Ай тумэ май бут служын лэ Дэвлэсти?

1. Со камэн всаворэ лэ Дэвлэстирэ служытеля? Васо? (Диқэн и картинка пэ обложка.)

О ИИСУС ХРИСТОС ԥэндя пэстирэ учениконэнди: «Жан кай всаворэ народоря, сытярэн лэ манушэн, кай вонэ тэ авэн ученикоря» (Матфея 28:19). Всаворэ, ко на парашэн тэ кандэн лэ Дэвлэс, камэн тэ сытён, сар тэ терэн кадэя дила «май бут» (2 Тимофею 4:5). Важ амэндэ када само важно дила, сави нащи тэ отстас. Но амэнди можэт тэ авэл ԥарэс тэ отдас пэ када время, скати амэ камас.

2. Саво ԥаримос амэнди прижалпэ тэ пэрэандярас?

² Амари время и зор ужан пэ кода, кай тэ затерас и тэ авэл вся, со трэбуй важ амэндэ и важ о ери. Варикастэ авэр дила андо ери, варико борийпэ пэстирэ насвалимаса, варикастэ депрессия, ай варикасти ԥарэс лэ ԥуримастар. Со поможыя амэнди, кала амэндэ исин кацаво ԥаримос, кай амэ всаек тэ служысарас май бут?

3. Со можно тэ полас анда лэ Иисусостирэ алава, савэ запистромэ андэ Матфея 13:23?

³ Если амэндэ на вижал тэ служысарас скати амэ камас, на трэбуй тэ умэкас и вас. О Иисусо ӷанэнас, кай кажно андар мэндэ нэ сможэт тэ анэн еқэндар лэ Царствостирэ плодоря, то есть еқэндар тэ отдэн время и зор пэ кода, кай тэ росԥэнэн и лащи весть. (Адиносар Матфея 13:23b.) Но кала амэ пристас о зор и терас вся, важ о Иегова када куч (Евреям 6:10—12). Кадяжэ можэм тэ гиндосарас, кай амэ май бут моӷли бы тэ отдас время андэ служэния. Андэ кадэя статья амэ подаса дума пала кода, сар и служэния тэ стас пэ пэрво ҭан, сар тэ жувас просто, сар май драго тэ росԥэнас важ о Дэл и тэ сытярас лэ манушэн лэ чачимасти. Но май англал погиндосарам, со када тэ служысарас лэ Дэвлэсти май бут.

4. Со сыкавэл, кай амэ служысарас май бут?

⁴ Кала амэ камас тэ росԥэнас важ о Дэл май бут, амэнди трэбуй тэ терас вся, кай тэ росԥэнас и тэ сытярас лэ манушэн лэ чачимасти анда Библия. Важ о Иегова важно най скати амэ служысарас лэсти, ай васо амэ када терас. Амэ анда вся оди участвуем андэ христианско служэнияc, важ кода кай любисарас лэ Иеговас и кодэлэн, ко паша амэндэ (Марка 12:30, 31; Колоссянам 3:23). Ай со када тэ служысарас лэ Иеговасти анда вся оди? Када сыкавэл, кай тэ отдас вся пэско зор, кай май драго тэ терас и дила, сави во амэнди дя. Если вой важ амэндэ куч, тоди ласа тэ росԥэнас и лащи весть везде, кай кати можно.

5, 6. Росԥэнэн пала ӷитаристо. Сар када сыкавэл, кай о мануш, савэстэ набут время, и служэния можэт тэ авэл само важно андэ жызня?

⁵ Представьте, тэрнэ манушэс, саво фартэ любий тэ дилабэл пэ ӷитара и камэл тэ дилабэл о дес и рят. Во устроился андэ кафэ, кай тэ дилабэл пэ ӷитара пэ выходни. Но потинэн андэ кафэ совсем набут, важ када во с понедельника жы кай и пятница терэл андо маӷазино пэ касса. Хоть май бут время во проандярэл андо маӷазино, во вся и время гиндой кати пала музыка. Инке во старыийпэ май драго тэ дилабэл пэ ӷитара, кай тэ ашэл профессионально музыканто. Важ када во, кала лэстэ исин хоть набут время, сразу лэл и ӷитара и дилабэл.

