Поможысар, кай о мануш, саво изучает и Библия, тэ болдёл

1. Со о апостоло Пётро ԥэндя лэ манушэнди, савэ стидэпэ андо Иерусалимо?

ПРЕДСТАВЬТЕ, сар андо Иерусалимо и мануша анда разни страны диқэн чуда, кала и мурша и жувля лэн тэ дэн дума пэ разни шыба. Када сас прости и нэ ӷрамотни евреёря, савэ задинэ дума пэ разни шыба! Вонэ фартэ удивисайлэ, но важ лэндэ май важно сас, со росԥэнэнас кадэла лэ Иисусостирэ ученикоря. Лэн фартэ линэ лэ одестар лэ Петростирэ алава, кай если вонэ камэн тэ спасынпэ, лэнди трэбуй тэ патян андо Иисусо. Вонэ прилинэ када всаворэ одеса и пушлэ лэстар: «Со амэнди тэ терас?» О Пётро ԥэндя лэнди: «Мэк кажно андар тумэндэ болдёл» (Деян. 2:37, 38).

2. Пала со амэ подаса дума андэ кадэя статья? (Диқэн и картинка пэ обложка.)

² И мануша сразу линэ варисо тэ терэн! Андэ кодэва жэ дес болделэ варикай три тысячи мануша. Кадя заляпэ и дила, сави трэбуй сас тэ жал па вся и ԥув, кай май бут мануша тэ ашэн лэ Иисусостирэ ученикоря. Када и приԥэндя о Иисусо. Кадэя дила жал и адес. Но андэ амари время на авэла кадя, кай ту набут подян дума лэ манушэса, и во сразу тэ болдёл. Пэ када можэт тэ ужал най ек шон, бэрш или дажэ май бут. И о мануш, саво проандярэл изучения, пар пэстэ ӷанэн када. Андэ кадэя статья амэ подаса дума, сар тэ поможысарас лэ манушэсти саво изучает и Библия тэ болдёл.

ПОМОЖЫСАР, КАЙ О ИЗУЧАЮЩЁ ТЭ ПРИЛЭЛ КОДА, СО УӶАНЭН

3. Со трэбуй тэ терэл о изучающё, кай тэ болдёл, сар ԥэнэнпэ андэ Матфея 28:19, 20?

³ Кай о мануш, саво изучает и Библия, тэ болдёл, лэсти трэбуй тэ прилэл кода, со уӷанэн анда Библия. (Адиносар Матфея 28:19, 20.) О Иисусо ԥэндясас, кай о мануш авэла па чачимастэ годявэрно кати тоди, если во лэла май драго и май драго тэ уӷанэн о чачимос анда Библия (Луки 6:47, 48; Матф. 7:24, 25). Ай сар амэ можэм тэ поможысарас, кай о мануш тэ прилэл каринг пэстэ вся, со уӷанэн анда Библия? Уӷанам трин советоря.

4. Сар амэ можэм тэ поможысарас, кай о изучающё по набут тэ терэл варисо важ о Дэл, кай тэ болдёл? (Кадяжэ диқэн и рамка «Поможысар, кай о изучающё тэ закамэл и тэ стерэл варисо важ о Дэл».)

⁴ Поможысар, кай о изучающё тэ закамэл тэ терэл варисо важ о Дэл. Када фартэ важно. Кай лэ манушэсти, саво изучает, тэ авэл май вушэро тэ болдёл, во пока можэт тэ терэл варисо по набут важ о Дэл. Тоди лэсти на здэлапэ, кай тэ болдёл када фартэ ԥарэс. Када, сар о мануш, саво трэбуй тэ ладэл андо баро дром. Кай во тэ на цыёл лэ дромэстар, во можэт тэ притердёл варикай андэ шукарнэ ҭана. Тоди о дром на здэлапэ кацаво дэ баро. Важ када андэ книжка «Жувэн вечно пэ бахтатэ!» дэкала исин кацави рамка «Стер када». Кала тумэ прожылэ и ӷлава, пуш лэ манушэстар, сар кода, со пистромэ андэ кадэя рамка, поможыя лэсти май драго тэ полэл и тема. Ай если ту полэс, кай о мануш трэбуй инке варисо тэ стерэл, тоди ту можэш тэ пистрос када май тэлэ, кай ԥэнэнпэ «Пистросар кардэ, со инке камэс тэ стерэс». Через кадэя рамка, ту сможэш тэ поможыс, кай о изучающё тэ стерэл важ о Дэл, со загиндосардя. Во можэт тэ погиндой и тэ полэл, со можэт тэ стерэл акана, ай со потом.

