СТАТЬЯ, КАЙ ТЭ СЫТЮВАС 41
Со трэбуй тэ терас, кай о мануш, саво сытёл па Библия, тэ болдёл? (1 часть)
«Тумэ лэ Христоско письмо, саво пистросардям амэ, лэ Дэвлэстирэ служытеля» (2 КОРИНФЯНАМ 3:3).
ДИЛИ 58 Андярас весть
ПАЛА СО УӶАНАСА АНДА СТАТЬЯa
Ԥрала и ԥэя андэ собрания фартэ радуинпэ, кала болдёл о мануш, савэсти вонэ поможынас тэ авэл май лащи дружба лэ Дэвлэса! (Диқэн о абзацо 1.)
1. Сар и алава андэ 2 Коринфянам 3:1—3 поможын тэ полэс, кай важ тутэ када бари бах тэ поможыс лэ манушэсти тэ болдёл? (Диқэн и картинка пэ обложка.)
СО ТУТЭ по ди, кала диқэс, кай о изучающё анда тири собрания, болдёл? Кадэлэстар тутэ бари радость по ди (Матфея 28:19). Ту авэса инке май лошало, если када о мануш, савэс ту сытярэсас па Библия! (1 Фессалоникийцам 2:19, 20). Кала о изучающё болдёл, када сыкавэл кай о мануш, саво сытярэлас лэс па Библия, стодя бут зор, но най кати во, ай вся и собрания. (Адиносар 2 Коринфянам 3:1—3b.)
2. а) Пала саво важно вопросо трэбуй тэ подас дума и васо? б) Кала можно тэ ԥэнэс, кай тутэ исин изучения? (Диқэн и сноска.)
2 Када роздраго, кай важ и послидни штар бэрш па вся и ԥув, кажно шон варикай 10 милионоря мануша изучают и Библияc. Но кажно бэрш болдён кати варикай 280 тысяч. Сар тэ поможысарас лэ манушэнди, савэ сытён па Библия, кай вонэ тэ болдён? Амэнди трэбуй тэ терэс вся, со па амаро зор, кай вонэ тэ закамэн май йто тэ стерэн када. О Иегова инке аштярэл и дэл время, кай вонэ тэ ашэн лэстирэ служытеля. Но время ашэляпэ набут! (1 Коринфянам 7:29а; 1 Петра 4:7).
3. Пала со амэ подаса дума андэ кадэя статья?
3 Щяс фартэ важно тэ сытярас лэ манушэн, кай вонэ тэ авэн ученикоря. Важ када о Руководящё совето пушля кай и филиалоря: «Со амэ можэм тэ стерас, кай тэ поможысарас кодэлэнди, ко сытёл па Библия, тэ болдён?» Андэ кадэя и андэ авэр статья амэ диқаса, сости можэм тэ сытювас кай и пианероря, мисианероря и раёни надзирателя (Притчи 11:14; 15:22)d. Амэ уӷанаса, со можэт тэ терэл о мануш, саво проандярэл и изучения, и о мануш, саво изучает, кай и изучения тэ анэн май бут лашимос. Андэ кадэя статья амэ уӷанаса пала панч советоря, савэ поможына лэ манушэсти тэ болдёл.
ПРОАНДЯР ИЗУЧЕНИЯ КАЖНО КУРКО
Пуш лэ манушэстар, сар во диқэл пэ кода, кай тумэ линэ май бут тэ изучаете (Диқэн и абзацоря 4—6.)
4. Со трэбуй тэ сэрас, кала сытярас лэ манушэн па Библия набут па время и най кажно курко?
4 Када роздраго, кай тумэ сытярэн лэ манушэн па Библия! Но дэкала и ԥрала и ԥэя сытярэн па Библия набут па время и най кажно курко. Кадяжэ дэсавэ вазвещятеля лэн о номероe и дэкала звонин или пистрон, кай тэ подэн дума пала варисаво гиндо анда Библия. Кала кадя прожан изучении, о мануш на болдёла. Лэстэ на авэла лащи дружба лэ Дэвлэса, и во на авэла лэ Иисусоско ученико.
