Полэн, со по ди лэ манушэндэ, касти росԥэнэн важ о Дэл

1. Саво лэ Иисусоско качество поможый, кай амэнди тэ авэл май вушэро по ди? Росԥэнэн.

О ИИСУСО драго полэл, кай амэ найсовершэни и амэнди прижалпэ тэ диқаспэ кацавэ манушэнца. И кадэлэстар амэ нэпэрэжываем. Кала во сас пэ ԥув, во радуияспэ кодэлэнца, ко радуияспэ и ровэлас кодэлэнца, ко ровэлас (Римлянам 12:15). Кала лэстирэ 70 ученикоря авелэ фартэ радосни кодэлэстар, кай росԥэнэнас и лащи весть, о Иисусо «фартэ обрадосайля» (Луки 10:17—21). Ай кала о Иисусо диқля, саво ԥаримос андя лэ Лазарёстири смэрть кодэлэнди, касти во сас фартэ куч «во приақардя оди» (Иоанна 11:33).

2. Со поможыяс лэ Иисусости тэ полэл, со кай и мануша по ди?

² Хоть о Иисусо сас совершэно мануш, во полэлас и жалуияс анда вся оди лэ манушэн, савэ сас найсовершэни. Со лэсти андэ када поможыяс? Лэсти поможыяс кода, кай во любияс лэ манушэн. Сар пистромэ андэ статья, сави сас май англал, лэсти «радость сас лэ манушэндирэ шавэнца» (Притчи 8:31). И важ када во старыияспэ тэ полэл, сар вонэ гиндон. О апостоло Иоанно росԥэндя, кай о Иисусо «диқэлас, со андо ди кажнонэстэ» (Иоанна 2:25). Во полэлас лэ манушэн лэ одеса. И мануша диқэнас када и приашундёнаспэ каринг и лащи весть пала лэ Дэвлэско Царство. Со май бут амэ ласа тэ терас сар о Иисусо, тэ полас лэ манушэн лэ одеса и тэ шас сама лэн, тоди со май лащи амэндэ авэла служэния (2 Тимофею 4:5).

3, 4. а) Сар амэ ласа тэ служысарас, кала поласа, со лэ манушэндэ по ди? б) Со амэ роздиқаса андэ кадэя статья?

³ О апостоло Павло полэлас, кай трэбуй тэ росԥэнэн и лащи весть (1 Коринфянам 9:16). Кадя жэ и амэ трэбуй тэ росԥэнас и лащи весть. Кала амэ полас, со кай и мануша по ди, тоди амари служэния авэла най кацави, кай када трэбуй. Ай амэ ласа тэ росԥэнас и лащи весть, важ кода кай амэ жалуисарас лэ манушэн и камас лэнди тэ поможысарас. Амэ ӷанас, кай «май бари бах, кала дас, чем кала лас» (Деяния 20:35). Кала амэ ласа тэ сэрас пала када, амари служэния анэна амэнди май бут радость.

⁴ Андэ кадэя статья амэ подаса дума, сар тэ полас, со по ди кай и мануша, касти росԥэнас и лащи весть. Спэрва амэ уӷанаса, сости амэ можэм тэ сытювас кай о Иисусо, ай посли када роздиқаса штар советоря, савэ поможына амэнди тэ терас сар во (1 Петра 2:21).

О ИИСУСО ПОЛЭЛАС, СО АВРЭНДЭ ПО ДИ, КАЛА РОСԤЭНЭНАС И ЛАЩИ ВЕСТЬ

5, 6. а) Кас о Иисусо полэлас, со лэндэ по ди? б) Васо о Иисусо полэлас, со по ди кай и мануша, касти росԥэнэнас и лащи весть, и сар пала када сас пистромэ андэ Исаия 61:1, 2?

⁵ Погиндосарам пала кода, сар о Иисусо полэлас, со лэ манушэндэ по ди. Еқвар о Иисусо и лэстирэ ученикоря фартэ цыелэ, важ кода кай бут время росԥэнэнас важ и лащи весть «лэнди дажэ найкала сас тэ хан». Важ када о Иисусо ԥэндя лэнди тэ жан «кордэ, кай нинай мануша и кай тэ авэн екжэнэ» и набут тэ отцыён. Кала вонэ авелэ кордэ, лэн котэ ужэ аштярэнас бут мануша. Сар пэ када диқля о Иисусо? Лэсти «ашэля лэн фартэ жалкоb, важ кода кай вонэ слинэ, сар бакрорэ би пастухоско. И во ля бутэсти лэн тэ сытярэл» (Марка 6:30—34).

