ӶЛАВА 3
Со о Дэл камэл тэ стерэл важ и мануша?
1. Состэ о Дэл создал лэ манушэн?
О ДЭЛ важ и мануша загиндосардя о лашимос. Во создал пэрвонэ муршэс и жувля. Лэн ақарэнас Адам и Ева. Вонэ трэбуй сас тэ жувэн андо райкано садо. О Дэл камэлас, кай лэндэ тэ авэн бэятцэ и кай вонэ тэ стерэн па вся и ԥув о раё. Инке о Дэл камэлас, кай вонэ тэ диқэн пала жывотни (Бытие 1:28; 2:8, 9, 15; дик и ссылка 6).
2. а) Катар амэ ӷанас, кай о Дэл стерэла кода, со загиндосардя? б) Со андэ Библия пистромэ пала вечно жызня?
2 Сар ту гиндос, авэла кадя, кай и мануша упалэ жувэна андо раё? О Иегова дэл алав: «Мэ загиндосардэм када и стерава» (Исаия 46:9—11; 55:11). Во стерэла кода, со загиндосардя. Лэс нико и нисо на тердярэла. О Дэл стердя и ԥув и лэстэ сас гиндо, васо ла тэ стерэл. О Иегова ԥэндя, кай «Стердя... [и ԥув] най евья» (Исаия 45:18). Во камэлас, кай пэ ԥув тэ жувэн и мануша. Но савэ мануша о Дэл камэл, кай тэ жувэн пэ ԥув и скати тэ жувэн? Андэ Библия пистромэ: «Лэ манушэнди, савэ кандэн лэ Дэвлэс, ашэлапэ и ԥув. И вонэ жувэна пэр латэ вечно» (Псалом 37:29; Откровение 21:3, 4).
3. Со амэ пушас, кала диқас, кай вся жыля най кадя, сар камля о Дэл?
3 Но андэ амари время и мануша насвавэн и мэрэн, марэнпэ и умарэн ек еқэс. Када най кода, со камэлас о Дэл. Тоди со тердяпэ? Васо вся кадя жыля? Пала када амэ уӷанаса кати анда Библия.
ЛЭ ДЭВЛЭСКО ВОРОӶО
4, 5. а) Ко через о сап задя дума ла Еваса? б) Сар о мануш ашэл чордэӷари?
4 Андэ Библия пистромэ, кай лэ Дэвлэстэ исин вороӷо. Пэр лэстэ ԥэнэн Сатана Бэнг, када о Найвужо. Еқвар андо Эдемско садо о Сатана через о сап задя дума ла Еваса (Откровение 12:9; Бытие 3:1). Во стердя кадя, кай, ԥэнэса, о сап дэлас дума, ай па чачимастэ дэлас дума во. (Дик и ссылка 7.)
5 Тоди со, вижал о Дэл создал лэ Сатанас? Най! О Найвужо када анӷело, саво сас по нэбо, кала о Дэл терэлас и ԥув важ о Адамо и Ева. Но кадэва анӷело ля тэ парудёл андэ найлащи риг и ашэля о Найвужо (Иов 38:4, 7). Но сар када тердяпэ? Ԥэнаса, када кадяжэ, сар о мануш, саво никала на чорэлас, ашэл чордэӷари. Кацаво мануш лэл тэ камэл кода, со най лэско. Лэсти лэл тэ камэлпэ када инке май фартэ, кала во вся и время гиндой пала кода. И сар лэсти попэрдёлпэ тэ лэл кода, со най лэско, во чорэл. Кадя во ашэл чордэӷари. Во екжэно ашэля кацаво и лэс нико пэ када на змардя. (Адиносар Иакова 1:13—15; дик и ссылка 8.)
6. Сар ек анда анӷелоря ашэля лэ Дэвлэско вороӷо?
6 Кацаво жэ тердяпэ и кодэлэ анӷелоса. О Иегова создал лэ Адамос и ла Ева и ԥэндя, кай лэндэ тэ авэл ери (Бытие 1:27, 28). Кадэва анӷело ля тэ гиндой: «Всаворэ кадэла мануша линоп тэ тэлён манди, ай най лэ Иеговасти». Во камэлас, кай лэстэ тэ авэл кода, со сас лэ Иеговаско. Со май фартэ во пала када гиндояс, со май фартэ лэсти када камэласпэ. Во камэлас, кай и мануша лэсти тэ тэлён. Важ када во задя дума ла Еваса и обхохадя ла. (Адиносар Бытие 3:1—5.) Кадя о анӷело ашэля Бэнгэса.
