Тэ терас лашимос, кала амэн на мангэн. Сар май бут када тэ терас?

КАЖНО камэл, кай всаворэ тэ гиндон, кай во лашо мануш и терэл лашимос. Адес тэ терэс лашимос найвушэро. Амэ жувас машкар мануша, анда савэ май бут на любин тэ терэн лашимос (2 Тимофею 3:3). Вонэ екжэнэ витидэн, со правильно, ай со най, и ԥэнэн «по лашимос найлашимос, ай по найлашимос лашимос» (Исаия 5:20). Инке амэнди дэкала на дэл тэ терас о лашимос кода, со сас амэнца варикала и кода, кай амэ найсовершэни. Важ када амэндэ можэт тэ авэл по ди кацаво, сар кай ек ԥэй, сави най ек бэрш служый лэ Иеговасти. Вой росԥэнэн: «Манди на патялпэ, кай мэ моӷу тэ авав лашо мануш».

Драго, сар терас о лашимос, кала амэн на мангэн, но можно тэ сытювас тэ терас лэс инке май бут. Када ек анда кода, со терэл лэ Дэвлэско свынто духо. И во поможыя тэ пэрэандярас любо ԥаримос. Саво када можэт тэ авэл ԥаримос? Када, со терэлпэ андэ люма, со терэлпэ паша амэндэ и дажэ кода, кай амэ найсовершэни. Подам дума май драго пала лашимос и сар лэс тэ терас май бут.

СО КАДА ТЭ ТЕРАС ЛАШИМОС, КАЛА АМЭН НА МАНГЭН?

О мануш, саво терэл лашимос, во жувэл па лэ Дэвлэско законо и вужо англа лэ Дэвлэстирэ яқа. Во вся и время терэл кода, со правильно. Кала во терэл лашимос, кадэлэстар драго аврэнди. Кадэва лашо качество дицол андэ лащи дила.

Тумэ диқлэ, сар мануша анда оди терэн варисо лашо важ пэско родо и важ пэстирэ друӷоря. Но кадэва лашимос, саво терас, на хутилэл, кай тэ авас лашэ англа Дэл. Нико андар мэндэ нэ можэт тэ терэл кати ек о лашимос. Андэ Библия пистромэ: «Нинай пэ ԥув праведнонэ манушэс, саво тердоп кати о лашимос и на тердоп бэзэх» (Экклезиаст 7:20). О апостоло Павло ԥэндя пала пэстэ: «Ӷанав, кай андэр мандэ, то есть андэ мэрни тила, на жувэл о лашимос» (Римлянам 7:18). Дицол, кай амэнди трэбуй помощь лэ Иеговастар, саво андэ вся терэл кати о лашимос.

«О ИЕГОВА ДОБРО»

О Иегова сытярэл амэн, сар май драго тэ терас о лашимос аврэнди. Пала лэстэ андэ Библия пистромэ: «Ту добро и терэс лашимос, сытяр ман тэ ӷанав тирэ законоря» (Псалом 119:68). Роздиқаса дуе ригэндар, пала со пистромэ андэ кадэва стихо, сар о Иегова терэл лашимос.

О Иегова добро. Во терэл лашимос и би кадэлэско во нэ можэт. Сэрэн, со о Иегова ԥэндясас лэ Моисеёсти: «Мэ сыкавава тути вся пэско лашимос». И о Иегова сыкадя лэ Моисеёсти вся пэсти слава, ай кадяжэ, кай во терэл лашимос. И о Моисеё ашундя о ӷолосо, саво ԥэнэнас пала Иегова: «Иегова, Иегова, Дэл, саво жалуий анда вся оди и никала на ашавэл, кала ԥарэс. Во на грабийпэ тэ холявэл, терэл бут лашимос и чачимос, фэрий пэстири любовь каринг и тысячи и на ашавэл лэн. Во простий и ӷрехоря и кода, со терэн най кадя, но во всаек на ашавэла када кадя» (Исход 33:19; 34:6, 7).

Всаворэ авэр лэ Иеговастирэ качестворя связани кодэлэса, кай во терэл лашимос. Хоть о Иисусо май бут терэлас лашимос чем авэр мануша, во ԥэндя: «Нико най май добро, ек кати о Дэл» (Луки 18:19).