⁶ Шон сама, васо лэ Иисусости ашэлэ жалко и мануша. Во диқля «кай вонэ слинэ, сар бакрорэ би пастухоско». Здэлпэ, о Иисусо диқэлас, кай дэко машкар лэндэ сас чорорэ и лэнди сас трэбуй тэ терэн ԥари бути, кай тэ праварэн лэ ерес. Ай аврэнди сас ԥарэс, важ кода кай лэндэ варико муля. О Иисусо лэн драго полэлас. Сар пистромэ андэ статья, сави сас май англал, во, файма, екжэно пэрэжудя кацаво варисо. О Иисусо пэрэжывал пала мануша, и старыияспэ, кай лэнди тэ авэл май вушэро. (Адиносар Исаия 61:1, 2c.)

7. Сар амэ можэм тэ сытювас кай о Иисусо?

⁷ Сости амэн сытярэл кода, со терэлас о Иисусо? Адес и мануша кадяжэ «сар бакрорэ би пастухоско». Лэндэ бут ԥаримос. Ай амэндэ исин кода, со поможыя лэнди. Када и лащи весть пала лэ Дэвлэско Царство (Откровение 14:6). Амэ, сар варикала о Иисусо, росԥэнас и лащи весть, важ кода кай жалуисарас «лэ чорорэс и кодэлэс, ко мангэл» (Псалом 72:13). Амэ пэрэжываем пала мануша и камас лэнди тэ поможысарас.

САР ТЭ ПОЛАС, СО ЛЭ МАНУШЭНДЭ ПО ДИ?

8. Саво совето поможыя амэнди тэ полас, со кай и мануша по ди, савэнди амэ росԥэнас важ о Дэл?

⁸ Со поможыя амэнди тэ полас, со кай и мануша по ди, савэнди амэ росԥэнас и лащи весть? Амэнди трэбуй тэ стас пэс пэ лэнго место и тэ полас лэн кадя, сар амэ камлопэ тэ полэн амэн андэ кацави ситуацыя (Матфея 7:12)d. Роздиқам штар советоря, савэ амэнди анэна лашимос. Пэрво, тэ полас, со трэбуй кажнонэ манушэсти. Кодэла, ко росԥэнэн и лащи весть, можно тэ ԥэнэс, вонэ сар врачоря. Лашо врачо полэл, со трэбуй кажнонэ манушэсти. Во задэл лэ манушэсти вопросоря и драго виашунэл, кала о мануш росԥэнэн, со лэстэ дуқал. О врачо на грабий тэ випистрой лэсти драба, ай май англал терэл обследования, потом кати, посли када випистрой драба. Давайте андэ служэния тэ виарақас разни подходоря каринг и разни мануша, и трэбуй тэ полас, со лэндэ андэ жызня и сар вонэ пэ када диқэн.

9. Со на трэбуй тэ пушас? Росԥэнэн.

⁹ Кала дас дума лэ манушэса андэ служэния, на трэбуй тэ гиндосарас, кай амэ ӷанас, со лэстэ терэлпэ андэ жызня, андэр со во патял и васо во андэ када патял (Притчи 18:13). Драго авелоп тэ задас лэсти вопросоря, савэ лэс на холярэна (Притчи 20:5). Если андэ амари культура кадя терэлпэ, тоди можэм тэ пушас, сар цэрэ, сар о ери, соса залэнпэ, тэ пушас, со сас варикала и сар вонэ диқэн пэ жызня. Кадя амэ поласа, сар лэ манушэсти можэт тэ поможый и лащи весть. Ай кала поласа када, тоди амэндэ вижала тэ полас, со лэндэ по ди и тэ ԥэнас лашэ алава, савэ лэна лэ одестар. Кадя терэлас о Иисусо. (Диқэн 1 Коринфянам 9:19—23).

10. Сар амэ инке можэм тэ сыкавас, кай полас, со по ди кай и мануша?