7. а) Васо о Адамо ла Еваса мулинэ? б) Васо и мануша ԥурён и мэрэн?
7 О Адамо ла Еваса на канглэ лэ Дэвлэс и халэ о плодо (Бытие 2:17; 3:6). Кадя вонэ стердэ бэзэх. Прожыля время и сар ԥэндя о Иегова, вонэ мулинэ (Бытие 3:17—19). Кай о Адамо и Ева арақаделэпэ бэятцэ. Вонэ кадяжэ слинэ бэзэхэса и сар прожыля дэсави время, мулинэ. (Адиносар Римлянам 5:12.) О Адамо на кангля лэ Дэвлэс и во ашэля бэзэхэско. Кай май драго тэ полас, васо всаворэ мануша, савэ жылэ лэ Адамостар и ла Еватар, арақаделэпэ бэзэхэса, подаса дума акэ пала со. Ԥэнаса, мануш гитой марно андэ форма, сави набут протасади. О марно андар латэ авэла кацаво жэ протасадо, сар и форма. Вижал, и форма, када о Адамо, о марно, када и мануша, савэ жылэ лэстар. Ай о бэзэх, кода со протасадо андэ форма. Акэ васо всаворэ мануша арақадёнпэ бэзэхэса, ԥурён и мэрэн (Римлянам 3:23; дик и ссылка 9).
8, 9. а) Андэр со камэлас о Сатана, кай тэ патян о Адамо и Ева? б) Васо о Иегова котэ жэ на умардя кодэлэн, ко жыля против лэстэ?
8 О Сатана жыля против Иегова, кала подвазгля лэ Адамос и ла Ева тэ на кандэн лэ Иеговас. Во камля, кай о Адамо и Ева тэ патян, кай о Иегова хохавно, найдраго хулаий и на камэл, кай вонэ тэ авэн бахталэ. О Сатана ԥэндя, кай и мануша обжанапэ би лэ Дэвлэско. Инке, кай лэндэ вижала екжэнэндэ тэ витидэн, со лашимос, ай со найлашимос. Со пэ када сас трэбуй тэ стерэл о Иегова? Тэ умардоп во кодэлэн, ко вазгляпэ против лэстэ, во тердярдоп када вся. Но сыкадоп када, кай о Сатана хохавно? Най, на сыкадоп!
9 О Иегова котэ жэ на умардя кодэлэн, ко жыля против лэстэ. Во дя лэнди время, кай вонэ екжэнэ тэ авэн хулая пэр пэстэ. Прожылоп время и всаворэ полиноп, кай лэ манушэндэ вижала тэ авэн бахталэ кати тоди, кала о Дэл хулаий пэр лэндэ. Кадяжэ вонэ полиноп, кай о Сатана хохавно. Май бут пала када пистромэ андэ кадэя книжка андэ 11 ӷлава. Сар па тирятэ, драго чи най тердэ о Адамо и Ева? Драго чи най, кай вонэ на канглэ лэ Дэвлэс и патяе лэ Сатанасти? О Иегова дя лэ Адамости и ла Евати вся, со лэнди трэбуй сас. Во дя лэнди райкани жызня, шукарно ҭан, кай тэ жувэн и бути, сави лэнди чалёлас. Ай о Сатана на дя лэнди нисо лашо. Со витидоп ту, тэ авелоп ту пэ лэнго ҭан?
10. Со кажно мануш трэбуй тэ витидэл?
10 Адес кажнонэсти трэбуй варисо тэ витидэл. Кодэлэстар, со о мануш витидэл, дицола, жувэла во, чи най. Амэ камас тэ витидас тэ кандас лэ Дэвлэс, кай во тэ хулаий пар мэндэ. Кала амэ када витидас, амэ доԥэнас, кай о Сатана хохавно. Ай можэт тэ вижал кадя, кай амэ витидаса лэ Сатанас, кай во тэ хулаий пар мэндэ. (Псалом 73:28; адиносар Притчи 27:11.) Андэ амари время лэ Дэвлэс кандэн набут мануша. Кадяжэ ла люмаса хулаий най о Дэл. Тоди, ко хулаий ла люмаса?
КО ХУЛАИЙ ЛА ЛЮМАСА?
Тэ на авелоп всаворэ кадэла царстворя лэ Сатанастирэ, хэба во сыкадоп лэн лэ Иисусости?