О Иегова терэл лашимос. Када дицол андэ вся, со во терэл. Андэ Библия пистромэ: «О Иегова терэл лашимос всаворэнди, и лэсти жалость дицол андэ всаворэ лэстири дила» (Псалом 145:9). О Иегова на витидэл, касти тэ терэл о лашимос, ай касти най. Во всаворэнди дэл жызня и вся, со лэнди трэбуй (Деяния 14:17). Кадяжэ во терэл лашимос, кала простий амэн. О псалмопевцо пистросардя, кай о Иегова терэл лашимос всаворэнди и камэл тэ простий (Псалом 86:5). Можно тэ патяс, кай «кодэлэнди, ко вужо англа лэстэ, о Иегова на парашэла тэ дэл о лашимос» (Псалом 84:11).

«СЫТЁН ТЭ ТЕРЭН О ЛАШИМОС»

О Дэл создал амэн кацавэн сар во, важ када амэ тожэ можэм тэ терас лашимос (Бытие 1:27). Но кадэлэсти всаек трэбуй тэ сытювас. Андэ Библия пистромэ: «Сытён тэ терэн лашимос» (Исаия 1:17). Сар жэ амэнди кадэлэсти тэ сытювас? Роздиқам трин маменторя.

Пэрво, амэ можэм тэ мангаспэ пала свынто духо, саво поможый лэ христианонэнди тэ терэн лашимос (Галатам 5:22). Свынто духо поможыя амэнди тэ сытювас тэ любисарас о лашимос и тэ вэрыцысарас о найлашимос (Римлянам 12:9). Андэ Библия пистромэ, кай о Иегова можэт тэ дэл зор амэнди «андэ любо лащи дила и андо алав» (2 Фессалоникийцам 2:16, 17).

Дуйто, амэнди трэбуй тэ адиносарас и Библия, кай через латэ о Иегова тэ сытярэл амэн лэ лашимастирэ дромэсти и тэ ӷанас тэ терас «любо лащи дила» (Притчи 2:9; 2 Тимофею 3:17). Амаро ди можно тэ ԥэнэс, сар сэртари, андэ саво гаравас варисо кучутно. Кала адиносарас и Библия и гиндосарас пала кода, со адиносардям, амэ ԥэрас амаро сэртари лащэ шукарнэ гиндонэнца важ о Дэл и пала кода, со во загиндосардя важ амэндэ. Пала кадэла гиндоря амэ можэм тэ бандювас, кала амэнди трэбуй (Луки 6:45; Эфесянам 5:9).

Трито, амэ старысавас тэ терас кода, со пистромэ андэ Библия: «Тер, сар терэн лашэ мануша» (3 Иоанна 11). Андэ Библия пистромэ пала бут мануша, савэндар амэ можэм тэ сытювас. Канешно, со май драго амэ можэм тэ сытювас кай о Иегова и кай о Иисусо. Ко инке ашундёлас кодэлэса, кай терэлас лашимос? Можэт тумэнди авэл по гиндо пала дуй мануша, када и Тавифа и о Варнава (Деяния 9:36; 11:22—24). Кала адиносарас пала лэндэ андэ Библия, амэ бут сости можэм тэ сытювас лэндар. Шон сама, сар вонэ поможынас аврэнди. Погиндон, сар тумэ моӷли бы тэ дэн помощь варикасти анда пэско родо чи лэ ԥралэнди и лэ ԥэянди андэ собрания. Ай инке погиндон, сар о Дэл блаӷословисардя ла Тавифа и лэ Варнавас пала лэндири лащи дила. Кацаво жэ лашимос авэла и тумэнди.

Адес кадяжэ исин ԥрала и ԥэя, савэ терэн лашимос аврэнди. Погиндон пала старейшыноря, савэ любин тэ терэн лашимос и стон бут зор, кай тэ авэл драго андэ собрания. Трэбуй тэ на бистрас пала ԥэя, савэ на парашэн тэ кандэн лэ Дэвлэс, и савэ алавэнца и пэ дила «сытярэн тэ терэн о лашимос» (Титу 1:8; 2:3). Ԥэй, савя ақарэн Розлин росԥэнэн: «Мэрни подружка андэ собрания ашундёл кодэлэса, кай поможый и подритярэл аврэн. Вой старыийпэ тэ полэл лэн и дэкала терэл лэнди найбарэ подаркоря чи варисар поможый лэнди. Вой па чачимастэ терэл лашимос анда оди».

