя, сар сас пистромэ май англэ. Акэ со сас еқа ԥэяса. Вой андэ Испания сытярэлас па Библия еқа манушня, сави авеля анда Эквадоро. Ла ақарэнас Есика. Еқвар, кала и ԥэй сытярэлас ла Есика па Библия и Есика розровдяпэ. И ԥэй пушля латар: «Васо ту ровэс?». Тоди и Есика ля тэ росԥэнэн. Вой росԥэндя, кай май англал, сар вой тэ авэл андэ Испания, вой сас фартэ чороры. Еқвар латэ на сас нисо тэ хан, кай тэ дэл пэстиря бэятати, ай сас ек о паи. И Есика совлярэлас ла бэята и мангэласпэ кай о Дэл, кай во тэ поможый. Йто латэ авелэ дуй ԥэя. И Есика обжыляпэ лэнца найдраго. Вой пошындя и брошура, сави вонэ лати динэ. Анда оди вой ԥэндя: «Кадэлэса мэ трэбуй тэ праварав мэрня бэята?» И ԥэя линэ ласа тэ дэн дума, кай лати тэ авэл май фэдэр, но Есика на ашунэлас. Ӷэт май интя и ԥэя ашадэ паша латирэ вудара и корзинка лэ хамаса. О лашимос, саво тердэ важ латэ и ԥэя, фартэ ля ла лэ одестар. Сар ла линэ тэ сытярэн па Библия, вой поля, кай на додиқля лэ Дэвлэско вас андэ кода, пала со вой мангэлас. После кода и Есика закамля тэ служый лэ Иеговасти. Кода, кай и ԥэя поможысардэ лати анда вся оди, андя лашимос (Экклезиаст 11:1, 6).

ПОМОЖЫСАР АНДЭ ОСОБО ДИЛА, САВИ ТЕРЭЛ ЛЭ ДЭВЛЭСТИРИ ОРӶАНИЗАЦЫЯ

9, 10. а) Сар андэ дэлмутни время кай израильтяноря сас бут со тэ терэн андэ лэ Иеговастири дила? б) Сар и ԥрала поможын андэ собрания?

⁹ Андэ дэлмутни время кай израильтяноря сас бут, сар тэ служын лэ Иеговасти (Исход 36:2; 1 Летопись 29:5; Неемия 11:2). Адес амэндэ кадяжэ вижала тэ дас зор лэ ԥралэнди и ԥэянди кодэлэса, со амэндэ драго вижал тэ терас, пэстиря времяса и пэстирэ ловэнца. Кала терас кадя, амэ аваса фартэ лошалэ и о Иегова дэла амэнди бут лашимос.

¹⁰ Сар и ԥрала терэн лэ Дэвлэса ек дила? Андэ Библия ԥэнэнпэ, кай вонэ тэ служын помошниконэнца и старейшынонэнца (1 Тимофею 3:1, 8, 9; 1 Петра 5:2, 3). Кадэла ԥрала камэн тэ сыкавэн пэ дила, кай камэн тэ поможын и дэн помощь аврэнди, кай лэндэ тэ авэл май лащи дружба лэ Дэвлэса (Деяния 6:1 жы кай 4). Со сар и старейшыны мангэн, кай ту тэ авэс распорядителё пэ собрании, тэ диқэс пала литература, пала участкоря чи тэ диқэс пала зало, кай тидэнпэ лэ Иеговастирэ свидетеля? Терэса ту кода, со вонэ мангэн? Кодэла, ко терэл кацави дила, фартэ лошалэ.

11. Васо трэбуй тэ поможын тэ строин залоря и цэра, андэ савэ терэн лэ Дэвлэстири дила?

