Со трэбуй тэ терэс, кай тэ жувэс вечно?

1. Сар дэко диқэл пэ вечно жызня?

ДЭКО старыийпэ тэ диқэл пала пэско зор. Во следий пала кода, со хал, и залэлпэ спортоса, кай тэ авэл май зорало и тэ жувэл май долӷо. Но вонэ на надеинпэ тэ жувэн вечно. Еқа ригатар, вонэ гиндон, кай кацаво не бывает, ай авря ригатар — лэнди здэлпэ, кай вонэ авэна вечно ԥурэ и лэндэ вечно авэла ԥаримос, сар акана. Но о Исусо дэлас дума важ и вечно жызня, сар важ варисо лашо. Лэстирэ алава можно тэ проадиносарас, например, андо Иоано 3:16 и 5:24.

2. Со ԥэнэнпэ андэ 6-то ӷлава Иоано пала вечно жызня? (Иоано 6:39, 40).

² Еқвар о Исусо правардя бутэ манушэн марнэса и мащеса, и када сас чудаa. Но и мануша динэ наздив кодэлэсти, со о Исусо росԥэндя лэнди пэ авэр дес. Вонэ авелэ каринг лэстэ андо Капернау́мо, саво сас паша Галилейско моря. Котэ во ԥэндя лэнди, кай кодэла, кас на ашэля, ринапэ каринг и жызня и лэна тэ жувэн вечно. (Проадинон Иоано 6:39, 40.) Погиндосар пала пэстирэ чаче и друӷоря, савэн на ашэля. Вонэ смоӷут тэ ринпэ каринг и жызня и вместе туса тэ жувэн андэ бахтатэ и андэ лошатэ вечно. Но кода, со ԥэндя о Исусо потом, андэ 6-то ӷлава Иоано, полинэ най всаворэ. Кадэла алава най всаворэ полэн и адес. Со жэ ԥэндя о Исусо?

3. Со о Исусо ԥэндя важ пэстэ андо Иоано 6:51?

³ Кала о Исусо стердя чуда и правардя лэ мирос, вонэ згиндосардэ важ и мана, сави о Иегова дэлас лэндирэ ԥурэнди андэ пустыня. Вонэ ӷанэнас, кай андэ Свынти Лила пэ мана ԥэнэнаспэ «марно па небо» (Пс. 105:40; Иоан. 6:31). О Исусо полэлас, кай вонэ ӷанэн важ и мана, и во заля важ латэ дума, кай тэ сытярэл лэн еқэ важнонэ гиндости. Хоть и мана дэлас о Дэл, кодэла, ко халас ла, всаек мулинэ (Иоан. 6:49). Ай пэр пэстэ о Исусо ԥэндя, кай во «чачуно марно па небо», «лэ Дэвлэско марно» и «ла жызняко марно» (Иоан. 6:32, 33, 35). О Исусо и мана на сыстонаспэ андэ ек ӷлавно гиндо. Во ԥэндя: «Мэ — жундо марно, саво змэкляпэ па небо. Кодэва, ко хал кадэва марно, лэла тэ жувэл вечно». (Проадинон Иоано 6:51.) И евреёря, савэ ашунэнас лэ Исусос, загиндосайлэ. Вонэ на полэнас, со камля тэ ԥэнэн о Исусо лэ алавэнца «марно, саво змэкляпэ па небо», и васо кадэва «марно» сас фэдэр, чем и мана, сави о Дэл дэлас лэндирэ ԥурэнди. О Исусо потԥэндя лэнди: «Кадэва марно — мэрни тила». Со во кадэлэса камля тэ ԥэнэн? Амэнди важно тэ уӷанас ответо пэ кадэва вопросо, тоди и амэ, и амарэ пашутнэ, сможэм тэ жувас вечно. Важ када давай розласапэ.

СО СЫКАВЭН И АЛАВА «МЭ — ЖУНДО МАРНО» И «КАДЭВА МАРНО — МЭРНИ ТИЛА»

4. Васо дэсавэ мануша динэ наздив кодэлэстар, со ԥэндя о Исусо?

