На парашэн тэ лошавэн андэ служэния!

1. Со о Иисусо на парашэлас тэ терэл андэ служэния и сости сытелэ лэстар и ученикоря? (Диқэн и картинка пэ обложка.)

О ИИСУСО на парашэлас тэ лошавэл андэ служэния, и во камэлас, кай лэстирэ ученикоря кадяжэ тэ терэн (Иоан. 4:35, 36). Пока во сас пэ ԥув пэстирэ учениконэнца, лэндэ ԥаболас оди андэ служэния (Луки 10:1, 5—11, 17). Но кала лэ Иисусос умардэ, вонэ ужэ най кадя росԥэнэнас пала Дэл (Иоан. 16:32). Важ када кала о Иисусо рисайля каринг и жызня, во лэнди ԥэндя, кай вонэ тэ пристон май бут зор андэ служэния. И сар во вазгляпэ по нэбо, вонэ на парашэнас упалэ всаворэ одеса тэ росԥэнэн лэ мирости пала Дэл. Дажэ лэндирэ вороӷоря холявэнас и ԥэнэнас: «Тумэ розындярдэ тумарэ учении па вся Иерусалимо» (Деян. 5:28).

2. Сар о Иегова блаӷословий и служэния?

² Андэ пэрво вико о Иисусо сытярэлас пэстирэ учениконэн, сар тэ росԥэнэн пала Дэл. И о Иегова поможыяс лэнди. Важ када бут мануша ашэлэ лэстирэ служытеля. Кадя андэ Пятидесятница андо 33 бэрш лэ И. Х. болделэ почти 3 тысячи мануша (Деян. 2:41). Ай потом нэвэ учениконэн ашэлас инке май бут (Деян. 6:7). Кадяжэ о Иисусо и адес диқэл пала служэния. Во пэндясас, кай андэ послидни деса пала лэ Дэвлэско Царство лэна тэ росԥэнэн па вся и ԥув (Иоан. 14:12; Деян. 1:8).

3, 4. Васо дэкай май ԥарэс тэ служысарас, и пала со амэ подаса дума андэ кадэя статья?

³ Всаворэ амэ старысавас тэ на хасарас и радость андэ служэния. Андэ дэсавэ страны вушэро тэ росԥэнэс пала Дэл, важ кода кай и мануша котэ драго ашунэн амэн. Бут ко камэл тэ изучает и Библия и дажэ аштярэл амэн. Ай андэ авэр страны найвушэро када тэ терас, важ кода кай и мануша ридко бывают цэрэ, ай аврэнди най интересно кода, со пистромэ андэ Библия.

⁴ Если тумэ жувэн котэ, кай найвушэро тэ служын, тоди тумэнди поможына и советоря анда кадэя статья. Андар латэ амэ уӷанаса, со терэн дэсавэ ԥрала и ԥэя, кай май бутэ манушэнди тэ росԥэнэн пала Дэл. Кадяжэ уӷанаса, сар тэ на парашас тэ лошавас андэ служэния, дажэ если и мануша амэн на ашунэн.

НА ХАСАРЭН И РАДОСТЬ, КАЛА НА ВИЖАЛ БУТЭ МИРОСА ТЭ ПО ДЭН ДУМА ПАЛА ДЭЛ

5. Васо дэсавэ ԥрала и ԥэя моӷут тэ хасарэн и радость андэ служэния?

⁵ Часто лэ манушэн нинай цэрэ андэ служэния, и важ када лэ ԥралэнди и лэ ԥэянди май ԥарэс тэ ашэнпэ радосни. Андэ дэсавэ раёноря андэ цэра и андэ квартиры ԥарэс тэ попэрэс. Можэт тэ авэл охранико, саво на промэкэл никас, если о хулай лэ цэрэско на розришыя. Ай авэр ԥрала и ԥэя служын котэ, кай жувэн совсем набут миро и вонэ дур ек еқэстар. Лэнди трэбуй тэ прожан чи тэ проладэн баро дром, кай хоть еқэ манушэса тэ подэн дума пала Дэл. Если амэндэ кадяжэ андэ служэния, амэ всаек на трэбуй тэ умэкас и вас. Но со тэ терас, кай тэ дас дума май бутэ манушэнца андэ служэния?

