Сар када тэ уӷанас лэ Иеговас и тэ полас, саво во дэ добро?

1, 2. Со трэбуй тэ терэс, кай тэ уӷанэс, саво дэ добро о Иегова, сар ԥэнэнпэ андо Псалом 34:8?

ПРЕЦТАВЬ пэсти, кай англа тутэ стодэ хамос, саво ту никала на зумадянас. Ту можэш тэ ашунэс, сар во драго қандэл, тэ уӷанэс сар лэс гитосардэ и тэ пушэс аврэндар, васо лэнди чалеля кадэва хамос. Но вкусо лэско ту полэса кати тоди, кала екжэно лэс хаса.

² Кадяжэ ту полэса пэ скати дэ добро о Иегова, если лэса тэ адинос и Библия и амари литература. Ай кадяжэ если лэса тэ уӷанэс, со росԥэнэн и ԥрала и ԥэя пала кода, сар о Иегова лэн подритярэлас андо ԥаримос. Но кай май драго тэ полэс, саво дэ добро о Иегова, тути трэбуй екжэнэсти тэ диқэс када андэ пэстири жызня. (Адиносар Псалом 34:8.) Например, ту камэс тэ авэс пианеро, тоди тути трэбуй тэ жувэс май просто. И сар ԥэндя о Иисусо, кодэлэсти кастэ лэ Дэвлэско Царство по пэрво ҭан, о Иегова дэла вся, со трэбуй важ и жызня. Ту драго ӷанэс кадэла алава, но можэт инке на диқлян, кацаво андэ пэстири жызня (Матф. 6:33). Но ту всаек патяс кадэлэ алавэнди лэс тэ жувэс май просто, парувэс и бути кай май набут время пэр латэ тэ жал и лэс тэ служыс анда вся оди. Тоди ту пэстирэ яқэнца диқэс, сар о Иегова заботийпэ пала тутэ. И можно тэ ԥэнэс, кай акана ту полян, пэ скати дэ добро о Иегова.

3. Касти о Иегова дэл лашимос, сар ԥэнэнпэ андо Псалом 31:19?

³ О Иегова терэл лашимос всаворэ манушэнди дажэ кодэлэнди, ко лэс на ӷанэн (Пс. 145:9; Матф. 5:45). Но май бут всаворэндар во дэл пэско лашимос кодэлэнди, ко любий лэс и служый лэсти всаворэ одеса. (Адиносар Псалом 31:19.) Подаса дума пала дэсаво лашимос, саво дэл о Иегова.

4. Сар о Иегова сыкавэл о лашимос кодэлэнди, кастэ кати залэлпэ и дружба лэса?

⁴ Кала амэ прилас лэ Иеговастирэ советоря, тоди амэ диқас сар парудёл амари жызня андэ лащи риг. Сгиндосарам сар када сас. Кала амэ кати ласас тэ уӷанас лэ Иеговас, амэ ласас май фартэ лэс тэ любисарас. И амэ диқасас, кай во поможыяс амэнди тэ ашавас пэстирэ найлашэ привычки (Кол. 1:21). Потом кала амэ болделям, амэ додиқлям инке май драго, пэ скати дэ добро о Иегова. Во дя кажнонэсти андар мэндэ вужи совесть и домэкля, кай амэндэ тэ авэл лэса састи дружба (1 Пет. 3:21).

5. Андэр со инке дицол, кай о Иегова добро каринг кодэла, ко росԥэнэн пала лэстэ?

⁵ Инке можно тэ полас, саво добро о Иегова, кала жас андэ служэния. Исин бут мануша савэ фартэ лажавнэ. И вонэ даран тэ росԥэнэн пала Дэл чужонэ манушэнди. Но о Иегова поможысардя лэнди тэ улэн пэстар и дар и дажэ тэ полюбин и служэния! Можэт и тутэ сас кацаво. Но во тут най кати андэ када подритярэлас. Кала андэ служэния туса дэнас дума ӷрубо, о Иегова поможыяс тути тэ авэс спокойно. Ай кала ту диқэсас, кай о мануш камэл тэ уӷанэн пала Дэл, тоди о Иегова поможыяс тэ сгиндос кодэва стихо, саво поджал андэ кодэва маменто. Лэ Иеговастирэ зорэса ту на парашэс и акана тэ росԥэнэс пала лэстэ, дажэ кала и мануша андэ служэния на камэн тут тэ ашунэн (Иер. 20:7—9).

