Сар тумэ полэн о принцыпо анда Библия, ко кас трэбуй тэ кандэл андэ собрания?

1. Васо андэ лэ Иеговаско ери всаворэ ладин?

АМЭ фартэ лошалэ тэ авас андэ лэ Иеговаско ери. Но васо андэ амаро ери всаворэ ладин и вся кадя драго? Важ кода кай амэ всаворэ старысавас тэ стас патив по лэ Иеговаско принцыпо, ко кас трэбуй тэ кандэл андэ лэско ери. И со май драго амэ када ласа тэ полас, со май драго амэ ласа всаворэ тэ ладисарас ек еқэса.

2. Пала со амэ подаса дума андэ кадэя статья?

² Андэ кадэя статья амэ подаса дума, ко кас трэбуй тэ кандэл андэ собрания. Амэ уӷанаса атветоря пэ кацавэ вопросоря. Сави дила дя о Иегова лэ ԥэянди андэ собрания? Можно тэ ԥэнэс, кай любо ԥрал можэт тэ приԥэнэн любона ԥьяти андэ собрания? Дя о Иегова лэ старейшынонэнди и лэ хуланди андо ери ек власть? Но спэрва подам дума пала кода, сар трэбуй тэ цэнисарас лэ ԥэян.

ЦЭНИН ЛЭ ԤЭЯН

3. Со поможыя амэнди инке май фартэ тэ цэнисарас лэ ԥэян?

³ Амэ цэнисарас амарэ ԥэян, важ кода кай вонэ заботинпэ пала пэско ери, росԥэнэн пала Дэл, ай кадяжэ поможын лэ ԥралэнди и лэ ԥэянди андэ собрания. Но амэ ласа лэн инке май фартэ тэ цэнисарас, если погиндосараса, сар вонэ дэ куч лэ Иеговасти и лэ Иисусости. Кадяжэ амэ бут сости можэм тэ сытювас лэ Павлостар. Важ лэстэ и ԥэя андэ собрания сас фартэ куч.

4. Сар анда Библия дицол, кай о Иегова цэний и стол патив пэ жувля кадяжэ, сар и пэ мурша?

⁴ Андэ Библия ԥэнэнпэ, кай о Иегова цэний и стол патив пэ жувля кадяжэ, сар и пэ мурша. Андэ Библия пистромэ, кай андо пэрво вико о Иегова дя пэско свынто духо и лэ жувлянди и лэ муршэнди, кай вонэ тэ дэн дума пэ разни шыба (Деян. 2:1—4, 15—18). Кадяжэ и памазаникоря авэна и жувля и мурша (Гал. 3:26—29). И пэ ԥув андо раё лэна тэ жувэн вечно и мурша и жувля (Отк. 7:9, 10, 13—15). Кадяжэ пала Дэл росԥэнэн и ԥрала и ԥэя (Матф. 28:19, 20). Андэ книӷа Деяния росԥэнэнпэ пала ԥэй Прискилла. Вой пэстирэ хуласа поможысардя лэ ԥралэсти, савэс ақарэнас Аполлосо, кай во инке май драго тэ полэл о чачимос анда Свынто Писания, хоть во сас фартэ ӷрамотно мануш (Деян. 18:24—26).

5. Со андэ Луки 10:38, 39, 42 ԥэнэнпэ, сар о Иисусо цэнияс лэ жувлян?

⁵ О Иисусо столас патив пэ жувля. Во на гиндояс кадя, сар и фарисеёря, савэ на стонас патив пэ жувля. Вонэ на дэнас дума лэнца англа миро и на дэнас дума лэнца пала Свынто Писания. Ай о Иисусо росԥэнэнас о чачимос анда Свынто Писания, саво най кажно моӷ тэ полэл, сар лэ муршэнди, кадя и лэ жувляндиb. (Адиносар Луки 10:38, 39, 42.) Кадяжэ во домэкэлас, кай и жувля тэ поможын лэсти тэ терэл лэ Дэвлэстири дила (Луки 8:1—3). И дэсавэнди андар лэндэ во ԥэндя, кай вонэ тэ жан и тэ росԥэнэн лэ апостолонэнди, кай во рисайля каринг и жызня (Иоан. 20:16—18).

