Сар победина и смэрть?

О АДАМО и Ева стердэ ӷрехо, кала на канглэ лэ Дэвлэс, и пэрэдинэ о бэзэх и смэрть всаворэ манушэнди. Но кода, со загиндосардя о Дэл тэ стерэл важ и мануша, кадэлэстар на паруделя. Через пэско Алав, Библия, о Дэл най еқвар ԥэнэн, кай лэско гиндо кодэва жэ.

• «Кодэлэнди, ко кандэн лэ Дэвлэс, ашэлапэ и ԥув и вонэ жувэна пэр латэ вечно» (Псалом 37:29).

• «[О Дэл] улэла и смэрть пэ вся и вечность, и о Владыка Ӷосподо Иегова виқосэла... ясва [кай всаворэ мануша]» (Исаия 25:8).

  «Послиднё вороӷо, савэс [о Дэл] улэла, када смэрть» (1 Коринфянам 15:26).

• «И смэрть будэр на авэла, нисави бида, ни дук будэр на авэла» (Откровение 21:4).

Сар о Дэл улэла и смэрть пэ вся и вечность? Андэ Библия ворта ԥэнэнпэ, кай вечно жувэна кати и лашэ мануша. Но андэр латэ кадяжэ ԥэнэнпэ: «Нинай пэ ԥув... [лашэ] манушэс, саво тердоп кати о лашимос» (Экклезиаст 7:20). Но тоди на вижал кадя, кай лэ Дэвлэсти прижалапэ тэ отшол пэстирэ жэ законоря, кай тэ улэл и смэрть? Канешно, най! О Дэл никала кадя на стерэла, важ кода кай во на хохавэл (Титу 1:2). Сар жэ во тоди стерэла вся, со загиндосардя важ и мануша?

О ВЫКУПО ПОБЕДИЙ И СМЭРТЬ

О Дэл Иегова любий лэ манушэн и, кай тэ витинэл лэн ла смэртятар, во дя важ лэндэ выкупо. Андэ Библия ԥэнэнпэ, кай о выкупо када цэмин, савяса па законо потинэн важ кода, со римосардэ, и када трэбуй тэ авэл па справедливость. Важ кода кай всаворэ мануша ӷрешни и сындосардэ пэ смэрть, андэ Библия ворта ԥэнэнпэ: «Нико андар лэндэ нэ можэт тэ витинэл пэстирэ ԥралэс и тэ дэл лэ Дэвлэсти выкупо важ лэстэ» (Псалом 49:7).

Кала о найсовершэно мануш мэрэл, во потинэл важ пэстирэ ӷрехоря. Если во нэ можэт тэ витинэл пэс анда рабство кай о бэзэх, тоди во нисар нэ можэт тэ витинэл аврэн лэ бэзэхэстар и тэ улэл лэндар и смэрть (Римлянам 6:7). Трэбуй кодэва, ко авэла совершэно и би ӷрехоско и сможэт тэ потинэл пэстиря жызняса най важ пэстирэ ӷрехоря, ай важ амарэ (Евреям 10:1—4).

Именно када и стердя о Дэл. Во бишалдя пэстирэ Шавэс, лэ Иисусос Христос, па нэбо пэ ԥув, кай во тэ арақадёлпэ, сар совершэно мануш (1 Петра 2:22). О Иисусо ԥэндя, кай авеля важ кода, кай «тэ отдэл пэстири жызня сар выкупо важ бут мануша» (Марка 10:45). Пэстиря жызняса во потиндя, кай тэ освободий амэн ла смэртятар, кай амэ тэ жувас (Иоанна 3:16).

КАЛА ПОБЕДИНА И СМЭРТЬ?

Амэ жувас андэ деса, пала савэ андэ Библия ԥэнэнпэ, кай када «фартэ ԥари время». И кода, со терэлпэ адес, доԥэнэн, кай када «послидни деса» важ и найлащи люма (2 Тимофею 3:1). Кадэла деса закончаца «андо дес, кала сындона и умарэна лэ найлашэ манушэн» (2 Петра 3:3, 7). Но кодэла, ко любий лэ Дэвлэс, пэрэжувэна кадэва дес и лэна вечно тэ жувэн (Матфея 25:46).

Кай и милионоря мануша, савэ ринапэ каринг и жызня, кадяжэ авэла возможность тэ жувэн вечно. О Иисус Христос, кала авеля андо форо Наино, рисардя каринг и жызня манушэс. Котэ во додиқля ла ԥивля, савятэ муля единственно шаво. Лэ Иисусости ашэля жалко ла и во рисардя латирэ шавэс каринг и жызня (Луки 7:11—15). О апостоло Павло пистросардя: «Мэ патяв лэ Дэвлэсти... кай ринапэ каринг и жызня кодэла, ко муля [лашэ и найлашэ]». Кадэла алава драго доԥэнэн, кай о Дэл любий лэ манушэн (Деяния 24:15).

Милиардоря мануша моӷут тэ патян, кай лэна тэ жувэн вечно. Андэ Библия ԥэнэнпэ: «Кодэлэнди, ко кандэн лэ Дэвлэс, ашэлапэ и ԥув и вонэ жувэна пэр латэ вечно» (Псалом 37:29). Андэ кодэя время кай кадэла мануша по ди авэла кацаво жэ, сар сас май бут, чем 2000 бэрш палпалэ кай о апостоло Павло. Во ԥэндя: «Смэрть, кай тири победа? Смэрть, кай тутар и дук?» (1 Коринфянам 15:55). Само страшно лэ манушэнго враӷо будэр на авэла!