Подритярэн лэ ԥэян

1. Сар поможын и ԥэя андэ собрания, и саво ԥаримос исин андэ лэндири жызня? (Диқэн и картинка пэ обложка.)

АНДЭ собрания и ԥэя фартэ поможын. Вонэ дэн каминтарии, росԥэнэн пала Дэл, диқэн пала Зало Царства и подритярэн аврэн андэ собрания. Амэ фартэ лошалэ, кай андэ собрания исин кацавэ ԥэя. Но андэ лэндири жызня исин и ԥаримос. Пэ варикастэ тасавэл о родо важ лэндири вера. Варико диқэл пала пэстирэ родителя, савэ андэ бэршэндэ. Ай дэсавэ ԥэянди прижалпэ би хуласко тэ барярэн лэ бэятонэн и тэ терэн бут бути.

2. Васо трэбуй тэ подритярэн лэ ԥэян андэ собрания?

² Васо трэбуй тэ подритярас лэ ԥэян андэ собрания? Важ кода кай о миро на стол патив пэ жувля. Ай и Библия сытярэл па аврятэ. Дажэ о апостоло Павло, кала сас фарисеё, на столас патив пэ жувля. Ай кала во ашэля христианино, во ля тэ терэл, сар о Иисусо, и ля тэ стол пэр лэндэ патив (1 Коринфянам 11:1). Например, кала во пистрояс пэско письмо андо Римо, во пистросардя, кай ла ԥья, савя ақарэнас Фива, тэ прилэн драго андэ собрания и «тэ поможын лати андэ вся» (Римлянам 16:1, 2).

3. Сар о Иисусо андярэлас пэс лэ жувлянца?

³ О Иисусо на шоласпэ пэ барэ мануша андэ иудейско вера. Во столас патив пэ жувля (Иоанна 4:27). Ек учоно мануш ԥэндя, кай о Иисусо никала на дэлас дума пала жувля нисо вэрыто. Наоборот, пэ жувля, савэ терэнас кода, со чалёл лэстирэ Дадэсти, во столас бари патив. О Иисусо андярэлас пэс лэнца, сар ԥэянца. И вонэ лэсти сас кадяжэ куч, сар и мурша андэ лэ Иеговастири собрания (Матфея 12:50).

4. Пала со амэ подаса дума андэ кадэя статья?

⁴ О Иисусо сас ӷотово вся и время тэ поможый лэ жувлянди, савэ служынас лэ Дэвлэсти. Во цэнияс кода, со вонэ терэнас и зашоласпэ пала лэндэ. Андэ кадэя статья амэ подаса дума, сар амэ тэ терас, сар о Иисусо и тэ подритярас лэ ԥэян андэ собрания.

ШОН САМА АМАРЭ ԤЭЯН АНДЭ СОБРАНИЯ

5. Васо дэсавэ ԥэянди ԥарэс тэ виарақэн и время, кай тэ побэшэн лэ ԥралэнца и лэ ԥэянца?

⁵ Всаворэнди амэнди, и лэ ԥралэнди и лэ ԥэянди, трэбуй тэ проандярас время лэ друӷонэнца. Но лэ ԥэянди дэкала найвушэро тэ виарақэн кацави общения. Ек ԥэй, савя ақарэн Вераb ԥэнэн, важ кода кай вой наймиростэ, дэкала латэ исин кацаво гиндо, кай нэ сможэт тэ стерэл май бут андэ собрания и андэ собрания моӷут тэ обжанпэ и би лако. Ай авэр ԥэй, савя ақарэн Света, служый сар пианеро и вой пэрэлагля андэ авэр форо, кай май бут тэ росԥэнэн пала Дэл. Вой росԥэнэн, кай кала вой пэрэжыля андэ авэр собрания, латэ сас кацаво по ди, кабута вой совсем екжэнёры. Ай дэсавэ ԥэя най фартэ пашэ пэстирэ ереса, важ кода кай лэнго ери на патял лэнца андо ек Дэл. И андэ собрания вонэ нэ чуствуют пэс, сар андо ери. Ай варикасти анда ԥэя здэлпэ, кай вонэ екжэнэ, важ кода кай лэндэ исин варисаво насвалимос, и вонэ через када нэ моӷут тэ вижан анда цэр. Или лэнди прижалпэ тэ диқэн пала варикастэ анда родо, кастэ исин варисаво насвалимос. И ԥэй, савя ақарэн Алёна, росԥэнэн, кай кала ла ақарэн варикай тэ побэшэл, вой нэ можэт тэ жал, важ кода кай вой трэбуй тэ диқэл пала пэстири насвали дэй.