11, 12. а) Пала со ԥэнэн кода, кай о Сатана камля тэ дэл лэ Иисусости всаворэ царстворя? б) Анда савэ алава анда Библия амэ уӷанас, кай ла люмаса хулаий о Бэнг?
11 О Иисусо ӷанэнас, ко хулаий ла люмаса. Еқвар о Сатана сыкадя лэ Иисусости «всаворэ ла люматирэ царстворя и лэнго шукаримос». Во дя алав: «Вся када мэ дава тути, сар пэрэса пэ чанга и тэлёса манди» (Матфея 4:8, 9; Луки 4:5, 6). Тэ на авелоп всаворэ кадэла царстворя лэ Сатанастирэ, хэба во ԥэндоп, кай дэла лэн лэ Иисусости? Най. Вижал, пэ всаворэ правительстворя хулай о Сатана.
12 Тути на патялпэ и ту пушэс: «Сар о Сатана хулаий всаворя люмаса? Хэба най о Иегова стердя вся и люма?» (Откровение 4:11). Чаче, вся стердя о Иегова. Но «всаворя люмаса хулаий» о Сатана и о Иисусо ворта ԥэндя пала када (Иоанна 12:31; 14:30; 16:11). Кадяжэ о апостоло Павло ԥэндя, кай о Сатана «кадэла люмако дэл» (2 Коринфянам 4:3, 4). И о апостоло Иоанно пистросардя, кай «всаворя люмаса хулаий о Найлашо» (1 Иоанна 5:19).
САР ВСЯ, СОСА ХУЛАИЙ О САТАНА, БУДЭР НА АВЭЛА?
13. Васо амэнди трэбуй о раё пэ ԥув?
13 Дес десэстар пэ люма ашэл вся май ԥарэс и май ԥарэс. Амэ диқас кати и война, кай и мануша андэ яқа ек, ай пала яқа авэр, и мануша хохавэн, марэнпэ и умарэн ек еқэс. Най па лэ манушэнго зор тэ улэн вся кадэва ԥаримос, со бы вонэ тэ на терэн. Но йто о Дэл улэла вся, соса хулаий о Сатана андэ война Армагеддоно. И стерэла раё пэ ԥув, кай жувэна кати и мануша, савэ кандэн лэ Дэвлэс (Откровение 16:14—16; дик и ссылка 10).
14. Кас о Иегова стодя Царёса андэ пэско Царство? Со пала лэстэ сас пистромэ андэ Библия?
14 О Иегова витидя лэ Иисусос Христос, кай во тэ авэл Царё андэ лэско Царство, саво по нэбо. Най ек тысяча бэрш палпалэ андэ Библия сас запистромэ, кай о Иисусо авэла «князё, саво ладий» и кай во лэла тэ хулаий вечно (Исаия 9:6, 7). Важ кадэва правительство и дэлас дума о Иисусо, кала сытярэлас пэстирэ учениконэн тэ мангэнпэ: «Мэк авэл тиро царство. Мэк тири воля авэла и пэ ԥув, сар по нэбо» (Матфея 6:10). Анда 8 ӷлава кадэла книжкати амэ уӷанаса, кай лэ Дэвлэско Царство улэла всаворэ правительстворя и лэла вся андэ пэстирэ вас. (Адиносар Даниил 2:44.) Тоди лэ Дэвлэско Царство стерэла пэ ԥув раё. (Дик и ссылка 11.)
И ЛАЩИ ЖЫЗНЯ ПАШЭ!
15. Со када «нэви ԥув»?
15 Андэ Библия запистромэ кацавэ алава, савэ дя о Дэл: «Амэ... аштярас нэво нэбо и нэви ԥув. Котэ авэна кодэла, ко жувэн па лэ Дэвлэско законо» (2 Петра 3:13; Исаия 65:17). Дэкала, кала андэ Библия пистромэ алав «ԥув», и дума жал пала мануша, савэ пэр латэ жувэн (Бытие 11:1). Важ када о алав «нэви ԥув» сыкавэл лэ манушэн, савэ кандэн лэ Дэвлэс и савэнди о Дэл дэл лашимос.
16. а) Со о Дэл подария кодэлэнди, ко жувэла андо раё пэ ԥув? б) Со амэнди трэбуй тэ терас, кай амэндэ тэ авэл кадэва подарко?
16 О Иегова дя алав, кай кодэлэндэ, ко жувэна андо раё пэ ԥув, авэла «вечно жызня» (Марка 10:30). Со амэнди трэбуй тэ терас, кай амэндэ тэ авэл кадэва подарко? Кай тэ уӷанас када, адиносарам Иоанна 3:16 и 17:3. Акана подам дума, со андэ Библия пистромэ пала жызня, сави авэла андо раё пэ ԥув.