5. Сар лэ Иисусостирэ алава анда Луки 14:27—33, поможына тэ дас помощь кодэлэнди, ко сытёл па Библия?
5 О Иисусо еқвар росԥэндя лэ манушэнди, савэ камэн тэ ашэн лэстирэ ученикоря, со вонэ трэбуй тэ терэн. Важ када во призындярдя дуй примероря. Пэрво примеро, пала мануш, саво строий о цэр, ай, о дуйто примеро, пала царё, саво тидэлпэ тэ жал пэ война. Пэрво мануш бэшэл и подадиной, скати лэстэ пэ када жана ловэ. Ай дуйто мануш када о царё, саво тидэлпэ тэ жал пэ война. Хэба май англал во на бэшэла и на подэла дума аврэнца, вижала лэстэ тэ победий чи най? (Адиносар Луки 14:27—33f.) Кадэла примероря поджан и каринг о мануш, саво камэл тэ ашэл лэ Иисусоско ученико. Во трэбуй драго тэ погиндой, сар кадэлэстар парудёла лэстири жызня. Амэ поможысараса андэ када лэ манушэсти, если ласа тэ шас сама, кай трэбуй тэ изучаем кажно курко. Ай сар тэ стерас када?
6. Сар ту можэш тэ поможыс лэ манушэсти, саво сытёл па Библия, кай во май бут тэ уӷанэн пала Дэл?
6 Если тутэ исин изучения, сави ту проандярэс набут па время и най кажно курко, тоди тути поможыя акэ со. Старысав, кай и изучения тэ прожал май бут па время. Спэрва можно май бут тэ адинон абзацоря и стихоря. Если вижал кадя тэ проандярэс и изучения, тоди пуш лэ манушэстар, сар во диқэл пэ када, кай тумэ линэ май бут тэ изучаете? Кода, со во ԥэнэна, сыкавэла пэ скати када важ лэстэ важно. Кай во май бут тэ уӷанэн пала Дэл, ту можэш тэ пушэс, на камлоп во дувар андо курко тэ сытёл па Библия? Но када на хутила, кай тэ поможыс лэ манушэсти тэ болдёл. Трэбуй тэ терэс инке варисо.
ДРАГО ӶОТОВЬСЯ КАРИНГ КАЖНО ИЗУЧЕНИЯ
Драго ӷотовься каринг и изучения и сыкав, сар када тэ терэл о мануш, савэса изучаеш (Диқэн и абзацоря 7—9.)
7. Сар трэбуй ӷотовица каринг кажно изучения?
7 Если ту сытярэс лэ манушэс па Библия, тоди кажно разо драго ӷотовься каринг изучения. Спэрва проадиносар вся и тема, ай кадя жэ и библейски стихоря. Драго полэ и ӷлавни гиндоря. Погиндосар пала кода, сар называеца и ӷлава или уроко. Ай кадяжэ пала подзаӷоловкоря, пала вопросоря каринг и абзацоря, пала стихоря, каринг савэ пистромэ «адиносар», пала видеоря и пала картинки. Вся када драго поможый тэ полэс о ӷлавно гиндо. Тоди погиндосар, сар ту можэш тэ росԥэнэс кадэя тема лэ манушэсти кадя, кай во тэ полэл, и тэ терэл, сар уӷангля анда Библия (Неемия 8:8; Притчи 15:28а).
8. Пала со тэ мангаспэ важ о изучающё, сар запистромэ андэ Колоссянам 1:9, 10?
