Ай ту лэса тэ поможыс лэ манушэнди тэ авэн лэ Иисусостирэ ученикоря?

1. Со о Иегова стердя важ тутэ?

АЙ САР ту лян тэ служыс лэ Иеговасти? Спэрва можэт ту ашундян пала Дэл тирэ дадэстар или ла датар. Ай можэт тути росԥэндэ и мануша, савэнца ту терэс бути или савэнца ту сытёс андэ школа. Ай можэт каринг тутэ авелэ лэ Иеговастирэ свидетеля, савэ росԥэнэнас пала Дэл па цэра (Мар. 13:10). Потом ек лэ Иеговаско служытелё ля тэ изучает туса и Библия. Пэ изучения ту уӷанглян пала Иегова, полюбисардян лэс и патяян, кай во любий лично тут. И кала ту ашэлян лэ Иеговаско служытелё, тутэ ашэля возможность тэ жувэс вечно пэ ԥув (Иоан. 6:44). Канешно, ту фартэ блаӷодарно лэ Иеговасти, кай варико туса лясас тэ изучает и Библия.

2. Пала со жала и дума андэ кадэя статья?

² И акана ту ӷанэс о чачимос пала Дэл и жувэс па лэско законо. О Иегова дя тути важно дила, кай тэ поможыс лэ манушэнди, кай и вонэ тэ уӷанэн о чачимос анда Библия и тожэ тэ жувэн па лэ Дэвлэско законо. Дэко анда лэ Дэвлэстирэ служытеля на даран тэ росԥэнэн пала Иегова. Но тэ лэн тэ проандярэн и изучения Библии вонэ даран. Если и тутэ кадя, тоди и советоря анда кадэя статья поможына тути. Амэ подаса дума, васо амэ камас тэ поможысарас лэ манушэнди, кай вонэ тэ ашэн лэ Иисусостирэ ученикоря. Кадяжэ амэ уӷанаса, васо дэсавэ вазвещятеля даран тэ проандярэн и изучения Библии, и со лэнди андэ када поможыя. Но спэрва уӷанам, васо амэнди трэбуй най кати тэ росԥэнас пала Дэл, но и тэ проандярас изучения Библии.

О ИИСУСО ԤЭНДЯ ТЭ РОСԤЭНАС ПАЛА ДЭЛ И ТЭ ПРОАНДЯРАС ИЗУЧЕНИЯ

3. Васо амэ росԥэнас пала Дэл?

³ Андэ алава, савэ ԥэндя о Иисусо, исин дуй важни маменторя. Во ԥэндя, кай трэбуй тэ росԥэнас лэ манушэнди важ лэ Дэвлэско Царство и сыкадя, сар када тэ терас (Матф. 10:7; Луки 8:1). Но во ԥэндя, кай най всаворэ мануша лэна тэ ашунэн амэн (Луки 9:2—5). Кадяжэ о Иисусо ԥэндя, кай пала када ашунэна и мануша па вся и ԥув (Матф. 24:14; Деян. 1:8). Лэ Иисусостирэ ученикоря трэбуй сас тэ росԥэнэн важ о Дэл, и саво лашимос анэна лэско Царство. И вонэ на трэбуй сас тэ парашэн када тэ терэн, дажэ если и мануша лэн на камэнас тэ ашунэн.

4. Амэ трэбуй тэ росԥэнас важ о Дэл, но со инке амэ трэбуй тэ терас, сар пистромэ андэ Матфея 28:18—20?

⁴ Инке о Иисусо ԥэндя тэ проандярас изучения Библии кодэлэнца, ко камэл тэ уӷанэн пала Дэл, кай вонэ тэ жувэн па лэ Дэвлэско законо. Дэко гиндой, кай кадэла алава поджан каринг лэ Иисусостирэ ученикоря, савэ жувэнас кати андо пэрво вико. Но када най кадя. О Иисусо ԥэндя, кай кадэя дила лэна тэ терэн жы каринг амарэ деса, «пока кадэлэсти, со андэ люма, на авэла конец». (Адиносар Матфея 28:18—20.) Май ӥто всаворэстар, о Иисусо ԥэндя кадэла алава, кала «лэс диқлэ май бут чем пятьсот ԥрала сразу» (1 Кор. 15:6). Ай ужэ андэ книӷа Откровение ԥэнэнпэ, кай всаворэ лэ Иисусостирэ ученикоря трэбуй тэ поможын лэ манушэнди, кай вонэ тэ уӷанэн пала Иегова (Отк. 22:17).

