О Иисусо праварэл тысячи манушэн

Англа патради андэ 32 бэрш лэ И. Х. и апостолоря рисайлэ котар, кай вонэ росԥэнэнас важ о Дэл. Вонэ цыелэ, важ када о Иисусо ԥэндя лэнди, кай тэ плавуин пэ лодка андэ Вифсаида, кай вонэ котэ тэ отцыён. Но кала и лодка ашэля май пашэ каринг о бэрэӷо, о Иисусо диқля фартэ бутэ манушэн, савэ аштярэнас лэс. Хоть о Иисусо камэлас тэ отцыёл и тэ авэл кати пэстирэ учениконэнца, во всаек драго приля лэ манушэн. Во исцелисардя всаворэн насвалэн и ля тэ сытярэл лэн. Вся о дес о Иисусо сытярэлас лэ манушэн пала лэ Дэвлэско царство. Кала пашэля о вэчэро, и апостолоря поджылэ каринг лэстэ и ԥэндэ: «И мануша пробоқайлэ. Ԥэн лэнди, кай вонэ тэ жан варисо тэ хан».

О Иисусо ԥэндя: «Лэнди на трэбуй никаринг тэ жан. Праварэн лэн катэ». И апостолоря пушлэ: «Ту камэс, кай амэ тэ жас и тэ тинас марно важ всаворэ?» О Филиппо, ек анда апостолоря, ԥэндя: «Даже сар амэндэ тэ авелоп бут ловэ, амэндэ всаек на вижылоп тэ тинас скати марно».

О Иисусо пушля: «Скати амэндэ исин хамос?» О Андреё ԥэндя: «Амэндэ панч марнэ и дуй цынёне мащёрэ. Но када на хутилэла». О Иисусо ԥэндя: «Анэн манди кадэва марно и лэ мащёрэн». Во мангля лэ манушэн, кай вонэ тэ стидэнпэ па 50 и 100 манушэн и тэ бэшэн пэ чар. О Иисусо ля о марно и лэ мащёрэн, диқля по нэбо и мангляпэ. После када во дя кадэва хамос лэ апостолонэнди, ай вонэ роздинэ лэс лэ манушэнди. Котэ сас панч тысяч муршэн, ай кадяжэ жувля и бэятцэ. О хамос хутилдя пэ всаворэ, и всаворэ чалелэ. После када и апостолоря стидэ, со ашэляпэ, кай нисо тэ на римойпэ. Вижыля цыли 12 корзин! Кацави чуда инке нико никала на диқля.

И мануша закамлэ, кай о Иисусо тэ авэл лэнго царё. Но о Иисусо ӷанэнас, кай о Иегова стола лэс царёса май англэ. Важ када во ԥэндя лэ манушэнди тэ жан цэрэ, ай лэ апостолонэнди тэ пэрэплавуин пэ авэр бэрэӷо, саво пэ Галилейско моря. Вонэ бэшлэ андэ лодка, ай о Иисусо екжэно жыля по плай. Состэ? Во камэлас тэ мангэлпэ пэстирэ Дадэсти. Кай о Иисусо сас бут дила. Но во всаек виарақэлас время важ и молитва.