8 Кала ту ӷотовишся каринг и изучения, мангпэ пала кодэва, кас ту сытярэс па Библия. Манг лэ Иеговас тэ поможый тути тэ сытярэс кадя, кай лэсти тэ дожал када андо ди. (Адиносар Колоссянам 1:9, 10g.) Погиндосар, со лэсти авэла най вушэро тэ полэл пэ изучения и соса лэсти авэла ԥарэс тэ соӷласийпэ. На бистэр, кай ту камэс тэ поможыс лэ манушэсти тэ болдёл.
9. Сар тэ поможыс кодэлэсти, кас сытярэс па Библия, кай во тэ ӷотовица каринг кажно изучения?
9 Ту надеиспэ, кай о мануш, саво сытёл па Библия, авэла блаӷодарно лэ Иеговасти и лэ Иисусости важ кода, со вонэ важ лэстэ стердэ. Тоди во закамэла тэ уӷанэн май бут анда Библия (Матфея 5:3, 6). Кай изучения тэ анэн май бут лашимос, о мануш, саво сытёл па Библия, трэбуй тэ гиндой пала кода, со во адиной. Трэбуй тэ росԥэнэс лэсти пэ скати дэ важно тэ ӷотовица каринг кажно изучения. Спэрва во можэт тэ проадиной о уроко или и ӷлава и тэ погиндой, сар во можэт када тэ прилэл каринг пэстэ. Можэш еқвар подӷотовица лэса вмести, кай потом во тэ терэл када екжэноh. Сыкав лэсти, сар тэ арақэл и ӷлавни гиндоря и о атвето, саво исин андо абзацо. Росԥэн лэсти, если во лэла тэ выделяет о ӷлавно гиндо андо абзацо, тоди лэсти авэла май вушэро тэ дэл атвето. И тоди манг лэс, тэ росԥэнэн пэстирэ алавэнца. Када поможыя тути тэ полэс, пэ скати во драго поля и тема. Ай сар инке ту можэш тэ поможыс лэ манушэсти, саво изучает?
ПОМОЖЫСАР, КАЙ О ИЗУЧАЮЩЁ КАЖНО ДЕС ТЭ МАНГЭЛПЭ ЛЭ ИЕГОВАСТИ
Сыкав лэ манушэсти, савэса изучаеш, сар тэ мангэлпэ лэ Иеговасти (Диқэн и абзацоря 10, 11.)
10. а) Васо важно кажно дес тэ адинон и Библия? б) Со трэбуй тэ терэн, кай кала адинон и Библии када тэ анэн лашимос?
10 Важно, кай о изучающё най кати кажно курко тэ сытёл па Библия, но во трэбуй екжэно кажно дес тэ дэл дума лэ Иеговаса андэ молитва и тэ ашунэл, со во лэсти ԥэнэн. Тэ ашунэл лэ Иеговас во можэт, кала кажно дес адиной и Библия (Иисус Навин 1:8; Псалом 1:1—3). Сыкавэн лэсти о «График чтения Библии»i пэ амаро сайто jw.org. Во трэбуй най просто тэ адиной и Библия, ай тэ гиндой, со нэво во уӷанэн пала Иегова, и сар во када тэ прилэл андэ пэстири жызня. Када анэна лэсти бут лашимос (Деяния 17:11; Иакова 1:25).
11. а) Сар тэ поможыс лэ манушэсти, правильно тэ мангэлпэ лэ Иеговасти? б) Васо важно, кай во када тэ терэл кажно дес?
11 Старысав, кай о изучающё кажно дес тэ мангэлпэ лэ Иеговасти. Англа изучения и посли латэ анда вся оди мангпэ и ԥэн андэ молитва пала изучающё. Анда тирэ молитвы во полэла, кай трэбуй тэ мангэлпэ через о Иисусо, и сытёла тэ дэл дума лэ Иеговаса анда вся оди (Матфея 6:9; Иоанна 15:16). Кати погиндосар, сар поможыя лэ манушэсти, если во лэла кажно дес тэ ашунэл лэ Дэвлэс, кала лэла тэ адиной и Библия, и лэла тэ дэл дума лэса андэ молитва! (Иакова 4:8). Если во присытёла кадя тэ терэл, тоди лэстири дружба лэ Иеговаса авэла май лащи, и во сможэт тэ дэл алав лэсти, кай жувэла важ лэстэ и болдёла. Ай со инке ту можэш тэ стерэс, кай тэ поможыс лэ манушэсти, савэс сытярэс па Библия?
