Тэрнэ ԥэя, терэн вся, кай тумэндэ тэ авэл састи дружба лэ Иеговаса

1. Со трэбуй тэ терэс, кай тири дружба лэ Иеговаса тэ авэл састи?

САР дэ ӥто барён и бэяцэ! Здэлпэ, кай вонэ дажэ нисо на терэн важ када. Но кай тэ барёл амари дружба лэ Иеговаса трэбуй тэ пристас о зор (1 Кор. 13:11; Евр. 6:1)b. Кадяжэ амэнди трэбуй о свынто духо. Кати через лэстэ амэ можэм тэ шаспэ по Иисусо, тэ сытювас тэ терас кода, со приӷодияпэ андэ жызня и тэ авас ӷотови каринг и обязаности, савэ моӷут тэ авэн англэ (Прит. 1:5).

2. Со амэ уӷанас анда Бытие 1:27 и пала со амэ подаса дума андэ кадэя статья?

² О Иегова создал лэ муршэс и ла жувля. (Проадинон Бытие 1:27.) Вонэ на шонпэ ек пэ ек. Ай инке о Иегова кажнонэсти андар лэндэ дя разни обязаности. Кай и жувли тэ стерэл кода, со камэл о Иегова, латэ трэбуй тэ авэл характеро, саво чалёл лэсти, ай кадяжэ вой трэбуй дэсо тэ ӷанэн тэ терэл (Быт. 2:18). Андэ кадэя статья амэ роздиқаса, со можэт тэ терэл и тэрни ԥэй, кай латэ тэ авэл састи дружба лэ Дэвлэса. Ай андэ авэр статья амэ уӷанаса, со моӷут тэ терэн и тэрнэ ԥрала.

ПРИСТО ЗОР, КАЙ ТУТЭ ТЭ АВЭЛ ХАРАКТЕРО, САВО ЧАЛЁЛ ЛЭ ДЭВЛЭСТИ

3, 4. Кастар и тэрнэ ԥэя моӷут тэ сытён? (Диқэн кадяжэ и картинка.)

³ Андэ Библия росԥэнэнпэ пала бут розлашэ жувля, савэ любинас лэ Иеговас и служынас лэсти. Амэ можэм бут сости лэндар тэ сытювас. (Диқэн и статья «Женщины в Библии: чему учит их пример?» по сайто jw.org.) Лэндэ сас кацаво характеро, пала саво ԥэнэнпэ андо ӷлавно стихо андэ кадэя статья, — «андэ вся... тэ ӷанэн мера, ай кадяжэ... андэ вся тэ кандэн лэ Дэвлэс». Кадяжэ и ԥэя моӷут тэ лэн примеро лэ ԥэяндар андэ собрания, савэндэ лащи дружба лэ Иеговаса.

⁴ Тэрнэ ԥэя, ӷанэн тумэ лэ ԥэян, савэндэ састи дружба лэ Иеговаса, кай лэндар тэ сытён? Шон сама пэ лэнго лашо характеро и погиндон, сар тумэ можэте кадяжэ пэс тэ андярэн. Андэ авэр абзацоря амэ подаса дума пала трин важни маменторя, савэ поможына, кай и дружба лэ Дэвлэса тэ авэл май састи.

5. Васо и ԥэй, савятэ састи дружба лэ Иеговаса, трэбуй тэ авэл найӷордо?

⁵ О мануш, савэстэ састи дружба лэ Иеговаса, найӷордо. Кацаво мануш ладий най кати лэ Иеговаса, но и аврэнца (Иак. 4:6). Например, и жувли, сави любий лэ Иеговас, лэла тэ терэл кадя, сар пистромэ андэ 1 Коринфянам 11:3. Андэ кадэва стихо о Иегова объясний, касти во дя право тэ диқэн пала собрания и тэ хулаин андо ериc.

6. Сости и тэрнэ ԥэя моӷут тэ сытён кай и Ревека, сави сас найӷордо?

⁶ Подаса дума пала Ревекка. Кадэя жувли сас годявэрни. Вой кадяжэ сас смило и ӷанэнас, кала и со тэ терэл (Быт. 24:58; 27:5—17). Инке вой обжаласпэ аврэнца пативаса и ӷанэнас тэ кандэл (Быт. 24:17, 18, 65). Ту тожэ можэш тэ авэс найӷордо и тэ подритярэс кодэлэн, касти о Иегова дя право тэ хулаий. Тоди ту сыкавэса райкано примеро андо ери и андэ собрания.

7. Сар и тэрнэ ԥэя моӷут тэ шонпэ пэ Эсфирь, сави сас сэжо?