6. Сар о Иисусо поможысардя ла Марфати и ла Марияти, сар запистромэ андэ Луки 10:38—42?

⁶ Подам дума, сар о Иисусо шолас сама лэ жувлян, савэ кандэнас лэ Дэвлэс, и сави лэстэ сас дружба ла Марфаса и ла Марияса, савэ на сас миростэ. (Адиносар Луки 10:38—42c.) Ла Марияти и ла Марфати сас драго паша Иисусо. Еқвар и Мария на дарайля тэ бэшэл паша лэ Иисусостирэ пэрнэ, кай тэ сытёл лэстарd. Ай и Марфа на дарайля тэ росԥэнэн лэ Иисусости, кай вой холинати пэ пэсти ԥэй, кай кодэя на дя лати помощь. О Иисусо росԥэндя лэ ԥэянди, кай авелоп драго тэ полэн, со андэ жызня май важно. И важ кода кай о Иисусо часто лэндэ авэлас и вонэ дружынас, именно лэстэ и Мария и Марфа манглэ помощь, кала занасвайля лэнго чачо ԥрал о Лазарё, саво жувэлас лэнца (Иоанна 12:1—3; Иоанна 11:3, 5).

7. Сар амэ можэм тэ шас сама лэ ԥэян?

⁷ Дэсавэ ԥэянца амэ диқаспэ кати андо Зало Царства. Важ када, кала амэ лэн котэ диқас, амэ трэбуй тэ шас сама лэн, анда вся оди тэ пушас лэндар, сар вонэ, сар лэндэ и дила, и тэ подас дума лэнца. И Вера, пала сави сас пистромэ май упрэ, росԥэнэн, кай ла фартэ подритярэл, кала и ԥрала и ԥэя хвалин ла пала латирэ каминтарии, и кала ақарэн ла пэ служэния. Ай и ԥэй и Анжэла росԥэнэн, кай вой ӷанэн, кай если вой промэкэла и собрания, лати точно варико позвония и пушэла, сар латэ и дила, и васо вой на авеля. Амэнди трэбуй тэ терас вся, со па амаро зор, кай и ԥэя тэ диқэн, кай вонэ амэнди куч.

8. Андэр со инке амэ можэм тэ сытювас лэ Иисусостар?

⁸ О Иисусо витидэлас время, кай тэ подэл дума и тэ виашунэл лэ жувлян, савэ кандэнас лэс. Во полэлас, кай дэсавэнди ԥарэс кодэлэстар, кай вонэ екжэнэ. Но во ԥэндя, кай о мануш можэт тэ авэл бахтало, дажэ кала во найжэнато чи наймиростэ или, кала лэстэ нинай ери (Луки 11:27, 28). О мануш авэла па чачимастэ бахтало кати тоди, кала и служэния лэ Иеговасти авэла лэстэ пэ пэрво ҭан (Матфея 19:12). Амэ тожэ трэбуй тэ сытювас кай о Иисусо. Амэ можэм тэ ақарас лэ ԥэян анда собрания пэстэ цэрэ, кай тэ побэшас лэнца, тэ хас и тэ подас дума. Но кала дас дума, трэбуй тэ следисарас, кай посли амарэ алава тэ авэл лэндэ драго по ди (Римлянам 1:11, 12). Кадяжэ и старейшыноря трэбуй тэ диқэн пэ ԥэя, савэ наймиростэ, сар о Иисусо.

9. Со моӷут тэ терэн и старейшыноря, кай тэ поможын лэ ԥэянди?

⁹ Важно, кай о старейшына тэ андярэл пэс ла ԥьяса андэ собрания кадяжэ, сар пэстиря чаче ԥьяса чи сар пэстиря даса. И сар и старейшыноря моӷут тэ шон сама лэ ԥэян? (1 Тимофею 5:1, 2). Вонэ моӷут тэ витидэн время англа кода, сар залэлпэ и собрания или посли собрания, кай тэ подэн дума ла ԥьяса. Если вонэ на бистрэн када тэ терэн, тоди и ԥэя полэн, кай пала лэндэ заботинпэe. И ԥэй Кристина росԥэнэн, кай латэ вся и время сас бут дила. Вой служыяс сар пианеро и инке терэлас пэ бути. И ек старейшына шутя сама и пушля, сар латэ када вся вижал. Лати чалеля, кай во шутя сама ла. Ай авэр ԥэй, савя ақарэн Анита, росԥэнэн, сар лати поможый кода, кай ласа дэн дума и старейшыноря. И Анита ԥэнэн, кай вой май драго уӷанэн лэн, ай вонэ ла. Важ када, кала лати ԥарэс, лати вушэро тэ пашол лэндэ и тэ мангэл помощь.