6. Сар о Павло сыкадя, кай стол патив пэ жувля?

⁶ О апостоло Павло, кала пистросардя пэско письмо лэ Тимофеёсти, ԥэндя пэ скати дэ важно тэ стол патив пэ жувля. Во пистросардя лэ Тимофеёсти, кай и ԥэя, савэ андэ бэршэндэ, тэ авэн важ лэстэ сар дэя, ай и ԥэя, савэ май тэрнэ андэ собрания, тэ авэн важ лэстэ сар чаче ԥэя (1 Тим. 5:1, 2). О Павло бут андэр со поможысардя, кай лэ Тимофеёстэ тэ авэл лащи дружба лэ Иеговаса. Но во кадяжэ ԥэндя, кай пэрво, ко лэсти поможысардя тэ уӷанэн и Свынто Писания, када лэстири дэй и лэстири баба (2 Тим. 1:5; 3:14, 15). Ай андэ пэско письмо, саво о Павло пистросардя лэ христианонэнди андо Римо, каринг и ԥэя о Павло взвисайля па алавэстэ. Во най просто пистросардя, скати дила вонэ стердэ андэ служэния лэ Дэвлэсти, но и похвалисардя лэн важ када (Рим. 16:1—4, 6, 12; Флп. 4:3).

7. Пала со амэ подаса дума?

⁷ Амэ полям, кай андэ Библия нисо най пистромэ пала кода, кай и жувля хужэ, чем и мурша. И ԥэя, савэ одялэ и поможын аврэнди, дэн бут зор лэ ԥралэнди и лэ ԥэянди андэ собрания. И старейшыноря патян лэнди, кай вонэ поможына и на подвэдина, важ кода кай вонэ камэн, кай андэ собрания тэ авэл мирно и всаворэ тэ авэн ек пала еқэстэ. Но амэнди трэбуй май драго тэ полас дэсавэ вопросоря. Андэ собрания кати и ԥрала моӷут тэ авэн старейшыноря и служэбни помошникоря. Сыкавэл када, кай любо ԥрал андар лэндэ можэт тэ приԥэнэн лэ ԥэянди? И кала и ԥэй трэбуй тэ ушаравэл о шэро?

МОЖЭТ ЛЮБО ԤРАЛ АНДЭ СОБРАНИЯ ТЭ ПРИԤЭНЭН ЛЭ ԤЭЯНДИ?

8. Можно тэ ԥэнэс, кай любо ԥрал андэ собрания можэт тэ приԥэнэн любона ԥьяти, сар ԥэнэнпэ андэ Эфесянам 5:23? Росԥэнэн.

⁸ Можэт любо ԥрал тэ приԥэнэн любона ԥьяти, кай вой лэс тэ кандэл? Най. Важ кода кай и ԥэя, кадя жэ сар и ԥрала андэ собрания, кандэн лэ Иисусос. (Адиносар Эфесянам 5:23.) Если кай и ԥэй исин хулай, вижал, андо ери вой трэбуй тэ кандэл кати лэс. Ай если латэ исин шаво, тоди во лати нэ можэт тэ приԥэнэн, дажэ если во и болдо ԥрал андэ собрания (Эф. 6:1, 2). Кай и старейшыноря андэ собрания исин власть пэ ԥрала и пэ ԥэя, но най бари (1 Фес. 5:12; Евр. 13:17). Ай со можно тэ ԥэнас пала ԥэя андэ собрания, савэ наймиростэ и савэ будэр на жувэн лэ дадэса и ла даса? Вонэ стон патив пэ родителя и пэ старейшыноря, но лэндэ, сар и всаворэ ԥралэндэ, ек ӷлава, када о Иисусо.

