О Исусо правардя лэ манушэн марнэса. Сости амэ сытювас?

1. Пэскати важно сас о марно андэ библейско время?

АНДЭ библейско время и мануша любинас тэ хан марно (Быт. 14:18; Лука 4:4). Дэкала андэ Библия «марно» ԥэнэн по хамос (Матф. 6:11). Кадяжэ о Исусо дувар стердясас чуда лэ марнэса (Матф. 16:9, 10). Пала ек андар лэндэ запистромэ андо Иоано андэ 6-то ӷлава. Давайте роздиқаса кадэва случаё и поласа, сости амэ можэм тэ сытювас андар лэстэ.

2. Андэ сави ситуацыя трэбуй сас тэ праварэн тысячи манушэн?

² И апосталоря цыелэ посли кода, сар вся о дес росԥэнэнас лэ манушэнди пала Дэл. Вонэ авелэ каринг о Исусо, кай тэ отцыён. Важ када во бэшля лэнца андэ лодка, и вонэ лаглэ пэ авэр риг Галилейско моря — андо тихо ҭан паша Вифсаи́да (Мар. 6:7, 30—32; Лука 9:10). Но кала и мануша када уӷанглэ, вонэ жылэ каринг лэндэ, и лэн сас май бут, чем тыща. Но о Исусо на ашадя лэн кадя. Во анда ди шутя лэн сама и ля тэ сытярэл пала лэ Дэвлэско Царство и тэ лечий лэ насвалэн. Кала ужэ ля тэ тэмной, и ученикоря загиндосайлэ, сар вонэ тэ праварэн скати мирос. Можэт, дэкастэ сас пэса варисаво хамос, но май бутэндэ нисо на сас, и лэнди трэбуй авелоп тэ жан андэ пашутнэ гавора, кай тэ тинэн тэ хан (Матф. 14:15; Иоан. 6:4, 5). Но со тердя о Исусо?

О ИСУСО ТЕРДЯ ЧУДА, КАЛА ПРАВАРДЯ МАРНЭСА БУТЭ МАНУШЭН

3. Со о Исусо ԥэндя тэ стерэн лэ апосталонэнди? (Кадяжэ диқэн и картинка.)

³ О Исусо ԥэндя: «На трэбуй лэнди никаринг тэ жан — тумэ дэн лэнди тэ хан» (Матф. 14:16). Здэласпэ, кай када невозможно, важ кода кай котэ стидэпэ варикай 5000 мурш (Матф. 14:21). Ай если тэ адинос инке лэ жувлян и лэ бэятонэн, то вижалас, кай тэ праварэс трэбуй сас варикай 15000 манушэн. О Андрий ԥэндя: «Катэ кай ек бэято исин панч ячмени марнэ и дуй маще». Андэ кодэя время о марно сас обычно хамос, ай о мащё, наверно, сас шуко. О апостало пушля: «Но хэба када хутила важ скати мануша?» (Иоан. 6:9). И чаче, кодэлэ хамаса, саво сас кай о шаворо, нащи сас тэ праварэн всаворэн. Или можно?

4. Сости амэ можэм тэ сытювас анда Иоано 6:11—13? (Кадяжэ диқэн и картинки.)

⁴ О Исусо камля тэ позаботийпэ пала мануша и мангля лэн тэ бэшэн пэ чар (Мар. 6:39, 40; проадинон Иоано 6:11—13). Потом во ԥэндя наис пэстирэ Дадэсти важ о марно и мащё. Кадя во сыкадя, кай вся о хамос, саво амэндэ исин, — лэ Дэвлэстар. Амэ можэм тэ терас кадя жэ: тэ мангаспэ англа кода, сар тэ хас — неважно, исин паша амэндэ варико или нинай. Посли кода сар о Исусо мангляпэ, во ԥэндя лэ учениконэнди тэ роздэн лэ мирости о марно и о мащё. И всаворэ халэ и чалелэ. Хамос сас кадя бут, кай дажэ ашэляпэ. О Исусо на камля, кай во тэ римойпэ. Важ када во ԥэндя тэ стидэн, со ашэляпэ, можэт, кай тэ дохан май интя. Анда када дицол, кай о Исусо годяса обжаласпэ кодэлэса, со лэстэ исин, и амэ можэм тэ сытювас лэстар. Родителя, проадинон кадэва случаё вместе лэ бэятонэнца. Подэн дума, васо трэбуй тэ мангэнпэ англа кода, сар тэ хан, тэ шон сама аврэн анда ди, тэ на авэн жадни, ай кадяжэ годяса тэ обжанпэ кодэлэса, со лэндэ исин.

5. Со закамлэ тэ стерэн и мануша, кала додиқлэ, савэ чудеса стердя о Исусо, и сар во пэс андярдя?