6. Соса амари служэния шолпэ пэ рыбалка?

⁶ О Иисусо ԥэндя, кай и служэния, када сар рыбалка (Мар. 1:17). О рыбако можэт най ек дес тэ авэл пэ рыбалка и нисо тэ на астарэл. Но во всаек на здэлпэ. Кала лэстэ на вижал тэ астарэл мащё, во полэл, кай трэбуй варисо тэ парувэл. Например, и время, о ҭан и кода, пэр со астардёл о мащё. Кадяжэ и амэнди трэбуй варисо тэ парувас андэ служэния. Уӷанам дэсавэ советоря.

7. Саво лашимос можэт тэ анэн, кала амэ служысарас андэ разно время?

⁷ Служын андэ разно время. Андэ служэния амэ сможэм май бутэ манушэнца тэ подас дума пала Дэл, если аваса каринг лэндэ андэ кодэя время, кала вонэ цэрэ. Дажэ если лэн нинай, вонэ жэ всаек варикала ринапэ цэрэ. Бут ԥрала и ԥэя служын десэ и вэчэром, тоди и мануша ни каринг на грабин и драго ашунэн пала Дэл. Ек старейшына, савэс ақарэн Дэвидо, ԥэнэн, кай кала во лэ напарникоса служый па участко, и лэ манушэн нинай цэрэ, тоди вонэ через часо, дуй ринпэ палпалэ. И во дэл наздив, скати манушэнца лэндэ тоди вижал тэ подэн дума! Можэт и тумэнди када поможыя андэ служэния.b

8. Сар амэнди андэ служэния поможына и алава анда Экклезиаст 11:6?

⁸ О Дэвидо инке росԥэнэн, кай кала во служыяс, во най еқвар авэлас андэ ек цэр, но лэсти нико на ԥэрнавэлас. Но потом, кала во авеля инке еқвар кордэ, лэсти ԥэрнадя и двэри ек мурш. Во ԥэндя, кай важ восемь бэрш, скати во котэ жувэл, каринг лэстэ ни еқвар на авелэсас лэ Иеговастирэ свидетеля! И лэндэ сас розлащи дума пала Библия. О ԥрал фартэ удивисайля и поля, кай если амэ пристас бут зор андэ служэния и на парашас тэ авас каринг и мануша, тоди вонэ моӷут драго тэ виашунэн амэн. Анда кадэва случаё амэ полас, кай трэбуй тэ служысарас андэ разно время. (Адиносар Экклезиаст 11:6.)

9. Со стердэ дэсавэ вазвещятеля андэ служэния, кала лэ манушэн нинай цэрэ?

⁹ Служын андэ разни ҭана. Амарэ ԥрала и ԥэя линэ дэкала тэ парувэн и ҭана, кай служын. Например, вонэ линэ тэ служын лэ стэндонэнца или па вулица. Кадя лэндэ вижал тэ дэн дума пала Дэл лэ манушэнца, савэ жувэн андэ цэра, андэ савэ на попэрэса. Инке вонэ служын андэ паркоря, пэ базароря и котэ кай и мануша терэн бути. Вонэ шутэ сама, кай тоди и мануша май драго ашунэн и лэн дажэ амари литература. О раёно надзирателё анда Боливия, савэс ақарэн Флойрано, ԥэнэн, кай вонэ служын па базароря и па маӷазиноря с часу до трёх. Важ кода кай андэ кадэя время и мануша май свободни. Кадя лэндэ вижал тэ задэн дума лэ манушэнца и дажэ тэ лэн тэ изучают и Библия.

