Поможын аврэнди тэ терэн вся, сар сытярэлас о Иисусо

1. Со, сар запистромэ андэ Матфея 28:18—20, о Иисусо ԥэндя пэстирэ учениконэнди?

ПОСЛИ кода, сар о Иисусо рисайля каринг и жызня, во сыкаделя пэстирэ учениконэнди, савэ стидэсаспэ андэ Галилея. Во камля тэ ԥэнэн лэнди варисо важно. Лэстирэ алава запистромэ андэ Матфея 28:18—20b (адиносар).

2. Пала савэ вопросоря амэ подаса дума?

² Андэ амарэ деса кажно мануш, саво служый лэ Дэвлэсти, кадяжэ трэбуй тэ терэл и дила, сави дя о Иисусо. Роздиқаса трин вопросоря. Пэрво, хутила кати тэ ԥэнас лэ манушэнди, савэ изучают, со лэндар аштярэл о Дэл? Дуйто, сар всаворэ ԥрала и ԥэя андэ собрания моӷут тэ поможын, кай лэ манушэндэ, савэ изучают, тэ авэл лащи дружба лэ Иеговаса? И трито, сар тэ поможысарас лэ ԥралэнди и лэ ԥэянди, савэ ашэлэ неактивниc, кай вонэ упалэ тэ лэн тэ изучают лэ манушэнца и Библия и тэ поможын лэнди тэ ашэн лэ Иисусостирэ ученикоря?

ПОМОЖЫН ТЭ ТЕРЭН КАДЯ, САР СЫТЯРЭЛАС О ИИСУСО

3. Савэ важни алава исин андэ лэ Иисусостири дума?

³ О Иисусо ворта ԥэндя, со амэнди тэ терас. Амэ трэбуй тэ поможысарас лэ манушэнди, кай вонэ тэ терэн кадя, сар сытярэлас о Иисусо. Но трэбуй тэ на бистрас пала фартэ важно маменто. О Иисусо на ԥэндя: «Жан... сытярэн лэ манушэн, кай вонэ тэ авэн ученикоря, и сытярэн лэн всаворэсти, со мэ тумэнди приԥэндэм». Най, о Иисусо ԥэндя акэ сар: «Жан... сытярэн лэ манушэн, кай вонэ тэ авэн ученикоря, и сытярэн лэн тэ терэн вся, со мэ тумэнди приԥэндэм». Када сыкавэл, кай амэнди трэбуй най кати тэ росԥэнас лэ манушэсти, сости сытярэл и Библия, но и тэ сыкавас, сар во тэ прилэл кода, со уӷанэн, андэ пэстири жызня. Васо када важно?

4. Сар, кала изучаеш лэ манушэса и Библия, шолпэ пэ кода, кала сытярэн лэ манушэс тэ ездий?

⁴ И алава «терэн вся, со приԥэндо» сыкавэн, кай трэбуй андэ вся тэ кандас. Ай сар тэ поможысарас лэ манушэсти тэ терэл кадя, сар приԥэндя о Иисусо? Подам дума пала водителё, саво сытярэл аврэн тэ ездин пэ машына. Спэрва пэ учоба во росԥэнэн и правилоря кодэлэнди, ко сытёл. Но кай вонэ тэ полэн, сар тэ ездин правильно, када на хутилэла. Инке о водителё трэбуй тэ авэл паша мануш, кала кодэва ладэл пала рулё. И тэ подԥэнэн лэсти, сар тэ ладэл па правилоря, пала савэ во лэсти росԥэнэнас май англал. Сости амэ сытювас анда када?

5. а) Андэр со трэбуй тэ поможыс лэ манушэсти, савэса изучаеш, сар запистромэ андэ Иоанна 14:15 и 1 Иоанна 2:3? б) Сар ту можэш тэ поможыс лэсти тэ прилэл андэ пэстири жызня и библейски принцыпоря?