⁵ И мануша дэнас наздив кодэлэсти, сар о Исусо сытярэлас и савэ чудеса терэлас. Вонэ сэрэнас лэ Маисеёстирэ алава, кай о Дэл обещал тэ дэл лэнди особенонэ пророкос. И, наверно, вонэ гиндосардэ, кай кадэва пророко — о Исусо (Втор. 18:15—18). Лэнди здэласпэ, кай андар лэстэ вижала лашо правителё, саво сможэт тэ праварэл вся о народо. Важ када вонэ камлэ «тэ заставин лэс тэ ашэл лэнго царё» (Иоан. 6:14, 15). Тэ ашэлоп о Исусо лэнго царё, во ӷульдоп андэ лэ правителёнэнди дила. Но со во тердя? Амэ адиносарас, кай во «ужыля по плай». Хоть пэр лэстэ и тасавэнас и мануша, во на ля тэ ӷулел андэ политика и ритярдёлас кадэлэстар май дур. Саво райкано уроко важ амэндэ!

6. Сости амэ можэм тэ сытювас кай о Исусо? (Кадяжэ диқэн и картинка.)

⁶ Канешно, амэн на мангэна тэ праварас скати народос или тэ лечисарас лэ насвалэн и тэ ашас варикастирэ правителёря. Но и мануша моӷут тэ заставин амэн тэ ӷуляс андэ лэ правителёнэнди дила и тэ витидас кодэлэс, ко дэл алав тэ стерэл лэ манушэндири жызня май лащи, или тэ подритярас лэс инке варисар. Но о Исусо драго сыкадя, кай во отԥэндёл тэ ӷулел андэ лэ правителёнэндири дила и май интя ԥэндя: «Мэрно Царство най кадэла люматар» (Иоан. 17:14; 18:36, сноска). Адес амэ, сар христианоря, терас точно кадя жэ, сар о Исусо. Важ када амэ подритярас лэ Дэвлэско Царство, росԥэнас пала лэстэ лэ манушэнди и мангаспэ, кай во тэ авэл (Матф. 6:10). Акана давай рисаваса каринг о случаё пала кода, сар о Исусо правардя лэ манушэн марнэса, и диқаса, сости амэ инке можэм тэ сытювас.

СО СЫКАВЭЛ КОДА, СО САС ЛЭ МАРНЭСА

7. Со стердя о Исусо и сар пэс андярдэ и апосталоря? (Иоано 6:16—20).

⁷ Кала о Исусо правардя лэ народос, во ԥэндя лэ учениконэнди, кай вонэ тэ ринпэ пэ лодка андо Капернаумо, ай екжэно жыля по плай, май дур лэ миростар, саво камэлас тэ стол лэс царёса. (Проадинон Иоано 6:16—20.) Кала и апосталоря сас андэ моря, вазгляпэ бари балвал. И барэ волны линэ тэ шувидэн и лодка андэ разни рига. И катэ и ученикоря додиқлэ лэ Исусос — во жалас каринг лэндэ па паи. О Исусо ԥэндя лэ Петрости тэ жал каринг лэстэ (Матф. 14:22—31). Ай кала о Исусо бэшля андэ лодка, и балвал уляпэ. И ученикоря ԥэндэ: «Ту чаче лэ Дэвлэско Шаво» (Матф. 14:33)a. Интересно, кай вонэ полинэ када кати акана, ай най кала о Исусо тердя чуда и правардя най ек тыща манушэн. Кала важ када росԥэнэнас о Марко, во сыкадя ек важно гиндо: «[И апосталоря] фартэ удивисайлэ, важ кода кай на ӷанэнас, сар тэ полэн кода, со сас лэ марнэса. Лэнго ди инке на сас ӷотово тэ полэл када» (Мар. 6:50—52). Вонэ на полэнас, кай кадэя чуда о Исусо стердя кодэлэ жэ зорэса, саво дясас лэсти о Иегова, кала во правардя лэ мирос. Потом о Исусо екжэно заандярдя лэ учениконэнца и дума важ о марно, кай инке варисости тэ сытярэл лэн и амэн.

8, 9. Состэ о миро родэлас лэ Исусос? (Иоано 6:26, 27).

⁸ И мануша, савэн правардя о Исусо, гиндонас кати ек пала кода, со лэнди трэбуй. Катар амэ када ӷанас? Пэ авэр дес вонэ додиқлэ, кай лэ Исусос и лэ учениконэн нинай. Важ када вонэ бэшлэ пэ лодки, савэ авелэ анда Тивериа́да, и лаглэ андо Капернаумо, кай тэ родэн лэ Исусос (Иоан. 6:22—24). Можэт, вонэ камлэ тэ уӷанэн май бут пала лэ Дэвлэско Царство? Най. Вонэ просто камлэ, кай о Исусо тэ дэл лэнди инке марно. Васо можно кадя тэ ԥэнас?