ПОМОЖЫСАР, КАЙ О ИЗУЧАЮЩЁ ТЭ АШЭЛ ЛЭ ИЕГОВАСКО ДРУӶО
12. Сар тэ поможысарас, кай лэ манушэстэ, саво изучает, тэ авэл лащи дружба лэ Иеговаса?
12 О Иисусо росԥэнэнас о чачимос анда Библия кадя, кай и мануша драго лэс полэнас. Ай инке лэстири дума дожалас андо ди, и важ када и мануша камэнас тэ ашэн лэстирэ ученикоря (Луки 24:15, 27, 32). И амэ можэм тэ сытювас лэстар. Кода, со о мануш уӷанэн пэ изучения, трэбуй тэ дожал каринг оди. Кати тоди во закамэла тэ терэл кадя, сар уӷангля. Важно, кай о изучающё тэ полэл, кай о Иегова чаче исин и лэса можно тэ дружый. Поможысар, кай во тэ полэл, кай о Иегова можэт тэ авэл важ лэстэ Дэл, небесно Дад и Друӷо (Псалом 25:4, 5). Нэ важно сави тема тумэ прожан пэ изучения, шув сама пэ кода, саво о Иегова (Исход 34:5, 6; 1 Петра 5:6, 7). Поможын, кай о изучающё тэ цэний, кай о Иегова любящё, добро и кода, кай во жалуий. О Иисусо ԥэндя, кай «пэрво и само баро законо», када тэ любисарас «пэстирэ Дэвлэс лэ Иеговас всаворэ одеса» (Матфея 22:37, 38). Поможысар, кай о мануш, саво изучает, тэ полюбий лэ Иеговас всаворэ одеса.
13. Сар тэ поможыс кодэлэсти, каса изучаеш, кай во май драго тэ уӷанэн, саво о Иегова? Росԥэн.
13 Росԥэн кодэлэсти, каса изучаеш и Библия, васо ту полюбисардян лэ Иеговас (Псалом 73:28). Например, если андо абзацо попэрделя гиндо или стихо, саво ля тут лэ одестар и поможысардя тути тэ уӷанэс, кай о Иегова любящё, мудро, справедливо и зорало, тоди росԥэн пала када лэ манушэсти. Можэт када поможыя и лэсти тэ полюбий лэ Иеговас и тэ ашэл лэско друӷо. Мэк во диқэл, кай ту бут васо любис лэ Иеговас. Ай со инке трэбуй тэ терэл о изучающё, кай тэ болдёл?
ПОМОЖЫСАР, КАЙ О ИЗУЧАЮЩЁ ТЭ ԤИРЭЛ ПЭ СОБРАНИЯ
Старысав тэ стерэс кадя, кай о изучающё май йто тэ лэл тэ ԥирэл пэ собрания (Диқэн и абзацоря 14, 15.)
14. Со ԥэнэнпэ андэ Евреям 10:24, 25 пала собрании?
14 Важно, кай о изучающё тэ ԥирэл пэ собрании. Би кадэлэско во нэ сможэт тэ болдёл. Кала о мануш ԥирэл пэ собрания, лэсти дружба лэ Дэвлэса ашэл май лащи (Псалом 111:1). Дэсавэ ԥрала и ԥэя росԥэнэн лэ манушэнди, каса вонэ изучают, кай пэ собрания вонэ смоӷут тэ уӷанэн май бут, чем пэ изучения. Вмести шон сама по стихо анда Евреям 10:24, 25j (адиносар) и сыкав, саво лашимос лэсти анэна и собрании. Сыкав о видео «Со терэн андо зало, кай тидэнпэ лэ Иеговастирэ Свидетеля»k. Поможысар лэ манушэсти, савэс сытярэс па Библия, тэ ԥирэл кажно курко пэ собрания и тэ полэл, кай и собрания важно андэ лэстири жызня.
