Пэрви алава

Кадэя книжка поможыя тути тэ арақэс и библейски стихоря, савэ анэна лашымос андэ разни ситуацыи. Кадяжэ ту сможэш тэ подритярэс аврэн и тэ поможыс лэнди тэ прилэн кацави ришэния, кай о Иегова тэ ашэл инке май ашунгло. Тэ сытёс па кадэя книжка вушэро. Витидэ и тема, сави тути трэбуй, и погиндосар пала вопросоря и библейски стихоря, савэ котэ пистромэ. (Дик и рамка «Сар тэ сытёс па кадэя книжка».) И гиндоря анда лэ Дэвлэско Алав подритярэна тут, и ту додиқэса бут лашэ советоря. Кадяжэ ту виарақэса бут сомнак андэ Библия, кай тэ придэс зор и тэ поможыс аврэнди.

Сар тэ сытёс па кадэя книжка

Кай тэ виарақэс и тема, сави тути трэбуй, пистросар кода, со родэс, андо поиско или витидэ кодэя часть, сави поджал. Андэ кадэя книжка исин семь части: «Дружба лэ Дэвлэса», «Ери», «Обычно жызня», «Ԥаримос», «Сар пэс тэ андярас», «Собрания» и «Характеро». Май бут темы можно тэ виарақэс андэ ек анда кадэла части. Витидэ кодэя часть, сави поджал, и притасав пэ тема, сави родэс. Если ту на ӷанэс, андэ сави часть пистромэ и тема, сави тути трэбуй, притасав «Вся» и витидэ кодэя тема, сави май фартэ поджал. Андэ кажно тема исин гиндоря или вопросоря, савэ пистромэ май калэ буквэнца, ай тала лэндэ — и стихоря анда Библия, савэ подтидэ важ кадэя тема. Кала лэса тэ адинос кадэла библейски стихоря, погиндосар, сар вонэ поджан каринг кодэла гиндоря и вопросоря. Андэ дэсавэ темы исин подразделоря, кай май вушэро тэ виарақэс кода, со тути трэбуй. Дэкала исин стихоря, каринг савэ пистромэ «Кадяжэ дик» — котэ можно тэ виарақэс авэр полезни гиндоря. Андэ бут темы кадяжэ исин стихоря, каринг савэ пистромэ «Примероря анда Библия». Посли лэндэ набут росԥэнэнпэ ӷлавно гиндо анда кадэла стихоря, кай ту тэ ӷанэс, пэр со тэ шос сама и пала со тэ погиндос, кала лэса тэ адинос лэн.

Андэ кадэя книжка призындярдёнпэ най всаворэ библейски стихоря па варисави тема, ай кати ӷлавни. Кай тэ виарақэс авэр стихоря, дик и перекрёсни ссылки и каминтарии андэ «Учебно Библия» андо переводо «Новый мир» пэ руско шыб. Кай инке май бут тэ уӷанэс пала варисаво стихо анда Библия, дик «Справочнико па публикацыи кай лэ Иеговастирэ свидетеля» и «Списко па темы андэ публикацыи кай лэ Иеговастирэ свидетеля» (Пр 2:1—6). Витидэ кодэла публикацыи, савэ вимэклэ найдэлмут, кай тэ уӷанэс, сар акана амэ полас библейско чачимос.

Мэк кадэя книжка поможый тути тэ ашэс мудро и май драго тэ полэс и Библия. Кала ту лэса тэ адинос ла, ту полэса, кай «о алав лэ Дэвлэстар жундо и фартэ зорало» (Евр 4:12).