17, 18. Катар амэ ӷанас, кай пэ вся и ԥув и мануша ладина ек аврэса и кай амэндэ андо ди на авэла нисави дар?
17 На авэла найлашимос, война, преступность и кай и мануша марэнпэ и умарэн ек еқэс. Пэ ԥув будэр на авэна нисавэ найлашэ мануша (Псалом 37:10, 11). О Дэл стерэла кадя, кай па вся и ԥув будэр на авэла нисави война (Псалом 46:9; Исаия 2:4). Пэ вся и ԥув жувэна мануша, савэ любин лэ Дэвлэс и кандэн лэс. Вся и время пэ ԥув и мануша ладина ек аврэса (Псалом 72:7).
18 Лэ Иеговастирэ манушэндэ на авэла нисави дар. Дэлмут, кала и израильтяноря кандэнас лэ Дэвлэс, вонэ никастар и нисостар на даранас, важ кода кай лэн фэрияс о Дэл (Левит 25:18, 19). Андо раё амэ никастар и нисостар на дараса. Амэндэ андо ди никала на авэла нисави дар! (Адиносар Исаия 32:18; Михея 4:4.)
19. Васо амэ патяс, кай андо раё пэ ԥув авэла бут хамос?
19 Авэла бут хамос. «Авэла бут марно пэ ԥув. И упрэ пэ плая, лэс авэла фартэ бут» (Псалом 72:16). О Иегова, «амаро Дэл блаӷословия амэн» и «ԥув дэла пэско урожаё» (Псалом 67:6).
20. Катар амэ ӷанас, кай и ԥув ашэла раё?
20 Вся и ԥув ашэла раё. Всаворэндэ авэла пэско шукарно цэр и садо. (Адиносар Исаия 65:21—24; Откровение 11:18.) Вся и ԥув ашэла кацави жэ райкани, сар варикала сас о Эдэмско садо. О Иегова вся и время диқэла пала амэндэ и дэла кода, со амэнди трэбуй важ и жызня. Андэ Библия пала лэстэ пистромэ: «Ту ԥэрнавэс пэско вас и кажнонэсти, ко жувэл, дэс вся, со во камэл» (Псалом 145:16).
21. Катар амэ ӷанас, кай и мануша парашэна тэ умарэн лэ жывотнонэн, ай и жывотни тэ ханпэ?
21 И мануша парашэна тэ умарэн лэ жывотнонэн, ай и жывотни на ханапэ. И жывотни будэр никала на лэна тэ хан и тэ умарэн лэ манушэн. И цынёне бэятцэ на дарана лэ жывотнонэндар, савэ адес моӷут тэ хан и тэ умарэн манушэс. (Адиносар Исаия 11:6—9; 65:25.)
22. Васо будэр на авэла насвалимос?
22 Нико на авэла насвало. Кала о Иисус Христос сас пэ ԥув, во рияс о зор бутэ манушэнди (Матфея 9:35; Марка 1:40—42; Иоанна 5:5—9). Ай сар о царё андэ лэ Дэвлэско Царство о Иисусо дэла о зор всаворэ манушэнди. Нико никала на ԥэнэна: «Мэ насвало» (Исаия 33:24; 35:5, 6).
23. Со авэла кодэлэнца, ко муля?
23 И мануша, савэ мулинэ, ринапэ каринг и жызня. О Дэл дя алав, кай миллионоря мануша, савэ мулинэ, лэна упалэ тэ жувэн. Ринапэ каринг и жызня кодэла, ко муля, праведни и нэправедни. (Адиносар Иоанна 5:28, 29; Деяния 24:15.)
24. Камлоп ту тэ жувэс андо раё?
24 Амэнди всаворэнди трэбуй тэ витидас. Со? Тэ уӷанас пала Иегова и тэ тэлювас лэсти чи тэ жувас кадя, сар амэ камас. Сар амэ витидаса тэ тэлювас лэ Иеговасти, тоди англэ амэ аштяраса райкано лашимос. Англа пэстири смэрть, о Иисусо ԥэндя лэ бидарести, савэс примардэ паша лэстэ по столбо: «Ту авэса манца андо Раё» (Луки 23:43). Акана уӷанам май бут, ко када о Иисус Христос и сар во зритярэла о алав, саво дя о Дэл.