⁶ Точно кадя жэ и тутэ, можэт на хутилэл время, кай май бут тэ росԥэнэс важ о Дэл. Но кадэя дила тути фартэ чалёл. Ту старыиспэ тэ сытёс, кай тутэ када тэ вижал май драго и тэ росԥэнэс и лащи весть кадя, кай тэ лэл лэ манушэн лэ одестар. И хоть тутэ бут дила, ту всаек гиндос, сар тэ стос пэ пэрво ҭан и служэния?

САР И СЛУЖЭНИЯ ТЭ СТАС ПЭ ПЭРВО ҬАН?

7, 8. Со сас кай о Иисусо андо ди каринг и служэния и сар амэ можэм тэ терас, сар во?

⁷ О Иисусо сыкадя со май лашо примеро, со трэбуй тэ авэл андо ди каринг и служэния. Тэ росԥэнэн важ лэ Дэвлэско Царство важ лэстэ сас дила, сави во столас пэ пэрво ҭан андэ пэстири жызня (Иоанна 4:34, 35). О Иисусо прожыля пешком най еқвар по сто километров, важ кода кай май бут мануша тэ ашунэн и лащи весть. Во дэлас дума лэ манушэнца везде, кай кати када сас можно. Важ лэстэ на сас нисо май важно чем и служэния.

⁸ Амэ терас кадя, сар о Иисусо, кала везде, кай можно, росԥэнас лэ манушэнди и лащи весть. Ради кода, кай тэ росԥэнас важ о Дэл, амэнди прижалпэ тэ отԥэндювас кодэлэстар, состар амэнди сас удобно (Марка 6:31—34; 1 Петра 2:21). Дэсавэ ԥрала и ԥэя служын подсобнонэ пианеронэнца, пианеронэнца и дажэ сар спецыальни пианероря. Ай варико висытеля авэр шыб или пэрэлагля кордэ, кай трэбуй май бут вазвещятеля. Но май бут дила анда вся када терэн и вазвещятеля, савэ терэн вся, со андэ лэнго зор андэ лэ Дэвлэстири служэния. Ко бы амэ тэ на авас андэ служэния, о Иегова на мангэл амэндар тэ терас кода, со амэ нэ можэм. Во камэл, кала амэ росԥэнас «и лащи весть лэ бахталэ Дэвлэстар», всаворэ амэ тэ авас лошалэ (1 Тимофею 1:11; Второзаконие 30:11).

9. а) Васо можно тэ ԥэнэс, кай и служэния важ о Павло сас май важно чем и бути? б) Сар о Павло диқэлас пэ служэния, сар пистромэ андэ Деяния 28:16, 30, 31?

⁹ О апостоло Павло сыкадя лашо примеро, сар тэ стос и служэния пэ пэрво ҭан. О Павло до дуйто жылясас дур па разни фороря тэ росԥэнэн и лащи весть. Андэ кадэя время во жувэлас андо Коринфо, и лэстэ сас совсем набут ловэ, тоди во ля тэ терэл катуны. Но и бути сас най ӷлавно андэ лэстири жызня. Во затерэлас, кай лэстэ тэ авэл, со необходимо важ и жызня, кай тэ росԥэнэн и лащи весть лэ коринфянонэнди и никасти андар лэндэ тэ на авэл покута (2 Коринфянам 11:7). И служэния важ лэстэ всаек сас май важно всаворэстар, и кажно суббота во росԥэнэнас и лащи весть. Ай кала и ситуацыя паруделя, о Павло ля инке май бут время тэ росԥэнэн и лащи весть. Во «отдэлас вся пэско зор, кай тэ росԥэнэн и лащи весть и тэ доԥэнэн лэ иудеёнэнди, кай о Иисусо, када Христос» (Деяния 18:3—5; 2 Коринфянам 11:9). Прожыля варисави время, и кала о Павло андо Римо сас дуй бэрш тала домашнё аресто, во всаек росԥэнэнас важ о Дэл кодэлэнди, ко авэлас лэстэ и пистрояс письморя. (Адиносар Деяния 28:16d, 30, 31e.) О Павло на домэкэлас, кай пэ варисо тэ шол сама и кай када тэ мешыий лэсти тэ служый. Во пистрояс кода, кай амэндэ исин кацави служэния, амэ на умэкас и вас (2 Коринфянам 4:1). Кала амэнди, сар и лэ Павлости, прижалпэ бут тэ терас бути, всаек и дила важ лэ Дэвлэско Царство можэт тэ авэл андэ амари жызня пэ пэрво ҭан.