¹¹ И ԥрала и ԥэя, савэ авэн пэ дэсави время тэ строин залоря и цэра, андэ савэ терэн лэ Дэвлэстири дила, виарақэн котэ нэвэ друӷонэн. Ек ԥэй, савя ақарэн Марджи, авэлас пэ стройки, кай ваздэнас и залоря, кай тидэнпэ лэ Иеговастирэ свидетеля. Кадя вой служыяс 18 бэрш. Всаворэ кадэла бэрша, вой дэлас помощь лэ тэрнэ ԥэянди и сытярэлас лэн кодэлэсти, со драго екжэни ӷанэн тэ терэл. И Марджи ԥэнэн, кай кацави дила со май лащи, кай тэ подритярэн ек аврэс (Римлянам 1:12). Кала кай и Марджи сас ԥари время и ԥэя, савэнца вой подружысайля пэ стройка, динэ лати зор. Терэсас и ту пэ кацави стройка чи най? Вижылоп тутэ тэ поможыс пэ кацави стройка дажэ, кала на ӷанэс варисо анда када тэ терэс?

12. Сар тэ дэс зор лэ манушэнди, савэ попэлинэ андо ураӷано, землетрясения или инке андэ варисави бида?

¹² Сар амэ терас ек дила лэ Иеговаса, амэндэ вижылоп тэ дас зор амарэ ԥралэнди и ԥэянди, савэ попэлинэ андо ураӷано, землетрясения или инке андэ варисави бида. Дэсавэ поможын лэнди лэ ловэнца (Иоанна 13:34, 35; Деяния 11:27 жы кай 30). Инке дэсавэ мангэнпэ лэ Дэвлэсти пала лэндэ и поможын андэ кода со лэндэ тердяпэ. Габриела, ԥэй анда Польша, латэ о цэр сас фартэ розмардо, пэ саво дя о паи. Вой сас фартэ лошали тэ диқэл, кай и ԥрала анда авэр собрании авэн тэ дэн зор лати. Вой росԥэнэн: «Мэ на камав тэ дав дума пала када, со хасардэм. Када кати хабэ. Фэдэр мэ росԥэнава, пала кода кай мэ бутэсти сытелэм. Через кода, со тердяпэ, мэ патяем, кай тэ авас амэ андэ собрания бари честь и бах». Всаворэ, касти динэ зор после бида, када кадяжэ полэн. И ԥрала и ԥэя, савэ авэнас пэ дэсави время тэ поможын, савэ терэнас лэ Дэвлэса кадэя дила, слинэ фартэ бахталэ. (Адиносар Деяния 20:35d; 2 Коринфянам 9:6, 7e).

13. Васо, кала амэ поможысарас лэ ԥралэнди и лэ ԥэянди андэ собрания и нисо лэндар пала када на аштярас, амэндэ ашэл май лащи дружба лэ Иеговаса? Росԥэнэн.

¹³ И Стефани, и ԥрала и ԥэя анда латири собрания кадяжэ терэнас лэ Дэвлэса ек дила. Вонэ дэнас зор кодэлэ еренди, савэ слинэ свидетеля, и ла войнатар пэрэлаглэ андэ США. И Стефани виарақля важ лэндэ цэра и кода, со трэбуй андо цэр. Вой росԥэнэн: «Вонэ слинэ кацавэ бахталэ и ԥэнэнас «наис», кала полинэ, кай лэн фартэ любин и ԥрала и ԥэя, савэ па вся ԥув. Вонэ гиндонас, кай амэ дям зор лэнди, но па чачимастэ, вонэ динэ зор амэнди май бут. Кала амэ диқлям лэ ԥралэндири и лэ ԥэяндири любовь, кай вонэ ек пала еқэстэ, и кода, сар вонэ патян и аштярэн о лашимос лэ Дэвлэстар, амэ инке май фартэ лям тэ любисарас лэ Иеговас. Амэ анда вся оди ԥэнас лэ Дэвлэсти „наис“ важ кода, со амэнди дэл лэстири орӷанизацыя».

ТЕРЭН МАЙ БУТ АНДЭ СЛУЖЭНИЯ

14, 15. а) Со сас андо ди и по гиндон кай о пророко Исаия? б) Сар и христианоря тэ терэн, сар о пророко Исаия?

