Васо ту трэбуй тэ на парашэс тэ уӷанэс пала Дэл?

1. Васо трэбуй тэ на парашэс тэ сытёс па Библия?

Кода, со ту уӷанглян анда кадэя брашура пала Дэл, поможысардя тути инке май фартэ тэ любис лэ Иеговас. Но трэбуй тэ терэс вся, кай тири любовь тэ авэл май бари (1 Петра 2:2). Если ту лэса тэ уӷанэс пала Дэл и тэ сытёс па Библия, тоди ту жувэса вечно. (Адиносар Иоанна 17:3; Иуды 21.)

Со май бут ту лэса тэ уӷанэс пала Дэл, со май фартэ ту лэса тэ патяс лэсти. Када поможыя тути тэ кандэс лэ Дэвлэс (Евреям 11:1, 6). Тоди ту закамэса анда оди тэ каиспэ и тэ парудёс андэ лащи риг. (Адиносар Деяния 3:19.)

2. Сар кода, со ту уӷанглян пала Дэл, можэт тэ поможый аврэнди?

Канешно, ту закамэса тэ росԥэнэс аврэнди пала кода, со уӷанглян, важ кода кай всаворэнди амэнди чалёл тэ росԥэнас и лашэ новости. Если ту на парашэса тэ уӷанэс пала Дэл, тоди ту сытёса тэ росԥэнэс па Библия, андэр со ту патяс. (Адиносар Римлянам 10:13—15.)

Бут мануша спэрва росԥэнэн и лащи новость лэ чаченди и лэ друӷонэнди. Дэ дума ковлэс и на ԥэн аврэнди, кай лэндири вера нэправильно. Фэдэр росԥэн лэнди пала кода, со камэл тэ стерэл о Дэл. На бистэр, кай о мануш май фартэ шол сама пэ кода, сар ту пэс андярэс, ай най со дэс дума. (Адиносар 2 Тимофею 2:24, 25.)

3. Саво лашимос авэла кодэлэстар, кай ту на парашэса тэ сытёс па Библия?

Ту авэса май пашэ каринг о Дэл, если сытёса па Библия. Прожала время и ту ашэса лашо лэ Иеговаско друӷо. Ту дажэ сможэш тэ авэс андэ лэ Дэвлэско ери. (Адиносар 2 Коринфянам 6:18.)

4. Со поможыя тути тэ ашэс инке май пашэ каринг о Дэл?

Если ту камэс тэ ашэс лэ Дэвлэско друӷо, сытю па Библия (Евреям 5:13, 14). Манг варикас анда лэ Иеговастирэ свидетеля тэ сытярэл тут па Библия. Андэ када поможыя и книжка «Сости сытярэл амэн и Библия?». Со май бут ту лэса тэ уӷанэс анда Библия, со май бахтали и май радосно жызня тутэ авэла. (Адиносар Псалом 1:1—3; 73:27, 28.)

И лащи новость жал лэ бахталэ Дэвлэстар лэ Иеговастар. Ту сможэш тэ ашэс май пашэ каринг о Дэл, если авэса машкар лэско народо (Евреям 10:24, 25). Кала ту радуис лэ Иеговас пэстиря диласа, ту ашэс май пашэ каринг и чачуни вечно жызня. Тер вся, кай тири дружба лэ Дэвлэса тэ авэл май састи. Када со май куч, со кати можэт тэ авэл кай о мануш андэ жызня! (Адиносар 1 Тимофею 1:11; 6:19.)