⁹ Шув сама, со сас, кала и мануша виарақлэ лэ Исусос паша Капернаумо. О Исусо ворта ԥэндя лэнди, кай вонэ авелэ каринг лэстэ через о хамос, важ кода кай вонэ «халэ о марно и чалелэ». Вонэ пристодэ кадя бут зор, кай лэндэ тэ авэл «хамос, саво римойпэ». Ай трэбуй сас тэ пристон о зор «важ о хамос, саво на римойпэ и саво анэн вечно жызня». (Проадинон Иоано 6:26, 27.) О Исусо ԥэндя, кай лэско Дад дэла лэнди кацаво хамос. Кала о миро ашундя, кай исин хамос, через саво вонэ смоӷут тэ жувэн вечно, вонэ фартэ удивисайлэ. Со када за хамос и кай лэс тэ лэн?

10. Со трэбуй сас тэ терэн и мануша, кай лэндэ тэ авэл вечно жызня?

¹⁰ Кодэла евреёря пушлэ кай о Исусо, со лэнди трэбуй тэ терэн, кай лэндэ тэ авэл кадэва хамос. Можэт, вонэ гиндонас, кай во ԥэнэна лэнди тэ терэн варисо анда лэ Маисеёско законо. Но о Исусо ԥэндя: «О Дэл камэл, кай тумэ тэ патян андэ кодэва, кас во бишалдя» (Иоан. 6:28, 29). О Исусо ужэ ԥэндясас: кай тэ жувэн вечно, трэбуй тэ патян андэр лэстэ (Иоан. 3:16—18). И май интя во упалэ ԥэндя, сар дэ важно тэ патян андэр лэстэ, кай лэндэ тэ авэл вечно жызня (Иоан. 17:3).

11. Пар со дицол, кай и евреёря гиндонас ек кати пала хамос? (Псалом 78:24, 25).

¹¹ Но кадэла евреёря на прилинэ кода, со ԥэндя лэнди о Исусо. Вонэ пушлэ: «Сави чуда ту сыкавэса, кай амэ тути тэ патяс?» (Иоан. 6:30). Вонэ ԥэндэ, кай андэ лэ Маисеёстирэ деса о Дэл стердясас чуда и дэлас лэндирэ ԥурэнди мана, сави сас сар марно (Неем. 9:15; Иоан. 6:31; проадинон Псалом 78:24, 25). Дицолас, кай вонэ гиндонас ек пала обычно марно. Дажэ кала о Исусо ԥэндя важ о «чачуно марно па небо», саво фэдэр чем и мана, важ кода кай дэл вечно жызня, вонэ дажэ на пушлэ лэстар, со во кадэлэса камля тэ ԥэнэн (Иоан. 6:32). Вонэ кадя заботинаспэ пала кода, со лэнди трэбуй, кай на шутэ сама, сар о Исусо росԥэнэнас пала вечно жызня. Сости вся када амэн сытярэл?

СО АМЭНДЭ ТРЭБУЙ ТЭ АВЭЛ ПО ПЭРВО ҬАН

12. Со, па лэ Исусостирэ алава, важ о мануш трэбуй тэ авэл ӷлавно?

¹² Сости амэ камас тэ сытювас анда 6-то ӷлава Иоано? Ӷлавно, со трэбуй тэ авэл андэ амари жызня, — када амаро Дэл о Иегова. Кала о Сатана камэлас тэ подмарэл лэ Исусос каринг о бэзэх, о Исусо драго сыкадя, кай тэ кандэс лэ Иеговас фэдэр, чем тэ авэс чало (Матф. 4:3, 4). Например, андэ пэстири ашунгли дума по плай, о Исусо ԥэндя, кай лэ манушэнди трэбуй о Дэл и важно, кай вонэ када тэ полэн (Матф. 5:3). Важ када пуш пэстар: «Со по пэрво ҭан андэ мэрни жызня: отношэния лэ Иеговаса или мэ май бут заботисавав, кай мандэ вся тэ авэл?»

13. а) Васо нинай нисо вэрыто андэ кода, кай амэнди чалёл о хамос? б) Каринг савэ лэ Павлостирэ алава амэ трэбуй тэ приашундювас? (1 Каринфо 10:6, 7, 11).

