Обжавпэ мэ лэ жувлянца кадя жэ, сар о Иегова?

Андэ дэсавэ страны и мануша гиндон, кай о мурш май лашо, чем и жувли. О Хансо, о раёно барэдэр ԥрал анда Боливия, ԥэнэн: «Дэсавэ шаворэ вибарелэ андэ культура, кай о чачуно мурш — када кодэва, ко андярэл пэс ӷрубо, фартэ патял андэр пэстэ и обжалпэ лэ жувлянца би пативако. И важ када ԥэнэн, кай во муршари». О Шэн Сянё, барэдэр ԥрал анда Тайвань, ԥэнэн: «Котэ, кай мэ жував, бут мурша гиндон, кай и жувли на трэбуй тэ ӷулел андэ муршыкани дила и кай латэ нинай нисаво право тэ виԥэнэн пэско гиндо. Если о мурш соӷласияпэ ла жувляса, и друӷоря ԥэнэна, кай во подкаблучнико». Дэсавэ мурша най кадя ворта сыкавэн, кай на стон патив пэ жувля. Но андэ пэстирэ ԥэряса, вонэ всаек сыкавэн, кай и жувли нисо на ашэл.

Но сави бы культура кай о мануш тэ на авэл, во можэт тэ парудёл андэ лащи риг. Дажэ если котэ, кай ту вибарелян, гиндон, кай о мурш андэ вся май лашо ла жувлятар, ту нэ обязано тэ гиндос кадяжэ (Эф. 4:22—24). Тэ парувэс пэско гиндо можно кати тоди, кала сытёс кай о Иегова. Андэ кадэя статья амэ подаса дума пала трин вопросоря: Сар о Иегова обжалпэ лэ жувлянца? Со поможыя лэ ԥралэнди тэ обжанпэ лэ жувлянца кадя жэ, сар во? И сар и барэдэр ԥрала андэ собрания моӷут андэ када тэ подэн примеро аврэнди?

САР О ИЕГОВА ОБЖАЛПЭ ЛЭ ЖУВЛЯНЦА?

О Иегова сыкавэл со май лашо примеро, сар тэ обжаспэ лэ жувлянца. Во амаро Дад и любий всаворэ́ пэстирэ ерес (Иоан. 3:16). Ай амарэ ԥэя важ лэстэ, сар любими дочи. Давайте диқаса, андэр со дицол лэ Иеговастири патив каринг и жувля.

Во диқэл пэ всаворэ еқэндар. О Иегова создал лэ муршэс и ла жувля пар пэстэ (Быт. 1:27). О Дэл на стердя кадя, кай о мурш тэ авэл май годявэр и май лашо ла жувлятар (2 Лет. 19:7). О Дэл дя лэнди одинаково возможность тэ полэн о чачимос анда Библия и тэ шонпэ пэр лэстэ. Кадяжэ о Иегова одинаково блаӷословий лэн важ и вера. Во дя лэ муршэнди и лэ жувлянди надежда, кай лэна тэ жувэн андо раё пэ ԥув или тэ правин сар рашая по нэбо (2 Пёт. 1:1). Драго дицол, кай о Иегова ни андэр со на тэлярэл лэ жувлян!

Во ашунэл лэн. Лэ Иеговасти най всаек, савэ пэрэжывании и со по ди кай и жувля. Например, во внимательно ашунэлас, кала мангэнаспэ и Рахиль и Анна. Во дэлас лэнди кода, пала со вонэ мангэнас лэс (Быт. 30:22; 1 Сам. 1:10, 11, 19, 20). О Иегова позаботисайля, кай андэ Библия тэ авэл запистромэ, сар и мурша приашундёнаспэ каринг кода, со ԥэнэнас и жувля. Например, о Авраамо стердя кадя, сар ԥэндя о Иегова, и кангля пэстиря хулая, ла Сарра (Быт. 21:12—14). О царё Давидо виашундя ла Авигея. Во дажэ ԥэндя, кай о Иегова ла бишалдя, кай лэса тэ подэл дума (1 Сам. 25:32—35). О Иисусо, саво андэ вся шоласпэ пэ пэско Дад, внимательно ашунэлас кода, со ԥэнэнас лэстири дэй, и Мария (Иоан. 2:3—10). Кадэла примероря сыкавэн лэ Иеговастири патив каринг и жувля. И када дицолас андэ кода, кай во виашунэлас лэн.

