32 ӶЛАВА
Лэ Дэвлэско Царство правий акана!
Лэ Дэвлэско Царство ля тэ правий по нэбо андо 1914 бэрш. Андэ кадэя жэ время залинэпэ и послидни деса важ и правительства, савэ пэ ԥув. Катар амэ када ӷанас? Роздиқаса дэсавэ пророчества анда Библия, ай кадяжэ кода, сар паруделэ и мануша и вся, со андэ люма лэ 1914 бэршэстар.
1. Со сыкавэн и библейски пророчества?
Андэ Даниила пистромэ, кай лэ Дэвлэско Царство трэбуй тэ лэл тэ правий тоди, кала кончияпэ и время, пэ сави ԥэнэн «семь времён» (Даниил 4:16, 17). Прожылэ бут викоря и о Иисусо ԥэндя, кай пэ кадэла семь времён инке ԥэнэн «и время, сави стоди важ и народоря» и вой инке на кончисайля (Луки 21:24). Амэ уӷанаса, кай и семь времён кончисайлэ андо 1914 бэрш.
2. Сар лэ 1914 бэршэстар вся паруделя?
И апостолоря пушлэ кай о Иисусо: «Со сыкавэла, кай ту упалэ паша амэндэ, и кала авэла конец кадэла времяти, андэ сави амэ жувас?» (Матфея 24:3). О Иисусо драго росԥэндя, со терэлапэ пэ ԥув, кала во лэла тэ правий по нэбо сар Царё андэ лэ Дэвлэско Царство. Во ԥэндя, кай авэна войны, боқалимос и землетрясении. (Адиносар Матфея 24:7.) Андэ Библия кадяжэ ԥэнэнпэ, кай «андэ послидни деса» и мануша андярэна пэс кадя, кай «авэла фартэ ԥари время» (2 Тимофею 3:1—5). Дицол, кай лэ 1914 бэршэстар фартэ вся паруделя.
3. Васо посли кода, сар ля тэ правий лэ Дэвлэско Царство, андэ люма вся ашэля май хужэ?
Важ кода кай о Сатана «сас сшуто пэ ԥув, и лэса слинэ сшутэ лэстирэ анӷелоря» (Откровение 12:9, 10, 12). О Иисусо када стердя, кала ашэля Царёса андэ лэ Дэвлэско Царство. Во ля тэ марэлпэ по нэбо лэ Сатанаса и лэ найвужэнца. О Сатана процэлдя кадэя война. Во ӷанэн, кай ӥто лэс умарэна, и важ када во фартэ холинако. Вижал, через када во камэл тэ терэл вся, кай лэ манушэнди тэ авэл май ԥарэс и май вэрыто. Када поможый амэнди тэ полас, васо и жызня кацави дэ ԥари. Но лэ Дэвлэско Царство вся када улэла.
УӶАНАМ МАЙ БУТ
Андэ кадэя ӷлава амэ уӷанаса, со доԥэнэн, кай лэ Дэвлэско Царство ля тэ правий андо 1914 бэрш, и со када сыкавэл важ амэндэ.
4. Па Библия дицол, кай и время сыкавэл по 1914 бэрш
Дэлмут андо Вавилоно сас царё Навуходоносоро. О Дэл дя лэсти суно, андэ саво во сыкадя, со авэла англэ. О Даниило росԥэндя, со сыкавэл кадэва суно, и кай кадэва суно пашол най кати кай о Навуходоносоро, ай кадяжэ и каринг лэ Дэвлэско Царствоa. (Адиносарам Даниил 4:17.)
Адиносарам Даниил 4:20—26 и диқам и таблица пэ авэр страница, сави поможыя тэ подас дума пала вопросоря, савэ катэ.
1. Саво суно диқля о Навуходоносоро? (Диқэн о стихо 20 и 21.)
2. Со трэбуй сас тэ авэл ла виткаса? (Диқэн о стихо 23.)
3. Со трэбуй сас тэ авэл, кала лэна тэ кончинпэ и семь времён? (Диқэн о стихо 26.)
Сар поджал о суно пала витка каринг лэ Дэвлэско Царство?
ПРОРОЧЕСТВО (Даниил 4:20—36)
Правияс
1 Розбари витка
Парашэля тэ правий
2 «Сшынэн и витка», и мэк «прожана семь времён»
Упалэ правий
3 «Тути рияпэ тиро царство»
Андэ время, кала пэрво разо стердяпэ кадэва пророчество
4. Со сыкавэлас и витка? (Диқэн о стихо 22.)
5. Сар о царё Навуходоносоро парашэля тэ правий? (Адиносарам Даниил 4:29—33.)
6. Со сас кадэлэ царёса, кала линэ тэ кончинпэ и семь времён? (Адиносарам Даниил 4:34—36.)
КОДА, СО ТЕРДЯПЭ ПЭРВО
Правияс
4 О Вавилонско царё о Навуходоносоро
Парашэля тэ правий
5 Посли 606 бэрш жы кай о Иисусо, о Навуходоносоро сжыля па годи и нэ моӷ тэ правий семь лет
Упалэ правий
6 О Навуходоносоро авэл каринг пэстэ и упалэ лэл тэ правий
Андэ время, кала дуйто разо стердяпэ кадэва пророчество
7. Со сыкавэлас и витка? (Адиносарам 1 Летопись 29:23.)
