Тэ ӷанас тэ аштярас и тэ на холявас поможый тэ на парашас тэ аштярас англэ о лашимос

И ЖЫЗНЯ андэ кадэла послидни деса ашэл инке май ԥари, и лэ Иеговастирэ свиделёнэнди трэбуй инке май фартэ тэ аштярэн и тэ на холявэн (2 Тимофею 3:1 жы кай 5). Амэ жувас машкар мануша, савэ любин кати корко пэс, на ладин, на ӷанэн тэ ритярэн пэс андэ вас и савэ на ӷанэн тэ аштярэн и холявэн. Важ када кажно христианино трэбуй тэ погиндой: «Пэрэлэм мэ када чи най? Со када, кала о мануш па чачимастэ ӷанэн тэ аштярэл и на холявэл? Со мэ тэ терав, кай драго тэ ӷанав тэ аштярав и тэ на холявав?»

СО КАДА, КАЛА ӶАНЭН ТЭ АШТЯРЭН И НА ХОЛЯВЭН?

Андэ Библия кадэла алава сыкавэн май бут, чем кала трэбуй тэ пэрэандярэс о ԥаримос. О мануш, саво ӷанэн тэ аштярэл и на холявэл, виритярэл о ԥаримос, важ кода кай исин васо. Кацаво мануш гиндой най кати пала пэстэ, но кай тэ авэл драго аврэ манушэнди, дажэ кала вонэ лэса найдраго обжанпэ. Во на парашэл тэ аштярэл, кай вонэ лэна тэ ладин. Андэ Библия пистромэ,кай о мануш, саво любий, ӷанэн тэ аштярэл и на холявэл (1 Коринфянам 13:4)a. Кода, кай о мануш ӷанэн тэ аштярэл и на холявэл, кадяжэ ужал андэ кода, со «терэл о свынто духо» (Галатам 5:22, 23). Со тэ терас, кай амэндэ тэ авэл кода, со чалёл лэ Дэвлэсти, кай тэ ӷанас тэ аштярас и тэ на холявас?

СО ТЭ ТЕРАС, КАЙ ТЭ ӶАНАС МАЙ ДРАГО ТЭ АШТЯРАС И ТЭ НА ХОЛЯВАС

Кай тэ сыкавас пэ дила, кай ӷанас тэ аштярас и на холявас, трэбуй тэ мангас лэ Иеговастар лэско свынто духо. О Иегова дэл о свынто духо кодэлэнди, ко патял андэр лэстэ (Луки 11:13). Хоть лэско духо, када фартэ баро зор, амэ пэстиря ригатар трэбуй варисо тэ терас. Амэ трэбуй тэ терас кода, пала со мангаспэ (Псалом 86:10, 11). Важ када трэбуй кажно дес тэ терас вся, кай драго пэс тэ андярас и пэ дила тэ сыкавас, кай ӷанас тэ аштярас и на холявас. Но дэкала амэ парашас тэ аштярас и холявас. Со тоди поможыя амэнди?

Тэ ӷанас инке май драго тэ аштярас и тэ на холявас амэндэ вижала, кала гиндосарас пала Иисусо, саво сас би бэзэхэско и на шылияспэ и терас кадя, сар во. О апостоло Павло ԥэндя, кай о мануш, саво ӷанэн тэ аштярэл и на холявэл, када ек анда кода, сар драго андярэл пэс о мануш, саво ашэл «нэвэ манушэса». Инке во пистросардя: «Мэк андэ тумарэ одя хулай авэла лэ Христоско лашимос и кай тэ ладисарас аврэнца» (Колоссянам 3:10, 12, 15). Кай андэ амаро ди тэ авэл хулай кадэва лашимос, амэнди трэбуй, сар и о Иисусо, фартэ тэ патяс, кай о Дэл андэ пэстири время улэла кода, со терэлпэ найдраго. Кала амэ терас кадя, сар о Иисусо, тоди, амэндэ вижала тэ ритярас пэс андэ вас. Вижала дажэ, кала амэндэ исин варисаво ԥаримос и ԥарэс важ када тэ аштярас и тэ на холявас (Иоанна 14:27; 16:33).

Всаворэ амэ камас, кай кода, со ԥэндя о Дэл важ о нэво миро, май йто тэ стерэлпэ. Но кала амэ сэрас, сар о Иегова ӷанэн тэ аштярэл и на холявэл пар мэндэ, амэ сытювас инке май драго тэ ӷанас тэ аштярас и тэ на холявас. Андэ Библия ԥэнэнпэ: «О Иегова на цырдэл и время, сар дэсавэ гиндон, кай тэ стерэл кода, пала со дя алав. Во аштярэл тумэн и на холявэл, важ кода кай на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ» (2 Петра 3:9). Кала амэ гиндосарас, сар о Иегова аштярэл амэн и на холявэл пар мэндэ, тоди и амэ кадяжэ андяраса пэс аврэнца (Римлянам 2:4). Кала амэнди трэбуй авэла тэ аштярас и тэ на холявас?

