Чуда паша лоли моря

Кала о фараоно ашундя, кай израильтяноря ужылэтар, во ля тэ гиндой, состэ во лэн одмэкля. Во приԥэндя пэстирэ воинонэнди: «Стидэн и вурдона, савэ важ и война! Амэ доӷонисараса лэн и рисараса палпалэ!» О фараоно и воиноря мэклэпэ пала израильтяноря, кай тэ рин лэн.

О Иегова сыкавэлас пэстирэ народости каринг тэ жан. Десэ́ во сыкавэлас о дром через и туча, ай и рят через и яг. Во андя лэн каринг и лоли моря и ԥэндя тэ ростон и катуны.

Тоди вонэ додиқлэ лэ фараонос и лэ воинонэн. Израильтяноря гиндосардэ, кай попэлинэ андэ ловушка, важ кода кай англал сас моря, ай палал сас о фараоно лэ воинонэнца. Вонэ линэ тэ цыпин по Моисеё: «Амэ всаворэ помэраса! На трэбуй сас тэ залэс амэн анда Египто!» Но о Моисеё ԥэндя: «На даран! Поаштярэн, и тумэ диқэна, сар о Иегова спасыя амэн». О Моисеё фартэ патялас лэ Иеговасти, чаче?

О Иегова ԥэндя лэ израильтянонэнди тэ стидэн и катуны. Андэ кодэя рят во пэрэстодя и туча кадя, кай вой ашэля машкар и египтяноря и израильтяноря. Котэ, кай сас и египтяноря, сас тэмно, ай кай и израильтяноря сас свитло.

О Иегова ԥэндя лэ Моисеёсти: «Процырдэ о вас пэ моря». Тоди о Иегова бишалдя фартэ бари балвал, сави сас вся рят. И моря розжыляпэ. О паи терделя, сар и стина, еқа ригатар и авря ригатар. Бут миллионоря израильтянонэн прожылэ па ԥув, сар па дром, важ кода кай и ԥув, сави сас тала моря, ашэля шуки.

Лэ фараоностирэ воиноря па шуки ԥув лаглэ, кай тэ доӷонин лэн. О Иегова стердя, кай лэ фараоностирэ воиноря пэрэдарайлэ и на ӷанглэ каринг тэ дэн. И роты кай и вурдона линэ тэ отпэрэн. И воиноря зацыписайлэ: «Нашамтар катар! Важ лэндэ марэлпэ о Иегова!»

О Иегова ԥэндя лэ Моисеёсти: «Процырдэ о вас пэ моря». И сразу о паи, сар дя по египетско войско. О фараоно и воиноря помулинэ. Нико андар лэндэ на ашэляпэ жундо.

Всаворэ мануша, савэ пэрэжылэ через и лоли моря, линэ тэ хвалин лэ Дэвлэс андэ дили: «Дилабэн лэ Иеговасти, во прославил пэс. Лэ грастэс и кодэлэс, ко по грас, во шутя андэ моря». Ай и жувля линэ тэ цэлэн и тэ марэн андэ бубноря. Всаворэ фартэ радосавэнас, кай вонэ будэр най раборя.