УРОКО 3
Сар о чачимос анда Библия упалэ линэ тэ росԥэнэн?
Ла Библиятирэ исследователя. 1870 бэрша
Пэрво журнало «Сторожэво башня». 1879 бэрш
«Сторожэво башня» адес
Андэ Библия ԥэнэнаспэ, кай посли лэ Христостири смэрть машкар пэрви христианоря авэна хохавнэ пророкоря, савэ пэрэбандярэна о чачимос анда Библия (Деяния 20:29, 30). Кадя и вижыля. Кадэла мануша стидэ андэ ек, кода, сости сытярэлас о Иисусо, и кода, сости сытярэнас и хохавнэ религии. Кадя жылэ и хохавнэ христианоря (2 Тимофею 4:3, 4). Сар жэ тэ уӷанас, кай амэ правильно полас, сости па чачимастэ сытярэл и Библия?
Поджыля и время, кай о Иегова тэ росԥэнэн о чачимос. О Дэл ԥэндя, кай андэ послидни деса бут мануша май драго уӷанэна о чачимос (Даниил 12:4). Андо 1870 бэрш набут мануша, савэ родэнас о чачимос, полинэ, кай андэ қандири на сытярэн па Библия. Важ када вонэ линэ драго тэ уӷанэн и Библия, кай тэ полэн, сости вой сытярэл, ай сости най. О Иегова лэн блаӷословисардя и дя лэнди тэ полэн о чачимос анда Библия.
И мануша, савэндэ лашо ди, драго сытёнас па Библия. Кадэла мануша сытёнас па Библия кадяжэ, сар амэ сытювас идоси. Вонэ роздиқэнас и Библия па темы. Кала лэнди сас варисо ԥарэс тэ полэн, вонэ родэнас авэр библейски стихоря, савэ поможысардоп май драго када тэ полэн. Кала вонэ полэнас, кай када сжалпэ кодэлэса, со ԥэнэнпэ андэ вся Библия, вонэ када запистронас. Кадя вонэ домэкэнас, кай и Библия екжэни тэ росԥэнэн, со андэр латэ запистромэ. Тоди вонэ полинэ о чачимос пала кода, сар ақарэн лэ Дэвлэс, пала Царство, со камэл о Дэл важ и мануша и важ и ԥув, со терэлпэ кодэлэнца, ко муля и кай о Дэл рия лэ мулэн каринг и жызня. Через када вонэ парашэлэ тэ патян андэ кода, сости сытярэнас и хохавнэ веры и парашэлэ тэ андярэн пэс найдраго (Иоанна 8:31, 32).
Андо 1879 бэрш ла Библиятирэ исследователя полинэ, кай поджыля и время тэ уӷанэн о чачимос всаворэ манушэнди. Вонэ линэ тэ вимэкэн журнало, саво вижал и акана. Када о журнало «Сторожэво башня». Адес амэ росԥэнас лэ манушэнди о чачимос анда Библия андэ 240 страны и май бут чем пэ 900 шыба. Инке никала и мануша кадя дэ бут на уӷанэнас о чачимос!
Со тердяпэ посли лэ Христостири смэрть?
Сар упалэ линэ тэ уӷанэн о чачимос анда лэ Дэвлэско Алав?