5. Саво примеро призындярдя о Павло пала служэния и пала изучения Библии? (1 Коринфянам 3:6—9).

⁵ О апостоло Павло сыстосардя амари служэния ла бутяса пэ мал. Кадэва примеро сыкавэл, кай на хутила просто тэ сеис о зэрно. Пэр пэстэ и по Аполоссо во ԥэндя, кай вонэ шонпэ по мануш, саво терэл пэ мал. Важ када во ԥэндя: «Мэ садисаравас, о Аполоссо шолас о паи». Ай пэ коринфяноря во ԥэндя, кай вонэ сар лэ Дэвлэстири мал. (Адиносар 1 Коринфянам 3:6—9.) Сар лэ Дэвлэстирэ служытеля, амэ най кати кабута сеисарас о зэрно, но и инке шас паи пэр лэстэ, када кала проандярас лэ манушэса изучения Библии (Иоан. 4:35). Но амэ полас, кай о зэрно барярэл о Дэл.

6. Андэр со амэ трэбуй тэ поможысарас лэ манушэнди, кала лэнца проандярас изучения Библии?

⁶ Амэ родас кодэлэ манушэн, ко камэл тэ уӷанэн пала Дэл (Деян. 13:48). Но кай вонэ тэ ашэн лэ Иисусостирэ ученикоря, амэнди трэбуй тэ поможысарас лэнди тэ полэн, тэ прилэн и тэ терэн кадя, сар уӷанэн анда Библия (Иоан. 17:3; Кол. 2:6, 7; 1 Фес. 2:13). Кажно ԥрал чи ԥэй андэ собрания можэт тэ поможый лэ манушэсти, саво изучает и Библия, кай лэстири дружба лэ Иеговаса тэ авэл май лащи. Например, амэ анда вся оди шас сама лэс, кала во авэл пэ собрания, и сыкавас, сар амэ полас ек еқэс (Иоан. 13:35). Лэ ԥралэсти или ла ԥьяти, савэ проандярэн и изучения Библии, трэбуй бут время и зор, кай тэ поможын лэ манушэсти. Важ кода кай лэстэ моӷут тэ авэн найлашэ привычки и во присытеля тэ жувэл па пэстирэ законоря (2 Кор. 10:4, 5). И можэт прожала най ек шон англа кода, сар о мануш закамэла тэ болдёл. Но када ашэл, кай тэ пристас бут зор!

АМЭ ЛЮБИСАРАС ЛЭ МАНУШЭН, И ВАЖ КАДА ЛЭНЦА ИЗУЧАЕМ И БИБЛИЯ

7. Васо амэ служысарас лэ Дэвлэсти и проандярас и изучения Библии?

⁷ Амэ ԥирас андэ служэния и проандярас изучения Библии лэ манушэнца, важ кода кай любисарас лэ Иеговас. Если ту анда вся оди терэс кадэя дила, кадэлэса ту сыкавэс, кай любис лэ Дэвлэс (1 Иоан. 5:3). Сгиндосар, васо ту лян тэ росԥэнэс важ о Дэл па цэра? Вушэро тути сас тэ росԥэнэс пала лэстэ? Можэт и най. Но ту всаек терэсас када, важ кода кай полюбисардян лэ Иеговас. Ай сэрэс со тутэ сас по ди, кала тути трэбуй сас пэрво разо андэ служэния тэ задэс дума лэ манушэнца? Можэт ту фартэ пэрэжывал, но ту полэсас, кай кадэя дила тути дя тэ терэс о Иисусо, и ту канглян лэс. Ай потом прожыля время и ту ужэ на дарасас тэ ԥирэс андэ служэния. Ай со тутэ по ди, кала гиндос, кай тути авэла трэбуй варикаса тэ проандярэс изучения Библии? Если ту пэрэжываеш пала када, тоди манг лэ Иеговас тэ дэл тути зор и смилость, кай тэ залэс тэ проандярэс лэ манушэса изучения Библии. И тоди о Иегова поможыя тути андэ када.

