СТАТЬЯ, КАЙ ТЭ СЫТЮВАС 17
Прилэн помощь лэ Иеговастар, кай тэ одмардён лэ бэнгэндар
«Амэ мараспэ,... против и бэнга, савэ по нэбо» (ЭФЕСЯНАМ 6:12).
ДИЛИ 55 Не бойтесь их!
ПАЛА СО УӶАНАСА АНДА СТАТЬЯ?a
1. Сар о Иегова заботийпэ пала амэндэ, сар запистромэ андэ Эфесянам 6:10—13?
О ИЕГОВА заботийпэ пала амэндэ по разному. Например, во поможый амэнди тэ одмардювас амарэ вороӷонэндар. Со май баро андар лэндэ, када о Сатана и бэнга. О Иегова фэрий амэн кодэлэса, кай ԥэнэн, пэ скати вонэ вэрыти и дэл амэнди вся, со трэбуй, кай тэ мараспэ лэнца. (Адиносар Эфесянам 6:10—13b.) Кала амэ прилас лэ Иеговастар помощь и андэ вся патяс лэсти, тоди амэндэ вижала тэ одмардювас лэ Бэнгэстар. Тоди амэ кадяжэ патяса, сар патялас и о апостоло Павло, саво ԥэндя: «Кала о Дэл амэнца, тоди, ко авэла против амэндэ?» (Римлянам 8:31).
2. Пала со амэ подаса дума андэ кадэя статья?
2 Амэнди на чалёл тэ гиндосарас пала Сатана и пала бэнга. Сар чачунэ христианоря амэ камас вся и время тэ сытювас кай о Иегова и тэ служысарас лэсти (Псалом 25:5). И всаек амэнди трэбуй тэ ӷанас, сар о Сатана дилярэл лэ манушэн, кай во тэ на обхохавэл и амэн (2 Коринфянам 2:11). Андэ кадэя статья амэ подаса дума, савэ ловушки о Сатана и бэнга стон май часто. Амэ кадяжэ подаса дума, сар лэндар тэ одмардювас.
САР О САТАНА И БЭНГА ОБХОХАВЭН ЛЭ МАНУШЭН?
3. Со када бэнгалимос?
3 Лэ Сатанасти и лэ бэнгэнди фартэ чалёл о бэнгалимос. Кодэла, ко кадэлэса залэлпэ, вонэ ԥэнэн, кай ӷанэн кода, со авэр мануша на ӷанэн. И вонэ моӷут тэ ԥэнэн, сар вонэ ԥэнэна, кадя и авэла. Дэко ԥэнэн, кай вонэ ӷанэн тэ росԥэнэн, со авэла англэ через кода, кай драбатярэн и через и ӷороскопоря. Ай дэкасти здэлпэ, кай вонэ дэн дума лэ мулэнца. Ай исин кодэла, ко врыжын и терэн териматэ. Вонэ кадяжэ моӷут када тэ терэн любонэ манушэстиc.
4. Бут мануша патян андо бэнгалимос?
4 Бут мануша патян андо бэнгалимос? Сар сыкадя кода, кай роспушлэ андэ 18 страны андэ Латинско Америка и Карибско бассейно, варикай трито часть манушэн, савэндар роспушлэ пала када, ԥэндэ, кай патян андо драбатяримос, андэ териматэ и почти кадяжэ бут патян, кай можно тэ дэс дума лэ мулэнца. Ай кала инке роспушлэ андэ 18 африкански страны, полинэ, кай май бут чем епаш, кастар роспушлэ, кадяжэ патян, кай андэ териматэ исин зор. Канешно, кай бы амэ тэ на жувас, амэнди трэбуй тэ фэрисавас лэ бэнгалимастар, важ кода кай о Сатана камэл: «[тэ] обхохавэл всаворэ́н, ко жувэл пэ ԥув» (Откровение 12:9).
5. Сар о Иегова диқэл по бэнгалимос?