6. Сар кода, кай о Иегова амэн сытярэл, сыкавэл кай во добро каринг амэндэ?

⁶ Инке дицол, кай о Иегова добро, кала во сытярэл амэн, сар тэ служысарас (Иоан. 6:45). Пэ собрания амэ диқас видеоря па савэ сытювас, сар тэ росԥэнас важ о Дэл и потом тэ терас кадяжэ андэ служэния. Спэрва амэ можэм тэ дарас, кай андэ служэния варисо парудёлпэ. Но если амэ прилас кадэла советоря, тоди можэт и мануша май драго лэна амэн тэ ашунэн. Кадяжэ и пэ канӷрэсоря амэнди ԥэнэн тэ на дарас тэ служысарас по разному. И кай тэ терас кадя амэнди прижалапэ тэ парувас андэ служэния кода каринг со присытелям. Но если амэ на пристаса зор андэ служэния, тоди лэ Иеговасти най со авэла тэ блаӷословий. Ай акана амэ уӷанаса, саво лашимос аштярэл кодэлэн, ко старыийпэ тэ отдэл лэ Иеговасти, со май лашо, и на диқэл по ԥаримос. Инке подаса дума, со поможыя амэнди тэ стерас важ о Иегова кода, со загиндосардям.

О ИЕГОВА БЛАӶОСЛОВИЙ КОДЭЛЭН, КО ПАТЯЛ ЛЭСТИ

7. Сар о Иегова блаӷословий кодэлэн, ко камэл тэ терэл май бут андэ служэния?

⁷ Тутэ авэла инке май лащи дружба лэ Иеговаса. Подаса дума пала старейшына анда Колумбия, савэс ақарэн Марсэлёb. Лэсти и лэстиря хулаяти чалёлас тэ служын пианеронэнца андэ пэстири собрания. Но вонэ камэнас тэ терэн важ о Иегова май бут и тэ пэрэладэн кордэ, кай трэбуй май бут вазвещятеля, кай тэ росԥэнэн пала Дэл. Но кай тэ стерэн када, лэнди прижыляпэ варисостар тэ отԥэндён. О Марсэлё ԥэнэн, кай вонэ приашунделэ каринг о совето анда Матфея 6:33 и парашэлэ тэ тинэн кода, со на трэбуй. Но со май ԥарэс лэнди сас тэ ашавэн пэстири квартира. Вонэ каринг латэ фартэ присытелэ, андэр латэ вся сас просто идеально и лэндэ на сас пала латэ вужылимос. Но кала вонэ пэрэлаглэ по нэво ҭан, вонэ полинэ, кай акана лэнди важ и жызня хутилэл в шэсть раз май на бут ловэ. Инке во ԥэнэн, кай вонэ диқэнас, сар о Иегова лэн подритярэл и ашунэнас лэндирэ молитвы. И вонэ полинэ, кай лэ Иеговасти чалёл, со вонэ важ лэстэ терэн, и кай во лэн любий. Ай ту можэш варисо тэ парувэс андэ пэстири жызня, кай тэ терэс важ о Иегова варисо май бут? Если можэш, тоди патя, кай о Иегова на ашавэла тут и лэла тэ заботийпэ пала тутэ (Пс. 18:25).

8. Сости ту можэш тэ сытёс кай о Ваня и кай и Вика?