8. Васо амэ изучаем лэ манушэнца и Библия, сар запистромэ андэ Марка 6:34?

⁸ Инке амэ росԥэнас пала Дэл и изучаем лэ манушэнца и Библия, важ кода кай любисарас лэ манушэн. Акэ со сас лэ Иисусоса и лэстирэ учениконэнца. Вонэ вся о дес служынас и фартэ цыелэ. Вонэ закамлэ тэ отцыён. Но кордэ каринг вонэ авелэ тэ отцыён, лэн ужэ аштярэнас фартэ бут мануша. Кала о Иисусо лэн додиқля, лэнди ашэля лэн фартэ жалко, и «во ля бутэсти лэн тэ сытярэл». (Адиносар Марка 6:34.) Кадя во сыкадя, кай во на жалуий пэс. Важ лэстэ сас само ӷлавно када тэ поможый лэ манушэнди. Васо во кадя стердя? О Иисусо стодя пэс пэ лэнго ҭан. Во ӷанэнас, кай лэндэ фартэ ԥари жызня и кай лэнди трэбуй тэ уӷанэн пала лэ Дэвлэско Царство. Важ када во закамля лэнди тэ поможый, хоть сас и фартэ цыено. Адес и мануша пэрэандярэн кацаво жэ ԥаримос. И кати здэлпэ, кай лэндэ вся роздраго андэ жызня. Па чачимастэ лэнди ԥарэс и вонэ, сар бакрорэ би пастухоско. О апостоло Павло пистросардя, кай кацавэ мануша жувэн би лэ Дэвлэско и, можно тэ ԥэнас, кай вонэ жан па дром, саво андярэл каринг и смэрть! (Матф. 7:13). Вонэ на ӷанэн, кай англэ о Дэл дэла лэнди лащи жызня (Эф. 2:12). Трэбуй тэ полас пэ скати дэ важно тэ росԥэнас лэ манушэнди пала Дэл. Кала амэ ласа тэ полас и тэ жалуисарас лэ манушэн, када фартэ поможыя амэнди андэ служэния. И кала ласа тэ изучаем лэнца и Библия, када со май лашо, со амэ можэм тэ стерас важ лэндэ.

9. Андэр со о Иегова поможыя тути, сар запистромэ андэ Филиппийцам 2:13?

⁹ Можэт ту дарас тэ залэс тэ изучаеш лэ манушэса и Библия, важ кода кай полэс, кай пэ када авэла трэбуй бут время и зор. Если тутэ исин кацавэ гиндоря, тоди росԥэн пала када лэ Иеговасти. Манг, кай во тэ поможый тути тэ виарақэс кацавэ манушэс, савэса ту лэса тэ изучаеш и Библия. (Адиносар Филиппийцам 2:13.) Андэ Библия пистромэ, кай о Дэл ашунэл амарэ молитвы, если амэ мангас кода, со во камэл (1 Иоан. 5:14, 15). Важ када трэбуй тэ патяс, кай о Иегова поможыя тути тэ камэс и тэ терэс кадэя дила.

САВО ИНКЕ ԤАРИМОС МОЖЭТ ТЭ АВЭЛ АНДЭ СЛУЖЭНИЯ?

10, 11. Васо дэсавэ ԥрала и ԥэя гиндон, кай нэ смоӷут тэ проандярэн изучения Библии?

¹⁰ Амэ полас, кай када фартэ важно дила тэ изучаем лэ манушэнца и Библия. Но исин ԥаримос, саво на дэл тэ терас андэ служэния лэ Дэвлэсти, скати амэ камас. Уӷанаса саво када ԥаримос и со можно тэ стерас.