10. Сар инке амэ можэм тэ служысарас, кай кажнонэ манушэсти тэ росԥэнас пала Иегова?

¹⁰ Служын по разному. Но можэт тэ авэл кадя, кай тумэ авэн по участко андэ разно время, но всаек нащи тэ подэн дума лэ манушэнца. Тоди можэте тэ служын по аврятэ. И ԥэй Катарина ԥэнэн, кай пистрой письморя, если латэ на вижыля по участко тэ подэл дума лэ манушэса. Андо письмо вой пистрой кода, пала со вой камлоп тэ дэл дума лэ манушэса лично. Када амэн сытярэл, кай амэ трэбуй тэ стерас вся, кай кажнонэ манушэсти тэ росԥэнас пала Иегова.

НА ПАРАШЭН ТЭ ЛОШАВЭН, КАЛА И МАНУША НА КАМЭН ТЭ АШУНЭН ПАЛА ДЭЛ

11. Васо дэсавэ мануша на ашунэн пала Дэл?

¹¹ Дэсавэ мануша на камэн тэ ашунэн пала Дэл. Важ кода кай андэ люма бут бида и ԥаримос, лэнди на трэбуй ни о Дэл, ни и Библия. Кадяжэ вонэ нисо на камэн тэ уӷанэн анда Библия, важ кода кай диқэн, сар и рашая притерэнпэ, кай служын лэ Дэвлэсти, но на жувэн кадя, сар пистромэ андэ Библия. Ай дэсавэндэ нинай время, важ кода кай лэндэ бути, ери и бут проблемы. Вонэ гиндон, кай и Библия нэ сможэт лэнди андэ када тэ поможый. Но сар амэ можэм тэ на парашас тэ лошавас, кала и мануша на камэн тэ ашунэн пала Дэл?

12. Сар и алава анда Филиппийцам 2:4 поможына амэнди андэ служэния?

¹² Анда вся оди шон сама лэ манушэн. Бут мануша спэрва на камэнас тэ ашунэн пала Иегова, но потом закамлэ, важ кода кай и вазвещятеля анда вся оди шутэ лэн сама. (Адиносар Филиппийцам 2:4.) Инке о Дэвидо, пала саво амэ дям дума май англэ, ԥэнэн, кай кала лэсти андэ служэния о мануш ԥэнэн, кай на камэл тэ ашунэн пала Дэл, тоди во стол андэ сумка и Библия и литература, и анда вся оди пушэл лэ манушэстар, васо во на камэл тэ ашунэн. Кадя о мануш полэл, кай амэнди най всаек пэр лэстэ. Да и мануша моӷут тэ бистрэн, пала со тоди жалас и дума, но вонэ на бистрэна, кай амэ лэн анда вся оди шутям сама.

13. Пала со амэ можэм тэ дас дума андэ служэния, кай тэ авэл интересно кажнонэ манушэсти?

¹³ Андэ служэния амэ камас анда вся оди тэ шас сама лэ манушэс. Важ када амэ ласа лэсти тэ росԥэнас именно кода, со лэсти авэла интересно. Например, кала ту диқэс, кай лэ манушэстэ исин бэято, тоди можэш тэ подэс дума, сар и советоря анда Библия поможына лэсти тэ сытярэл пэстирэ бэятос. Или сар и советоря анда Библия поможына, кай о ери тэ авэл май бахтало? Или можэт ту шос сама, кай пэ двэри, кай о мануш висинпэ бут замкоря. Тоди ту можэш тэ ԥэнэс, кай бут мануша даран, кай адес и время най спокойно. Но авэла время, кала и мануша лэна тэ жувэн безопасно и на трэбуй авэла нисостар тэ даран. Сар бы тэ на авэл, старысар, кай кода сар ту дэс дума, тэ сыкавэл лэ манушэсти, кай и Библия можэт лично лэсти тэ поможый. И Катарина, пала сави амэ ужэ дям дума, ԥэнэн, кай вой сгиндой, сар и Библия парудя латири жызня андэ лащи риг. Када поможый лати тэ дэл дума андэ служэния кадя, кай када тэ лэл лэ манушэс лэ одестар.

