Пэ кажно, ко андэ лэ Иеговастири собрания, трэбуй тэ стас патив

1. Со стердя о Иегова?

АМАРО любящё Дэл о Иегова стердя кадя, кай кажно служытелё, саво на парашэл лэс тэ кандэл, тэ авэл куч андэ собрания. Хоть амэ терас разно дила андэ собрания, но всаворэ амэ одинаково куч лэ Иеговасти и трэбуй ек еқэсти. Тэ полас кадэва важно гиндо, амэнди поможын и письморя, савэ пистросардя о апостоло Павло. Погиндосарам пала дэсавэ гиндоря андар лэндэ.

2. Васо, сар пистромэ андэ Эфесянам 4:16, амэ трэбуй тэ стас патив пэ ԥрала и ԥэя и тэ терас еқэҭанэ лэнца дила?

² Сар сас ԥэндо каринг ӷлавно стихо каринг кадэя статья, амэ нащи тэ ԥэнас лэ Иеговастирэ служытелёнэнди: «Тумэ манди на трэбуй» (1 Коринфянам 12:21). Если амэ камас, кай андэ собрания тэ авэл ладо, тоди амэнди трэбуй тэ стас патив пэ всаворэ ԥрала и ԥэя и тэ терас еқэҭанэ лэнца дила. (Адиносар Эфесянам 4:16b.) Тоди андэ собрания всаворэ лэна тэ полэн ек еқэс, всаворэ авэна куч ек еқэсти и андэ собрания лэ манушэнди авэла фартэ драго.

3. Пала со подаса дума андэ кадэя статья?

³ Сар тэ стас патив пэ ԥрала и ԥэя? Андэ кадэя статья амэ диқаса, сар када можно тэ терас. Амэ диқаса, сар и старейшыноря моӷут тэ стон патив ек пэ еқэстэ. Кадяжэ амэ погиндосараса, сар кажно андар мэндэ можэт тэ сыкавэл, кай амэнди куч и ԥрала, савэ найжэнати и и ԥэя, савэ наймиростэ. Ай инке амэ уӷанаса, сар тэ сыкавас, кай амэ любисарас кодэлэн, ко най фартэ драго дэл дума пэ амари шыб.

СТАРЕЙШЫНОРЯ, СТОН ПАТИВ ЕК ПЭ ЕҚЭСТЭ

4. Сар ԥэндя о Павло, со трэбуй тэ терэн и старейшыноря? (Римлянам 12:10).

⁴ Всаворэн старейшынонэн андэ собрания стодэ лэ свынтонэ духоса, саво лэ Иеговастар. Но кажнонэстэ драго вижал тэ терэн разно дила и кажнонэстэ пэстири жызня (1 Коринфянам 12:17, 18). Дэко служый старейшынаса найдэлмут, и важ када инке на ӷанэн, сар драго тэ диқэн пала собрания. Дэко нэ можэт тэ терэл кода, со камэл, важ кода кай най во о зор чи бэрша. Но лэ старейшынонэнди нащи тэ ԥэнэн ек еқэсти: «Тумэ манди на трэбуй». Ай наоборот, кажно андар лэндэ трэбуй тэ терэл кадя, сар ԥэндя о Павло андэ Римлянам 12:10c (адиносар).

5. Васо лэ старейшынонэнди трэбуй тэ стон патив ек пэ еқэстэ, и андэр со када дицол?

⁵ Кода, кай и старейшыноря стон патив ек пэ еқэстэ дицол тоди, кала вонэ драго виашунэн ек еқэс. Када фартэ трэбуй, кала и ԥрала анда совето старейшын дэн дума пала серьёзни вопросоря. Васо? Акэ со ԥэнэнаспэ андэ «Сторожэво башня» пэ английско шыб лэ 1 октябрёстар 1988 бэрш: «И старейшыноря трэбуй тэ полэн, кай о Иисусо через пэско свынто духо можэт тэ поможый любонэ ԥралэсти анда совето старейшын, кай во тэ виарақэл библейски принцыпоря. Кадэла принцыпоря фартэ трэбуй, кай тэ ришын ԥари ситуацыя чи тэ прилэн важни ришэния (Деяния 15:6—15). О свынто духо поможый всаворэ старейшынонэнди андэ собрания, ай най кати еқэсти андар лэндэ».

6. Со поможый лэ старейшынонэнди тэ терэн еқэҭанэ дила и саво лашимос када анэн ла собранияти?