О Иегова ԥэнэн пэстирэ служытелёнэнди: «Родэн тэ терэн о лашимос» (Амос 5:14). Кала тераса кадя, амэ ласа тэ любисарас лэ Дэвлэстирэ законоря и закамаса тэ терас о лашимос.

На трэбуй тэ гиндос, кай о лашимос терэс кати тоди, кала терэс варисави бари дила чи дарис кучутно подарко. Ԥэнаса, кай варисо тэ барёл, амэ на шас пэр лэстэ еқвар и бут паи, ай шас по набут и бут разоря. Точно кадя, кала амэ терас найбари, но фартэ нужно дила, и терас када най еқвар, кадя амэ терас лашимос.

Андэ Библия пистромэ, кай «тэ авас ӷотови каринг любо лащи дила» (Титу 3:1). Кала амэ пушас аврэ манушэстэ, сар во жувэл, амэндэ вижала тэ стерас варисаво лашимос лэсти, «кай тэ авэл лэстэ зор» (Римлянам 15:2). Можно тэ поделисавас кодэлэса, со амэндэ исин (Притчи 3:27). Ай можно тэ ақарас пэстэ цэрэ, тэ бэшас тэ хас и тэ подас дума пала варисо лашо. Кала во занасвайля можно тэ позвонисарас лэсти чи тэ жас тэ побэшас лэстэ и тэ уӷанас, сар лэстэ о зор. Да, исин бут, сар тэ стерас «кода, со анэн лашимос, кай тэ авэн састэ. Терэн кадя, кала када трэбуй, кай када тэ анэн лашимос кодэлэнди, ко ашунэн» (Эфесянам 4:29).

Амэ, сар и о Иегова, камас всаворэнди тэ терас о лашимос. Важ када амэ на витидас лэ манушэн, касти тэ терас лэс, ай касти най. Со май драго, када тэ росԥэнас всаворэнди пала лэ Дэвлэско Царство. Амэ кандас лэ Иисусос и старысавас тэ терас о лашимос дажэ кодэлэнди, ко амэн нэнавидит (Луки 6:27). Тэ обжаспэ аврэнца драго, када со май правильно, важ кода кай «против... када нинай законо» (Галатам 5:22, 23). Кала амэ терас о лашимос дажэ тоди, кала амэнди ԥарэс или кала амэнца найдраго обжанпэ, через када и мануша моӷут тэ закамэн тэ уӷанэн пала чачимос и тэ прославляют лэ Дэвлэс (1 Петра 3:16, 17).

СО АМЭНДЭ АВЭЛА, КАЛА ТЕРАС О ЛАШИМОС?

Андэ Притчи 14:14 пистромэ, кай о лашо мануш чалёла «кодэлэстар, со терэл». Со када сыкавэл? Кала амэ аврэнди терас о лашимос, вонэ терэна кадяжэ и амэнди (Притчи 14:22). Но дажэ, кала вонэ на терэна кадя, и диқэна, кай амэ всаек када терас, вонэ лэна май драго амэнца тэ обжанпэ (Римлянам 12:20).

И жызня кодэлэнди, ко парашэля тэ терэл о найлашимос и линэ тэ любин о лашимос, паруделя андэ май лащи риг. Акэ, со росԥэнэн и Нэнси: «Мэ сымас наӷло, никас на кандавас и андяравас найлащи жызня. Но кала мэ уӷанглэм лэ Дэвлэстирэ лашэ законоря, тоди мэ лэм тэ жував па кадэла законоря. Мэ ашэлэм май бахтали и лэм пэр пэстэ тэ став патив».

Со май важно, васо амэ терас о лашимос, кала амэн пала када на мангэн, када кай тэ радосарас лэ Иеговас. Дажэ, кала бут ко на диқэл кода со амэ терас, када диқэл о Иегова. Во шол сама пэ кажно амари лащи дила и дажэ пэ гиндоря (Эфесянам 6:7, 8). Со амэнди важ када авэла? Андэ Притчи 12:12 пистромэ: «Кодэва, ко терэл лашимос, чалёл лэ Иеговасти». Важ када давайте май бут тэ терас о лашимос. О Иегова дэл алав, кай дэла «слава, бах и ладо кажнонэсти, ко терэл лашимос» (Римлянам 2:10).