⁴ О Исусо ԥэндя лэ мирости, кай о марно, саво вонэ трэбуй тэ хан, — када лэстири тила, и во отдэла ла, «кай и люма тэ жувэл». Вонэ на полинэ, пала со во дэл дума. Можэт, вонэ гиндосардэ, кай во лэн мангэл па чачимастэ тэ хан лэстири тила (Иоан. 6:52). Но потом о Исусо ԥэндя кода, состар вонэ динэ наздив инке май фартэ: «Если тумэ на хан лэ манушэстирэ Шавэстири тила и на пэн лэско рат, тоди тумэнди на дорэсэлапэ жызня» (Иоан. 6:53).

5. Катар амэ ӷанас, кай о Исусо на ԥэнэнас, кай трэбуй па чачимастэ тэ пэс лэско рат?

⁵ Андэ лэ Ноёстирэ деса о Дэл приԥэндя лэ манушэнди тэ на хан о рат (Быт. 9:3, 4). Кала о Иегова дэлас лэ израильтянонэнди о законо, во ԥэндя када инке еқвар. Любонэс, ко ԥагэлас кадэва законо, трэбуй сас тэ умарэн (Лев. 7:27). О Исусо сытярэлас лэ евреёнэн тэ терэн вся, со запистромэ андэ лэ Маисеёско законо (Матф. 5:17—19). Важ када лэстэ дажэ на сас андо гиндо, кай и мануша па чачимастэ тэ хан лэстири тила и тэ пэн лэско рат. Хоть можэт тэ здэлпэ, кай и алава, савэ ԥэндя о Исусо, ашундён найшукар, андэр лэндэ исин важно гиндо важ и жызня — важ и «вечно жызня» (Иоан. 6:54).

6. Сар амэ трэбуй тэ полас лэ Исусостирэ алава анда Иоано 6:53 пала «тила» и «рат»?

⁶ Амэ, канешно жэ, полас: кала о Исусо дэлас дума пала «тила» и «рат», када сас просто примеро. Кала во сытярэлас лэ манушэн, во часто призындярэлас примероря. Например, во ԥэндя ла самаритянкати: «Кодэва, ко лэла тэ пэл паи, саво дава мэ, будэр никала на закамэла тэ пэл. О паи, саво мэ лэсти дава, ашэла андэр лэстэ сар родниково паи, саво на парашэл и дэл вечно жызня» (Иоан. 4:7, 14)b. Канешно, во на ԥэнэнас, кай о паи анда варисави хаинг дэла ла самаритянкати вечно жызня. Точно кадяжэ во и на сытярэлас лэ манушэн анда Капернау́мо, кай вонэ лэна вечно тэ жувэн, если лэна па чачимастэ тэ хан лэстири тила и тэ пэн лэско рат.

КАЛА ИНКЕ О ИСУСО ԤЭНДЯСАС ВАЖ И ТИЛА И ВАЖ О РАТ

7. Сар дэко полэл лэ Исусостирэ алава анда Иоано 6:53?

⁷ Дэсавэ веры сытярэн, кай андо Иоано 6:53 о Исусо дэлас дума важ кода, со трэбуй тэ терэн пэ лэ Барэ Хуластири мисяйля. Кала во приԥэндя тэ терэн када, во тожэ дя дума важ и тила и важ о рат (Матф. 26:26—28). Кочай вонэ ԥэнэн, кай пэ лэ Барэ Хуластири мисяйля всаворэ трэбуй тэ хан о марно и тэ пэн о вино. Но правильно када? Важно тэ розласпэ андэ кадэва вопросо, важ кода кай кажно бэрш пэ Вечеря амэнца стидэнпэ милионоря мануша. Амэ диқаса, кай и алава, савэ запистромэ андо Иоано андэ 6-то ӷлава, на сыстонпэ кодэлэса, со трэбуй тэ терэн пэ лэ Барэ Хуластири мисяйля.

8. Васо можно тэ ԥэнас, кай и алава анда 6-то ӷлава Иоано най сԥанглэ лэ Барэ Хуластиря мисяйляса? (Кадяжэ диқэн и картинка.)