ЦЭНИН КОДА, СО ТЕРЭН И ԤЭЯ

10. Состар лэ ԥэяндэ драго по ди?

¹⁰ Всаворэнди амэнди чалёл, кала шон сама пэ кода, со амэндэ драго вижал тэ терас. Ай кадяжэ, кала амэн хвалин, важ кода кай амэ драго стердям варисави дила. И если кадя на терэн, тоди амэнди найдраго по ди. Ек ԥэй, сави наймиростэ и савя ақарэн Алина, росԥэнэн, кай вой кати и ашунэн алава: „Ту щей а кодэлэндири“, „Ту ԥэй а кодэлэстири“, ай пэр латэ совсем на шон сама. Ай и Полина, сави наймиростэ ԥэнэн, кай бут бэрша служыяс сар мисианеро, ай потом рисайля цэрэ тэ диқэл пала пэстирэ ԥурэ родителя. Акана лати май бут чем 70 бэрш и вой кадяжэ служый пианероса. И Полина ԥэнэн, кай лати кадя драго по ди, кала ла хвалин, со вой терэлас и со терэл акана.

11. Сар о Иисусо сыкадя, кай во цэний, кай важ лэстэ заботинаспэ и жувля?

¹¹ О Иисусо цэнияс кода, со терэнас важ лэстэ и жувля, савэ даранас лэ Дэвлэстар, и савэ заботинаспэ пала лэстэ (Луки 8:1—3). Во най кати прилэлас лэндар и помощь, но и росԥэнэнас лэнди и гиндоря, савэ сас найвушэро тэ полэн. О Иисусо росԥэндя лэнди, кай во мэрэла, ай потом рияпэ каринг и жызня (Луки 24:5—8). Кадяжэ сар и лэ апостолонэн, во сытярдя лэн, сар тэ виритярэн о ԥаримос, саво лэндэ авэла (Марка 9:30—32; 10:32—34). Кадяжэ можэм тэ шас сама, кала лэ Иисусос астардэ, лэстирэ апостолоря ашадэ лэс и занашлэ. Ай дэсавэ жувля сас паша лэстэ, тоди кала во мэрэлас по столбо (Матфея 26:56; Марка 15:40, 41).

12. Сави дила о Иисусо дэлас лэ жувлянди?

¹² О Иисусо дэлас лэ жувлянди тэ терэн важно дила. Пэрви, ко додиқля лэ Иисусос, кала во рисайля каринг и жызня, сас и жувля. Во ԥэндя лэнди, кай вонэ тэ росԥэнэн када лэ апостолонэнди (Матфея 28:5, 9, 10). Кадяжэ андэ Пятидесятница андо 33 бэрш лэ И. Х. машкар христианоря, пэ савэ сжыля о свынто духо, файма, сас и и жувля. Если када кадя, тоди кодэла ԥэя, савэ сас помазани свынтонэ духоса, диқлэ чуда и линэ тэ дэн дума пэ разни шыба и тэ росԥэнэн «пала бари лэ Дэвлэстири дила» (Деяния 1:14; 2:2—4, 11).

13. а) Со и ԥэя терэн андэ служэния лэ Иеговасти? б) Сар тэ сыкавас, кай амэ цэнисарас кода, со вонэ терэн?

¹³ Амарэ ԥэян трэбуй тэ хвалисарас пала вся, со вонэ терэн андэ служэния лэ Иеговасти. Вонэ строин и диқэн пала здании, андэ савэ тэлён лэ Иеговасти. Вонэ поможын, кала тердяпэ бида андэ природа. Вонэ сытён авэр шыб, кай тэ росԥэнэн важ о Дэл, пэрэандярэн и литература пэ авэр шыба, ай кадяжэ вонэ служын сар добровольцоря андо Вефилё. И инке вонэ служын сар пианероря и мисианероря. И ԥэя сытён андэ школы, андэ савэ сытён и и ԥрала. Када Школа важ и пианероря, Школа важ кодэла, ко росԥэнэн пала Царство и Школа Галаад. Ай инке, кай дэсавэ ԥэя кай о хулай исин бут почотно дила андэ собрания или андэ лэ Дэвлэстири арӷанизацыя. И если кадэла ԥэя тэ на подритярдоп лэн, файма, лэндэ на вижылоп тэ терэн драго кадэя дила и тэ авэн кацавэ манушэнца, «савэ сар подаркоря» (Эфесянам 4:8). Ай сар тумэ можэте тэ подритярэн лэ ԥэян?