15. Со тэ терэн, кай о изучающё тэ на промэкэл и собрания?
15 Со можно тэ стерэс, если о изучающё инке ни еқвар на сас пэ собрания или ридко пэр латэ авэл? Анда оди росԥэн лэсти, со най дэлмут сас пэ собрания, и можэт через када лэсти авэла май интересно, чем кала ту просто ақарэса лэс пэ собрания. Дэ лэсти нэво журнало «Сторожэво башня» и тетрадка «Дром и служэния». Потом сыкав, со лэна тэ прожан пэ авэр собрания. Пуш лэстар, со лэсти май фартэ чалёл андэ проӷрамма? Можэт кода, со во диқэла и ашунэла пэрво разо, поможыя лэсти тэ полэл, кай када на шолпэ пэ қандири, андэ сави во варикала ԥирэлас (1 Коринфянам 14:24, 25). Пэ собрания во сможэт тэ уӷанэн манушэн, савэндар можэт тэ сытёл и савэ поможына лэсти май фартэ тэ дружый лэ Дэвлэса и тэ болдёл.
16. а) Со трэбуй тэ терэс, кай о изучающё тэ болдёл? б) Пала со амэ подаса дума андэ авэр статья?
16 Андэ кадэя статья амэ уӷанглям, со трэбуй тэ терас, кай о изучающё тэ болдёл? Поможысар лэсти, кай во тэ цэний кажно изучения. Старысав тэ терэс, кай во тэ изучает кажно курко и тэ ӷотовица каринг кажно изучения. Кадяжэ поможысар, кай о изучающё тэ ашэл лэ Иеговаско друӷо, и кажно дес тэ мангэлпэ лэсти. И поможысар тэ на промэкэл кажно курко и собрания. (Диқэн и рамка «Со трэбуй тэ терэл о мануш, саво изучает, кай тэ болдёл».) Исин инке панч советоря, савэ поможына лэ манушэсти, саво изучает, тэ болдёл. Пала када амэ подаса дума андэ авэр статья.
ДИЛИ 76 Со тутэ по ди?
a По 2020 бэрш витидэ о стихо анда Матфея 28:19. Во поможыя тэ на бистрас, кай важно тэ сытярас лэ манушэн па Библия, кай вонэ тэ болдён и тэ ашэн лэ Иисусостирэ ученикоря. Када сыкавэл, кай амэ трэбуй тэ поможысарас лэ манушэсти май драго тэ полэл и Библия, и тэ терэл кадя, сар котэ и пистромэ. Андэ кадэя и андэ авэр статья амэ подаса дума, сар тэ авас инке май лашэ учителёря.
b 2 Коринфянам 3:1—3: «Хэба амэнди трэбуй упалэ тэ росԥэнас пала пэстэ? Или можэт амэнди, сар и дэсавэ манушэнди, трэбуй письморя каринг тумэндэ или тумэндар, андэ саво росԥэнэнпэ пала амэндэ? Тумэ екжэнэ, сар амаро письмо, саво пистромэ амэндэ по ди, и саво ӷанэн и адинон всаворэ мануша. И всаворэ диқэн, кай тумэ лэ Христоско письмо, саво пистросардям амэ, лэ Дэвлэстирэ служытеля. Но най ла черниласа, ай лэ жундэ Дэвлэстирэ духоса и най пэ барунэ скрижали, ай по ди».