⁸ Ту авэса инке май лошало андэ служэния. Подаса дума пала Ваня и лэстири хулаи и Вика, вонэ служын пианеронэнца андэ Киргизия. Кадэва ери на цырдэласпэ пала барвалимос. Кадя лэнди сас май вушэро тэ лэнпэ пала любо дила андэ лэ Дэвлэстири арӷанизацыя. Например, тэ ладэн тэ строин и здании важ амари орӷанизация. О Ваня ԥэнэн, кай кала лэнди дэнас тэ терэн варисави нэви дила, вонэ ла терэнас всаворэ одеса. Канешно, вонэ фартэ цыёнас, но лэндэ по ди сас бари радость, важ кода кай вонэ отдэнас вся пэско зор лэ Иеговасти. Ай инке вонэ фартэ лошавэнас, кай лэндэ ашэлэ бут друӷоря, савэнца вонэ терэнас ек дила и савэнца лэндэ исин, со тэ сгиндон сар вонэ терэнас и дила важ о Иегова (Мар. 10:29, 30).

9. Росԥэн, сар еқа ԥьятэ вижал май бут тэ служый лэ Иеговасти, хоть латэ бут ԥаримос и саво лашимос када анэн.

⁹ Дажэ кала тутэ ԥаримос, но ту всаек служыс лэ Иеговасти, када тути анэна радость. Кай май драго када тэ полас уӷанаса пала ԥэй Марьяна, сави жувэл андэ Западно Африка. Вой ужэ андэ бэршэндэ и лако хулай муля. Варикала вой сас врачо, ай посли кода сар ужыля пэ пенсия, вой ля тэ служый пианероса хоть латэ дуқан вся и кокаля, латэ артрито. Вой жал тэ служый па цэра кати пэ часостэ, важ кода кай вой нэ можэт май бут тэ ԥирэл. Ай лэ стэндонэнца вой можэт тэ служый май бут время, важ кода кай кадя лати май вушэро. Кай и Марьяна исин бут мануша, кастэ вой зажал тэ росԥэнэн пала Дэл, ай кадяжэ исин най ек изучения Библии. Дэсавэнца вой проандярэл изучения па телефоно. Васо кадэя ԥэй кадя бут служый лэ Иеговасти? Вой ԥэнэн, кай латэ бари любовь каринг о Иегова и каринг о Иисусо. Ай инке вой вся и время мангэлпэ лэ Иеговасти, кай во тэ поможый лати тэ служый лэсти май бут (Матф. 22:36, 37).

10. Со о Иегова аштярэл кодэлэндар, ко камэл май бут тэ служый лэсти, сар ԥэнэнпэ андэ 1 Петра 5:10?

¹⁰ О Иегова сытярэла тут, сар май драго тэ терэс и дила. О ԥрал, саво жувэл по острово Маврикий и саво служый пианероса, ԥэнэн, кай кода, кай о Иегова сытярэл, важ лэстэ када бари блаӷословения. Кала во уӷангля о чачимос пала Дэл, во ашадя о университето, болделя и ля тэ служый полновременно. Во ԥэнэн, кай вся и время гиндой пала алава, савэ пистросардя о пророко Исаия: «Акэтало мэ! Бишал ман» (Ис. 6:8). Кадэва ԥрал камэлас тэ сытёл май бут тэ терэл дила важ о Дэл. Во поможыяс тэ строин дэсавэ здании важ амари арӷанизацыя, и поможыяс тэ пэрэандярэн амари литература пэ пэстири шыб. Во ԥэнэн, кай андэ лэ Дэвлэстири арӷанизацыя и ԥрала бут сости лэс сытярдэ, кай во драго тэ терэл и дила андэ служэния. Но во сытеля най кати тэ терэл драго и дила важ о Дэл, но инке через када во поля, андэр со лэсти трэбуй тэ парудёл, кай о Иегова тэ авэл лэса инке май довольно. (Адиносар 1 Петра 5:10.) Ай ту камлоп тэ диқэс, саво дэ добро о Иегова? Тоди ту можэш тэ парував варисо андэ пэстири жызня, кай во тэ дэл тути терэс авэр варисави дила андэ лэстири арӷанизацыя и тэ сытярэл тут, сар май драго када тэ терэс.