9. Васо и ԥэя дэкала трэбуй тэ ушаравэн о шэро?

⁹ Тэ диқэн пала собрания о Иегова приԥэндя лэ муршэнди. Лэ жувлянди кацаво право во на дя (1 Тим. 2:12). Но и пэ мурша о Иегова стодя, кай тэ авэл хулай, о Иисусо. Васо? Важ кода кай о Иегова камэл, кай андэ собрания тэ авэл порядко. Но если андэ собрания ла ԥьяти прижалпэ тэ стерэл дила, сави трэбуй тэ терэл о ԥрал, лати трэбуй тэ ушаравэл о шэро (1 Кор. 11:4—7)c. О Иегова мангэл ла кадя тэ терэл най важ кода, кай вой май хужэ, ай кай вой тэ сыкавэл, кай стол патив по лэ Дэвлэско порядко. Ай акана давайте уӷанаса, сави власть исин кай о хулай андо и ери и кай и старейшыноря.

САВИ ВЛАСТЬ ДЯ О ИЕГОВА ЛЭ ХУЛАНДИ И ЛЭ СТАРЕЙШЫНОНЭНДИ?

10. Васо кай о старейшына можэт тэ авэл гиндо, кай во можэт тэ приԥэнэн варикасти андэ собрания?

¹⁰ О старейшына любий лэ Иисусос, ай кадяжэ лэ ԥралэн и лэ ԥэян андэ собрания. О Иегова и о Иисусо ԥэндэ, кай во трэбуй тэ диқэл пала лэндэ (Иоан. 21:15—17). Дэсавэ старейшыноря моӷут тэ авэн сар дад важ и ԥрала и ԥэя андэ собрания. Кадяжэ анда вся оди, вонэ моӷут тэ гиндон: «О хулай можэт тэ приԥэнэн пэстирэ ерести, кай тэ фэрий пэстирэ ерес, вижал, и о старейшына можэт тэ приԥэнэн лэ ԥралэнди и лэ ԥэянди андэ собрания, кай тэ фэрий лэн». Инке васо и старейшыноря моӷут кадя тэ гиндон, важ кода кай и вазвещятеля мангэн лэн тэ прилэн важ лэндэ ришэния. Но чаче кай и старейшыноря и кай о хулай андо ери ек власть?

11. Соса шолпэ и власть, сави исин кай о хулай и кай о старейшына?

¹¹ Андэ пэско письмо о апостоло Павло ԥэндя, кай лэ хуластэ андо ери и кай о старейшына и власть андэ варисо шолпэ (1 Тим. 3:4, 5). Например, о Иегова камэл, кай о ери тэ кандэл лэ хулас, ай и ԥрала и ԥэя андэ собрания тэ кандэн лэ старейшынонэн (Кол. 3:20). О Иегова камэл, кай о хулай андо ери и и старейшыноря тэ заботинпэ, кай лэ ерестэ тэ авэл лащи дружба лэ Дэвлэса и кай лэндэ тэ авэл драго по ди. Кадяжэ о старейшына и о хулай андо ери поможый кодэлэнди, ко попэля андэ бида (Иак. 2:15—17). Инке о Иегова камэл, кай кадэла ԥрала тэ диқэн, кай нико тэ на жал против лэ Дэвлэско законо и тэ терэл кати кода, со пистромэ андэ Библия (1 Кор. 4:6).

12, 13. Соса и власть лэ старейшынасти и и власть лэ хуласти андо ери разно, сар ԥэнэнпэ андэ Римлянам 7:2?

¹² Но кай о старейшына и кай о хулай андо ери бари разница андэ власть. О Иегова стодя лэ старейшынонэн, кай вонэ тэ диқэн пала собрания и тэ исключин кодэлэн, ко на камэл тэ каийпэ андэ пэско бэзэх (1 Кор. 5:11—13).