⁵ Пэ изучения ту росԥэнэс лэ манушэсти, со лэстар аштярэл о Дэл. Но када най вся. Инке ту трэбуй тэ поможыс, кай во вся, со уӷанэн анда Библия, тэ прилэл андэ пэстири жызня. (Адиносар Иоанна 14:15d; 1 Иоанна 2:3e.) Кода, сар ту пэс андярэс, поможыя лэ манушэсти, савэса изучаеш, тэ жувэл па библейски принцыпоря, кала во андэ школа, пэ бути или кала отцыёл. Можно тэ росԥэнэс лэсти, сар и советоря анда Библия фэрисардэ тут ла бидатар и поможысардэ тути правильно тэ терэс. Кадяжэ ту можэш англа лэстэ тэ мангэспэ лэ Иеговасти, кай о свынто духо тэ поможый лэсти годявэрнэс тэ витидэл варисо андэ пэстири жызня (Иоанна 16:13).

6. Со инке трэбуй тэ терэс, кай тэ поможыс лэ манушэсти тэ терэл кода, со приԥэндя о Иисусо?

⁶ Со инке ту можэш тэ терэс, кай о мануш, савэса изучаеш и Библия, тэ терэл кадя, сар приԥэндя о Иисусо? Трэбуй тэ поможыс, кай во тэ закамэл тэ росԥэнэн пала Дэл аврэ манушэнди, кай и вонэ тэ ашэн лэ Иисусостирэ ученикоря. Ай со, если во дарал тэ росԥэнэн пала Дэл? На трэбуй тэ холявэс пэр лэстэ, ай наоборот, поможысар, кай во май драго тэ полэл, со запистромэ андэ Библия. Тоди када лэла лэс лэ одестар, и во закамэла тэ терэл кадя, сар котэ пистромэ. Но сар тэ стерэс, кай о мануш тэ закамэл тэ росԥэнэн важ о Дэл?

7. Сар амэ можэм тэ поможысарас, кай о изучающё тэ закамэл тэ росԥэнэн пала Дэл?

⁷ Можно тэ пушэс лэ манушэстар, савэса изучаеш, сар и Библия поможысардя лэсти тэ парудёлпэ? Трэбуй и авэр тэ уӷанэн кода, со во уӷангля? Сар во можэт андэ када лэнди тэ поможый? (Притчи 3:27; Матфея 9:37, 38). Сыкав лэсти дэсавэ буклеторя важ и служэния. Манг лэс тэ витидэл буклеторя, савэ сар во гиндой, авэна интересни лэстирэ родости, лэ друӷонэнди или кодэлэнди, каса во терэл пэ бути. Дэ лэсти дэсавэ буклеторя, и мэк во туса подэл дума кадя, кабута во андэ служэния. Подԥэн лэсти, сар во можэт пативалэс тэ дэл дума, кай тэ ашавэл кадэла буклеторя лэ манушэнди. Канешно, кала о изучающё ашэла некрещённо вазвещятелё, ту авэса тэ ԥирэс лэса андэ служэния, кай тэ поможыс лэсти (Экклезиаст 4:9, 10; Луки 6:40).

САР И СОБРАНИЯ ПОМОЖЫЙ ЛЭ МАНУШЭНДИ, САВЭ ИЗУЧАЮТ И БИБЛИЯ

8. Васо важно тэ поможысарас, кай о изучающё май фартэ тэ любий лэ Иеговас и лэ манушэн? (Диқэн и рамка «Сар тэ поможысарас лэ манушэсти, саво изучает и Библия, май фартэ тэ любий лэ Дэвлэс?».)

⁸ На ласа тэ бистрас, кай о Иисусо приԥэндя амэнди тэ поможысарас аврэнди, кай вонэ тэ терэн вся, со во лэнди приԥэндя. Кадэлэса амэ сыкавас, кай ритярас дуй само барэ законоря. Када тэ любисарас лэ Дэвлэс и лэ манушэн (Матфея 22:37—39). Васо када кадя важно? Амэ жас андэ служэния, важ кода кай любисарас лэ Иеговас и лэ манушэн. Дэсавэ мануша, савэ изучают и Библия, сар кати лэн тэ гиндон, кай жана тэ росԥэнэн пала Дэл, ужэ лэн тэ даран. Но амэ трэбуй тэ ԥэнас лэнди, кай о Иегова на ашавэла лэн и поможыя лэнди, кай вонэ по набут тэ парашэн тэ даран лэ манушэндар (Псалом 18:1—3; Притчи 29:25). Андэ кадэя статья исин рамка, андэ сави росԥэнэнпэ, сар тэ поможысарас лэ манушэнди, савэ изучают и Библия, май фартэ тэ любин лэ Дэвлэс. Ай сар и собрания можэт тэ поможый лэнди тэ любин лэ Иеговас и лэ манушэн?