⁶ Если о старейшына стол патив пэ авэр ԥрала анда совето старейшын, во на лэла вся и время пэ кажно вопросо тэ дэл дума пэрво. Во на лэла бут тэ дэл дума и на лэла тэ гиндой, кай кати лэсти дума правильно. Вместо када во на гиндой пала пэстэ бут и драго виашунэл, кала дэн дума авэр старейшыноря. Ай со май ӷлавно, во лэла тэ дэл дума па библейски принцыпоря и тэ ашунэл кода, со ԥэнэн о «годявэрно и кандино рабо» (Матфея 24:45—47). Если и старейшыноря дэн дума ек еқэса пативалэс, тоди лэнца авэла о свынто духо, и во поможыя лэнди тэ прилэн кацавэ ришэния, савэ анэна лашимос андэ собрания (Иакова 3:17, 18).

СТОН ПАТИВ ПЭ ԤРАЛА, САВЭ НАЙЖЭНАТИ, И ПЭ ԤЭЯ, САВЭ НАЙМИРОСТЭ

7. Сар андярэлас пэс о Иисусо кодэлэнца, ко найжэнато и ко наймиростэ?

⁷ Андэ амарэ собрании исин кодэла, кастэ исин хулай чи хулаи, ай кадяжэ исин и кодэла, ко найжэнати чи ко наймиростэ. Сар амэ трэбуй пэс тэ андярас кодэлэнца, кастэ нинай хулай чи хулаи? Подам дума пала Иисусо. Кала во сас пэ ԥув, во на жэнисайля. Вся пэстири время во терэлас кода, со лэсти ԥэндя о Дэл. О Иисусо никала на ԥэнэнас кодэлэнди, ко жылэ па лэско дром, кай вонэ трэбуй тэ жэнинпэ чи тэ жан миростэ. И наоборот, во никала на ԥэнэнас, кай вонэ трэбуй вся и время тэ ашэнпэ екжэнэ. Но во ԥэндя, кай дэсавэ христианоря екжэнэ закамэна тэ ашэнпэ найжэнати чи закамэна тэ на жан миростэ (Матфея 19:11, 12). О Иисусо столас патив пэ щея и жувля, савэ на жанас миростэ и пэ мурша, савэ на жэнинаспэ. Во на гиндояс, кай кацавэ мануша май хужэ аврэндар чи кай вонэ варисо умэкэн андэ жызня.

8. Пала со о Павло ԥэнэнас тэ погиндосарас, сар запистромэ андэ 1 Коринфянам 7:7—9?

⁸ Сар о Иисусо, о апостоло Павло, кала служыяс, кадяжэ на сас жэнато. О Павло никала на ԥэнэнас, кай и христианоря на трэбуй тэ жэнинпэ чи тэ жан миростэ. Во полэлас, кай кажно трэбуй тэ ришый екжэно важ пэстэ. Но всаек во ԥэнэнас лэ христианонэнди тэ погиндон, моӷут вонэ тэ служын лэ Иеговасти и тэ на жан миростэ и тэ на жэнинпэ, чи нэ моӷут? (Адиносар 1 Коринфянам 7:7—9d.) Драго дицол, кай о Павло на гиндояс пала кодэла, ко наймиростэ чи ко найжэнато, кай вонэ май хужэ аврэндар. Во дя лэ Тимофеёсти, саво сас найжэнато, тэ терэл важно дила важ о Дэл (Филиппийцам 2:19—22)e. Важ када авелоп нэ правильно тэ гиндосарас, кай о ԥрал, саво жэнато, ӷотово тэ терэл почотно дила андэ собрания, ай кодэва, саво найжэнато, нэ ӷотово (1 Коринфянам 7:32—35, 38).

9. Со трэбуй тэ гиндосарас пала кода, кала ужэ исин хулай чи хулаи, и пала кода, кала о мануш витидя тэ ашэлпэ екжэно?

⁹ Амэ полям, кай о Иисусо и о Павло на ԥэнэнас пала кода, кай и христианоря трэбуй тэ жан миростэ чи тэ жэнинпэ чи наоборот, тэ на жан миростэ и тэ на жэнинпэ. Акэ со ԥэнэнаспэ андэ «Сторожэво башня» лэ 1 октябрёстар 2012 бэршэстар: «[И кода, кай жэнинпэ или жан миростэ, чи наоборот на жэнинпэ и на жан миростэ] пэ вся када можно тэ ԥэнас, кай када подаркоря лэ Дэвлэстар. [...] О Иегова на гиндой, кай если найжэнати чи наймиростэ, трэбуй тэ лажан кадэлэстар и трэбуй тэ авэл ԥарэс по ди». Ай если када кадя, тоди амэнди трэбуй тэ стас патив пэ ԥрала, савэ найжэнати, и пэ ԥэя, савэ наймиростэ.