10, 11. Сар можно май бут тэ служысарас, кала амэнди ԥарэс через амаро зор?

¹⁰ Варикастэ нинай зор, важ кода кай ԥурэ или варисо най кадя лэ зорэса и ужэ ԥарэс тэ росԥэнэн важ о Дэл цэр цэрэстар. Тоди можно тэ служын па аврятэ. Андэ пэрво вико и христианоря росԥэнэнас важ о Дэл везде, кай сас миро. Вонэ сытярэнас важ о Царство «везде, кай исин народо и па цэра» и дэнас дума лэ манушэнца, кала лэндэ сас любо возможность (Деяния 17:17; 20:20). Если тумэнди ԥарэс долӷо тэ ԥирэн, можно тэ бэшэн котэ, кай прожан бут мануша и тэ дэн дума лэнца важ о Дэл. Кадяжэ можно тэ служысарас котэ, кай амэ находисавас, тэ пистросарас письморя или тэ росԥэнас важ о Дэл па телефоно. Бут ԥрала и ԥэя, савэ нэ моӷут бут тэ росԥэнэн важ о Дэл па цэра, вонэ фартэ лошалэ, кай всаек исин возможность тэ служын лэ Дэвлэсти.

¹¹ Дажэ, кала исин ԥаримос лэ зорэса, тумэ всаек можэте тэ служын лэ Дэвлэсти май бут. Упалэ шам сама пэ кода, со терэлас о апостоло Павло. Во ԥэндя: «Пэ вся мандэ исин зор, важ кода кай исин кодэва, ко лэс манди дэл» (Филиппийцам 4:13). Кадэва зор сас трэбуй лэ Павлости андэ кодэя время, кала во жылясас дур тэ росԥэнэн па разни фороря и лащи весть, тоди во занасвайлясас. Во пистросардя лэ ӷалатонэнди: «Кай через о насвалимос, саво сас мандэ, мэ пэрво разо росԥэндэм тумэнди и лащи весть» (Галатам 4:13). Со тумэ можэте тэ сытён лэ Павлостар? Тумэ можэте тэ росԥэнэн важ о Дэл кодэлэнди, ко терэл андэ больница, например, када и врачоря и медсёстры, обычно вонэ цэрэ ридко бывают.

САР ТЭ СТЕРАС АМАРИ ЖЫЗНЯ МАЙ ПРОСТО?

12. Сар тэ полас, кай амарэ яқа тэ авэн прости?

¹² О Иисусо ԥэндя: «Светильнико важ и тила, када яқа. Важ када, если тирэ яқа прости, тоди вся тири тила авэла светло» (Матфея 6:22). Во камэлас тэ ԥэнэн, кай трэбуй тэ стас ек цэль и тэ на отжас латар. О Иисусо сыкадя лашо примеро амэнди андэ кода, кай андэ пэстири жызня во столас пэ пэрво ҭан тэ служый лэ Дэвлэсти. Во сытярэлас пэстирэн учениконэн, кай андэ лэндири жызня со май ӷлавно тэ авэл лэ Дэвлэско Царство и служэния лэ Иеговасти. Кай тэ терас кадя сар о Христос, амэнди трэбуй тэ стас пэ пэрво ҭан кода, кай тэ росԥэнас и лащи весть, тэ родас «спэрва лэ Дэвлэско Царство и лэ Дэвлэско чачимос» (Матфея 6:33).

13. Со поможыя амэнди май бут время тэ отдас пэ служэния?

¹³ Кай тэ лас май бут время, кай тэ поможысарас аврэнди тэ уӷанэн лэ Иеговас и тэ полюбин лэс? Можно тэ стерас пэстири жызня май простоf. Например, тумэ можэте тэ диқэн, сар май набут время тумэндэ тэ жал андо дес пэ бути, кай тэ витидэн время май бут тэ росԥэнэн важ о Дэл андэ будни деса? Ай если тумэндэ бут время ужал, кай тэ отцыён и пэ развличении, тумэ можэте варисо тэ парувэн?

14. Со стердя ек ери, кай май бут время тэ служын?