⁸ Спэрва шаса сама пэ дуй маменторя. Пэрво: кай и кала о Исусо ԥэндя и алава анда Иоано 6:53—56. Када сас андэ Галилея андо 32-ро бэрш андэ амари эра. Ай через бэршэстэ во ԥэндя тэ терэн лэ Барэ Хуластири мисяйля андо Иерусалимо. Дуйто: касти во ԥэндя кадэла алава. О народо андэ Галилея май бут цырдэласпэ каринг о хамос, ай най кай тэ уӷанэн пала Иегова и лэско Царство (Иоан. 6:26). Кала о Исусо ԥэндя лэнди пала кода, со лэнди сас ԥарэс тэ полэн, вонэ сразу парашэлэ лэс тэ ашунэн. Дажэ дэсавэ ученикоря ашадэ лэс (Иоан. 6:14, 36, 42, 60, 64, 66). Сыстосар када кодэлэса, сар прожыля и пэрво лэ Барэ Хуластири мисяйля андо 33-то бэрш андэ амари эра. Котэ вместе лэ Исусоса сас лэстирэ 11 кандинэ апосталоря. Вонэ тожэ полэнас най вся, сости во лэн сытярэлас, но всаек ашэлэпэ лэса. И вонэ патянас, кай о Исусо — лэ Дэвлэско Шаво, саво авеля па небо, ай и мануша анда Галилея андэ када на патянас (Матф. 16:16). Во похвалисардя лэ апосталонэн: «Тумэ ашэнаспэ манца, кала мандэ сас ԥари время» (Лука 22:28). Дажэ кадэла дуй маменторя хутилэл, кай тэ полас: андо Иоано 6:53 на ԥэнэнпэ пала лэ Барэ Хуластири мисяйля. Роздиқаса, соса инке вонэ на шонпэ.

СО ЛЭ ИСУСОСТИРЭ АЛАВА СЫКАВЭН ВАЖ ТУТЭ

9. Каринг кастэ поджан и алава, савэ ԥэндя о Исусо пэ лэ Барэ Хуластири мисяйля?

⁹ Пэ лэ Барэ Хуластири мисяйля о Исусо дя лэ апосталонэнди би дрожэнго марно и ԥэндя, кай во сыкавэл лэстири тила. Потом во пэрэдя лэнди о вино и ԥэндя, кай во сыкавэл о «рат важ о доӷоворо» (Мар. 14:22—25; Лука 22:20; 1 Кр. 11:24). И акэ инке ек важно маменто: о Исусо ԥэндя важ о доӷоворо. О Нэво доӷоворо о Иегова стердя лэ дэвликунэ Израилёса. Значит, най всаворэ́ манушэнца, ай кати кодэлэнца, ко лэла тэ правий лэ Исусоса «андэ лэ Дэвлэско Царство» (Евр. 8:6, 10; 9:15). Канешно, и апосталоря тоди най вся полэнас. Но потом вонэ сас витидэ лэ свынтонэ зорэса и прилинэ нэво доӷоворо, кай тэ авэн лэ Исусоса по небо (Иоан. 14:2, 3).

10. Соса инке на сыстойпэ кода, со ԥэндя о Исусо пэ лэ Барэ Хуластири мисяйля, и кода, сар во дя дума андэ Галилея? (Кадяжэ диқэн и картинка.)

¹⁰ Шув сама, кай кода, со ԥэндясас о Исусо пэ лэ Барэ Хуластири мисяйля, поджалас кати каринг о «найбаро стадо» (Лука 12:32). Пэрви, ко ужалас андэ кадэя ӷрупа, сас и кандинэ апосталоря, савэ андэ кодэва вечеро сас паша Исусо. Вонэ и кодэла, ко ля тэ ужал андэ кадэя ӷрупа май интя, хан о марно и пэн о вино пэ лэ Барэ Хуластири мисяйля. Имено важ лэндэ исин ҭан по небо паша Исусо. Када инке ек маменто, васо и дуй случаёря на сыстонпэ. Кода, со о Исусо ԥэндя пэ лэ Барэ Хуластири мисяйля, поджал ек кати важ и избрани. Ай кода, со во ԥэндя лэ манушэнди андэ Галилея, — важ вся о народо.

11. Катар амэ ӷанас, кай и блаӷословения, важ сави о Исусо дэлас дума андэ Галилея, авэла важ и всаворэ мануша?

¹¹ Май бут мануша, савэ ашунэнас лэ Исусос андэ Галилея андо 32-ро бэрш андэ амари эра, аштярэнас лэстар марно. Но во шутя лэндири сама пэ кода, со май важно, чем обычно хамос — со можэт тэ дэл вечно жызня. О Исусо ԥэндя, кай кодэла, ко мулинэ, смоӷут андо послиднё дес тэ ринпэ каринг и жызня и тэ жувэн вечно. Кадэла алава во ԥэндясас най кати важ и избрани, сар потом дя дума пэ лэ Барэ Хуластири мисяйля. Андэ Галилея о Исусо ԥэндясас, кай кадэя райкани блаӷословения можэт тэ авэл всаворэ манушэндэ. Важ када во ԥэндя: «Кадэва марно — мэрни тила, сави мэ отдава, кай и люма тэ жувэл» (Иоан. 6:51).

