О Иисусо витидэл 12 апостолонэн

Через бэрш епашэса после кода, сар о Иисусо ля тэ росԥэнэн важ о Дэл, во трэбуй сас тэ стерэл инке ек бари дила. Ко авэла лэстирэ май пашутнэ ученикоря? Ко лэна тэ диқэн пала христианско собрания, кала во жалатар? Кай тэ полэл када, во закамля тэ мангэл лэ Иеговас, кай во лэсти тэ поможый. Важ када во екжэно жыля по плай и мангэласпэ котэ вся и рят. Тэсара о Иисусо ақардя пэстирэ учениконэн и витидя андар лэндэ пэсти 12 апостолонэн. Сэрэс ту, сар лэн ақарэн? Лэн ақарэнас Пётро, Андреё, Иаково, Иоанно, Филиппо, Варфоломеё, Фома́, Матфеё, Иаково (шаво лэ Алфеёско), Фаддеё, Симоно и Иуда Искариото.

И двенадцать апостолоря вся время ԥирэнас вместе лэ Иисусоса. Во лэн сытярдя и тоди бишалдя тэ росԥэнэн важ о Дэл. О Иегова дя лэнди зор тэ видаравэн лэ бэнгэн анда мануша и тэ исцелин лэ манушэн.

О Иисусо ԥэндя пэ 12 апостолоря, кай вонэ лэстирэ друӷоря. Во фартэ патялас, кай вонэ вся стерэна, сости во лэн сытярэлас. И фарисеёря гиндонас, кай и апостолоря прости мануша и лэндэ на сас лащи образования. Но о Иисусо сытярдя лэн всаворэсти, сости трэбуй. Вонэ трэбуй сас тэ авэн лэ Иисусоса андэ само важно время андэ лэстири жизня. Када, кала во сас трэбуй тэ мэрэл и после кода, сар рияпэ каринг и жизня. Сар и о Иисусо, и апостолоря сас анда Галилея. Дэсавэ андар лэндэ сас женати.

И апостолоря сас ӷрешни мануша, и вонэ бут разоря терэнас най кадя. Дэкала вонэ дэнас дума и терэнас кода, со найдраго важ о Дэл. Лэнди кадяжэ трэбуй сас тэ на грабинпэ тэ холявэн. Вонэ даже доԥэнэнас ек аврэсти, ко андар лэндэ май лашо. Но вонэ сас лашэ манушэнца и любинас лэ Иеговас. Прожыля набут время и лэнди динэ особо дила андэ христианско собрания..