¹⁴ Акэ, со стердэ ек старейшына, савэс ақарэн Эла́йасо и лэстири хулаи. Во росԥэнэн: «Амэндэ на вижалас тэ служысарас пианеронэнца, и амэ поласас, кай варисо трэбуй тэ парувас. Важ када амэ стодям цэль, май бут тэ росԥэнас важ о Дэл. И лям полокорэс кадя тэ терас. Амэ май набут лям тэ тратисарас, ай кадяжэ май набут лям тэ проандярас время, кай тэ отцыювас и пэ разни развличении (ай пэ када амэндэ ужалас фартэ бут время). Кадяжэ амэ доԥэнделям лэ начальниконэнца пэ бути, кай тэ авэл май удобно ӷрафико. И тоди амэндэ вижыля вэчэронэнца тэ служысарас. Амэ май бут лям тэ сытярас па Библия и дажэ дуварэс андо шон андэ будни деса амэндэ вижалас тэ росԥэнас важ о Дэл десэ. Амэ самас фартэ лошалэ!»

СО ТЭ ТЕРАС, КАЙ МАЙ ДРАГО ТЭ РОСԤЭНАС ВАЖ О ДЭЛ И ТЭ СЫТЯРАС?

15, 16. Со амэ можэм тэ терас, кай май драго тэ росԥэнас важ о Дэл, сар пистромэ андэ 1 Тимофею 4:13, 15? (Диқэн кадяжэ рамка «Цэли, савэ поможына манди тэ служысарав май бут».)

¹⁵ Со инке поможыя амэнди, кай май бут тэ служысарас? Дэсавэ мануша терэн пэ кацави бути, пэ сави трэбуй вся и время тэ сытён, кай тэ терэн ла май драго. Кадяжэ и амэ трэбуй тэ терас, кала росԥэнас важ лэ Дэвлэско Царство. Амэнди трэбуй вся и время тэ сытювас, кай май драго тэ служысарас (Притчи 1:5; 1 Тимофею 4:13g, 15h.)

¹⁶ Со амэнди андэ када поможыя? Трэбуй тэ терас кода, сости амэ сытювас пэ собрания, сави прожал кажно курко, када по «Христианско дром». Пэр латэ амэн сытярэн, сар май драго тэ росԥэнас важ о Дэл. Например, кала о председателё пэ собрания дэл совето кодэлэнди, ко выступал, амэ можэм тэ приашундювас и тэ прилас каринг пэстэ о совето, и пэ авэр разо, кала росԥэнас важ о Дэл, тэ терас кадя. Кадяжэ амэ можэм тэ мангас лэ надзирателёс, саво проандярэл и встречи важ и служэния анда амари ӷруппа, кай тэ жал амэнца андэ служэния. Инке амэ можэм тэ жас аврэ вазвещятелёса, саво драго ӷанэн тэ росԥэнэн важ о Дэл, када пианеро или раёно надзирателё. Со май драго амэ сытюваса пользоваца лэ инструментонэнца важ и служэния, со май бут радость анэна, кала росԥэнас важ о Дэл и кала сытярас лэ манушэн лэ чачимасти.

17. Саво амэндэ авэла лашимос, кала амэ служысарас лэ Дэвлэсти май бут?

¹⁷ «Амэ, терас лэ Дэвлэса ек дила», и када фартэ бари патив! (1 Коринфянам 3:9). Кала амэ полас, «со май фартэ трэбуй», и кала и служэния амэндэ пэ пэрво ҭан, тоди амэнди авэла май бут радость (Филиппийцам 1:10; Псалом 100:2). Сар лэ Дэвлэстирэ служытеля, амэ можэм тэ патяс, кай о Иегова дэла амэнди зор тэ росԥэнас важ лэстэ, дажэ кала амэндэ исин ԥаримос (2 Коринфянам 4:1, 7; 6:4). И нэ зависит кодэлэстар, скати амэ терас важ лэ Дэвлэско Царство, амэндэ исин, васо тэ лошавас, кала амэ терас када анда вся оди (Галатам 6:4). И кай служысарас лэ Иеговасти, амэ сыкавас пэстири любовь каринг о Иегова и каринг кодэла, ко паша амэндэ. Кала кадя терас, амэ спасысарас и пэс и кодэлэн, ко амэн ашунэн (1 Тимофею 4:16).