5. Со, сар ԥэнэнпэ андэ Марка 10:17—22, о Иисусо ԥэндя лэ барвалэ манушэсти и васо?

⁵ Поможысар, кай о изучающё тэ парувэл варисо андэ пэстири жызня. (Адиносар Марка 10:17—22.) Например, еқвар о Иисусо ԥэндя лэ барвалэ манушэсти тэ битинэл вся пэско мищимос и тэ роздэл и ловэ лэ чорорэнди (Мар. 10:23). О Иисусо полэлас, кай кадэлэ манушэсти авэла найвушэро када тэ стерэл. Но во ворта лэсти ԥэндя, кай када трэбуй тэ стерэл, и када фартэ важно. Во када ԥэндя, важ кода кай во заботияспэ пала лэстэ. Дэкала амэ гиндосарас, кай лэ манушэсти, саво изучает и Библия, инке рано тэ парудёл. Важ када амэнди на хутилэл смилость тэ ԥэнас лэсти, андэр со во трэбуй тэ парудёл. Да, трэбуй время, кай о мануш тэ ашавэл пэстирэ найлашэ привычки и тэ ашэл аврэ манушэса (Кол. 3:9, 10). Но со май ӥто амэ лэсти ԥэнаса, кай лэсти трэбуй тэ парудёлпэ, со май ӥто во када стерэла. И кадя ту сыкавэса, кай ту заботиспэ пала лэстэ (Пс. 141:5; Прит. 27:17).

6. Васо трэбуй тэ задэс кацавэ вопросоря, кай тэ полэс, со гиндой о изучающё?

⁶ Важно, кай о изучающё пэ изучения тэ росԥэнэн, со во гиндой. Важ када пэ изучения задэ кацавэ вопросоря, савэ поможына тэ полэс, андэр со во патял, полэл во и тема, сави тумэ изучаете чи най. Сар во присытёла тэ дэл и атветоря пэ кацавэ вопросоря, тоди потом лэсти авэла май вушэро тэ подэл дума туса пала кода, пала со во най кажнонэса дэла дума. И вопросоря, савэ поможына тэ полэс лэ манушэско гиндо, исин андэ книжка «Жувэн вечно пэ бахтатэ!». Андо 4 ӷлава исин вопросо «Ай лэ Иеговасти чалёл, кала ту ақарэс лэс па алавэстэ?», ай андо 9 ӷлава исин кацаво вопросо «Пала со ту камлоп тэ мангэспэ?». Лэ манушэсти, саво изучает, спэрва можэт тэ авэл ԥарэс тэ дэл атвето пэ кацавэ вопросоря. Но ту можэш тэ поможыс, если сыкавэса лэсти, сар и стихоря и картинки андэ кадэя книжка поможына лэсти май драго тэ полэл и тема, сави тумэ прожан.

7. Сар тути пэ изучения поможыя, если ту лэса тэ росԥэнэс, сар паруделэ авэр мануша?

⁷ Кай о мануш тэ закамэл тэ парудёл, ту можэш тэ росԥэнэс лэсти, сар паруделэ авэр мануша. Ту лэсти можэш тэ сыкавэс о видео «О Иегова заботияспэ пала мандэ» анда рамка «Дик инке» андэ 14 ӷлава. Кацавэ видеоря исин андэ бут ӷлавы. Ту можэш тэ виарақэс лэн андэ кацави жэ рамка, кати андэ авэр ӷлавы или кай пистромэ «Уӷанам май бут»b. Но кати на трэбуй тэ сыстос лэ манушэс, саво изучает и Библия, аврэ манушэса. Кадяжэ на трэбуй тэ ԥэнэс кацавэ алава: «Раз во паруделя, тоди и ту парудёса». Мэк о мануш екжэно када полэл. Важ када драго авелоп тэ шос сама пэ ӷлавни гиндоря анда видео. Например, шув сама по стихо, саво сас андо видео, или шув сама, сар о чачимос анда Библия поможысардя лэ манушэсти, или сар лэсти о Иегова дя зор тэ парудёл.