Во патял лэнди. Например, о Иегова дя задания лэ Адамости и ла Евати тэ заботинпэ пала ԥув (Быт. 1:28). О Дэл сыкадя, кай цэнуий ла Ева кадя жэ, сар лэ Адамос, важ кода кай во создал ла, кай вой тэ поможый пэстирэ хуласти. О Иегова дя важно задания и аврэ жувлянди. Например, ла Деворати, и ла Хулдати. Вонэ пэрэдэнас лэ Дэвлэстирэ алава лэ народости. Лэндар дажэ мангэнас о совето и сындомаря и царёря (Суд. 4:4—9; 2 Цар. 22:14—20). Адес о Иегова кадяжэ доверяет лэ жувлянди. И ԥэя росԥэнэн и лащи новость, служын сар пианероря и мисианероря. Вонэ терэн проекторя важ и Залоря Царства и важ и вефильски здании, строин лэн и диқэн пала лэндэ. Дэсавэ ԥэя служын андо Вефилё, ай авэр андэ удалёни перевочиски офисоря. Кадэла ԥэя, сар баро войско, дружно терэн кода, со камэл о Иегова (Пс. 68:11). Сар амэ диқас, о Иегова точно на гиндой, кай и жувля слаби или най способни.

САР И ԤРАЛА МОӶУТ ТЭ СЫТЁН ТЭ ОБЖАНПЭ ЛЭ ЖУВЛЯНЦА КАДЯ ЖЭ, САР О ИЕГОВА?

Ԥрала, сар амэнди тэ полас, обжаспэ амэ лэ ԥэянца кадя жэ, сар о Иегова? Трэбуй тэ на хохавас пэс и тэ полас, пала со амэ гиндосарас и сар пэс андярас. Амэ можэм дажэ тэ на додиқас, кай амэнца варисо най кадя. Например, о ренгенто поможый тэ полас, савэ проблемы исин лэ одеса. Точно кадя жэ и Библия и о лашо друӷо поможын тэ полас, чалёл лэ Иеговасти, сар амэ обжаспэ лэ жувлянца чи най. Со амэ можэм тэ терас, кай тэ получисарас кацави помощь?

Уӷан лэ друӷоско гиндо (Прит. 18:17). Если тутэ исин друӷо, савэсти ту патяс, саво добро и годявэр, ту можэш лэстар тэ пушэс: «Па тирятэ, сар мэ обжавпэ лэ ԥэянца? Дицол лэнди, кай мэ став патив пэр лэндэ? Трэбуй манди варисо тэ парував андэ кода, сар мэ лэнца обжавпэ?» Если о друӷо ԥэнэна кода, андэр со трэбуй тэ парудёс, на отшув лэско совето. Пристов вся о зор, кай тэ парудёс.

Дик пэр пэстэ через и Библия. И Библия со май лашо инструменто, саво поможыя тути тэ полэс, сар тэ обжаспэ лэ ԥэянца (Евр. 4:12). Андэ Библия амэ уӷанас пала бут разни мурша. Дэсавэ обжанаспэ лэ жувлянца драго, ай авэр най. Кала амэ изучаем и Библия, амэ можэм тэ сыстосарас лэндири дила амаря диласа. Кадяжэ важно тэ диқас, со ԥэнэнпэ андэ вся и Библия. Тоди амэ на ласа тэ шас сама кати пэ дэсавэ стихоря, савэ можно тэ полэс нэправильно. Например, андэ 1 Пётро 3:7 пэ жувли ԥэнэнпэ, кай вой, сар «сани ваза»b. Но хэба дицол па када, кай вой нэ можэт тэ авэл годявэрни, сар о мурш? Или кай вой на ӷанэн варисо тэ терэл? Канешно най! Сыстон лэ Петростирэ алава кодэлэса, со пистромэ андэ Галатам 3:26—29. Котэ ԥэнэнпэ, кай о Иегова витидя сар муршэн, кадя жэ и жувлян, кай вонэ тэ правин лэ Иисусоса по нэбо. Если амэ прилас кода, со пистромэ андэ Библия, мангас совето кай о лашо друӷо (када можэт тэ авэл мурш или жувли), тоди амэ сытюваса тэ обжаспэ лэ ԥэянца пативалэс.

