2 Каринфо
4 И амэ на умэкас и вас, важ кода кай о Дэл сас одяло каринг амэндэ и дя амэнди тэ терас кадэя особо дила. 2 Амэ отԥэндювас тэ терас лажавни дила, сави терэлпэ чоралэс. Амэ нисо на терас диляримаса и на пэрэбандярас о алав лэ Дэвлэстар. Но, кала росԥэнас о чачимос, амэ англа Дэл сыкавас всаворэ манушэнди, кай терас правильно. 3 Если и лащи новость, сави амэ росԥэнас, и сас згаради, тоди вой згаради важ кодэла, ко трэбуй тэ хындёл, 4 важ кодэла, ко на патял, и кадэла люмако дэл замардя лэнди и годи, кай лэнди тэ на дожал о свето, саво жал кадэлэ ашунглэ алавэстар пала Христос, саво лэ Дэвлэстири копия. 5 Амэ росԥэнас най пала пэстэ, но пала кода, кай о Исусо Христос — Баро Хулай, ай амэ — тумарэ раборя важ о Исусо. 6 Важ кода кай екжэно о Дэл, саво ԥэндя: «Мэк марэл о свето анда тэмнота», дя тэ ӷанас пала пэстэ через о Христос, кай кадэлэ ашунглэ светостар тэ ԥабол амаро ди.
7 Амэ сар и посуда анда ӷлина, андэ сави исин кадэва сомнак, и кадя дицол, кай амэндэ исин зор, саво май баро лэ манушэндирэ зорэстар. Кадэва зор лэ Дэвлэстар, ай най амэндар. 8 Пар мэндэ тасавэн всаворэ́ ригэндар, но амэ най совсем би зорэстирэ, амэ на ӷанас каринг тэ дас, но амэ можэм тэ надеисавас, 9 амэн ӷонин, но амэн на помэклэ, амэн динэдап андэ ԥув, но амэ жундэ. 10 Сар и лэ Исусос, амэн кажно дес камэн тэ хан жызнятар. Кадя дицол, кай амэ андярас кацави жэ жызня, сави андярэлас и о Исусо. 11 Хоть амэ жундэ, амэ вся и время пэрэандярас и бида, кай тэ андярас лэ Исусостири время. Кадя дицол, кай амэ, смэртни мануша, андярас кацави жэ жызня, сави андярэлас и о Исусо. 12 Важ када амэн аштярэл смэрть, ай тумэн — и жызня.
13 Акэ со пистромэ: «Амэ патяс и важ када дас дума». И амэ сыкавас, кай кадя жэ патяс, кочай и дас дума, 14 важ кода кай ӷанас, кай кодэва, ко жундярдя лэ Исусос, жундярэла лэ Исусоса и амэн и стола англа лэстэ вместе тумэнца. 15 Вся када важ тумэндэ, кай о Дэл па пэско баро ковло ди тэ здиқэл инке пэ май бут мануша. Кадя терэлпэ, кала со май бут миро блаӷодарий лэ Дэвлэс, кай во тэ авэл ашунгло.
16 Ай важ када амэ на умэкас и вас, и, дажэ если амари тила ашэл би зорэстири, амаро ди и годи дес десэстар ашэл май нэви. 17 И бида и о ԥаримос, саво амэндэ исин, амэ пэрэандярас найдолӷо и вушэро, важ кода кай кадя амэ ашас ашунглэ пэ вся и вечность, и када нисоса на сыстояпэ. 18 Кочай амэ на гиндосарас пала кода, со дицол, ай гиндосарас пала кода, со на дицол. Кода, со дицол, прожала, ай кода, со на дицол, авэла вечно.