10. Сар тэ сыкавас, кай амэ стас патив пэ ԥрала, савэ найжэнати, чи пэ ԥэя, савэ наймиростэ?

¹⁰ Андар со дицол, кай амэ стас патив пэ ԥрала, савэ найжэнати, чи пэ ԥэя, савэ наймиростэ? Амэнди трэбуй тэ сэрас, кай дэсавэ ԥрала и ԥэя екжэнэ витидэ тэ на жан миростэ чи тэ на жэнинпэ. Авэр камлоп тэ жан миростэ чи тэ жэнинпэ, но пока на додиқлэ кодэлэ манушэс, саво лэнди поджал. Ай исин андэ собрания кодэла, ко хасардя лэ хулас чи ла хулая. Сар бы тэ на авэл, трэбуй амэ тэ пушас кай кацавэ христианоря, васо вонэ би хуласко чи би хулаяко? Чи тэ поможысарас лэнди тэ виарақэн пэсти хулас чи хулая? Канешно, дэко андар лэндэ можэт екжэно пала када тэ мангэл. Но со если тумэн на манглэ пала када? Со авэла по ди лэ ԥралэстэ чи ла ԥьятэ, савэнди тумэ ԥэнэн, кай виарақэна хулас чи хулая? (1 Фессалоникийцам 4:11; 1 Тимофею 5:13). Акэ со ԥэнэн и ԥрала и ԥэя, савэнца сас кацаво.

11, 12. Сар можно дэзначай тэ стерас, кай лэ ԥралэнди, савэ найжэнати и лэ ԥэянди, савэ наймиростэ, тэ авэл ԥарэс по ди?

¹¹ Ек раёно надзирателё, саво найжэнато и саво бут дила терэл андэ служэния, полэл, кай кода, кай во найжэнато, анэн лэсти бут лашимос. Но андэ кодэя жэ время во ԥэнэн, кай лэсти на чалёл, кала и ԥрала и ԥэя пушэн лэстар, васо во идоси найжэнато, хоть и пушэн вонэ када анда вся оди. Акэ со росԥэнэн ек найжэнато ԥрал, саво служый андо Вефилё: «Дэкала здэлпэ, кай дэсавэ христианоря гиндон, кай вонэ трэбуй тэ пожалуин кодэлэс ԥралэс, саво найжэнато, чи ла ԥья, сави наймиростэ. Кадэлэстар кацавэ ԥралэндэ и ԥэяндэ можэт тэ авэл гиндо, кай кода кай вонэ екжэнэ, най даро, ай ԥаримос».

¹² Ек ԥэй, сави служый андо Вефилё и сави наймиростэ, росԥэнэн: «Дэко гиндой, кай всаворэ, ко найжэнати чи ко наймиростэ, кала стидэнпэ тэ побэшэн, кадя и родэн, каса тэ подружынпэ. Еқвар мэ лаглэм андэ служэния андэ авэр форо. Андэ кодэва жэ дес, сар мэ авелэм, сас собрания. И ԥэй, савятэ мэ ашэлэмпэ, ԥэндя, кай андэ латири собрания исин дуй ԥрала, савэ андэ мэрнэ бэрша. Вой ԥэнэнас, кай совсем на камэл амэн тэ посватает, но сар кати амэ зажылям андо Зало Царства, вой подындярдя ман каринг кадэла ԥрала. Амэнди кадя сас лажаво, кай амэ пололелям лажаимастар».

13. Каско примеро подритярэл еқа ԥья?

¹³ Ай акэ со ԥэнэн инке ек ԥэй анда Вефилё: «Мэ ӷанав лэ ԥралэн и лэ ԥэян, савэ бут время служын пианеронэнца и на жан миростэ и на жэнинпэ. Вонэ годявэрнэ, домардён кода, со камэн, бут пэр со жан андэ служэния и любин тэ служын, ай кадяжэ вонэ бут со терэн андэ собрания. Кацавэ ԥрала и ԥэя правильно диқэн пэ кода, кай вонэ найжэнати и наймиростэ. Еқа ригатар вонэ на гиндон, кай май лашэ кодэлэ ԥралэндар и ԥэяндар, савэ миростэ чи жэнати. Ай авря ригатар вонэ полэн, кай вонэ най май хужэ, чем кодэла, кастэ исин хулай чи хулаи». Акэ васо кадя драго тэ авас андэ собрания, андэ сави всаворэ цэнин ек еқэс и стон патив. Драго важ кода кай андэ кацави собрания нико на гиндой, кай варико май хужэ аврэстар и нико на завидуий. Ай кадяжэ андэ кацави собрания нинай кацаво, кай еқэс шон фартэ сама, ай аврэс обжан ригаса. И андэ кацави собрания кажно ӷанэн, кай лэс любин.

