Радостно дилабэн анда вся голосо!

1. Со амэ можем тэ сыкавэс кодэлэса, кай дилабас?

АШУНГЛО мануш, саво пистрой и диля еқвар ԥэндя: «Алава анда дили терэн кадя, кай о мануш тэ гиндой. И музыка терэл кадя, кай тэ полэс кода, со по ди. Ай и дили терэл кадя, кай о мануш лэ одеса тэ полэл кода, со ԥэнэнпэ андэ дили». Амарэ диля сыкавэн, кай амэ любисарас и прославляем амарэ небеснонэ Дадэс, лэ Иеговас. Вонэ терэн кадя, кай амэ лэ одеса тэ полас, кай ашас лэса май лашэ другоря. И диля фартэ важни, кай тэ тэлювас чачунэ Дэвлэсти, хоть амэ дилабас екжэнэ или андэ собрания.

2, 3. а) Васо дэсавэнди может тэ авэл лажаво тэ дилабэн пэ собрания? б) Пала со амэ уӷанаса?

² Чалёл тути тэ дилабэс андэ собрания? Или тути набут лажаво? Дэкай и мурша лажан тэ дилабэн англа авэр мануша. И кацавэ гиндоря могут тэ пэрэжан кай всаворэ мануша андэ собрания, если и ԥрала, савэ сытярэн, терэн кадя, кай тэ на дилабэн аврэнца (Пс. 30:12).

³ Если амэ полас, кай и диля, када ек анда кода, со ужал андэ служения лэ Иеговасти, тоди амэ на ласа тэ вижас анда зало, сар дилабэн и дили. Кадяжэ амэ на ласа тэ авас пэ собрания, кала уже дилабэн и дили. Важ када, кажно трэбуй тэ пушэл пэстар: «Со мандэ андо ди каринг и диля, савэ дилабас пэ собрания? Со тэ терав, кай тэ на лажав тэ дилабав англа авэр и кай када тэ анэн радость? Со мэ могу тэ терав, кай тэ дилабав амарэ диля анда оди?

И ДИЛЯ ФАРТЭ ВАЖНИ, КАЙ ТЭ ТЭЛЮВАС ЛЭ ДЭВЛЭСТИ

4, 5. Пэ скати сас важни и диля андэ дэлмутни время, кай тэ тэлён лэ Иеговасти?

⁴ Уже дэлмут лэ Иеговастирэ служителя, савэ кандэнас лэс, прославляли лэ Дэвлэс кодэлэса, кай дилабэнас. Андэ кодэя время, кала израильтяноря кандэнас и служинас лэ Дэвлэсти, важ лэндэ сас фартэ важно тэ дилабэн диля. Кала о царё Давидо, стидэлас вся важ о храмо, во отстодя 4 000 рашан, кай вонэ тэ хвалин лэ Иеговас андэ дили. Машкар лэндэ сас 288 манушэн, савэн «сытярдэ тэ дилабэн лэ Иеговасти и вонэ драго ӷанэнас пэсти дила» (1 Лет. 23:5; 25:7).

⁵ И музыка, ай кадяжэ кода, кай тэ дилабэн диля, сас фартэ важни и тоди, кала англа всаворэ ԥэрнавэнас о храмо. Андэ Библия ԥэнэнпэ: «Сар кати о звуко анда трубы и о голосо кодэлэнго, ко дилабэлас ашэля сар ек, кай тэ хвалин и тэ благодарин лэ Иеговас, и сар кати вонэ, задилаблэ тала трубы, тала кимвалоря и авэр инструменторя, прославляя лэ Иеговас... и туча ашэля па вся... лэ Иеговаско цэр». Кадэя особо события поможысардя лэ манушэнди, савэ слинэ котэ, кай лэндири вера тэ авэл инке май састи (2 Лет. 5:13, 14; 7:6).

6. Со стидя о Неемия, кала достроисардя иерусалимско стина?