11. Сар тринэ ԥэяндэ андэ Южно Корея вижал май бут тэ служын лэ Иеговасти? (Диқэн и картинка пэ обложка.)

¹¹ Дажэ кодэла вазвещятеля, савэ драго ӷанэн тэ служын и савэ ужэ на ек бэрш када терэн, лэнди всаек трэбуй тэ сытён тэ служын по разному. Например, и старейшыноря анда Южно Корея росԥэндэ, сар и ԥрала и ԥэя андэ лэндири собрания сытелэ па видеосвязь тэ росԥэнэн пала Дэл, пока жал о вирусо па вся и люма. Вонэ ԥэнэн, кай лэ ԥралэнди и лэ ԥэянди, савэндэ найлашо зор, фартэ сас найвушэро тэ служын па цэра, но акана вонэ служын па видеосвязь. Трин ԥэя, савэнди ужэ май бут чем 80 бэрш сытелэ тэ розлэнпэ андо компьютеро и акана служын чуть най кажно дес (Пс. 92:14, 15). Ай ту камлоп тэ лэс тэ служыс май бут и тэ диқэс, сар о Иегова дэл инке май бут лашимос? Уӷанам, со ту можэш тэ стерэс важ када.

САР ТЭ ДОМАРДЁС КОДА, СО ЗАГИНДОСАРДЯН ВАЖ О ИЕГОВА?

12. Пала со дэл алав о Иегова кодэлэнди, ко патял лэсти?

¹² Сытюв тэ патяс, кай о Иегова поможыя тути. Кала амэ патяс лэ Иеговасти и отдас пэско зор андэ служэния лэсти, тоди во дэла амэнди бут блаӷословения (Мал. 3:10). И када пар пэстэ ӷанэн и ԥэй Фелисия, сави жувэл андэ Колумбия. Посли кода сар болделя, вой закамля тэ авэл пианероса. Но вой екжэни затерэлас важ пэско ери. Ай латэ лэ хуласа сас трин бэяцэ. И важ када латэ ни сар на вижалас тэ терэл пэ бути и тэ авэл пианеро. Но кала вой ужэ моӷла тэ вижал пэ пенсия, вой ля фартэ тэ мангэлпэ лэ Иеговасти, кай во лати тэ поможый май ӥто тэ стерэл и лила пэ пенсия. Вой ԥэнэн, кай тэ стерэс и пенсия, пэ када жал бут время, но вой блаӷодаря лэ Иеговасти стердя ла важ шонэстэ! Ужэ через дуй шон вой служыяс пианероса. Акана кадэла ԥьяти пала 70 бэрш и вой служый пианероса май бут чем 20 бэрш. Важ кадэя время вой поможысардя, кай 8 манушня тэ болдён и тэ ашэн лэ Иеговастирэ служытеля. И Фелисия ԥэнэн, кай дэкала латэ на хутилэл зор, но о Иегова лати поможый, кай вой тэ на парашэл кажно дес тэ служый лэсти.

13. Кастар андэ дэлмутни время амэ можэм тэ сытювас тэ патяс лэ Иеговасти и тэ домардювас кода, со камас важ о Иегова?

¹³ Сытюв кодэлэндар, ко патялас лэ Иеговасти. Андэ Библия росԥэнэнпэ пала мануша, савэ пристонас бут зор, кай тэ терэн варисо важ о Иегова. Вонэ спэрва трэбуй сас варисо тэ стерэн, ай тоди о Иегова лэн блаӷословияс. Например, лэ Авраамос о Иегова блаӷословисардя кати тоди, кала во ашадя пэско цэр и «жыля, хоть на ӷанэнас, каринг жал» (Евр. 11:8). Кадяжэ о Иегова блаӷословисардя лэ Иаковос кати тоди, кала во вся и рят борияспэ лэ анӷелоса (Быт. 32:24—30). Ай и израильтяноря смоӷли тэ пэрэжан о Иордано и тэ зажан андэ Обетованно ԥув, кати тоди кала и рашая зажылэ андо паи (Иис. Н. 3:14—16).