c РОСԤЭНЭНПЭ, САР ТЭ ПОЛАС О АЛАВ. Кала можно тэ ԥэнэс, кай тутэ исин изучения? Тутэ исин изучения Библии, если ту часто дэс дума лэ манушэса па Библия па ек анда книжки или па брашуры, па савэ амэ проандярас и изучения. Ту можэш тэ запистрос андо отчото изучения, если ту сыкадян лэ манушэсти, сар прожал и изучения, дувар проандярдян ла, и кала дицол, кай во и май англэ камэл тэ сытёл.
d Андэ пэрво и андэ дуйто часть андэ кадэла статьи исин гиндоря анда авэр статьи, савэ сас пэ тема «Помогаем изучающим Библию расти духовно» андэ «Наше священное служение», лэ июлёстар 2004 бэрш жы каринг о маё 2005 бэрш.
e Андэ служэния и вазвещятеля трэбуй тэ сэрэн пала законо пала лэ манушэстирэ лични данни, саво исин андэ страна, кай вонэ жувэн.
f Луки 14:27—33: «Кодэва, ко на андярэл пэско столбо и на жал пала мандэ, на авэла мэрнэ ученикоса. Если варико андар тумэндэ закамэла тэ строий башня, хэба май англал на бэшэла и на подадиноя, скати лэстэ жана пэ када ловэ, кай тэ диқэл, хутилэла лэстэ ловэ тэ дотерэл ла? Тоди, кала во зашола о фундаменто, но лэстэ на вижала тэ дотерэл и дила, всаворэ, ко када диқэна, лэна тэ асан лэстар, и тэ ԥэнэн: „Кадэва мануш заля тэ строий, ай нащи дотерэл“. Или хэба о царё, саво тидэлпэ тэ жал пэ война, май англал на бэшэла и на подэла дума аврэнца, сможэт во тэ вицэлэл и война, если лэстэ десять тысяч воиноря, против кодэва, кастэ двацать тысяч войноря? Если нэ сможэт, тоди пока кодэва инке дур, во бишалэла каринг лэстэ лэ манушэн, тэ мангэн, кай вонэ тэ поладин. И акэ, ӷанэн, нико тумэндар на ашэла мэрно ученико, если на ашавэла пэско мищимос».
g Колоссянам 1:9, 10: «Акэ, васо амэ кодэлэ десэстар, сар ашундям пала када, на парашас тэ мангаспэ пала тумэндэ и тэ мангас, кай тумэ бут и драго тэ ӷанэн, со во камэл, тэ ӷанэн лэстири чачуни мудрость и вся тэ полэн через лэ Дэвлэско духо. Амэ мангаспэ, кай тумэ тэ жувэн кадя, сар лэ Иеговастирэ мануша, кай во тэ авэл лошало, и тэ терэн дила кадя, кай латар тэ авэл бут лашимос и вся май бут и май драго тэ уӷанэн пала Дэл».
h Диқэн видео, саво жал 4 минуты «Дэн помощь кодэлэсти, кас сытярас па Библия, кай во екжэно тэ адиной и тэ полэл, со лэна тэ прожан». Лэс можно тэ виарақас андэ прилажэния JW Library® андэ вкладка МУЛЬТИМЕДИА > АМАРЭ СОБРАНИИ И СЛУЖЭНИЯ > МАЙ ДРАГО СЛУЖЫСАРАС.
i Диқэн и вкладка БИБЛИОТЕКА > КНИГИ И БРОШЮРЫ.
j Евреям 10:24, 25: «Ай инке ласа тэ шас сама ек еқэс, кай через када авэр тэ закамэн тэ любин и тэ терэн лашимос. И тэ на промэкас и собрании, сар дэко ужэ присытеля каринг када, ай тэ подритярас ек еқэс. И тэ терас када инке май бут, важ кода кай диқас, кай пашол кодэва дес».
k Андэ прилажэния JW Library® диқэн и вкладка МУЛЬТИМЕДИА > АМАРЭ СОБРАНИИ И СЛУЖЭНИЯ > ВАЖ И СЛУЖЭНИЯ.