¹⁴ Камлоп тумэ тэ терэн май бут дила лэ Иеговаса? Вижылоп тумэндэ тэ пэрэладэн кордэ, кай на хутилэл кодэлэн, ко тэ росԥэнэн важ о Дэл? Хоть важ када амэнди и на трэбуй тэ ладас дур, дэсавэ ԥрала и ԥэя, савэндэ вижал када, пэрэладэн дур лэ цэрэстар, кай тэ служын. Лэндэ кацаво жэ андо ди и вонэ кадяжэ гиндон, сар о пророко Исаия. Кала о Иегова пушля: «Кас мэ тэ бишалав и ко жала важ амэндэ?» О пророко ԥэндя: «Акэтало мэ! Бишал ман» (Исаия 6:8). Камэн и тумэ тэ пэрэладан интя, кай трэбуй тэ поможын?

¹⁵ О Иисусо ԥэндя: «Урожаё фартэ баро, ай кодэлэн, ко тэ стидэл лэс, набут. Важ када мангэн кодэлэс, каско када урожаё, кай во тэ бишалэл май бут кодэлэн, ко тэ стидэн лэс». Кадэла лэ о Иисусостирэ алава сыкавэн, кай трэбуй тэ росԥэнэн важ о Дэл и тэ сытярэн нэвэ учениконэн (Матфея 9:37, 38). Вижылоп тутэ тэ пэрэладэс кордэ, кай на хутилэл манушэн, савэ росԥэнэн важ о Дэл и тэ служыс котэ пионероса? Сар най, тоди вижылоп тутэ тэ дэс зор андэ када аврэнди? Бут ԥрала и ԥэя полинэ акэ со. Со май драго тэ сыкавэс пэстири любовь лэ Дэвлэсти и кодэлэсти, ко паша тутэ, када тэ служыс пионероса. Кай? Котэ, кай о «урожаё фартэ баро, ай кодэлэн, ко тэ стидэл лэс, набут». Сар инке тэ терэс май бут дила андэ служэния, кай кадэлэстар тэ авас инке май лошалэ?

16, 17. Со инке тэ терэс, кай май бут тэ служыс лэ Иеговасти?

¹⁶ Камлоп ту тэ авэс пэ дэсави время, кай тэ поможыс андо Вефилё, инке, кай тэ строис залоря и цэра, андэ савэ терэн лэ Дэвлэстири дила чи тэ ездис тэ служыс андо Вефилё дэсавэ деса? Важ лэ Иеговастири орӷанизацыя вся время трэбуй ԥрала и ԥэя, савэ камэн тэ авэн тэ служын пэ дэсави время, каринг лэн на бишалдоп. Инке трэбуй, кай вонэ тэ терэн любо дила, сави лэнди дэн, дажэ кала вонэ ӷанэн драго тэ терэн авэр дила. Важ о Иегова фартэ куч и ԥрала и ԥэя, савэ жан пэ када и, савэ камэн тэ поможын котэ, кай трэбуй (Псалом 110:3).

¹⁷ Ай со, сар ту камэс май бут тэ сытёс, кай май бут время тэ служыс? Тоди пистросар заявления андэ школа блаӷовестников царства. Кадэя школа дэл зор лэ пионеронэнди, савэндэ састи вера, тэ терэн лэ Иеговастири дила инке май бут. Кодэла, ко камэн тэ сытён андэ кадэя школа, трэбуй тэ камэн тэ служын котэ, каринг лэн бишалэна. Камлоп и ту кадя май бут тэ терэс дила важ о Иегова? (1 Коринфянам 9:23).

18. Саво лошалимос авэла кодэлэнди, ко терэл лэ Иеговаса дила кажно дес?

¹⁸ Амэ лэ Иеговастирэ служытеля и важ када камас тэ дас анда вся оди, тэ любисарас и тэ терас лашимос кажно дес. Када анэн амэнди радость, бах, лашимос андо ди и кай тэ ладисарас аврэнца (Галатам 5:22, 23). Дэн, сар о Иегова, анда вся оди и на парашэн тэ терэн лэ Иеговаса ек дила, со бы тэ на авелоп андэ тумари жызня. Тоди тумэндэ авэла бут лошалимос! (Притчи 3:9, 10).