14. Сар тэ сыкавас, кай амэ стас патив пэ ԥрала, савэ найжэнати, и пэ ԥэя, савэ наймиростэ?

¹⁴ Кодэла ԥрала, савэ найжэнати, чи ԥэя, савэ наймиростэ, авэна амэнди блаӷодарни, если важ амэндэ май ӷлавни авэна лэндирэ лашэ качестворя, ай най кода, исин чи нинай лэндэ хулай чи хулаи. Тоди амэ на аваса важ лэндэ кодэла, ко ԥэнэн: «Тумэ манди на трэбуй» (1 Коринфянам 12:21). Вонэ ӷанэна, кай андэ собрания лэн цэнин и стон пэр лэндэ патив.

СТОН ПАТИВ ПЭ КОДЭЛА, КО НАЙ ФАРТЭ ДРАГО ДЭЛ ДУМА ПЭ ТУМАРИ ШЫБ

15. Со парудэ дэсавэ ԥрала и ԥэя андэ пэстири жызня, кай май бут тэ служын?

¹⁵ Андэ послидни бэрша бут вазвещятеля стодэ цэль тэ висытён авэр шыб, кай май бут тэ служын. Важ када лэнди прижыляпэ бут со тэ парувэн андэ пэсти жызня. Кадэла ԥрала и ԥэя пэрэжылэ андэ собрании, кай дэн дума па авэр шыб и андэ савэ трэбуй май бут ԥрала и ԥэя, савэ росԥэнэн пала Дэл (Деяния 16:9). Када вонэ витидэн екжэнэ и анда када дицол, кай вонэ камэн май бут тэ терэн важ о Иегова. Хоть прожана бут бэрша англа кода, сар вонэ лэна драго тэ дэн дума пэ авэр шыб, но вонэ всаек фартэ подритярэн и собрания. Лэндирэ лашэ качестворя и кода, кай вонэ драго ӷанэн тэ служын, подритярэл лэ ԥралэн и лэ ԥэян. Амэнди куч кацавэ ԥрала и ԥэя, савэ бут пэр со жан важ и служэния!

16. Пар со и старейшыноря моӷут тэ полэн, кай о ԥрал можэт тэ ашэл старейшынаса чи служэбнонэ помошникоса?

¹⁶ Лэ ԥралэнди андо совето старейшын на трэбуй тэ гиндон, кай о ԥрал нэ можэт тэ служый старейшынаса чи служэбнонэ помошникоса, важ кода кай во инке най фартэ драго ӷанэн тэ дэл дума пэ кодэя шыб, пэ сави дэн дума андэ собрания. И старейшыноря диқэна, сжалпэ кода, сар во пэс андярэл, кодэлэса, со запистромэ андэ Библия, пала кода, сар трэбуй тэ андярэл пэс о ԥрал, кай тэ ашэл старейшынаса чи служэбнонэ помошникоса. И вонэ на лэна тэ диқэн пэ кода, ӷанэн во драго тэ дэл дума пэ кодэя шыб, пэ сави дэн дума андэ собрания, чи най (1 Тимофею 3:1—10, 12, 13; Титу 1:5—9).

17. Савэ вопросоря трэбуй тэ ришый о ери, саво камэл тэ пэрэладэл андэ авэр страна?

¹⁷ Дэсавэ христиански еря пэрэлаглэ андэ авэр страна, кай тэ виарақэн ҭан, кай ӷарадён, или важ кода кай тэ виарақэн пэсти бути. Если и бэяцэ андэ кадэва ери ԥирэн андэ школа, тоди, май йто всаворэстар, вонэ лэна тэ сытён пэ кодэя шыб, пэ сави дэн дума андэ кодэя страна. Лэ родителёнэнди кадяжэ трэбуй тэ сытён кодэя шыб, кай лэн тэ лэн пэ бути андэ кадэя страна. Ай со, если пашэ исин собрания чи ӷруппа, андэ сави дэн дума пэ лэндири шыб? Сави собрания лэнди тэ витидэн? Кодэя, кай и мануша дэн дума пэ лэндири шыб, чи кодэя, пэ сави дэн дума и мануша андэ кодэя страна?