9. Со поможыя лэ манушэсти, саво сытёл тэ ездий, тэ полэл, сар тэ андярэл пэс пала рулё?

⁹ Подам дума упалэ пала мануш, саво сытёл тэ ездий. Кала во пала рулё, во сытёл най кати тэ ашунэн лэ водителёс, саво сытярэл лэс тэ ездий, но и тэ диқэл пала авэр водителя. Например, о водителё, саво сытярэл лэс тэ ездий, можэт тэ шол сама пэ авэр водителё, саво пэрэключий и фары по ближнё свето, кай тэ на светий аврэ водителёнэнди, савэ ладэн лэсти пэ встречка. Или кала во дэл авря машынати, тэ пэрэстроица пэ авэр рядо. Када вся поможый лэ манушэсти, саво сытёл тэ ездий, тэ полэл, сар трэбуй тэ андярэл пэс, кала ладэл пала рулё.

10. Со поможыя лэ манушэсти, саво изучает и Библия, кай лэстири дружба лэ Иеговаса тэ авэл май лащи?

¹⁰ Кадяжэ и о мануш, саво изучает и Библия, во кабута кати лэл тэ жал па дром, саво андярэл каринг и жызня. Во сытёл най кати амэндар, но и диқэл, сар андярэн пэс авэр лэ Иеговастирэ служытеля. Ай додиқэла во када, кала авэла пэ собрания. Котэ во май драго полэла и Библия, май фартэ патяла и май фартэ полюбия лэ Дэвлэс (Деяния 15:30—32). Инке андо Зало Царства, во можэт тэ уӷанэн лэ ԥралэн и лэ ԥэян, савэнца лэстэ исин варисо ек. Пэ собрания во сможэт тэ додиқэл, кай лэ Иеговастирэ служытеля пэ дила сыкавэн, кай любин ек еқэс. Вся када поможыя лэсти, кай и дружба лэ Иеговаса тэ авэл май лащи. Диқаса, сар када можэт тэ авэл.

11. Кас о изучающё можэт тэ уӷанэн андо Зало Царства, и сар када лэсти поможыя?

¹¹ Представьте, андо Зало Царство авэл манушни, сави изучает и Библия, и сави екжэни барярэл лэ бэятос. Котэ вой уӷанэн ла ԥья, савятэ тожэ исин бэяцэ. Ла манушня лэл лэ одестар, кала вой диқэл, скати зор стол и ԥэй, кай тэ авэл лэ цынёне бэятонэнца пэ собрания. Или погиндон, сар андо Зало Царства авэл мурш, саво изучает и Библия, и саво нащи мэкэл тэ цырдэл. Котэ во уӷанэн лэ ԥралэс, саво тожэ варикала нащи мэкэлас тэ цырдэл. О ԥрал росԥэнэн, кай со май фартэ лэлас тэ любий лэ Иеговас, со май фартэ лэсти камэласпэ тэ жувэл па лэстирэ законоря (2 Коринфянам 7:1; Филиппийцам 4:13). Кадяжэ во ԥэнэн, кай если во мэкля тэ цырдэл, мэкэла и кадэва мануш. Посли лэстирэ алава о мануш лэл тэ патял андэ када. Ай акэ инке, со можэт тэ авэл. Тэрни щей, сави изучает и Библия авэл андо Зало Царства, и уӷанэн ла ԥья андэ латирэ бэрша. Вой диқэл, кай и ԥэй фартэ бахтали, кай служый лэ Иеговасти. И щей камэл тэ уӷанэн, со ла ԥьяти поможый вся и время тэ авэл кацави дэ лошали.

12. Сар кажно андэ собрания можэт тэ поможый, кай лэ манушэстэ, саво изучает и Библия, тэ авэл май лащи дружба лэ Иеговаса?