САР И БАРЭДЭР ԤРАЛА СЫКАВЭН И ПАТИВ КАРИНГ И ԤЭЯ?

И ԥрала андэ собрания моӷут тэ диқэн и тэ сытён кай и барэдэр ԥрала, сар вонэ заботинпэ и обжанпэ лэ ԥэянца. Со терэн и барэдэр ԥрала, кай и ԥэя тэ полэн, кай пэр лэндэ стон патив? Амэ роздиқаса дэсавэ примероря.

Вонэ хвалин лэ ԥэян. Андэ када лашо примеро лэ барэдэрэ ԥралэнди подя о апостало Павло. Андэ пэско письмо лэ римлянонэнди во англа всаворэ похвалисардя най еқа ԥья (Рим. 16:12). Акана прицтавьте и радость кадэлэ ԥэянди, кала о письмо заадиносардэ англа всаворэ пэ собрания! Кадяжэ и барэдэр ԥрала вся и время ӷотови тэ ԥэнэн лашэ алава. Вонэ шон сама, со лашо исин андэ лэнго характеро, и хвалин лэн важ и вся, со вонэ терэн важ о Иегова. Кадя и ԥэя полэн, кай пэр лэндэ стон патив и цэнин. И барэдэр ԥрала ԥэнэн алава, через савэ ашэл драго по ди. Имено када дэкала трэбуй лэ ԥэянди, кай вонэ тэ на парашэн тэ служын лэ Иеговасти (Прит. 15:23).

Кала и барэдэр ԥрала хвалин лэ ԥэян, вонэ терэн када анда вся оди и старыинпэ тэ хвалин пала варисави дила. Васо? Акэ со ԥэнэн и Дже́сика: «Приятно, кала и ԥрала ԥэнэн тути: „Ту лащи ԥэй, ту вся терэс правильно!“ Но май приятно, кала вонэ витидэн, васо тэ похвалин. Например, важ кода кай и ԥэй сытярэл пэстирэ бэятонэн тэ бэшэн спокойно пэ собрания. Или, кай подындярэл андо Зало Царства кодэлэн, ко изучает и Библия». Кала и барэдэр ԥрала гиндон, пала со тэ хвалин, и ԥэя полэн, кай вонэ важни андэ собрания и кай лэн цэнуин.

Вонэ ашунэн лэ ԥэян. И барэдэр ԥрала найӷорди. Вонэ полэн, кай най кати лэндэ моӷут тэ авэн лашэ гиндоря, сар варисо тэ стерэн. Важ када вонэ побудин, кай и ԥэя тэ ԥэнэн пэско гиндо. Ай тоди внимательно лэн виашунэн. Кадя и барэдэр ԥрала най кати подритярэн лэ ԥэян, но и екжэнэ варисости сытён. О барэдэр ԥрал, савэс ақарэн Гера́рдо, саво служый андо филиало, росԥэнэн: «Мэ шутэм сама, кала советуюсь лэ ԥэянца, када поможый манди май драго тэ терав пэстири дила. Часто андэ варисави бути лэндэ май баро опыто, чем кай авэр ԥрала». Андэ собрания бут ԥэя служын сар пианероря. Важ када вонэ драго ӷанэн катутнэ манушэн. О барэдэр ԥрал Бра́йано, росԥэнэн: «Амарэ ԥэя ӷанэн бут со тэ терэн важ амари арӷанизацыя. Лэндэ райкано характеро. Важ када цэнин лэн!»

Кала и ԥэя ԥэнэн варисаво гиндо, о мудро барэдэр ԥрал на грабийпэ тэ отшол када. Васо? О барэдэр ԥрал, савэс ақарэн Э́двардо, ԥэнэн: «Лэнго гиндо и опыто можэт тэ поможый лэ ԥралэсти тэ роздиқэл и ситуацыя разнонэ ригэндар и тэ полэл, со кай о мануш андо ди» (Прит. 1:5). Дажэ если о барэдэр ԥрал андэ собрания нэ можэт тэ прилэл кода, со ԥэнэн и ԥэй, во обязательно поблаӷодария ла важ лако гиндо.