⁷ Инке о христианино трэбуй тэ авэл сэжо. Андэ Библия ԥэнэнпэ: «И мудрость кодэлэ манушэндэ, савэ сэжи» (Прит. 11:2). Роздиқам ла Эсфиряко примеро. Вой сас сэжо и на гиндояс пала пэстэ фартэ бут, дажэ кала ашэля царица. Вой приашунделя каринг о совето, саво дя лати лако упэрвых ԥрал, о Мардохеё (Эсф. 2:10, 20, 22). Сар ту можэш тэ шоспэ пэ Эсфирь? Пуш совето аврэндар и прилэ кода, сости вонэ тут сытярэн (Титу 2:3—5).

8. Сар и принцыпоря анда 1 Тимофею 2:9, 10 поможына лэ ԥэянди тэ утидэнпэ сэжо и пативалэс?

⁸ Андэр со инке и Эсфирь сас сэжо? Вой сас шукарни пэса, но на старыияспэ тэ шол бут сама пэр пэстэ (Эсф. 2:7, 15). Сар и христианка можэт тэ сытёл кай и Эсфирь? Давайте диқаса, со ԥэнэнпэ андэ 1 Тимофею 2:9, 10 (проадинон). О апостало Павло ԥэнэнас лэ жувлянди тэ утидэнпэ «скромно и годяса». И ӷречески алава, савэ исин андэ кадэва стихо, сыкавэн, кай и христианка трэбуй тэ утидэлпэ сэжо и тэ полэл, сар авэр диқэна пэ када. Амэ абуросарас амарэ ԥэянца, савэ утидэнпэ сэжо и шукарнэс.

9. Сости амэ сытювас кай и Авигея?

⁹ Инке важно, кай и христианка тэ авэл мудро. Када сыкавэл, кай вой ӷанэн, со лашо, ай со най и андярэл пэс годявэрнэс. Вспомним пала Авигея. Лако хулай приля найлащи ришэния. Када андоп каринг и бари бида всаворэ ерес. И Авигея сразу поля, со трэбуй тэ терэл, и на ля тэ цырдэл и время. Кода, кай вой сас мудро, спасысардя бутэ манушэн (1 Сам. 25:14—23, 32—35). Инке кала и жувли годявэрни, када поможый лати тэ полэл, кала тэ дэл дума, ай кала тэ ашэл мулком. Ай кадяжэ када поможый тэ на пушэл андэ дума кода, через со лэ манушэсти можэт тэ ашэл нэудобно (1 Фес. 4:11).

СЫТЮВ ТЭ ТЕРЭС КОДА, СО ПРИӶОДИЯПЭ АНДЭ ЖЫЗНЯ

10, 11. Если ту сытелян драго тэ адинос и тэ пистрос, сар када поможыя тути и аврэнди? (Диқэн кадяжэ и картинка.)

¹⁰ Кода, сости сытёла и щеёры, кала инке цынёни, приӷодияпэ лати, кала вой вибарёла. Роздиқаса дэсавэ примероря.

¹¹ Сытюв драго тэ адинос и тэ пистрос. Андэ дэсавэ культуры и мануша гиндон, кай ла жувляти на трэбуй тэ ӷанэн тэ адиной и тэ пистрой. Но када фартэ важно важ всаворэ христианоря (1 Тим. 4:13)d. Важ када сытю кадэлэсти, дажэ если тути када найвушэро тэ стерэс. Сар кода, кай ту ӷанэс тэ адинос и тэ пистрос, поможыя андэ жызня? Тути авэла май вушэро тэ арақэс бути. Ту сможэш драго тэ изучаеш лэ Дэвлэско Алав и тэ сытярэс аврэн. Ай со май ӷлавно, кала ту адиноса и Библия и лэса драго тэ розмышляеш, тири дружба лэ Иеговаса ашэла май састи (Иис. Н. 1:8; 1 Тим. 4:15).

12. Сости ту сытёс анда Притчи 31:26?

¹² Сытюв драго тэ дэс дума аврэнца. Всаворэ христианонэнди важно тэ сытён внимательно тэ ашунэн и тэ дэн дума ковлэс. Акэ саво совето амэ виарақас андэ лэ Иаковоско письмо: «Кажно трэбуй тэ авэл ӷотово тэ ашунэн и тэ на грабийпэ тэ дэл дума» (Иак. 1:19). Кала ту внимательно ашунэс аврэн, кадэлэса ту сыкавэс, кай вонэ тути най всаек (1 Пёт. 3:8). Если ту на полян и дума, задэ лэ манушэсти вопросоря, кай май драго тэ полэс лэско гиндо. Ай кала ту лэса тэ дэс дума, на ԥэн и алава, савэ пэрви авэн тути по гиндо (Прит. 15:28). Пуш пэстар: «Кода, со мэ камав тэ ԥэнав, — када чачимос? Придэла када зор аврэнди? Дицола андэ када, кай мэ став патив пэ авэр и дав дума ковлэс?» Сытюв кай и ԥэя, савэндэ састи вера и савэ ӷанэн драго тэ ашунэн и тэ дэн дума ковлэс. (Проадинон Притчи 31:26.) Шув сама пэ кода, сар и со вонэ ԥэнэн. Кала ту сытёса, сар када тэ терэс, тутэ вижала май драго тэ ладис аврэнца.