¹⁰ Дуйто, старыинпэ тэ полэн, сави жызня кай о мануш. Андэр со амэ можэм лэс тэ полас? Амэ ӷанас, саво ԥаримос исин кай всаворэ найсовершэни мануша (1 Коринфянам 10:13). И жызня акана фартэ ԥари и тэ пэрэжувэс вся кадэва ԥаримос можно кати лэ Дэвлэса. (Адиносар 2 Коринфянам 4:7, 8e.) Но погиндон, сар ԥарэс кодэлэнди, ко на ӷанэн лэ Иеговас. Амэ сар о Иисусо полас, со лэндэ по ди и старысавас тэ росԥэнас лэнди «и лащи весть пала лашимос» (Исаия 52:7).

11. Сар амэ можэм инке тэ сыкавас, кай полас лэ манушэн? Росԥэнэн важ о Серёӷа.

¹¹ Ек ԥрал, савэс ақарэн Серёӷа жы каринг кода, сар во уӷанля о чачимос, во сас фартэ лажавно и лажалас тэ дэл дума. Но во закамля тэ уӷанэн, со пистромэ андэ Библия. Во росԥэнэн: «Кала лэм тэ сытював па Библия, мэ уӷанглэм, кай и христианоря трэбуй тэ росԥэнэн аврэнди пала пэстири вера. Мэ чаче тэ ԥэнав гиндосаравас, кай мандэ када никала на вижала». Но во гиндояс пала мануша, савэ инке на ашундэ и лащи весть анда Библия и полэлас, сар лэнди ԥарэс. Инке о Серёӷа ԥэнэн «через о чачимос, саво мэ уӷанавас, мэ ашавас май бахтало, и по ди мандэ сас роздраго. Мэ полавас, кай и аврэнди када кадяжэ трэбуй». Через кода, кай во камэлас тэ поможый лэ манушэнди, во ля смилость и ля тэ росԥэнэн важ о Дэл. «Мэ фартэ удивисайлэм, кала лэм тэ росԥэнав важ о Дэл, мэ ашэлэм смило. Кадэлэстар мэрни вера ашэля май састи»f.

12, 13. Васо амэнди на трэбуй тэ холявас пэ кодэла, кас амэ сытярас па Библия? Росԥэнэн о примеро?

¹² Трито, на холявэн и полэн кодэлэн, кас сытярэн па Библия. Сэрэн, кай вонэ никала на загиндонаспэ пала чачимос анда Библия, саво амэ драго ӷанас. Ай инке вонэ фартэ патян кодэлэсти, сости лэн сытярдэ андэ лэндирэ веры. Вонэ моӷут тэ гиндон, кай через пэстири вера вонэ ритярдёнпэ май пашэ каринг пэско ери и каринг пэско родо. Сар лэнди тэ поможысарас?

¹³ Роздиқам ек примеро. Кала трэбуй тэ строин нэво мосто, о пурано мосто обычно на розлэн, пока на достроина о нэво. Кадя жэ и амэ, кай о мануш тэ отԥэндёл кодэлэстар, со куч лэстирэ одести и кодэлэстар «сости лэс сытярэнас», амэнди трэбуй тэ поможысарас, кай во тэ цэний о чачимос, «саво уӷангля» анда Библия. Кати тоди, во мэкэла кода, каринг со присытеля. И пэ када трэбуй время (Римлянам 12:2).

14, 15. Сар тэ поможысарас кодэлэнди, ко нисо на ӷанэн, кай жувэна вечно андо раё пэ ԥув? Росԥэнэн, сар росԥэнэн о ԥрал.

¹⁴ Кала амэ на холявас и полас кодэлэн, касти росԥэнас важ о Дэл, амэ на ласа тэ гиндосарас, кай вонэ сразу полэна о чачимос анда Библия и авэна соӷласни всаворэса. Фэдэр тэ стас пэс пэ лэнго место и тэ поможысарас лэнди тэ полэн, со пистромэ андэ Библия. Погиндосарам, сар амэ можэм тэ росԥэнас манушэсти о чачимос пала кода, кай и мануша лэна тэ жувэн вечно андо раё пэ ԥув. Бут мануша пала када нисо на ӷанэн. Вонэ моӷут тэ патян, кай ла смэртяса закончилось вся. Или вонэ моӷут тэ гиндон, кай кала лашэ мануша мэрэн, вонэ попэрэн по нэбо. Сар лэнди тэ поможысарас тэ полэн када правильно?