Вонэ сытярэн лэ ԥэян. И барэдэр ԥрала, савэ гиндон, со можэт тэ авэл англэ, родэн возможность тэ сытярэн лэ ԥэян. Например, вонэ росԥэнэн лэнди, сар тэ проандярэн и встречи важ и служэния. Кадя и ԥэя лэна тэ ӷанэн, со тэ терэн, если пэ кацави встреча нинай болдэ ԥралэс. Кадяжэ вонэ сытярэн, сар и ԥэя тэ используют и инструменторя или техника, кай вонэ тэ участвуют андэ стройка важ амари арӷанизацыя. Андо Вефилё и отвецтвени ԥрала поможын лэ ԥэянди тэ терэн разно дила: андэ техобслуживания, андэ буӷалтэрия, тэ затинэн вся, со трэбуй важ и бути, и тэ розлэнпэ андэ компьютерни проӷрамы. Кала и барэдэр ԥрала сытярэн лэ ԥэян, кадэлэса вонэ сыкавэн, кай патян, кай вонэ моӷут бутэсти тэ сытён и пэр лэндэ можно тэ надеиспэ.

И ԥэя, савэ сытелэ бут со тэ терэн, акана поможын аврэнди. Например, дэсавэ ԥэя, савэ сытелэ пэ стройка, участвуют, кай тэ отстроин и цэра посли природно бида. Ай и ԥэя, савэ сытёнас, сар тэ служын котэ, кай бут мануша, пэрэдэн кадэва опыто аврэ ԥэянди, кай вонэ тожэ кадя тэ служын. Со и ԥэя дэн дума пала барэдэр ԥрала андэ собрания, савэ лэн сытярэнас? Акэ со ԥэнэн и Дже́ннифер: «Кала мэ теравас пэ стройка андэ ек Зало Царства, о ԥрал, саво диқэлас пала проекто, на жалуияс и время, кай ман тэ сытярэл. Во шолас сама пэ бути, сави мэ теравас, и хвалияс ман. Манди чалёлас тэ терав и бути лэса, важ кода кай мэ полавас, кай ман цэнуин и патян манди».

ВАСО ВАЖНО ТЭ ОБЖАНПЭ ЛЭ ЖУВЛЯНЦА КАДЯ ЖЭ, САР О ИЕГОВА?

Амэ любисарас амарэ кучутнэ ԥэян. Вонэ амарэ чаче и амэ камас тэ обжаспэ лэнца кадя, сар о Иегова (1 Тим. 5:1, 2). Вонэ амэнди куч, и амэ лошалэ вмести лэнца тэ служысарас лэ Дэвлэсти. Ай кала и ԥэя полэн, кай амэ лэн любисарас и подритярас, амэ кадэлэстар бахталэ. И Ванеса ԥэнэн: «Мэ кадя блаӷодарно лэ Иеговасти, кай мэ андэ лэстири арӷанизацыя. Андэр латэ кадя бут ԥрала, савэ вся и время виарақэна алава, савэ придэн зор». Ай авэр ԥэй анда Тайвань, росԥэнэн: «Манди фартэ приятно, кай о Иегова и лэстири арӷанизацыя заботинпэ пала ԥэя и сыкавэн, кай полэн, со лэндэ по ди. Када састярэл мэрни вера, и мэ инке май фартэ цэнисарав, кай мэ андэ лэ Иеговаско народо».

Ԥрала, о Иегова диқэл, кай тумэ старыинпэ тэ обжанпэ лэ жувлянца кадя жэ, сар во. Во фартэ абурой тумэнца! (Прит. 27:11). О барэдэр ԥрал, савэс ақарэн Бе́нджамино, анда Шотландия ԥэнэн: «Андэ люма часто пэ жувли на стон нисави патив. Важ када, кала вонэ авэн андо Зало Царства, амэ фартэ камас, кай вонэ тэ диқэн, кай катэ вся па аврятэ». Давайте тэ обжаспэ амарэ кучутнэ ԥэянца кадя жэ, сар о Иегова, — тэ любисарас и тэ стас патив пэр лэндэ. Важ кода кай вонэ када затердэ (Рим. 12:10).