КАЛА ТРЭБУЙ АВЭЛА ТЭ АШТЯРАС И ТЭ НА ХОЛЯВАС?

Бут кай андэ жызня амэнди трэбуй тэ аштярас и тэ на холявас. Ԥэнаса, о мануш камэл тути пала варисо тэ росԥэнэн, и катэ тути камэлпэ тэ ԥэнэс, сар ту гиндос, кай када фартэ трэбуй. Катэ трэбуй тэ аштярэс, кай тэ на пэрэмарэс кодэлэс, ко тути росԥэнэн и тэ виашунэс лэс (Иакова 1:19). Амэнди кадяжэ фартэ трэбуй тэ ӷанас тэ аштярас и тэ на холявас тоди, кала варико анда ԥрала и ԥэя холярэн амэн. Чем тэ холявас, фэдэр погиндосарам, сар о Иегова и о Иисусо диқэн пэ кода, кала амэ терас варисо най кадя. Вонэ на шон сама пэ кода найбаро, со амэ терас най кадя, ай терэн вся, кай тэ диқэн андэр мэндэ варисо лашо и аштярэн, кала амэ парудюваса (1 Тимофею 1:16; 1 Петра 3:12).

Тэ аштярас и тэ на холявас инке трэбуй авэла тоди, кала варикасти здяпэ, кай амэ ԥэндям чи стердям варисо най кадя. Пэрво, со камэлпэ тэ стерэс, када тэ холявэс чи тэ доԥэнэс, кай ту найдошало. Но андэ Библия ԥэнэнпэ: «Кодэва, ко ӷанэн тэ аштярэл и на холявэл фэдэр кодэлэстар, ко гиндой пала пэстэ бут. На грабисав тэ холявэс, важ кода кай и холи жувэл андо ди кай найгодявэрнэ мануша» (Экклезиаст 7:8, 9). Дажэ кала тут дошалярэн андэ кода, со ту на тердян, тер вся, кай тэ ритярэс пэс андэ вас и нисо тэ на ԥэнэс и тэ на терэс. Кадя о Иисусо и терэлас, кала ашунэлас, сар авэр мануша лэс дошалярэнас андэ кода, со во на тердя (Матфея 11:19).

Лэ дадэнди и лэ дэянди инке май фартэ трэбуй тэ ӷанэн тэ аштярэн и тэ на холявэн. Васо? Кала вонэ диқэн, кай лэндирэ бэятцэ андярэн пэс найдраго и камэн тэ терэн варисо вэрыто. Акэ со сас лэ Маттиасоса, саво служый андо скандинавско филиало. Кала во сытёлас андэ школа, лэстар вся время асанаспэ важ лэстири вера. Спэрва о дад и дэй нисо пала када на ӷанэнас. Но кода, кай лэстар асанаспэ, на прожыля кадя. О дад и дэй шутэ сама, кай о Маттиасо ля тэ на допатял андо чачимос анда Библия. О Йиллисо лэ Маттиасоско дад, росԥэнэн: «Амэнди андэ кадэя время трэбуй сас тэ на холявас и тэ аштярас. О Маттиасо вся время пушэлас: „Ко када о Дэл? Ай со сар и Библия када най лэ Дэвлэско алав? Катар тумэ ӷанэн, кай котэ пистромэ кода, со о Дэл камэл?“» О Маттиасо кадяжэ пушэлас пэстирэ дадэстар: «Васо тумэ сындон ман кати важ кода, кай мандэ най кацави вера и мэ на любисарав лэ Дэвлэс кадя, сар тумэ?»

