Када аштярэл всаворэн

ПРЕДСТАВЬ, кай ту диқэс кино пала фартэ ашунгло мануш, например пала пианистка, сави тути фартэ чалёл. Ту уӷанэс пала латири жызня, кала вой сас бэятаса, кала вой сытёлас и сар дилабэлас. Ту диқэс латирэ концэрторя, сар вой ездий па разни страны и сар важ латэ уӷанэн па вся и ԥув. Латэ вся драго, но акэ вой ԥурёл и мэрэл.

Кадэва кино пала жызня чачунэ манушэсти, саво ужэ муля. И дажэ если о кино авэла най пала музыканто, ай пала учоно, спортсмено или инке пала варикастэ, вся авэла кадяжэ. О мануш бут со можэт тэ домардёл, но кати погиндосар, скати инке во стердоп, если бы най о ԥуримос и смэрть, кода, со аштярэл всаворэн.

Кадэлэстар ԥарэс по ди, но када аштярэл кажнонэс (Экклезиаст 9:5). Со бы о мануш тэ на терэл, во всаек ԥурёл и мэрэл. Инке, о мануш можэт тэ мэрэл лэ насвалимастар или кала варисо тердяпэ. Акэ со ԥэнэнпэ пала лэ манушэстири жызня андэ Библия: «Тумэ, сар тумано, саво авэл най пэ долӷонэстэ, ай тоди ужалтар» (Иакова 4:14).

Дэсавэ андэ жызня на диқэн нисаво лашимос и важ када жувэн па алава «Давайте тэ хас и тэ пас, важ кода кай тэся мэраса» (1 Коринфянам 15:32). Но хэба кацавэ мануша на жувэн кадя, важ кода кай ӷанэн, кай всаек мэрэна? Кажно мануш, особенно если лэстэ ԥаримос, лэл тэ пушэл: «И со, када вся, со мэ аштярав андэ жызня?» Кай тэ виарақас атвето пэ кадэва вопросо?

Бут мануша патян, кай и учони варисо стерэна. И чаче, и учони и врачоря виарақлэ кода, со можэт адес тэ поможый лэ манушэнди тэ жувэн май долӷо. Ай дэсавэ учони родэн, сар инке тэ поможын лэ манушэнди тэ жувэн май долӷо, чем адес. Со бы анда када тэ на вижал, када на поможыя тэ виарақас атветоря пэ вопросоря: «Васо и мануша ԥурён и мэрэн? Исин васо тэ патяс, кай и смэрть будэр на авэла?» Андэ кадэва журнало амэ подаса дума пала када и виарақаса атвето по вопросо: «Чаче кацави жызня, када вся, со можэт амэндэ тэ авэл?»