13. Со поможыя тути тэ авэс хулаицко? (Диқэн кадяжэ и картинка.)

¹³ Сытюв тэ авэс хулаицко. Часто май бут дила па цэр терэн и жувля. Ту бут сости можэш тэ сытёс кай тири дэй или кай авэр ԥэя андэ собрания. Акэ со росԥэнэн и Си́нди: «Мэрни дэй ӷанэн, сар тэ терэл дила кадя, кай вой лати тэ чалёл и сытярдя ман кадэлэсти. Важ када мэ ӷанав тэ гитосарав тэ хан, тэ прилав, тэ сував и годяса тэ тратисарав и ловэ. Када манди фартэ поможый андэ жызня и андэ служэния лэ Иеговасти. Ай инке амэндэ вся и время авэнас ӷостёря. Мэ кадяжэ старысавав тэ авав ӷостиприимно, сар мэрни дэй. Блаӷодаря кадэлэсти мэ уӷанглэм бутэ райканэ ԥралэн и ԥэян» (Прит. 31:15, 21, 22). И жувли, сави любий тэ терэл дила, ӷостиприимно и заботийпэ пала цэр — када па чачимастэ райкано подарко важ о ери и важ и собрания (Прит. 31:13, 17, 27; Дила 16:15).

14. Сости ту сытёс кай и Кристал и савэ цэли ту можэш тэ стос англа пэстэ?

¹⁴ Сытюв тэ затерэс важ пэстэ. Кажно христианино трэбуй тэ ӷанэн тэ заботийпэ пала пэстэ (Флп. 4:11). И Кри́стал ԥэнэн: «Кала мэ сытювавас андэ старшы класоря и родителя подԥэнэнас манди, со тэ витидав. Вонэ камэнас, кай кода, сости мэ сытювава, тэ анэн лашымос андэ жызня. О дадэ дя манди совето тэ сытював по буӷалтэро. И када чаче сас райкано совето». Но тэ затерэс и ловэ — када инке най вся. Трэбуй тэ полэс, сар лэн тэ тратис. Трэбуй тэ ӷанэс, пэр со ужан и ловэ, и тэ на тратис май бут ловэ, чем затерэс (Прит. 31:16, 18). Стов англа пэстэ дэвликонэ цэли. Кай лэн тэ домардёс, на заӷуль андо вужылимос и на тин кода, со тути на трэбуй (1 Тим. 6:8).

АВ ӶОТОВО КАРИНГ И ОБЯЗАНОСТИ, САВЭ ТУТЭ МОӶУТ ТЭ АВЭН

15, 16. Со и ԥэя, савэ най миростэ, моӷут тэ терэн андэ собрания? (Марко 10:29, 30).

¹⁵ Васо трэбуй тэ старысавас, кай амэндэ тэ авэл характеро, саво чалёл лэ Дэвлэсти, и тэ сытювас тэ терас кода, со приӷодияпэ андэ жызня? Када поможыя тэ авас ӷотови каринг и обязаности, савэ амэндэ моӷут тэ авэн. Ай кода, савэ обязаности тутэ авэна, зависит кодэлэстар, савэ ришэнии ту прилэса. Роздиқаса дэсавэ примероря.

¹⁶ Дэсави время ту можэш тэ на жас миростэ. Сар ԥэндя о Иисусо, дэсавэ христианки моӷут тэ витидэн тэ на жан миростэ, дажэ если андэ лэндири культура терэлпэ па аврятэ (Матф. 19:10—12). Авэр камлоп тэ жан миростэ, но лэндэ нинай возможность. О Иегова и о Иисусо на гиндон, кай если и щей най миростэ, ласа варисо най кадя. Андэ собрании па вся и люма и христианки, савэ най миростэ, фартэ куч важ амэндэ. Вонэ анда вся оди сыкавэн и любовь каринг авэр. Бут ко можэт тэ ԥэнэн, кай кадэла христианки ашэлэ важ лэндэ сар ԥэя и дэя, савэ подритярэн лэндири вера (проадинон Марко 10:29, 30; 1 Тим. 5:2).

17. Сар и тэрни ԥэй можэт тэ подӷотовица каринг и полновремено служэния?