8. Сар тэ поможыс, кай о изучающё тэ полюбий лэ Иеговас?

⁸ Поможысар, кай о изучающё тэ полюбий лэ Иеговас. Кала проандярэс и изучения, вся и время шув сама, кай о мануш тэ полэл, саво о Иегова. Поможысар, кай о изучающё тэ полэл, кай о Иегова бахтало Дэл, кай во подритярэл кодэлэн, ко лэс любий (1 Тим. 1:11; Евр. 11:6). Росԥэн лэсти, кай если во лэла тэ прилэл и советоря анда Библия, када анэна лэсти лашимос. И кадя во полэла, кай о Иегова чаче лэс любий (Ис. 48:17, 18). Со май фартэ о мануш лэла тэ любий лэ Иеговас, со май фартэ во закамэла тэ парувэл пэстири жызня (1 Иоан. 5:3).

ПОМОЖЫСАР, КАЙ О ИЗУЧАЮЩЁ ТЭ УӶАНЭН ЛЭ ԤРАЛЭН И ЛЭ ԤЭЯН АНДА СОБРАНИЯ

9. Сар и алава анда Марка 10:29, 30 поможына, кай о изучающё тэ на дарал тэ отԥэндёл варисостар, кай тэ болдёл?

⁹ Кай о мануш, саво изучает и Библия тэ болдёл, лэсти прижалапэ варисостар тэ отԥэндёл, сар кодэлэ барвалэ манушэсти, савэса дя дума о Иисусо. Можэт, варикасти прижалапэ тэ парувэл и бути, если через латэ во можэт тэ жал против лэ Дэвлэско законо. Аврэнди трэбуй тэ ашавэн кодэлэ друӷонэн, савэ на любин лэ Иеговас. Ай дэкасти можэт тэ авэл ԥарэс кодэлэстар, кай пэр лэстэ тасавэл о родо, важ кода кай во служый лэ Иеговасти. О Иисусо ԥэндясас, кай лэ манушэсти авэла найвушэро тэ ашавэл вся када. Но во дя алав, кай кодэла, ко ашэла лэ Иисусоско ученико, на лэла тэ гиндой, кай во евья служый лэ Дэвлэсти. Кацавэ манушэстэ авэла баро ери анда ԥрала и ԥэя андэ собрания. (Адиносар Марка 10:29, 30.) Ай со амэ можэм тэ стерас важ о мануш, саво изучает и Библия?

10. Сости ту сытёс анда кода, со ԥэндя о Мануэлё?

¹⁰ Ав важ о изучающё лашэ друӷоса. Важно тэ сыкавэс, кай о изучающё тути куч. О ԥрал Мануэлё анда Мексика ԥэнэн, кай о ԥрал, саво лэса проандярэлас изучения, кажно разо андо вся ди пушэлас, сар лэстэ и дила, сар во. Када поможыяс, кай во тэ на лажал лэстар и тэ дэл дума лэ ԥралэса пэ любо тема. Кадя во диқэлас, кай кодэва ԥрал заботияспэ пала лэстэ.

11. Саво лашимос анэн лэ манушэсти, саво изучает и Библия, кала ту лэса проандярэс и время?

¹¹ Амэ трэбуй тэ проандярас бут время амарэ изучающёнэнца. Кадя терэлас о Иисусо (Иоан. 3:22). Лэ манушэсти, саво изучает и Библия, авэла фартэ ԥарэс тэ на жал пэ кодэла празникоря, савэ терэн вся о миро и савэ най уӷодни лэ Иеговасти. Тоди ту можэш лэс тэ ақарэс, кай тэ побэшэн, тэ хан, тэ пэн или тэ диқэн вмести о Бродкастинго. Ай ек ԥрал анда Уганда ԥэнэн, кай кала во проандярэлас и время лэ ԥралэса, саво лэса изучал и Библия, во кадяжэ бут лэстар уӷанэнас пала Дэл, сар и пэ изучения. Во диқэлас, сар о Иегова заботийпэ пала пэстирэ служытеля и савэ вонэ дэ бахталэ. И во камэлас, кай лэстэ тэ авэл кацави жэ бахтали жызня, сар и лэндэ.