¹³ Кала амэ мангаспэ пала кода, со амэнди трэбуй, и лошавас, кала амэндэ када исин, амэ терас правильно (Лука 11:3). Андэ Библия ԥэнэнпэ, кай о мануш можэт «тэ хал и тэ пэл и тэ радуийпэ пэстиря бутятар». Вся када фартэ драго — «када лэ чачунэ Дэвлэстар» (Эккл. 2:24; 8:15; Иак. 1:17). Но нащи тэ домэкас, кай када тэ ашэл само ӷлавно андэ амари жызня. Пэ кадэва гиндо шутя сама о апостало Павло андэ ек пэско письмо. Во росԥэндя лэ христианонэнди, со тердясаспэ лэ израильтянонэнца андэ пустыня и паша плай Синаё. О Павло приԥэндя лэнди, кай вонэ «тэ на цырдэнпэ каринг о найлашымос, сар» терэнас и израильтяноря. (Проадинон 1 Каринфо 10:6, 7, 11.) О Иегова стердя чуда, кала дя лэнди о хамос. Но важ кода, кай вонэ динэ пэ кадэва хамос сар па чорымастэ, во на андя лэнди нисаво лашымос (Чис. 11:4—6, 31—34). И кода, кай и израильтяноря стердэсас лэ сомнакунэ гуруворэс, сыкадя, кай тэ хан, тэ пэн и тэ радуинпэ важ лэндэ сас май важно, чем тэ тэлён лэ Дэвлэсти (Исх. 32:4—6). О Павло пистросардя пэско письмо как раз, кала када сас трэбуй, важ кода кай ӥто, андо 70-то бэрш андэ амари эра о Иерусалимо и лэстири қандири сас розмардэ. Амэ жувас андэ кодэла деса, кала поджал кадэла люмати время. Важ када амэнди трэбуй тэ приашундювас каринг лэ Павлостирэ алава и тэ на шылисавас, сар и израильтяноря.

14. Со андэ Библия ԥэнэнпэ пала хамос андо раё пэ ԥув?

¹⁴ О Исусо сытярэлас тэ мангэнпэ пала «котор марно пэ кадэва дес» и пала кода, кай вся тэ ашэл кадя, сар уӷодно лэ Дэвлэсти, и «пэ ԥув, и по небо» (Матф. 6:9—11). Кала ту гиндос пала райкани время, сави аштярэл амэн англэ, со тути пэрво авэл по гиндо? Анда Библия дицол, кай кадяжэ лэ Дэвлэсти уӷодно, кай пэ ԥув тэ авэл лашо хамос. Андо Исайя 25:6—8 ԥэнэнпэ, кай пэ мисяйля кай и мануша авэла ԥэрдо вкусно хамос. Ай андо Псалом 72:16 сас ԥэндо: «Пэ ԥув авэла бут марно, упрэ пэ плая, лэс авэла ԥэрдо». Прецтавь, сар ту лэс кадэва зэрно, кай тэ гитос пэско любимо марно или кай тэ стерэс варисо совсем нэво. Кадяжэ ту сможэш тэ барярэс виноӷрадо и тэ терэс вино (Ис. 65:21, 22). Кацаво раимос авэла най кати тутэ, ай всаворэ манушэндэ пэ ԥув.

15. Сави помощь дэна кодэлэнди, ко ущела? (Иоано 6:35).

¹⁵ Проадинон Иоано 6:35. Погиндосарам инке еқвар пала мануша, савэн о Исусо правардя лэ марнэса и лэ мащеса. Дажэ если вонэ на патяе андэр лэстэ, вонэ моӷут тэ ринпэ каринг и жызня (Иоан. 5:28, 29). И тоди вонэ па чачимастэ полэна, со сыкавэн лэ Исусостирэ алава: «Мэ — ла жызняко марно. Кодэва, ко авэл каринг мандэ, никала на авэла боқало». И лэнди трэбуй авэла тэ патян андэ лэ Исусостири жэртва — кай во отдя пэстири жызня важ и мануша. Андэ кодэя время кодэлэнди, ко ущела, и лэ бэятонэнди, савэ арақадёна андо раё, поможына тэ уӷанэн о чачимос важ о Дэл и важ кода, со во загиндосардя. И кадэлэстар амэ аваса инке май лошалэ, чем само лашэ хамастар!

16. Пала со амэ уӷанаса андэ авэр статья?

¹⁶ Амэ роздиқлям кати дэсавэ маменторя анда 6-то ӷлава Иоано. Но кадяжэ котэ росԥэнэнпэ, сости сытярэлас о Исусо пала кода, со трэбуй тэ терэс, кай тэ авэл вечно жызня. И евреёря, савэнца во дэлас дума, трэбуй сас внимательно лэс тэ ашунэн. Кода жэ трэбуй тэ терас и амэ. Андэ авэр статья амэ уӷанаса инке дэсавэ важни маменторя анда 6-то ӷлава Иоано.