14. Сар и напарникоря моӷут тэ поможын ек еқэсти андэ служэния, сар ԥэнэнпэ андэ Притчи 27:17?

¹⁴ Мангэн помощь кай и ԥрала и ԥэя андэ собрания. О Павло росԥэнэнас лэ Тимофеёсти, сар во май драго тэ росԥэнэн пала Иегова и сар через када тэ поможый лэ манушэнди тэ полэн о чачимос анда Библия. Кадяжэ во ԥэнэнас, кай о Тимофеё тэ поможый андэ када аврэ ԥралэнди и ԥэянди (1 Кор. 4:17). И амэ можэм тэ сытювас май драго тэ служысарас лэ ԥралэндар и лэ ԥэяндар, савэ ужэ най ек бэрш служын лэ Иеговасти. (Адиносар Притчи 27:17.) Ек ԥрал пианеро служыяс андэ ек гав, кай и мануша на камэнас нисо тэ парувэн андэ пэстири жызня и лэнди чалёлас лэндири вера. Но со поможысардя кадэлэ ԥралэсти тэ на хасарэл и радость андэ служэния? Во ԥэнэн: «Мэ родавас любо возможность, кай тэ послужысарав лэ напарникоса. Пока амэ жасас па дром, амэ на хасарасас и время, кай тэ подсытювас инке май драго тэ задас дума лэ манушэнца пала Дэл. Например, амэ сгиндосарас и дума, сави сас лэ манушэса андэ служэния. Ай кадяжэ гиндосарас, сар можно май драго тэ ԥэнас, если инке авэла кацави дума андэ служэния».

15. Сар и молитва поможыя андэ служэния?

¹⁵ Мангэн помощь лэ Иеговастар. Кала жан андэ служэния, мангэн помощь лэ Иеговастар. Мангэн лэстар свынто духо, важ кода кай би лэстирэ свынтонэ духоско амэндэ нисо на вижала андэ служэния (Пс. 127:1; Луки 11:13). Тумарэ молитвы трэбуй тэ авэн конкретни. Мангэнпэ, кай тумэ тэ росԥэнэн пала Иегова кодэлэ манушэсти, саво камэл тэ уӷанэн пала лэстэ и саво виашунэна тумэн. Ай тоди жан и терэн кадя, пала со манглэпэ. Росԥэнэн пала Иегова всаворэнди, кас диқэна андэ служэния.

16. Васо амэнди трэбуй лащи лично изучения?

¹⁶ Проандярэн лично изучения. Андэ Библия ԥэнэнпэ, кай трэбуй «драго тэ полэн лэ Дэвлэстири воля, сави чалёл, лащи и совершэно» (Рим. 12:2). Со май фартэ амэ патяса, кай виарақлям о чачимос анда Библия, со май смило амэ ласа тэ дас дума лэ манушэнца андэ служэния. И ԥэй Катарина ԥэнэн, кай поля, кай лати трэбуй инке май фартэ тэ патял андэ кода, сости сытярэл и Библия. Важ када вой ля тэ проандярэл лично изучения, кай инке еқвар тэ убедийпэ, кай исин Создателё, кай и Библия када лэ Дэвлэско алав, и кай лэ Иеговастэ адес исин арӷанизацыя пэ ԥув. Блаӷодаря кодэлэсти, кай вой проандярэлас лично изучения, латири вера ашэля май састи и вой ля инке май фартэ тэ лошавэл андэ служэния.

ВАСО ВАЖНО ТЭ НА ХАСАРАС И РАДОСТЬ АНДЭ СЛУЖЭНИЯ?

17. Васо о Иисусо на хасарэлас и радость андэ служэния?