14. Со ԥэнэнпэ пала ԥэя андэ Псалом 68:11 и со терэн и мудри старейшыноря?

¹⁴ И мудри старейшыноря полэн, кай и ԥэя со май драго ӷанэн тэ росԥэнэн важ о Дэл и андэ Библия ԥэнэнпэ, кай и ԥэя, сар «баро войско», саво анда вся оди служый лэ Иеговасти. (Адиносар Псалом 68:11f.) И важ када и старейшыноря камэн тэ сытён кай и ԥэя, сар май драго тэ росԥэнэн важ о Дэл. И ԥэй и Алина, пала сави дям дума, росԥэнэн, кай лати чалёл, кала и ԥрала пашон и пушэн латар, пала со чалёл лэ манушэнди тэ дэн дума андэ служэния. Вой ԥэнэн, кай блаӷодаря кадэлэсти вой патял, кай о Иегова дя лати тэ терэл важно дила андэ лэстири арӷанизацыя. Ай инке и старейшыноря полэн, кай май взросли ԥэя, савэндэ лащи дружба лэ Иеговаса, моӷут тэ поможын лэ тэрнэ ԥэянди, савэндэ исин ԥаримос (Титу 2:3—5). Лэ ԥэян трэбуй тэ блаӷодарисарас и тэ цэнисарас!

ПОМОЖЫН ЛЭ ԤЭЯНДИ И ЗАШОНПЭ ПАЛА ЛЭНДЭ, КАЛА ТРЭБУЙ

15. Андэ савэ маменторя лэ ԥэянди можэт авэла трэбуй амари помощь?

¹⁵ Дэкала лэ ԥэяндэ исин кацавэ маменторя андэ жызня, андэ савэ трэбуй тэ зашаспэ пала лэндэ и тэ поможысарас лэнди (Исаия 1:17). Ла ԥьяти, савя ашадя о хулай или сави ԥивли, можэт трэбуй тэ авэл помощь андэ вопросоря, савэнца залэласпэ лако хулай. Ай ла ԥьяти, сави андэ бэршэндэ, можэт трэбуй авэла, кай важ латэ тэ подэн дума лэ врачонэнца. Ай пала авэр ԥэй трэбуй тэ зашаспэ, кала авэр гиндон и дэн дума пала латэ, кай вой набут служый, хоть вой и служый пианероса и терэл авэр дила андэ лэ Иеговастири арӷанизацыя. Сар тэ поможысарас кацавэ ԥэянди? Подам дума, сар терэлас о Иисусо и сар амэ можэм тэ сытювас лэстар.

16. Сар о Иисусо зашутяпэ пала Мария, сар запистромэ андэ Марка 14:3—9?

¹⁶ О Иисусо сразу жэ зашоласпэ пала жувля, савэ вмести лэса служынас лэ Иеговасти, кала кадэлэ жувлян полэнас нэправильно (Луки 10:38—42). Кадя во зашутяпэ пала Мария, кала и Марфа холяйля пэр латэ. Ай авэр разо во зашутяпэ пала Мария, кала пэр латэ ԥэндэ, кай вой нэправильно стердя. (Адиносар Марка 14:3—9g.) О Иисусо полэлас, кай и Мария стердя када анда вся оди и похвалисардя ла, кай вой камля тэ подритярэл лэс андэ лэстири служэния. И во ԥэндя: «Вой стердя важ мандэ лащи дила, вой стердя со моӷла». И инке о Иисусо ԥэндя, кай па вся и люма, кала авэна тэ росԥэнэн важ о Дэл, сгиндона пала кадэя жувли и росԥэнэна, со вой стердя важ лэстэ. И андэ кадэя статья пала када кадяжэ ԥэнэнпэ. Сар жэ подритярдэ ла Мария лэ Иисусостирэ алава!

17. Кала трэбуй тэ зашаспэ пала ԥэя? Росԥэнэн, со можэт тэ авэл ла ԥьяса андэ собрания.