¹³ Но авря ригатар, о Иегова дя лэ хуласти кацави власть, сави нинай кай и старейшыноря. Например, о хулай можэт тэ приԥэнэн пэстирэ ерести. (Адиносар Римлянам 7:2.) И во можэт тэ ришый, андэ сави время и бэяцэ трэбуй тэ авэн вэчэром цэрэ. Если вонэ на кандэн лэс, во можэт лэн тэ просытярэл (Эф. 6:1). Но англа кода, сар тэ приԥэнэн варисо лэ ерести, о хулай, саво любий лэ ерес, спэрва трэбуй тэ подэл дума пала када ла хулаяса, важ кода кай во ласа «ек тила» (Матф. 19:6)d.

СТОН ПАТИВ ПО ИИСУСО, ВАЖ КОДА КАЙ ВО ХУЛАЙ ПЭ СОБРАНИЯ

14. а) Васо кати о Иисусо можэт тэ авэл хулай пэ собрания, сар ԥэнэнпэ андэ Марка 10:45? б) Со обязано тэ терэл о Руководящё совето? (Диқэн и рамка «Со терэл о Руководящё совето?».)

¹⁴ О Иегова отдя лэ Иисусос пала всаворэ, ко андэ собрания, ай кадяжэ пала кодэла, ко патяла андо Иисусо. (Адиносар Марка 10:45; Деян. 20:28; 1 Кор. 15:21, 22.) Важ када о Иегова и стодя лэ Иисусос, саво отдя пэстири жызня важ авэр, кай во тэ авэл хулай пэ собрания. И через када лэс трэбуй тэ кандэл вся и собрания, кажно ери, ай кадяжэ кажно ԥэй и ԥрал андэ собрания. Инке лэстэ исин право тэ диқэл, кай и ԥрала и ԥэя тэ жувэн па лэ Дэвлэско законо (Гал. 6:2). Но о Иисусо най просто приԥэнэн, ко со тэ терэл. Во любий кажнонэс андар мэндэ и анда вся оди заботийпэ пала кажно (Эф. 5:29).

15, 16. Сости амэ можэм тэ сытювас анда кода, со росԥэндя и ԥэй и о ԥрал?

¹⁵ И ԥэя стон патив по Христос, кала кандэн, со ԥэнэн и ԥрала андэ собрания, савэн стодя о Иегова, кай тэ заботинпэ пала лэндэ. Ек ԥэй, сави жувэл андэ США, и савя ақарэн Марли ԥэнэн, кай цэний кода, со вой можэт тэ терэл андэ пэско ери и андэ собрания. Канешно, лати прижалпэ тэ парудёлпэ, кай тэ стол патив по лэ Дэвлэско принцыпо, ко кас трэбуй тэ кандэл. Но лати вушэро тэ кандэл, важ кода кай лако хулай и и старейшыноря цэнин вся, со вой терэл и стон пэр латэ патив.

¹⁶ И ԥрала, савэ драго полэн о принцыпо, саво стодя о Иегова, ко, кас трэбуй тэ кандэл, стон патив и цэнин лэ ԥэян. Ек ԥрал анда Англия, савэс ақарэн Бенджамин, росԥэнэн, кай во бут со уӷанэн анда лэ ԥэяндирэ каминтарии, савэ вонэ дэн пэ собрании и во бут сости сытёл анда кода, сар вонэ служын и сар проандярэн изучения Библии. Во фартэ цэний вся, со вонэ терэн.

17. Васо амэнди трэбуй тэ стас патив по лэ Дэвлэско принцыпо, ко кас трэбуй тэ кандэл?

¹⁷ Кала всаворэ амэ, и ԥрала и ԥэя андэ собрания, о хулай андо ери, и и старейшыноря, полэн и стон патив по лэ Дэвлэско принцыпо, ко кас трэбуй тэ кандэл, тоди андэ собрания авэла мирно и драго. И со май важно, кадя амэ ласа тэ прославляем амарэ любящёнэ небеснонэ Дадэс, лэ Иеговас (Пс. 150:6).