¹⁷ О Иисусо на хасарэлас и радость андэ служэния, хоть дэсавэ мануша на камэнас лэс тэ ашунэн. Со лэсти андэ када поможыяс? Во полэлас, кай лэ манушэнди важно тэ ашунэн о чачимос пала Дэл и камэлас лэнди андэ када тэ поможый. Кадяжэ во ӷанэнас, кай дэсавэ анда кодэла, ко на камэнас спэрва тэ ашунэн, потом прилэна о чачимос. Например, кала о Иисусо сас пэ ԥув лэстирэ чаче ԥрала спэрва на ашэлэ лэстирэ ученикоря, хоть во росԥэнэнас пала лэ Дэвлэско Царство трин епашэса бэрш (Иоан. 7:5). Но кала во муля и рисайля каринг и жызня по нэбо, вонэ патяе лэ Иисусости и ашэлэ лэстирэ ученикоря (Деян. 1:14).

18. Васо амэ на парашас тэ росԥэнас пала Дэл?

¹⁸ Амэ на ӷанас, ко анда мануша прилэла о чачимос анда Библия, ай ко на прилэла. Дэсавэ манушэнди трэбуй май бут время, чем аврэнди. Кодэла, ко амэн спэрва на ашунэнас, потом моӷут тэ ашэн лэ Иеговастирэ служытеля, важ кода кай вонэ диқэн, сар амэ пэс андярас, и кай амэ на парашас тэ лошавас (1 Пет. 2:12).

19. Пала саво важно гиндо амэнди трэбуй тэ сэрас, сар ԥэнэнпэ андэ 1 Коринфянам 3:6, 7?

¹⁹ Амэ росԥэнас пала Иегова и проандярас и изучения Библии, но авэла о мануш тэ служый лэ Иеговасти чи най, зависит лэ Иеговастар. (Адиносар 1 Коринфянам 3:6, 7.) Ек ԥрал анда Эфиопия ԥэнэн: «Май бут чем 20 бэрш мэ жувавас и служысаравас екжэно котэ, кай ридко авэнас тэ служын авэр вазвещятеля, ай акана катэ 14 вазвещятеля. Болделя мэрни хулаи, мэрнэ трин бэяцэ и инке 9 мануша. Ай пэ собрания авэн варикай 32 человека». О ԥрал фартэ лошало кодэлэстар, кай на парашэлас тэ росԥэнэн пала Иегова. И на парашэлас тэ аштярэл, кала блаӷодаря лэ Иеговасти о манушэн, кастэ лашо ди авэла андэ лэстири арӷанизацыя (Иоан. 6:44).

20. Соса андэ служэния амэ шаспэ пэ спасателя?

²⁰ Лэ Иеговасти куч кажно мануш. Важ амэндэ бари бах тэ терас ек дила лэстирэ Шавэса. Амэ сар и о Иисусо росԥэнас о чачимос лэ манушэнди анда всаворэ народоря, пока на авеля и само бари бида, сави инке никала на сас (Агг. 2:7). Амэ андэ служэния шаспэ, пэ спасателя, савэ вилэн лэ манушэн тала завалоря. Важно кай всаворэ тэ терэн кадэя дила, хоть можэт най кажно спасателё виарақэла лэ манушэн тала завалоря. Кацаво жэ можно тэ ԥэнас и пала амари служэния. Амэ на ӷанас скати манушэн сможэм тэ спасысарас анда лэ Сатанастири люма. Но амэ ӷанас точно, кай о Иегова поможый кажнонэсти андар мэндэ, кай амэ тэ стерас кадэя дила. О ԥрал Андреас анда Боливия ԥэнэн, кай если болдёла хоть дажэ ек мануш, када блаӷодаря кодэлэсти, кай кажно андар мэндэ пристодя пэ када бут зор. Давайте ласа и дальшэ тэ цэнисарас амари служэния и тэ терас када баря лошаса. Тоди о Иегова блаӷословия амэн и и служэния анэна амэнди май бут радость!