¹² Кала о изучающё уӷанэн разнонэ ԥралэн и лэ ԥэян андэ собрания, во май драго полэл, сар тэ терэл кадя, сар приԥэндя о Иисусо. Када тэ любий лэ Дэвлэс и лэ манушэн (Иоанна 13:35; 1 Тимофею 4:12). И инке, кала во май бут уӷанэна лэ ԥралэн и лэ ԥэян, савэндэ сас кацаво жэ ԥаримос сар и лэстэ, тоди полэла, кай и во можэт тэ парудёл и тэ ашэл лэ Иисусоско ученико (Второзаконие 30:11). Кажно вазвещятелё андэ собрания можэт тэ поможый, кай лэ манушэстэ, саво изучает и Библия, тэ авэл лащи дружба лэ Иеговаса (Матфея 5:16). Ай со ту можэш тэ терэс, кай тэ поможыс, лэ манушэнди, савэ изучают и Библия, кала вонэ авэн пэ собрания?

ПОМОЖЫН, КАЙ И НЕАКТИВНИ УПАЛЭ ТЭ РОСԤЭНЭН ПАЛА ДЭЛ

13, 14. Сар о Иисусо андярдя пэс лэ апостолонэнца, савэ умэклэсас и вас?

¹³ Амэ камас тэ поможысарас амарэ ԥралэнди и лэ ԥэянди, савэ ашэлэ неактивни, кай вонэ упалэ тэ терэн и дила, сави амэнди дя о Иисусо, када тэ поможысарас лэ манушэнди, кай вонэ тэ авэн лэстирэ ученикоря. Андэ када амэ можэм тэ сытювас лэ Иисусостар. Подам дума, сар во пэс андярдя лэ апостолонэнца, савэ умэклэсас и вас.

¹⁴ Кала о Иисусо ужэ трэбуй сас тэ парашэл тэ служый пэ ԥув, и лэс трэбуй сас тэ умарэн, тоди и апостолоря мэклэ лэс и занашлэ (Марка 14:50; Иоанна 16:32). Холяйля о Иисусо пэр лэндэ? Посли кода, сар во рисайля каринг и жызня, во ԥэндя дэсавэ жувлянди, савэ сас лэстирэ ученицы: «На даран! Жан, ԥэнэн мэрнэ ԥралэнди, кай вонэ тэ жан андэ Галилея. Котэ вонэ диқэна ман» (Матфея 28:10). Хоть и апостолоря лэс и ашадэ, во всаек ԥэнэнас, кай вонэ лэстирэ ԥрала, и на парашэлас лэнди тэ патял. Сар и лэско Дад, о Иисусо сас ӷотово тэ простий и тэ жалуий лэн анда вся оди (2 Царей 13:23).

15. Сар амэ андярас пэс лэ ԥралэнца и лэ ԥэянца, савэ парашэлэ тэ росԥэнэн пала Дэл?

¹⁵ Амэ кадяжэ, сар и о Иисусо, жалуисарас амарэ ԥралэн и ԥэян, савэ парашэлэ тэ росԥэнэн пала Иегова. Амэ пэрэжываем пала лэндэ. Вонэ амарэ ԥрала и ԥэя, и амэ лэн фартэ любисарас! Амэ сэрас, сар вонэ росԥэнэнас пала Дэл анда вся оди. Дэко бэршэнца служыяс лэ Дэвлэсти (Евреям 6:10). Амэ фартэ пала лэндэ скучисарас! (Луки 15:4—7). Сар амэ можэм тэ сытювас кай о Иисусо и тэ сыкавас, кай амэ заботисавас пала лэндэ?

16. Сар тэ сыкавас, кай амэ пэрэжываем пала ԥрала и ԥэя, савэ ашэлэ неактивни?

¹⁶ Анда вся оди ақарэн лэн пэ собрания. Кай тэ подритярэл лэ апостолонэн, о Иисусо ақардя лэн пэ важно собрания (Матфея 28:10б; 1 Коринфянам 15:6). Амэ тожэ можэм тэ ақарас амарэ ԥралэн и ԥэян, савэ ашэлэ неактивни, пэ собрания. Но трэбуй тэ сэрас, кай можэт прижалапэ най еқвар лэн тэ ақарас, и можэт кати тоди вонэ авэна. О Иисусо сас фартэ лошало, кала и ученикоря авелэ, кала во лэн ақардя. И амэ можэм кадяжэ тэ лошавас, кала вонэ авэна пэ собрания (Матфея 28:16; диқэн Луки 15:6).

17. Со тэ терас, кала пэ собрания авэл неактивно ԥрал или ԥэй?