12. Васо трэбуй тэ ақарэс пэ изучения разнонэ ԥралэн и ԥэян?

¹² Ақар пэ изучения разнонэ вазвещятелёнэн. Можэт тэ здэлпэ, кай фэдэр пэ изучения тэ ԥирэс екжэно или тэ ақарэс пэса вся и время еқэ вазвещятелёс. Но фэдэр авэла, если ту авэса тэ ԥирэс пэ изучения разнонэ ԥралэнца и ԥэянца. Тоди када анэна май бут лашимос. Пала када ԥэнэн о Дмитрий анда Молдова. Кала лэстэ пэ изучения авэнас разни вазвещятеля, вонэ призындярэнас разни примероря, савэ поможынас лэсти. Кадя во ля май драго тэ полэл, со лэсти сас нэ понятно. И кала во авеля пэрво разо пэ собрания, во ужэ най кадя пэрэжывал, важ кода кай ужэ бутэн ӷанэнас.

13. Васо трэбуй тэ ԥэнэс лэ манушэсти, саво изучает и Библия, кай важно тэ ԥирэл пэ собрания?

¹³ Поможысар, кай о изучающё тэ ԥирэл пэ собрания. Када фартэ важно, важ кода кай о Иегова ԥэндя пэстирэ служытелёнэнди тэ стидэнпэ вмести. Кала амэ ԥирас пэ собрания, амэ сыкавас, кай вонэ важ амэндэ фартэ важни (Евр. 10:24, 25). И ԥрала и ԥэя анда собрания важ амэндэ сар ери. И пэ собрания амэ сар ек ери стидаспэ пала ек скамин, кай тэ побэшас, тэ хас и тэ пас. Тути трэбуй тэ ԥэнэс лэ манушэсти пэ скати дэ важно, кай во тэ ԥирэл пэ собрании. Тоди када поможыя лэсти тэ болдёл. Но най всаворэнди вушэро тэ ԥирэн пэ собрания. Тоди лэ манушэсти поможына и советоря анда книжка «Жувэн вечно пэ бахтатэ!».

14. Со трэбуй тэ терэс, кай изучающё тэ лэл тэ ԥирэл пэ собрания?

¹⁴ Пэ скати дэ важно тэ ԥирэс пэ собрании, росԥэнэнпэ андэ 10 ӷлава. Англа кода сар тэ вимэкэн кадэя книжка, дэсавэ вазвещятелёнэн манглэ, кай вонэ тэ проандярэн и изучения Библия пар латэ. И вонэ полинэ, кай вой фартэ поможый. Канешно, тути на трэбуй тэ аштярэс, пока дожана каринг и 10 ӷлава, кай тэ ақарэс лэ манушэс пэ собрания. Када трэбуй тэ стерэс, со май ӥто. Да, кажнонэ манушэстэ, пэско ԥаримос. Важ када погиндосар, со лэ манушэсти, савэса ту изучаеш и Библия, на дэл тэ ԥирэл пэ собрания и поможысар лэсти андэ када. Но если во най сразу авэла пэ собрания, тоди фартэ нэ пэрэжывай и на параш лэс тэ ақарэс.

ПОМОЖЫСАР, КАЙ О ИЗУЧАЮЩЁ ТЭ УЛЭЛ ПЭСТАР И ДАР

15. Состар можэт тэ дарал о мануш, саво изучает и Библия?