⁶ О Неемия, саво диқэлас пала бути, кай тэ ваздэн иерусалимско стина стидя лэ рашан, кай вонэ тэ дилабэн хвалебни диля тала оркестро. Кала достроисардэ иерусалимско стина, о Неемия стодя празднико и стидя особи диля и музыка, кай тэ дилабэн. «Дуй барэ хороря важ и хвалебни диля» жанас па разни рига па лэ форостири стина, пока на стидэпэ англа храмо. Вонэ кадя фартэ дилабэнас, кай лэн можно сас тэ ашунэс жы дурал (Неем. 12:27, 28, 31, 38, 40, 43). О Иегова, сас фартэ радо тэ ашунэл, сар лэстирэ служителя всаворэ одеса прославляют лэс диляса.

7. Сар о Иисусо сыкадя, пэ скати важни диля, кай тэ тэлён лэ Дэвлэсти?

⁷ Кодэла времятар, сар ашэля христианско собрания и диля кадяжэ фартэ важни, кай тэ тэлювас чачунэ Дэвлэсти. Акэ, пала со трэбуй тэ погиндон. Англа дес, саво само важно важ всаворэ мануша, о Иисусо стодя празднико, Вэчэро, кай и мануша тэ вспоминают, кай во отдэла пэстири жизня пала лэндэ. И пэ кадэва празднико о Иисусо дилабэлас хвалебни диля вместе лэ апостолонэнца. (Адиносар Матфея 26:30a).

8. Сар пэрви христианоря хвалинас дилянца лэ Дэвлэс, кала тэлёнас лэсти?

⁸ Лэ пэрвонэ христианонэндар можно тэ сытёс кодэлэсти, сар тэ прославляешь лэ Дэвлэс, кала всаворэнца дилабэс диля. Вонэ най еқвар стидэнаспэ ек еқэстэ цэрэ. И даже кода, кай кодэла цэра на слинэ кацавэ шукарнэ и барэ, сар о храмо, када на ритярэлас лэн, кай анда вся оди тэ прославляют лэ Дэвлэс диляса. О Павло пистросардя лэ христианонэнди лэ Дэвлэстирэ алава: «Сытярэн и подԥэнэн ек еқэсти всаворя мудростяса и, кала дилабэн и псалмы, дилабэн диля важ о Дэл, благодарин лэ Иеговас андэ пэско ди» (Кол. 3:16, Нэво русско переводо). Можно смило тэ ԥэнэс, кай и диля анда амаро песеннико, када «диля важ о Дэл», савэ трэбуй тэ дилабас кадя, кай тэ дицол андэ амарэ одя амари благодарность лэ Иеговасти. «О верно и благоразумно рабо» сытярэл амэн май драго тэ полас лэ Дэвлэс. Кадяжэ во сытярэл через и диля (Матф. 24:45).

СО ТЭ ТЕРЭС, КАЙ ТЭ НА ЛАЖАС ТЭ ДИЛАБЭС?

9. а) Васо дэсавэ лажан тэ дилабэн пэ собрания и пэ конгрессоря? б) Со поможыя анда оди тэ хвалисарас лэ Иеговас андэ диля и ко трэбуй тэ сыкавэл сар тэ дилабас? (Диқэн и картинка англа статья.)

⁹ Васо ту можешь тэ лажас тэ дилабэс? Может, важ кода кай андэ тиро ери, андэ тири нация или паша кастэ ту жувэс на дилабэн. Или, кала ашунэс, сар драго дилабэн и артисторя, но полэс, кай тутэ на вижал кадя, сар лэндэ. Но ту всаек можешь тэ прославляешь амарэ Дэвлэс лэ Иеговас, кала дилабэс. Тер акэ со, ваздэ о шэро май упрэ, ритяр о песеннико англа пэстэ и мэк тири дили жал анда вся оди! (Езд. 3:11; адиносар Псалом 147:1b). Адес андэ бут залоря, кай тидэнпэ лэ Иеговастирэ свидетеля и алава анда диля сыкавэн по экрано. Када поможый тэ дилабэн. Шон сама, кай пэ Школа священного служения важ и старейшиноря, кадяжэ дилабэн диля, важ кода кай вонэ трэбуй тэ сыкавэн андэ собрания, сар тэ дилабэн.

10. Пала со трэбуй тэ сэрас, если амэ дарас тэ дилабас англа авэр мануша?