¹¹ Найлашо зор и ԥурэ бэрша. Дэсавэ ԥрала и ԥэя андэ собрания андэ бэршэндэ или лэндэ найдраго лэ зорэса. Если тутэ кадя, тоди погиндосар, сости амэ всаворэ сытелям пала кадэя время, кала ля тэ жал кадэва баро вирусо. Амэ полям, кай тэ проандярас изучения Библии лэ манушэнца можно через о интэрнэто и дажэ на трэбуй тэ вижас цэрал. Бут мануша камэнас тэ изучают и Библия, но лэнди на поджалас и время, кала лэндэ авэнас лэ Дэвлэстирэ служытеля. Лэнди авелоп фэдэр, кай каринг лэндэ тэ авэн тэсара или вэчэром. Тоди ту можэш тэ стерэс кадя, кай тэ диқэспэ кадэлэ манушэнца андэ кодэя время, андэ сави авэла лэнди фэдэр. Например, о Иисусо дэлас дума пала Дэл лэ Никодимоса ирят. Важ кода кай лэ Никодимости поджалас кадэя время (Иоан. 3:1, 2).

12. Со тути поможыя тэ патяс, кай тутэ вижала драго тэ проандярэс изучения Библии?

¹² Гиндос, кай нэ сможэш драго тэ проандярэс изучения Библии. Дэко можэт тэ гиндой, кай англа кода, сар тэ лэл тэ изучает варикаса и Библия, во спэрва трэбуй екжэно вся драго тэ ӷанэн анда Библия. Если тутэ тожэ кацаво гиндо, тоди на бистэр, кай о Иегова патял, кай тутэ вижала тэ росԥэнэс аврэнди пала лэстэ и тэ проандярэс изучения Библии (2 Кор. 3:5). Инке трэбуй тэ сэрэс, кай тути кадэя дила дя тэ терэс лэ Дэвлэско Шаво о Иисусо (Матф. 28:18). Кадяжэ тути андэ када поможын о Иегова, и ԥрала, и ԥэя анда собрания. О Иегова росԥэндясас лэ Иисусости, сар тэ сытярэл лэ манушэн. Кадяжэ о Иегова сытярэл и амэн (Иоан. 8:28; 12:49). Инке сар тэ залэс тэ проандярэс изучения Библии тути можэт тэ поможый о старейшына анда тири ӷруппа важ и проповедническо служэния. Инке моӷут тэ поможын и вазвещятеля, савэ драго ӷанэн тэ проандярэн изучения или и пианероря. Манг лэн, кай вонэ тэ ақарэн тут пэса пэ изучения, кай ту лэндар тэ сытёс, сар тэ проандярэс изучения.

13. Каринг со амэ трэбуй тэ присытювас?

¹³ Бут со нэво андэ амари арӷанизацыя. Амэндэ паруделя кода, сар амэ проандярас изучения Библии лэ манушэнца. Акана амэндэ исин розлащи книжка, па сави амэ можэм тэ проандярас изучения лэ манушэса. Када «Жувэн вечно пэ бахтатэ!». Акана амэ па аврятэ ӷотовимся каринг и изучения и па аврятэ проандярас ла. Андэ ӷлавы май бут шолпэ сама най пэ кода, кай май бут абзацоря тэ проадинон, ай май бут тэ дэн дума пала тема, сави прожан. Кала проандярас изучения амэ най еқвар сыкавас амарэ видеоря анда амари прилажэния JW Library^® (лайбрэри). Если ту инке на ӷанэс, сар када тэ терэс, тоди манг варикастар помощь. Сар ԥэнэнпэ, и нэвэ чувякоря всегда тасавэн. Чаче тэ присытёс каринг варисо нэво найвушэро, пэ када трэбуй время. Но о Иегова, и ԥрала, и ԥэя андэ собрания поможына тути андэ када тэ розлэспэ. И тути дажэ лэла тэ чалёл тэ изучаеш лэ манушэса па нэви книжка. Ек пианеро ԥэндя, кай и изучения Библии ашэля май интересно и важ о мануш, саво проандярэл изучения, и важ кодэва, ко изучает.

14. Пала со трэбуй тэ сэрэс, кала и мануша на камэн тэ ашунэн андэ служэния, и со ԥэнэнпэ андэ 1 Коринфянам 3:6, 7?