О Йиллисо инке ԥэнэн: «Дэкала, кала во пушэлас, лэстэ сас холи, но най пэр мандэ ла хулаяса, ай по чачимос, саво во гиндояс, кай стердя лэстири жызня май ԥари». Сар о Йиллисо андэ када поможыяс пэстирэ шавэсти? Во росԥэнэн: «Амэ лэ Маттиасоса часонэнца бэшасас и дасас дума. Май бут дэлас дума во, ай мэ дэкала лэстар пушавас, кай май драго тэ полав, со во гиндой и со лэстэ андо ди. Сас кацаво, кай мэ лэсти варисо ԥэнавас, кай во тэ погиндой, и через ек, дуй дес амэ рисавасас каринг амари дума. Ай дэкала манди трэбуй сас най ек дес, кай тэ погиндосарав пала лэстирэ алава. По набут о Маттиасо ля тэ полэл, со када, кала витинэн, со када само бари лэ Дэвлэстири власть и со када, кала о Дэл любий. Амэнди трэбуй сас бут время и зор, но по набут андэ лэско ди ашэля любовь каринг о Иегова. Амэ ла хулаяса кацавэ лошалэ, кай на парашасас тэ аштярас и на холявасас. Кадя амэ поможысардям амарэ шавэсти андэ лэстирэ тэрнэ бэрша! Кода, кай амэ стодям бут зор, андя лашимос. Амэндэ вижыля тэ терас кадя, кай о Иегова тэ авэл андэ лэско ди».

О Йиллисо ла хулаяса фартэ патянас лэ Иеговасти, ӷанэнас тэ аштярэн и на холявэнас, кай тэ поможын пэстирэ шавэсти. О Йиллисо най еқвар ԥэнэнас лэ Маттиасости: «Амэ тиря даса фартэ тут любисарас и мангас лэ Иеговас, кай во тэ поможый тути тэ полэс, кай када чачимос». Лэ Маттиасоско дад и дэй фартэ лошалэ, кай аштярэнас и на холявэнас. Фартэ куч, кала о мануш ӷанэн кадя пэс андярэл!

Кадяжэ лэ христианонэнди трэбуй тэ ӷанэн тэ аштярэн и тэ на холявэн, кала диқэн пала пэско чачо мануш, савэстэ насвалимос, саво на отжал. Акэ со сас ла Элленасаb, сави кадяжэ жувэл андэ ек скандинавско страна.

Восемь бэрш палпалэ кай ла Элленако хулай слинэ дуй инсульторя, савэндар лэстэ и годи линэ тэ терэн набут па аврятэ. Во парашэля тэ полэл и тэ жалуий, тэ лошавэл и лэстэ парашэля тэ авэл дук андо ди. Кати погиндосар, сар дэ ԥарэс сас ла Элленати. Акэ латирэ алава: «Манди трэбуй тэ на холявав и бут тэ аштярав, и мэ бут мангавпэ. Манди ашэл май вушэро, кала адиносарав мэрно любимо стихо Филиппийцам 4:13, андэ саво ԥэнэнпэ: „Пэ вся мандэ исин зор, важ кода кай исин кодэва, ко лэс манди дэл“». Через кода кай о Иегова поможый ла Элленати, кай вой тэ ӷанэн тэ аштярэл и тэ на холявэл, вой вся пэрэандярэл. Вой фартэ патял, кай о Иегова дэл лати зор (Псалом 62:5, 6).

СЫТЁН ЛЭ ИЕГОВАСТАР ТЭ ӶАНЭН ТЭ АШТЯРЭН И ТЭ НА ХОЛЯВЭН

Кастар амэнди трэбуй тэ сытювас, када лэ Иеговастар. Во амэн сытярэл тэ ӷанас тэ аштярас и тэ на холявас (2 Петра 3:15). Андэ Библия амэ най еқвар адиносарас, сар о Иегова ӷанэн тэ аштярэл и на холявэл (Неемия 9:30; Исаия 30:18). Сэрэн тумэ, сар о Иегова андярдя пэс, кала о Авраамо най еқвар пушэлас лэстар пала кода, кай во камэл тэ улэл о Содомо? О Иегова на пэрэмарэлас лэ Авраамос, но аштярэлас, кала во виԥэндёла и кадя сас най еқвар. Када дицол анда кода, сар о Иегова пэрэԥэнэнас лэстирэ алава, андэ савэ дицолас, кай о Авраамо фартэ загиндояспэ. Но о Иегова лэсти ԥэндя, кай на улэла о Содомо, дажэ сар котэ авэна дэш мануш, савэ кандэн лэс (Бытие 18:22 жы кай 33). О Иегова ӷанэн тэ аштярэл и на холявэл, важ када во виашунэл и ритярэл пэс андэ вас!

Всаворэ христианоря трэбуй тэ ӷанэн тэ аштярэн и тэ на холявэн. Кала вонэ кадя пэс андярэн, вонэ терэн сар «нэвэ мануша». Сар амэ терас вся, кай тэ авас кацавэ, амэ кадэлэса терас, кай тэ авэл ашунгло амаро любящё дад, саво по нэбо, и саво ӷанэн тэ аштярэл и на холявэл. Тоди кодэлэнди, «ко патянас и ӷанэнас тэ аштярэн и на холявэнас, через када о Дэл лэнди дэла кода, со ԥэндя» (Евреям 6:10 жы кай 12).