14. Кастар андэ амарэ деса амэ можэм тэ сытювас тэ патяс лэ Иеговасти и тэ домардювас кода со камас важ о Иегова?

¹⁴ Инке ту можэш тэ сытёс кай лэ Иеговастирэ служытеля, савэ жувэн андэ амари время и савэ патянас лэ Иеговасти и камэнас май бут тэ терэн важ лэстэ. Пала кадэла ԥрала и ԥэя ту можэш тэ проадинос анда статьи пэ ек тема пэ русско шыб. Вонэ называюца «Они с готовностью предоставили себя для служения»c. О Пэтя и лэстири хулаи и Даяна ԥэнэн, кай лэнди фартэ чалёл тэ адинон кадэла статьи. Кала вонэ лэн адинон, вонэ кадяжэ сар кадэла вазвещятеля камэн май бут тэ служын лэ Иеговасти. Вонэ ԥэнэн, кай када сар кабута диқэс по мануш, саво хал вкусно хамос, и тоди и ту закамэс тэ хас. Прожыля время и кадэва ери пэрэлагля интя, кай трэбуй май бут вазвещятеля. Ай ту адиносардя кадэла статьи? Инке ту можэш тэ диқэс пэ амаро сайто jw.org и видеоря пала служэния пэ русско шыб «Проповедь в отдалённых районах. Австралия» и «Проповедь в отдалённых районах. Ирландия». Када вся поможыя тути тэ закамэс инке варисо май бут тэ стерэс важ о Иегова.

15. Васо трэбуй годявэрнэс тэ витидэс пэсти друӷонэн?

¹⁵ Ав годявэрно, кала витидэс пэсти друӷонэн. Сар ԥэнэнпэ, тэ зумавэс нэво хамос пэ бутэстэ май вушэро кодэлэнца, касти во чалёл. Кадяжэ и кала ту дружыс кодэлэнца, ко камэл май бут тэ служый лэ Иеговасти и савэндэ во по пэрво ҭан андэ жызня. Тоди ту тожэ кадя закамэса тэ терэс. О Лёша и Милана пар пэстэ када ӷанэн. Вонэ ԥэнэн, кай лэнго родо и друӷоря вся и время ԥэнэнас лэнди тэ терэн варисо нэво андэ служэния лэ Иеговасти. Вонэ полинэ, кай кацавэ друӷоря, поможын тэ на даран тэ лэнпэ пала нэви дила андэ служэния. Акана о Лёша и Милана служын, сар спецыальни пианероря андэ Сербия.

16. Васо амэнди дэкала трэбуй варисостар тэ отԥэндювас, кай тэ служысарас лэ Иеговасти, сар ԥэнэнпэ андэ лэ Иисусостири притча? (Луки 12:16—21).

¹⁶ На дар тэ отԥэндёс варисостар важ о Иегова. Кай тэ уӷодис лэ Иеговасти, на трэбуй тэ отԥэндёс всаворэстар, со тути чалёл (Эккл. 5:19, 20). Но дэкала о мануш можэт тэ стерэл варисо май бут андэ служэния лэ Иеговасти, но варисо лэсти на дэл, и во на камэл кадэлэстар тэ отԥэндёл. Кацаво сас лэ манушэса анда лэ Иисусостири притча. Кодэва мануш гиндояс, кай кати лэсти тэ авэл драго, а най кай тэ служый лэ Иеговасти. (Адиносар Луки 12:16—21.) О ԥрал Серёӷа ԥэнэн, кай варикала важ лэстэ о Иегова и лэско ери на сас по пэрво ҭан. Но кала во поля када, во и лэстири хулаи линэ тэ служын пианеронэнца. Важ и служэния лэнди прижыляпэ тэ ашавэн пэстири бути, сави залэлас лэндар бут время. Вонэ ԥэрнадэ пэстири фирма, кай прилэн па цэра и сас довольни кодэлэса, со лэндэ исин. Но хэба када ашэл када? О Сереӷа ԥэнэн, кай лэнго ери инке никала на сас кацаво дэ бахтало, кай служый лэ Иеговасти! Вонэ лошалэ тэ диқэн, кай и мануша, савэндэ вонэ авэн и каса проандярэн изучения Библии, уӷанэн лэ Иеговас.