¹⁴ И мануша андэ служэния на ашунэн амэн. Можэт котэ, кай ту жувэс и мануша на камэн тэ ашунэн пала Дэл. Или дэкала моӷут тэ на дэн амэнди спокойно тэ служысарас. Со тоди тэ терэс, кай тэ на хасарэс и радость андэ служэния? Трэбуй тэ сэрэс, кай андэ кадэя люма вся ӥто парудёлпэ. Спэрва вонэ моӷут тэ на ашунэн амэн, но потом андэ лэндири жызня варисо парудёлпэ, и вонэ пэ авэр разо ужэ камэн амэн тэ ашунэн (Матф. 5:3). Дэкала лэн тэ изучают кодэла, ко варикала на камэлас тэ лэл амари литература. Амэ полас, кай о Иегова екжэно барярэл о зэрно. Во Хулай пэ кадэя мал (Матф. 9:38). Ай амэ кати садисарас и шас о паи по зэрно (1 Кор. 3:6, 7). Важ о Иегова ӷлавно най кода исин амэндэ изучения Библии чи нинай. Во цэний, кала амэ пристас зор андэ служэния лэсти. Кадэлэстар амэнди по ди роздрагоb!

ЛОШАВ, КАЙ СЫТЯРЭС ЛЭ МАНУШЭН, КАЙ ВОНЭ ТЭ АВЭН УЧЕНИКОРЯ

15. Со кай о Иегова по ди, кала о мануш камэл тэ изучает и Библия и терэл кадя, сар уӷанэн?

¹⁵ О Иегова фартэ лошавэл, кала о мануш прилэл о чачимос анда Библия и лэл тэ росԥэнэн пала када аврэнди (Прит. 23:15, 16). Прецтавь, со по ди кай о Иегова, кала во диқэл пэ пэско народо! Хоть щяс жал кадэва вирусо всаек андо 2020 служэбно бэрш проандярэнас 7 милионоря 705 тысяч 765 изучении Библии. Анда кадэла мануша болделэ 241 тысяча 994 мануша. Акана кадэла ԥрала и ԥэя тожэ лэна тэ проандярэн изучения Библии ужэ аврэ манушэнца (Луки 6:40). На бистрам, кай о Иегова лошавэл, кала амэ проандярас изучении Библии лэ манушэнца и поможысарас лэнди тэ ашэн лэ Иисусостирэ ученикоря.

16. Со ту трэбуй тэ стерэс?

¹⁶ Тэ поможыс лэ манушэсти, кай во тэ полюбий лэ Иеговас и тэ ашэл лэ Иисусоско ученико, када найвушэро дила. Но о Иегова амаро небесно Дад на ашавэла амэн и поможыя амэнди андэ када. Старысав, кай тутэ тэ авэл хоть ек изучения Библии лэ манушэса. Кала диқэс, кай о мануш ашунэн тут андэ служэния, ԥэн лэсти пала изучения Библии. Тоди ту можэт фартэ удивисапэ, кай о мануш можэт тэ соӷласийпэ. О Иегова тут блаӷословия, кай ту пристос бут зор андэ служэния лэсти!

17. Со амэндэ по ди, кала амэ изучаем и Библия лэ манушэнца?

¹⁷ Када бари бах, кай амэ росԥэнас пала Иегова аврэнди и проандярас изучения Библии! Када бахтали дила! О апостоло Павло андо форо Фессалоника поможысардя бутэ манушэнди тэ ашэн лэ Иисусостирэ ученикоря. И акэ со во ԥэндя пэ када: «Када тумэ, кас амэ аштярасас, амари радость, амари бах! Амэ ласа тэ абуросарас андэр тумэндэ англа амаро Ӷосподо англа Иисус Христос, кала во упалэ авэла. Да, тумэ амари слава и радость» (1 Фес. 2:19, 20; Деян. 17:1—4). Да, бут авэна соӷласни лэстирэ алавэнца. И ԥэй Стефани пэстирэ хуласа поможысардя бутэ манушэнди тэ ашэн лэ Иеговастирэ служытеля. Вой ԥэнэн, кай нинай май бари радость, кала поможыс лэ манушэсти, кай во тэ жал па лэ Иеговаско дром.