¹⁷ Анда вся оди пашон каринг лэндэ. О Иисусо на камэлас, кай лэ апостолонэнди тэ авэл лажаво. И важ кода во на аштярэлас, пока вонэ лэстэ пашона. Во екжэно пашэля каринг лэндэ и задя дума (Матфея 28:18). Ай со амэ терас, если андо Зало Царства авэн и ԥрала или и ԥэя, савэ ашэлэ неактивни? Амэ можэм екжэнэ анда вся оди тэ пашувас каринг лэндэ. Спэрва, можэт, амэ на ӷанас, со тэ ԥэнас. Тоди можэм просто тэ ԥэнас, кай лошалэ лэн тэ диқас. Кадя лэнди авэла драго машкар амэндэ и на авэла лажаво, кай лэн долӷо на сас пэ собрания.

18. Сар амэ можэм тэ подритярас лэ ԥралэн и лэ ԥэян, савэ ашэлэ неактивни?

¹⁸ Мэк вонэ полэн, кай тумэ лэн подритярэн. Лэ Иисусостирэ ученикоря гиндонас, кай вонэ нэ смоӷут тэ стерэн и дила, сави во лэнди ԥэндя, када тэ росԥэнэн пала Царство па вся и люма. Но о Иисусо ԥэндя лэнди: «Мэ авава тумэнца андэ всаворэ деса» (Матфея 28:20). Поможысардя када лэ учениконэнди? Канешно! Посли када вонэ «на парашэнас тэ сытярэн и тэ росԥэнэн лащи весть пала Иисус Христос» (Деяния 5:42). Лэ ԥралэн и лэ ԥэян, савэ ашэлэ неактивни, тожэ трэбуй тэ подритярас. Можэт вонэ даран упалэ тэ служын. Но амэ камас, кай вонэ тэ полэн, кай амэ лэн подритяраса, и кай вонэ на лэна екжэнэ тэ росԥэнэн пала Дэл. И кала вонэ авэна ӷотови упалэ тэ жан андэ служэния, тоди поджам каринг лэндэ и ақарам лэн тэ жас вмести лэнца андэ служэния. Вонэ авэна блаӷодарни амэнди важ када. Если амэ драго андярас пэс лэнца и сэрас, кай вонэ амарэ ԥрала и ԥэя, тоди када анэна лашимос андэ собрания.

АМЭ КАМАС ТЭ ДОТЕРАС И ДИЛА, САВИ АМЭНДИ ДИНЭ

19. Со амэ камас фартэ тэ терас и васо?

¹⁹ Скати инке амэ ласа тэ терас кадэя дила, тэ сытярас лэ манушэн, кай вонэ тэ ашэн лэ Иисусостирэ ученикоря? О Иисусо ԥэндя: «Пока кадэлэсти, со андэ люма, на авэла конец» (Матфея 28:20). Вижала амэндэ тэ стерас кадэя дила? Амэ фартэ ла камас тэ стерас! Важ када радостяса отдас и время, о зор и ловэ, кай тэ виарақас кодэлэн, кас цырдэл «каринг о чачимос, саво дэл вечно жызня» (Деяния 13:48). Кадя амэ тераса, сар о Иисусо, саво ԥэндя: «Мэрно хамос, тэ терав вся, со камэл кодэва, ко ман бишалдя и тэ дотерав и дила, сави во манди дя» (Иоанна 4:34; 17:4). Амэ тожэ камас анда вся оди тэ дотерас и дила, сави амэнди динэ (Иоанна 20:21). Ай кадяжэ амэ камас, кай андэ кадэя дила вмести амэнца тэ росԥэнэн пала Дэл и ԥрала и ԥэя, савэ ашэлэ неактивни (Матфея 24:13).

20. Васо, сар пистромэ андэ Филиппийцам 4:13, амэндэ вижала тэ дотерас и дила, сави амэнди дя о Иисусо?

²⁰ Канешно, тэ терас кадэя дила, сави амэнди дя о Иисусо, найвушэро. Но амэ най екжэнэ. О Иисусо дя алав, кай поможыя амэнди. Ай инке амэн подритярэл о Иегова, важ кода кай «амэ терас лэ Дэвлэса ек дила» (1 Коринфянам 3:9). И када сыкавэл, кай амэндэ вижала тэ дотерас кадэя дила и тэ поможысарас аврэнди. Сави када бах и радость! (Адиносар Филиппийцам 4:13f.)