17. Со поможысардя ла Миленати тэ лэл тэ служый па аврятэ?

¹⁷ На дар тэ служыс по разному (Деян. 17:16, 17; 20:20, 21). И Милена пианерка анда США ԥэнэн, кай лати сас найвушэро кодэлэстар, кай через кадэва вирусо бут со паруделя андэ служэния. Спэрва вой на ӷанэнас, сар тэ служый па телефоно, но потом о раёно надзирателё сыкадя, сар када тэ терэл. Акана и Милена кадя и служый. Спэрва вой даралас кадя тэ служый, ай акана лати дажэ фартэ чалёл кацави служэния. Вой ԥэнэн, кай па телефоно и мануша май драго ашунэн пала Дэл, чем кала вой росԥэнэнас па цэра.

18. Саво совето поможыя тути май бут тэ служыс лэ Иеговасти, дажэ кала тутэ ԥаримос андэ жызня?

¹⁸ Запистросар, со камэс тэ стерэс и тер кадя. Андэ любо ԥаро маменто амэ мангаспэ лэ Иеговасти, кай тэ поможый амэнди, и гиндосарас, со тэ терас (Прит. 3:21). Акэ со поможый еқа ԥьяти драго тэ гиндой англа кода, сар тэ прилэл ришэнии. И ԥэй Соня, сави служый пианероса андэ романи ӷруппа андэ ек европейско страна, ԥэнэн, кай лати чалёл тэ запистрой по листочко, кода со камэл тэ стерэл. И вой стол лэс варикай пэ яқа, кай тэ дицол. Кадяжэ латэ по камодо тердёл картинка, кай нарисовани дуй дрома, савэ андярэн андэ разни рига. Када дэл лати тэ сэрэл важно гиндо, саво поможый тэ прилэл правильно ришэния. Любо ришэния можэт тэ анэн или лашимос или проблемы. Ай кала латэ андэ жызня най вся драго, тоди лати поможый авэр гиндо. Вой старыийпэ тэ диқэл варисо лашо дажэ андо ԥаримос. Вой ԥэнэн, кай кала андэ жызня жал варисо най кадя сар камас, пэ када можно тэ диқэс сар пэ стина, сави на дэл тэ стерэс кода, со камэс или можно тэ диқэс сар по мосто, саво поможый тэ жас англэ и тэ домардёс кода, со камэс. Вся зависит кодэлэстар, сар о мануш пэ када диқэл.

19. Со ту закамлян тэ терэс посли кадэя статья?

¹⁹ Амэндэ исин бут блаӷословении лэ Иеговастар! И амэ сыкаваса, кай фартэ блаӷодарни лэсти, если ласа тэ терас вся, со па амаро зор, кай тэ прославляем лэс (Евр. 13:15). Например можэш тэ сытёс тэ служыс по разному, кала парудёлпэ варисо андэ лэ Иеговастири арӷанизацыя. Кадя о Иегова дэла тути инке май бут блаӷословения. И ласа тэ терас сар ԥэнэнпэ андо стихо: «Уӷанэн лэ Иеговас и полэн, саво во дэ добро». И терам кадя кажно дес, кай о Иегова амэн тэ блаӷословляет! Тоди амэ сар и о Иисусо сможэм тэ ԥэнас: «Мэрно хамос, тэ терав вся, со камэл кодэва, ко ман бишалдя и тэ дотерав и дила, сави во манди дя» (Иоан. 4:34).