¹⁵ Ай ту сэрэс кодэя время, кала ту изучал и Библия? Можэт тутэ сас дар, кай кала ту ашэса лэ Иеговаско свидетелё, тути прижалапэ тэ жас тэ росԥэнэс пала Дэл лэ мирости. Ай можэт ту пэрэжывал кодэлэстар, кай о родо отԥэндёла тутар и лэнди на чалёла, со ту терэс. Если тутэ сас кадя, тоди ту можэш тэ полэс, со можэт тэ авэл по ди кай о мануш, саво изучает и Библия. О Иисусо ԥэнэнас, кай дэсавэ ученикоря лэна тэ даран, но во всаек ԥэндя, кай вонэ тэ на домэкэн, кай через и дар тэ парашэн тэ служын лэ Иеговасти (Матф. 10:16, 17, 27, 28). Сар о Иисусо поможыяс пэстирэ учениконэнди, кай вонэ тэ на даран? Сости амэ можэм тэ сытювас кай о Иисусо?

16. Сар тэ поможыс лэ манушэсти, саво изучает, тэ росԥэнэн пала Дэл аврэнди?

¹⁶ По набут поможысар, кай о изучающё тэ росԥэнэн аврэнди пала Дэл. Кала о Иисусо пэрво разо бишалдя пэстирэ учениконэн тэ жан тэ росԥэнэн пала Дэл, вонэ пэрэжывали. Но о Иисусо росԥэндя лэнди со тэ ԥэнэн и каринг тэ жан. Важ када лэнди ашэля май вушэро (Матф. 10:5—7). Сар ту можэш тэ сытёс кай о Иисусо? Ту можэш тэ пушас лэ манушэстар, савэса изучаеш, касти во камлоп тэ росԥэнэн пала Дэл. Тоди сыкав, сар ту росԥэндоп варисаво гиндо анда Библия простонэ алавэнца. Потом ту можэш лэса тэ подэс дума кадя, кабута во андэ служэния и во росԥэнэн тути кадэва гиндо. Андэ книжка «Жувэн вечно пэ бахтатэ!» исин рамка «Тути варико можэт тэ ԥэнэн». Подԥэн лэсти, кай андэ служэния важно тэ дэс дума па Библия, ай кадяжэ тэ дэс дума просто и ковлэс.

17. Сар амэ можэм тэ поможысарас лэ манушэсти, саво изучает, тэ патял лэ Иеговасти? (Матфея 10:19, 20, 29—31).

¹⁷ Поможысар, кай о изучающё тэ патял лэ Иеговасти. О Иисусо ԥэндя пэстирэ учениконэнди, кай о Иегова поможыя лэнди, важ кода кай во лэн любий. (Адиносар Матфея 10:19, 20, 29—31.) Ту тожэ трэбуй тэ ԥэнэс лэ изучающёнэсти, кай о Иегова никала на ашавэла лэс и поможыя. Лэсти авэла май вушэро тэ патял лэ Иеговасти, если ту мангэсапэ, кай лэстэ тэ вижал тэ домардёл кода, со во камэл тэ стерэл важ о Дэл. О ԥрал анда Польша ԥэнэн, кай о ԥрал, саво лэса изучал, най еқвар мангэласпэ, кай во тэ стерэл важ о Дэл кода, со загиндосардя. И кала во диқэлас, сар о Иегова ашунэнас лэ ԥралэстирэ молитвы, во кадяжэ ля тэ мангэлпэ. Во мангэласпэ лэ Иеговасти, кай лэс тэ одмэкэн па бути, кай тэ попэрэл пэ собрании и пэ канӷрэсоря. И во диқэлас, кай о Иегова ашунэл лэстирэ молитвы.

18. Со кай о Иегова по ди, кала амэ терас и дила, сави поможый лэ манушэнди тэ ашэн лэ Иисусостирэ ученикоря?

¹⁸ О Иегова фартэ любий и заботийпэ пала кодэла, ко изучает и Библия. И во полэл пэстирэ служытелёнэн, савэ пристон бут зор, кай лэ манушэстэ, саво изучает, тэ авэл лащи дружба лэса. О Иегова фартэ лэн любий (Ис. 52:7). И нэ важно проандярас амэ изучения Библии чи амэн ақардэ пэ изучения, амэнди всаек трэбуй тэ прилас и советоря, савэ сас андэ кадэя статья. Кадя амэ поможысараса, кай лэ манушэндэ, савэ изучают и Библия, тэ авэл лащи дружба лэ Иеговас, и кай вонэ тэ болдён.