¹⁰ Дэкала амэ на дилабас анда вся голосо, важ кода кай дарас. Амэ можем тэ дарас, кай пэ амаро голосо шона сама май бут, чем пэ авэр или амэ дарас, кай аврэнди на чалёла, сар амэ дилабас. Но загиндонпэ, амэ най вся время дас дума кода, со трэбуй, важ кода кай «всаворэ амэ бут со терас най кадя» (Иак. 3:2). Но амэ же через када на ласа вся время тэ ашас мулком! Тоди трэбуй амэ тэ хвалисарас лэ Иеговас андэ дили, даже если на ӷанас фартэ драго тэ дилабас?

11, 12. Со поможыя тути, кай май драго тэ дилабэс?

¹¹ Дэкала ту лажас тэ дилабэс, важ кода кай на ӷанэс, сар када тэ терэс. Но исин найԥарэ советоря, савэ поможына тути тэ дилабэс май драго. Если када лэса тэ терэс, тоди вижала фэдэр тэ дилабэсc.

¹² Кай тэ дилабэс зоралэс и фартэ, трэбуй правильно тэ ԥурдэс. И лампочка ԥабол кодэлэстар, кай исин токо, кадяжэ и тиро голосо ашундёл, важ кода кай исин воздухо. Кала дилабэс, дилабэ май фартэ, чем кала дэс дума или даже инке май фартэ. Кай тэ сытёс правильно тэ ԥурдэс, можно тэ стерэс акэ со. Тердю ворта, розвортосар и пиқэ, заԥурдэ о воздухо кадя, кай во тэ авэл андэ лёгки. Виԥурдэ по набут и биграбиндоско адиносар кадя, кай тутэ тэ вижал май бут число. Кадяжэ ԥурдэ и кала дилабэс. Трэбуй тэ ԥэнас, кай и андэ Библия ԥэнэнпэ, кай лэ Иеговастирэ служителя, кала дилабэн, трэбуй фартэ тэ дилабэн (Пс. 33:1—3).

13. Со тэ терэс, кай тутэ драго тэ вижал тэ дилабэс?

¹³ Кала стидэнпэ лэ ереса тэ сытён па Библия или даже, кала ту екжэно, стер акэ со. Витидэ анда песеннико пэстири любимо дили. Проадиносар алава анда дили громко, кай па тиро голосо тэ дицол, кай тутэ драго вижал тэ адинос. После када, заԥурдэ и проԥэн кацавя же громкостяса дэсавэ алава анда кадэя дили и кати цырдэ кода, со ԥэнэс, пока исин воздухо андэ лёгки. Ай тоди кацавэ же голососа драго продилабэ кадэла алава (Ис. 24:14). Ту диқэса, кай лэса май драго тэ дилабэс. И кадэлэстар на трэбуй тэ дарас или тэ лажас!

14. а) Васо, кала дилабэс трэбуй фартэ тэ ԥэрнавэс о муй? (Диқэн и рамка «Сар тэ сытёс май драго тэ дилабэс».) б) Росԥэн, со па тирятэ май фартэ может тэ поможый манушэсти май драго тэ дилабэл?

¹⁴ Если на ԥэрнавэс фартэ о муй, тоди кай о голосо нинай зор, саво трэбуй, кай драго тэ дилабэс. Акэ инке, со трэбуй тэ терэс. Ԥэрнав о муй май фартэ, ай най кадя, сар дэс дума. Ай со тэ терэс, кала тути здэлпэ, кай тиро голосо фартэ громко или фартэ тихо? Акэ, со поможый. Стер кадя, кай тирэ мышцы андо кырло тэ на авэн барунэ и дилабэ «ммм-ммм-ммм...». Кати, кала када дилабэс, ԥандав и вуш, но най фартэ и дилабэ. И кала дилабэс полэ, исин тутэ андо шэро и андо кулин вибрация. Кадяжэ на бистэр тэ ԥурдэс кадя, сар амэ дям дума май упрэ.

АНДА ВСЯ ОДИ ХВАЛИН ЛЭ ИЕГОВАС АНДЭ ДИЛИ

15. а) Пала со объявили андо 2016 бэрш пэ собрания, сави прожал еқвар андо бэрш? б) Росԥэнэн, васо вимэклэ нэво песеннико?