18. Сар ԥэндо андэ Галатам 6:5, сар амэ можэм тэ сыкавас, кай стас патив пэ кода, со витидя о хулай важ о ери?

¹⁸ О хулай андо ери трэбуй тэ ришый, андэ сави собрания вонэ лэна тэ ԥирэн лэ ереса. Но во трэбуй тэ полэл, со авэла май драго именно важ лэско ери. (Адиносар Галатам 6:5f.) Када кажно витидэл екжэно, ай амэнди трэбуй тэ стас патив пэ кода, со витидя о хулай андо ери и тэ авас лошалэ тэ прилас кадэлэ ерес андэ пэстири собрания (Римлянам 15:7).

19. Пала со трэбуй драго тэ погиндой и тэ мангэлпэ о хулай?

¹⁹ Дэсавэ еря служын андэ собрания, андэ сави вся прожал пэ кодэя шыб, пэ сави дэн дума о дад и дэй. Ай и бэяцэ ужэ найдраго полэн кадэя шыб. Если кадэла еря жувэн андэ страна, кай дэн дума най пэ лэндири шыб, тоди лэ бэятонэнди можэт тэ авэл ԥарэс тэ полэн, пала со дэн дума пэ собрании. Кадяжэ лэнди можэт тэ авэл ԥарэс тэ стерэн, кай лэндири дружба лэ Иеговаса тэ авэл май лащи. Васо? Важ кода кай андэ школа, кай вонэ сытён, дэн дума пэ шыб, пэ сави дэн дума андэ страна, кай вонэ жувэн, ай най пэ шыб, пэ сави дэн дума лэнго дад и дэй. Тоди лэ хуласти трэбуй драго тэ погиндой и тэ мангэл кай о Иегова мудрость, кай тэ ришый, сар тэ поможый лэ бэятонэнди тэ ашэн май пашэ каринг о Иегова и каринг лэско народо. И родителя трэбуй тэ поможын лэ бэятонэнди, кай вонэ тэ полэн лэндири шыб чи тэ погиндон пала кода, кай тэ пэрэжан андэ собрания, пэ сави дэн дума пэ кодэя шыб, сави понятно лэндирэ бэятонэнди. Со бы тэ на витидэл о хулай важ о ери, и собрания, андэ сави лэла тэ ԥирэл кадэва ери, трэбуй тэ цэний и тэ стол патив пэр лэндэ.

20. Сар тэ стас патив пэ ԥрала и ԥэя, савэ сытён тэ дэн дума пэ авэр шыб?

²⁰ Анда кода пала со амэ акана дям дума дицол, кай бутэнди ԥралэнди и ԥэянди андэ собрания ԥарэс тэ дэн дума пэ авэр шыб. Кадяжэ лэнди можэт тэ авэл ԥарэс тэ виԥэнэн кода, пала со гиндон. Но если амэ на ласа тэ шас сама кати пэ кода, сар вонэ дэн дума пэ амари шыб, тоди додиқаса, кай вонэ фартэ любин лэ Иеговас и камэн лэсти тэ служын. Кала амэ диқаса лэндирэ лашэ качестворя, амэ ласа тэ цэнисарас и тэ стас бари патив пэ кодэла ԥрала и ԥэя. Амэ на ԥэнаса лэнди, кай вонэ «амэнди на трэбуй» кати важ кода, кай вонэ на ӷанэн драго тэ дэн дума пэ амари шыб.

ВАЖ О ИЕГОВА АМЭ ФАРТЭ КУЧ

21, 22. Васо амэ блаӷодарни лэ Иеговасти?

²¹ Амэ фартэ блаӷодарни лэ Иеговасти, важ кода кай во дя амэнди тэ служысарас андэ лэстири собрания. И всаек, мурш чи жувли, жэнати чи най, миростэ чи най, скати амэнди бэрш, пэ сави шыб дас дума, всаворэ амэ фартэ куч лэ Иеговасти и ек еқэсти (Римлянам 12:4, 5; Колоссянам 3:10, 11).

²² Ласа тэ сэрас пала кода, со ԥэндя о апостоло Павло, пала лэ манушэстири тила и тэ терас кадя, сар амэ уӷанглям андэ кадэя статья. Блаӷодаря кадэлэсти амэ сможэм инке май драго тэ подритярас лэ ԥралэн и лэ ԥэян, тэ любисарас лэн и тэ цэнисарас.