Росԥэнэн важ о Дэл по плай

Кала о Иисусо витидя 12 апостолонэн, во авеля по плай, кай стидэпэ фартэ бут мануша. Вонэ сас анда разни ҭана анда Галилея, анда Иудея, анда Тиро, анда Сидоно, анда Сирия и кадяжэ па авэр лэ Иорданостири риг. И мануша анэнас лэ насвалэн манушэн и кодэлэн, андэр кастэ сас бэнга. О Иисусо всаворэн исцелисардя. Тоди во бэшля по плай и ля тэ дэл дума. Во росԥэндя, со трэбуй тэ терэн, кай тэ авэн лэ Дэвлэстирэ друӷоря. Амэнди трэбуй тэ полас, кай амэ на жуваса би лэ Иеговаско, и важ када трэбуй тэ сытювас лэс тэ любисарас. Амэ на любисараса лэ Дэвлэс, сар на любисараса аврэн манушэн. Амэнди трэбуй тэ терас лашимос и тэ обжаспэ всаворэнца драго, и даже кодэлэнца, ко найдраго амэнца обжалпэ.

О Иисусо ԥэндя: «На хутилэла тэ любис кати пэстирэ друӷонэн. Трэбуй кадяжэ тэ любис пэстирэ вороӷонэн и тэ простис лэ манушэн анда вся оди. Сар варико холяйля пэр тутэ, йто жа каринг лэстэ и манг прощения. Обжапэ лэ манушэнца кадя, сар камэс, кай вонэ тэ обжанпэ туса».

О Иисусо кадяжэ сытярэлас, сар трэбуй тэ диқэс пэ ловэ. Во ԥэндя: «И дружба лэ Иеговаса пэ бутэстэ май куч, чем и ловэ и кода, со тутэ исин. И ловэ моӷут тэ чорэн и мануша, но нико на чорэла тири дружба лэ Иеговаса. На трэбуй фартэ тэ загиндонпэ, со тумэ тэ хан, тэ пэн и со тумэ тэ лэн пэр пэстэ. Диқэн пэ птицы. О Дэл вся время диқэл, кай лэндэ тэ хутилэл хамос. Кала о мануш фартэ загиндойпэ, када на дэла лэсти май бут тэ жувэл. Сэр, кай о Иегова ӷанэн, со тути трэбуй».

Нико и никала на сытярэлас кадя, сар о Иисусо. И барэдэра анда авэр вера никала на росԥэнэнас лэ манушэнди, со росԥэнэнас о Иисусо. Васо о Иисусо сас кацаво лашо учителё? Важ кода кай во росԥэнэнас, сости сытярдя лэс о Иегова.