¹⁵ Андо 2016 бэрш пэ собрания Общества Сторожевой башни, Библий и трактатов (Пенсильвания), сави прожал еқвар андо бэрш, о ԥрал Стивен Летт объявил, кай йто андэ амарэ собрании авэна нэвэ песенникоря «Анда вся оди дилабэн лэ Иеговасти». О ԥрал Летт росԥэндя, васо сас вимэкло нэво песеннико. Лэс вимэклэ важ кода, кай вижыля «Нэвэ мироско переводо», саво пэрэдиқлэ пэ английско шыб. Трэбуй сас тэ продиқэн и алава андэ диля и тэ вилэн анда песеннико кодэла алава, савэ будэр уже нинай андэ Библия, сави вимэклэ андо 2013 бэрш. Кадяжэ андо песеннико стодэ нэвэ диля пала служения и пала кода, пэ скати амэ благодарни, кай о Иисусо витиндя амэн. И диля важни, кай тэ тэлювас лэ Иеговасти, важ када о Руководящё совето закамля тэ вимэкэл о песеннико, савэстэ лашо качество. Кай кадэва песеннико трэбуй сас тэ авэл кацави же лащи обложка, сар кай и Библия «Нэвэ мироско переводо», сави пэрэдиқлэ.

16, 17. Со паруделяпэ андо нэво песеннико?

¹⁶ Кай тэ авэл вушэро тэ виарақэс и диля андо песеннико «Анда вся оди дилабэн лэ Иеговасти» и диля ростодэ па темы. Перви 12 диля важ о Иегова, авэр восемь диля важ о Иисусо и кадяжэ важ кода, кай во витиндя амэн. Котэ ростодэ и авэр диля. Инке андо песеннико исин кода, пар со можешь тэ виарақэс и диля. Важ када и ԥрала могут йто тэ виарақэн дили, сави поджал каринг и речь, сави важ и всаворэ.

¹⁷ Кай и диля тэ дожан каринг оди, и алава анда диля пэрэдиқлэ. Дэсавэ алава парудэ, и кода, пала со и диля, ашэля май драго тэ полэс. Кадяжэ трэбуй сас тэ вилэн алава, савэнца уже на дэн дума. Например, андо нэво песеннико будэр нинай пурано алав «гласить». Ай дили, сави сас «Долготерпение», парудэ пэ «Проявляйте терпение». Кадяжэ андо песеннико будэр нинай алава «шеол» и «гадес». Васо? Пэ амарэ собрании авэн бут нэвэ мануша или кодэла, савэ кати найдэлмут сытён па Библия и вонэ могут тэ на полэн кадэла алава.

18. Васо важно тэ сытёс тэ дилабэс амарэ диля? (Кадяжэ диқэн и сноска.)

¹⁸ Бут диля анда песеннико «Анда вся оди дилабэн лэ Иеговасти», када, можно тэ ԥэнэс, молитвы. Вонэ поможын амэнди тэ сыкавас, со амэндэ исин андо ди каринг о Иегова. Авэр диля поможын амэнди май фартэ тэ закамас тэ любисарас и тэ терас лашэ делоря (Евр. 10:24). Трэбуй драго тэ ӷанэн и музыка и алава анда дили. Продилабэн най еқвар кадэла диля цэрэ. Кадя тумэ полэна, сар тэ дилабэн и лэна тэ дилабэн анда оди!d

19. Васо фартэ важно тэ дилабас диля, кала тэлювас лэ Иеговасти?

¹⁹ Чаче, кала тэлювас лэ Иеговасти, фартэ важно тэ дилабас диля. Кадя амэ можем тэ сыкавас пэстири любовь и благодарность лэ Иеговасти. (Адиносар Исаия 12:5e). Инке, кала амэ дилабас анда оди, када может тэ поможый аврэнди тэ парашэн тэ лажан и кадяжэ тэ дилабэн анда вся оди. И ԥурэ и тэрнэ и даже кодэла, ко кати линэ тэ сытён па Библия, прославляют лэ Иеговас кодэлэса, кай дилабэн дили пэ собрания. Важ када мэк нисо на тердярэл тумэн тэ сыкавэн андэ дили кода, со тумэндэ по ди. Кодэва, ко пистросардя о псалом, запистросардя лэ Дэвлэстирэ алава: «Дилабэн лэ Иеговасти» (Пс. 96:1). Давайте тэ терас кадя, сар ԥэндя о Иегова и радостно тэ дилабас лэсти, анда вся голосо.