12. Со трэбуй тэ терэл о мануш, кай тэ жувэл вечно?

¹² Сыкавэн лэ Исусостирэ алава, савэ во ԥэндя андэ Галилея, кай всаворэ мануша, савэ жувэн акана и жувэнас раньшэ, лэна тэ жувэн вечно? Най. Тэ жувэл вечно авэла кати «кодэва, ко хал кадэва марно», када значит, кай во трэбуй пэ дила тэ сыкавэл, кай патял андо Исусо. Бут мануша анда авэр веры гиндон, кай трэбуй просто тэ патяс андо Исусо и тэ ԥэнэс пэр лэстэ Спасителё (Иоан. 6:29). Но погиндосар акэ пала со. Май бут анда кодэла, ко ашунэлас лэ Исусос андэ Галилея спэрва, патянас андэр лэстэ, ай потом ашадэ. Васо?

13. Со трэбуй, кай тэ авэс лэ Исусоско чачуно ученико?

¹³ Май бут мануша, савэн правардясас о Исусо, камэнас тэ ашунэн лэс ек важ кода, кай во дэлас лэнди, со вонэ камэнас. Ай со вонэ камэнас? Кай во тэ лечий лэн, тэ праварэл и тэ ԥэнэн лэнди кати ек и лашэ алава. Но о Исусо авеля пэ ԥув най важ кода, кай андэ вся тэ кандэл лэн. Во авеля тэ сытярэл лэн кодэлэсти, со лэнди па чачимастэ трэбуй, кай тэ авэн лэстирэ ученикоря. Во ақардя лэн «тэ авэн» каринг лэстэ. Када най просто тэ авэн паша лэстэ, ай внимательно тэ ашунэн лэс и тэ терэн вся, сости во сытярэлас (Иоан. 5:40; 6:44).

14. Со амэнди трэбуй тэ терас, кай тэ жувас вечно?

¹⁴ Кала андо Иоано 6:53 о Исусо ԥэндя пала тила и рат, во дэлас дума пала жэртва, сави тидэласпэ тэ анэн. И евреёря, савэ лэс ашунэнас, трэбуй сас андэр латэ тэ патян. Васо? Важ кода кай кати через и жэртва можэт тэ авэл вечно жызня. Кадя жэ и адес (Иоан. 6:40). Если о мануш камэл тэ жувэл вечно, лэсти трэбуй тэ патял андэ лэ Исусостири жэртва. И кацави возможность можэт тэ авэл всаворэндэ (Еф. 1:7).

15, 16. Савэ урокоря исин андэ 6-то ӷлава Иоано?

¹⁵ Сар жэ драго, кай амэ роздиқлям и 6-то ӷлава Иоано! Андар латэ драго дицол, кай о Исусо анда ди заботийпэ пала мануша. Андэ Галилея во вилечияс лэ насвалэн, росԥэнэнас лэ манушэнди важ о Царство и праварэлас лэн (Лука 9:11; Иоан. 6:2, 11, 12). Ай само ӷлавно, о Исусо сытярэлас, кай во «ла жызняко марно» (Иоан. 6:35, 48).

¹⁶ Кодэла, пэр кастэ о Исусо ԥэндя «авэр бакрэ», на трэбуй тэ хан о марно и тэ пэн о вино пэ лэ Барэ Хуластири мисяйля (Иоан. 10:16). Но можно тэ ԥэнэс, кай вонэ хан «ла жызняко марно», важ кода, кай патян андэ лэ Исусостири жэртва (Иоан. 6:53). Ай кодэла, ко хал о марно и пэл о вино пэ лэ Барэ Хуластири мисяйля, сыкавэн, кай вонэ прилинэ о нэво доӷоворо и лэна тэ правин сар царёря андо Царство по небо. Амэ роздиқлям, кай андэ 6-то ӷлава Иоано исин важни урокоря важ и всаворэ христианоря — сар важ и избрани, кадя и важ авэр бакрорэ. Кадэя ӷлава сытярэл амэн, кай амэ всаворэ трэбуй тэ патяс андэ лэ Исусостири жэртва. Кати через латэ амэндэ можэт тэ авэл вечно жызня.