¹⁵ Ек ԥрал дэл дума лэ манушэнца кадя. Май англал во адиной о стихо анда Бытие 1:28 и пушэл: «Кай и сар трэбуй сас тэ жувэн и мануша, сар загиндосардя о Дэл?» Бут ԥэнэн: «Пэ ԥув, кай сас вся роздраго». Ай посли када о ԥрал адиной Исаия 55:11 и пушэл, паруделя лэ Дэвлэско гиндо чи най. Часто всаворэ мануша ԥэнэн «най». Тоди о ԥрал адиной Псалом 37:10, 11 и пушэл, со авэла англэ. Кала во росԥэнэнас и адинояс и стихоря анда Библия, во поможыяс бутэнди тэ полэн, кай о Дэл идоси камэл, кай и лашэ мануша тэ жувэн вечно пэ ԥув андо раё.

16, 17. Сар кода, со пистромэ андэ Притчи 3:27, амэ можэм тэ сыкавас, кай полас, саво ԥаримос исин кай и мануша? Росԥэнэн пала ԥэй.

¹⁶ Штарто, тэ сыкавас пэ дила, кай заботисавас пала мануша. Ԥэнаса, тумэ авелэ манушэстэ, ай лэсти найкала. Можно тэ ԥэнэс, кай авэса пэ авэр разо. Ай со сар лэсти трэбуй андэ варисо тэ поможыс? Можэт о мануш нащи вижал анда цэр. Тоди можно тэ ԥэнэс лэсти, кай дэса помощь тэ жас андо маӷазино или андэ авэр варисо тэ поможыс? Кадя амэ поможысараса лэ манушэсти пэ дила. (Адиносар Притчи 3:27g.)

¹⁷ Акэ со тердясас ек ԥэй, и саво лашимос када андя. Вой камля тэ подритярэл еқэ ерес, кастэ муля бэято. Вой пистросардя лэнди письмо. Андо письмо и ԥэй пистросардя дэсавэ стихоря анда Библия, савэндар ашэла май вушэро по ди. Здэлпэ, кай вой нисави бари дила на тердя, но сар пэ када шутя сама кодэва ери? И дэй, савятэ муля о бэято, пистросардя ла ԥэяти: «Арати манди сас фартэ найдраго, ту на патяса, сар дэ фартэ подритярдя амэн тиро письмо. Мэ нащи росԥэнав алавэнца, сар дэ куч во сас важ амэндэ, и сар амэ тути важ лэстэ блаӷодарни. Арати мэ проадиносардэм о письмо разов 20. Инке никала манди на ԥэндэ кадя анда оди и кацавэ лашэ алава. Камав анда вся оди тэ ԥэнав тути наис». Амэ кадяжэ можэм тэ диқас лашимос, кала ласа тэ стас пэс пэ лэнго место, касти ԥарэс и тэ старысавас лэн тэ подритярас.

НА АШТЯРЭН ПЭСТАР ФАРТЭ БУТ

18. Со, сар запистромэ андэ 1 Коринфянам 3:6, 7, на трэбуй тэ аштярас пэстар, кала росԥэнас важ о Дэл?

¹⁸ Амэ на трэбуй тэ аштярас пэстар фартэ бут, кала росԥэнас важ о Дэл. Хоть амэ поможысараса аврэнди тэ уӷанэн важ о Дэл, най вся зависит амэндар. (Адиносар 1 Коринфянам 3:6, 7h.) О Иегова терэл кадя, кай и мануша тэ уӷанэн лэс (Иоанна 6:44). Ашунэла о мануш и лащи весть чи най, када дицола, саво лэстэ ди (Матфея 13:4—8). На бистрэн, бут мануша на ашунэнас лэ Иисусостирэ алава, ай во сас со май баро Учителё! Важ када на трэбуй тэ пэрэжываем, кай бут касти амэ камас тэ поможысарас, на камэн амэн тэ ашунэн.

19. Васо важно тэ полас, со по ди аврэндэ, кала росԥэнас важ о Дэл?

¹⁹ Кала амэ полас, со по ди кодэлэндэ, касти росԥэнас важ о Дэл, када анэна амэнди лашимос. И служэния анэна амэнди май бут радость. Амэндэ авэла май бари бах, кала поможысарас лэ манушэнди тэ уӷанэн важ о Дэл. Ай кодэлэн, «кас цырдэлас каринг о чачимос, саво дэл вечно жызня» лэнди авэла май вушэро тэ приашундён каринг и лащи весть (Деяния 13:48). Важ када «пока лащи время, тераса лашимос всаворэнди» (Галатам 6:10). Тоди амэндэ по ди авэла бари радость и ласа тэ прославляем амарэ небеснонэ Дадэс (Матфея 5:16).