8. Сар парашэлэ тэ правин кадэла царёря? Катар амэ ӷанас, кай вонэ на рисардэ пэстири правления, кала о Иисусо жувэлас пэ ԥув? (Адиносарам Луки 21:24.)
9. Кала и кай рисардэ и правления?
КОДА, СО ИНКЕ ТЕРДЯПЭ
Правияс
7 О Дэл правияс через израильски царёря
Парашэля тэ правий
8 О Иерусалимо розмардо и израильски царёря парашэлэ тэ правин. Вонэ на правинас 2 520 лет
Упалэ правий
9 О Иисусо лэл тэ правий по нэбо сар Царё андэ лэ Дэвлэско Царство
Семь времён, скати када?
Семь времён када 2 520 бэрш. Сар вижыля тэ виадинон кадэла бэрша? Кай тэ полэн дэсавэ стихоря анда Библия, трэбуй тэ проадинон авэр стихоря. Например, андэ книӷа Откровение пистромэ пала трин епашэса время. Кадэя время жал 1 260 деса (Откровение 12:6, 14). Ай семь времён, када пэ трин епашэса время май бут. Инке дэкала андэ Библия о алав «дес» сыкавэл «бэрш» (Иезекииль 4:6). Кадэя дума поджал каринг о пророчество анда Даниила пала семь времён. Вижал, семь времён када 2 520 бэрш.
5. И люма фартэ паруделя лэ 1914 бэршэстар
О Иисусо ԥэндя, со авэла тэ терэлпэ андэ люма посли кода, сар во ашэла Царёса. Адиносарам Луки 21:9—11 и подам дума пала вопросо, саво май тэлэ.
Со ту диқлян пэстирэ яқэнца или ашундян пала кода, со пистромэ андэ кадэла стихоря?
О апостоло Павло росԥэндя, савэ авэна мануша андэ послидни деса. Адиносарам 2 Тимофею 3:1—5 и подам дума пала вопросо, саво май тэлэ.
Диқэс ту, кай адес и мануша андярэн пэс кадя?
6. Лэ Дэвлэско Царство ужэ правий. Тер варисо!
Адиносарам Матфея 24:3, 14 и подам дума пала вопросоря, савэ май тэлэ.
Па сави дила адес дицол, кай лэ Дэвлэско Царство ужэ правий?
Сар ту можэш тэ терэс кадэя жэ дила?
Лэ Дэвлэско Царство ужэ ля тэ правий и ӥто авэла кодэва дес, кала во правия всаворя ԥувьяса и вся лэла андэ пэстирэ вас. Адиносарам Евреям 10:24, 25 и подам дума пала вопросо, саво май тэлэ.
Со ту трэбуй тэ терэс, кала диқэс, «кай пашол кодэва дес»?
Со ту терэса, сар уӷанэса кода, со поможыя аврэ манушэсти чи дажэ фэрия лэстири жызня?
ТУТИ ВАРИКО МОЖЭТ ТЭ ԤЭНЭН: «Васо лэ Иеговастирэ свидетеля бут сама шон пэ 1914 бэрш?»
Со ту ԥэндоп пэ кадэла алава?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай и пророчества анда Библия и вся, со терэлпэ андэ люма, сыкавэн, кай лэ Дэвлэско Царство ужэ правий. Амэ сыкавас, кай патяс кадэлэсти, кала росԥэнас пала када аврэнди и кала ԥирас пэ собрания.
Сар ту гиндос?
Со тердяпэ, кала кончисайлэ и семь времён, пала савэ сас ԥэндо андэ книӷа Даниила?
Васо ту патяс, кай лэ Дэвлэско Царство ля тэ правий андо 1914 бэрш?
Сар ту можэш тэ сыкавэс, кай патяс андэ кода, кай лэ Дэвлэско Царство акана правий?
ДИК ИНКЕ
Дик, со ԥэнэн и учони и авэр мануша пала кода, сар паруделя вся андэ люма лэ 1914 бэршэстар.
«Вся фартэ паруделя андэ найлащи риг» (Журнало «Прошонпэ!» важ о апрелё пала 2007 бэрш)
Сар паруделя и жызня кай ек мурш, кала во уӷангля пала пророчество, саво запистромэ андэ Матфея 24:14?
«О бейсболо сас важ мандэ по пэрво ҭан!» («Сторожэво башня» № 3 пала 2017 бэрш)
Катар амэ ӷанас, кай андо пророчество, саво запистромэ андэ Даниила 4 ӷлава, ԥэнэнпэ пала лэ Дэвлэско Царство?
Васо можно тэ ԥэнас, кай и семь времён, пала савэ ԥэнэнпэ андэ Даниила, кончисайлэ андо 1914 бэрш?
«Кала лэ Дэвлэско Царство ля тэ правий? (часть 2)» («Сторожэво башня» важ о 1 ноябрё пала 2014 бэрш)
a Дик дуй послидни статьи андэ рамка «Дик инке», сави андэ кадэя ӷлава.