¹⁷ Ту можэш тэ служыс полновремено. Адес па вся и ԥув росԥэнэн и лащи новость. Кадэя дила май бут терэн амарэ кучутнэ ԥэя (Пс. 68:11). Можэш ту ужэ акана тэ погиндос, кала лэса тэ служыс полновремено? Ту можэш тэ авэс пианероса, тэ служыс пэ стройка или андо Вефилё. Мангпэ пала кадэя цэль. Дэ дума кодэлэнца, ко ужэ служый пианероса, участвует андэ стройка или служый сар вефильцо и роспуш лэндар, сар тути каринг када тэ подӷотовишся. Ай тоди стер пэсти ӷрафико, саво поможыя тэ домардёс пэстири цэль. Если ту лэса тэ служыс полновремено ту никала пала када на жалуиса. Англа тутэ ԥэрнадёна и двэри каринг и нэвэ розлашэ возможности тэ авэс амал важ о Иегова.

18. Васо ла ԥьяти, сави камэл тэ жал миростэ, трэбуй драго тэ погиндой пала кастэ тэ жал? (Диқэн кадяжэ и картинка.)

¹⁸ Возможно, ту ришыш тэ жас миростэ. Амэ ужэ подям дума пала кода, саво характеро чалёл лэ Дэвлэсти, и сости важно тэ сытёс. Вся када поможыя тути тэ авэс лащи хулаи. Канешно, трэбуй годяса тэ витидэс пала кастэ тэ вижас. Када ек анда со май важни ришэнии андэ жызня. Сэр, кай о мануш, пала кастэ ту жаса, ашэла пэр тутэ хулай и тути трэбуй авэла лэс тэ кандэс (Рим. 7:2; Эф. 5:23, 33). Важ када пуш пэстар: «Старыийпэ во тэ терэл кадя, сар о Христос? Дицол, кай о Иегова по пэрво ҭан андэ лэстири жызня? Прилэл во годявэрнэ ришэнии? Прижанэн во пэстирэ ошыбки? Стол во патив пэ жувля? Сможэт во тэ поможый манди, кай мэрни дружба лэ Иеговаса тэ авэл май састи? Затерэла во ловэ, кай амэндэ тэ авэл вся, со трэбуй важ и жызня? Авэла во важ мандэ лашо друӷо? Ответствено во мануш? Например, сави дила лэсти динэ андэ собрания и сар во ла терэл?» (Луки 16:10; 1 Тим. 5:8). Канешно, тути трэбуй тэ гиндос най кати пала кода, сар тэ виарақэс лашэ хулас, но и пала кода, сар екжэни тэ авэс лащи хулаи.

19. Васо тэ авэс помощница — када почотно обязаность?

¹⁹ Андэ Библия ԥэнэнпэ, кай лащи хулаи — када помошница важ пэско хулай (Быт. 2:18). Тэлярэл када ла жувля? Най! Кадэя обязаность кай и хулаи фартэ почотно. Па чачимастэ андэ Библия дажэ по Иегова часто ԥэнэнпэ, кай во помошнико (Пс. 54:4; Евр. 13:6). И чачуни помошница подритярэл пэстирэ хулас. Например, вой подритярэл и ришэнии, савэ во прилэл важ вся о ери. Вой сэрэл, кай вонэ сар ек команда. Важ кода кай и хулаи любий лэ Иеговас, вой заботийпэ пала пэско хулай, кай пала лэстэ всегда драго тэ дэн дума (Прит. 31:11, 12; 1 Тим. 3:11). Сар тэ авэс лащи хулаи? Ту ужэ акана можэш тэ терэс вся, кай май фартэ тэ любис лэ Иеговас и тэ авэс лащи помошница важ пэстирэ чаче и важ и ԥрала и ԥэя андэ собрания.

20. Сави обязаность андо ери исин кай и дэй?

²⁰ Возможно, ту ашэса дэй. Посли кода сар ту вижаса миростэ, тумэндэ лэ хуласа моӷут тэ авэн бэяцэ (Пс. 127:3). Кода, пала со амэ дям дума андэ кадэя статья, поможыя тути тэ ашэс лащи хулаи и дэй. Тири любовь, доброта и терпения поможына, кай андо цэр тэ авэл мирно, и кай и бэяцэ тэ полэн лэ одеса, кай лэн фэрин и любин (Прит. 24:3).

21. Росԥэнэн, васо и тэрнэ ԥэя куч важ тумэндэ. (Диқэн и картинка пэ обложка.)

²¹ Амарэ тэрнэ ԥэя, сар дэ бут тумэ терэн важ о Иегова и лэско народо! (Евр. 6:10). Тумэ старыинпэ тэ шонпэ по Иисусо. Тумэ пристон вся о зор кай тэ сытён кодэлэсти, со анэн лашымос андэ жызня и через када ашэн бахталэ. Блаӷодаря кадэлэсти, кодэла, ко паша тумэндэ, тожэ ашэн май бахталэ. Если тумэ лэна и май дур тэ терэн кадя, тоди савэ обязаности тумэндэ тэ на авэн, тумэ авэна лошалэ. Амарэ сомнаконэ ԥэя, тумэ фартэ куч важ амэндэ!