¹⁷ Ай тумэ зашонпэ пала ԥэя анда собрания, кала када трэбуй? Например, андэ тумари собрания исин ԥэй, савятэ о хулай на служый лэ Иеговасти, и вой часто авэл най вовремя пэ собрания и сразу ужал посли лэндэ. Ай кадяжэ вой ридко лэл пэса пэ собрании лэ бэятонэн. И дэсавэ вазвещятеля лэн тэ дэн дума пала кадэя ԥэй, кай вой фартэ ковлэс дэл дума пэстирэ хуласа, и важ када во на мэкэл лэ бэятонэн пэ собрании. Но па чачимастэ кадэя ԥэй терэл вся, со андэ лако зор и вой всегда пушэлпэ пэстирэ хуластар тэ терэл варисави дила. И кадяжэ во, сар хулай андо ери, ришает, со лэна тэ терэн лэндирэ бэяцэ. Сар амэ можэм тэ зашаспэ, кала кадя дэн дума пала ԥэй? Хвалин ла и дажэ тоди, кала ла нинай пашэ. Кадя тумэ поможына, кай будэр пала латэ тэ на дэн дума найдраго.

18. Сар инке амэ можэм тэ поможысарас лэ ԥэянди?

¹⁸ Ай инке амэ можэм тэ поможысарас амарэ ԥэянди андэ собрания пэ дила (1 Иоанна 3:18). И Раё росԥэнэн, кай дэсавэ ԥрала и ԥэя авэн латэ цэрэ, кай тэ побэшэн латиря даса, сави насвали, кай вой тэ стерэл авэр варисави дила. Или анэн лати хамос. Тоди вой диқэл, кай ла полэн и подритярэн. Ай авря ԥьяти, савя ақарэн Роза, о ԥрал подԥэндя, сар тэ диқэл пала вурали. Вой ԥэнэн, кай лати фартэ приятно, кай и ԥрала и ԥэя заботинпэ пала латэ и подԥэнэн, со тэ терэл, кай и вурали май драго тэ ездий.

19. Сар моӷут тэ поможын лэ ԥэянди и старейшыноря?

¹⁹ И старейшыноря ӷанэн, кай важ о Иегова фартэ важно, кай тэ заботинпэ пала ԥэя. И вонэ старыинпэ кадя и тэ терэн (Иакова 1:27). Старейшыноря терэн, сар о Иисусо, кала на стон лэ ԥэянди пэстирэ правилоря, ай наоборот, старыинпэ тэ полэн и тэ андярэн пэс ковлэс лэнца (Матфея 15:22—28). Кала и ԥэя диқэн, кай и старейшыноря фартэ камэн тэ поможын лэнди, тоди ԥэя лэн тэ полэн, кай пала лэндэ заботийпэ о Иегова и лэстири арӷанизацыя. Ла ԥьяти, савя ақарэн Кристина, трэбуй сас тэ пэрэладэл. Вой фартэ пэрэжывала. И пала када уӷангля о ԥрал, саво диқэлас пала ӷруппа, андэ сави вой сас. И во сразу стердя кадя, кай лати тэ поможын. Вой росԥэнэн, кай када поможысардя лати фартэ тэ на пэрэжывает. Через и лашэ алава, савэ ԥэнэнас лати и старейшыноря и через лэндири помощь вой поля, кай вой куч андэ собрания и андэ ԥари время вой на ашэлапэ екжэни.

ВСАВОРЭ ԤЭЯНДИ ТРЭБУЙ, КАЙ ЛЭН ТЭ ПОДРИТЯРЭН

20, 21. Сар тэ сыкавас, кай амэнди куч всаворэ ԥэя андэ собрания?

²⁰ Амарэ кучутнэ ԥэя андэ собрании бут со терэн важ авэр! Вонэ лашэ, сомнаконэ и амэ камас лэн тэ подритярас! И важ када амэ можэм тэ терас кадя жэ, сар терэлас о Иисусо. Амэ можэм тэ шас сама лэ ԥэян, тэ витидас время, кай тэ подас дума лэнца и май драго тэ уӷанас лэн. Кадяжэ тэ хвалисарас лэн, важ кода кай вонэ бут со терэн андэ служэния лэ Иеговасти и тэ зашаспэ пала лэндэ, кала када трэбуй.

²¹ Кадяжэ и о Павло шолас сама лэ ԥэян, кала пистрояс андэ пэстирэ письморя пала лэндэ и хвалияс лэн (Римлянам 16:1, 3, 6, 12, 13, 15). Лэнди када фартэ чалеля. Ласа и амэ тэ подритярас лэ ԥэян андэ амари собрания. Кадя амэ сыкаваса, кай вонэ куч и важ амэндэ и важ и собрания.