5 О Иегова, када Дэл, савэстар о чачимос (Псалом 31:5). Сар во диқэл по бэнгалимос? Во лэс вэрыцый. Акэ, со во ԥэндя лэ израильтянонэнди: «Нико тутэ на трэбуй тэ проандярэл лэ шавэс чи ла щя через и яг, на трэбуй тэ драбатярэл, тэ залэлпэ кадэла диласа, тэ видиқэл и приметы, тэ калдуий, тэ подтерэл аврэнди, тэ виақарэл лэ бэнгэн, тэ ԥэнэн, со авэла англэ и тэ пушэл варисо лэ мулэндар. Всаворэ, ко када терэн, гряца лэ Иеговасти» (Второзаконие 18:10—12). И чачунэ христианоря на трэбуй тэ жувэн па кодэва Законо, саво о Дэл дясас лэ Израилёсти. Но кай о Дэл о гиндо каринг о бэнгалимос на паруделя и амэ када драго ӷанас (Малахия 3:6).
6. а) Со терэл о Сатана через о бэнгалимос, кай тэ стерэл лэ манушэнди вэрыто? б) Со терэлпэ кодэлэнца, ко муля, сар пистромэ андэ Экклезиаст 9:5?
6 О Иегова фэрий амэн лэ бэнгалимастар, важ кода кай ӷанэн, кай о Сатана кадэлэса камэл тэ стерэл лэ манушэнди вэрыто. О Сатана терэл кадя, кай всаворэ тэ ӷанэн лэско хохаимос. Например, о хохаимос, кай посли кода, сар о мануш мэрэл, во всаек варикай жувэл. (Адиносар Экклезиаст 9:5d.) Ай инке через о бэнгалимос во терэл, кай и мануша тэ даран и старыийпэ тэ одындярэл лэн лэ Иеговастар. Во камэл, кай кодэла, ко залэлпэ лэ бэнгалимаса, тэ патян най лэ Иеговасти, ай лэ бэнгэнди.
САР ТЭ ОДМАРДЮВАС ЛЭ БЭНГЭНДАР?
7. Сар о Иегова поможый тэ одмардювас лэ Сатанастар и лэ бэнгэндар?
7 Сар ԥэнэнаспэ май англал, о Иегова росԥэнэн, со тэ терас, кай о Сатана и бэнга тэ на обхохавэн амэн. Уӷанам пала дэсавэ советоря, савэ поможына амэнди тэ мараспэ лэнца.
8. а) Со май фартэ поможыя амэнди тэ одмардювас лэ бэнгэндар? б) Сар о Псалом 146:4 сыкавэл лэ Сатанаско хохаимос пала мулэ?
8 Адинон и Библия и гиндон пала кода, со адиносардэ. Када со май драго поможыя, кай тэ на патяс лэ хохаимасти пала бэнга. И Библия, сар востро мечо, розделий лэ Сатанаско хохаимос и лэ Дэвлэско чачимос (Эфесянам 6:17). Лэ Дэвлэско алав сыкавэл о хохаимос пала кода, кай и мулэ моӷут тэ дэн дума лэ жундэнца. (Адиносар Псалом 146:4e.) Андэ Библия кадяжэ ԥэнэнпэ, кай кати о Иегова можэт тэ ԥэнэн точно, со авэла англэ (Исаия 46:10). Кала амэ на промэкас тэ адиносарас и Библия и тэ гиндосарас пала кода, када поможыя амэнди тэ вэрыцысарас о хохаимос, андэ саво и бэнга камэн, кай и мануша тэ патян, и тэ отжас кодэлэстар.
9. Состар амэнди трэбуй тэ ритярдювас май дур?
9 Отԥэндёнпэ всаворэстар, со сԥангло лэ бэнгалимаса. Сар и чачунэ христианоря, амэ ритярдювас май дур всаворэстар, со сԥангло лэ бэнгалимаса. Например, амэ на ԥирас лэ манушэндэ, савэ дэн дума лэ мулэнца, кай тэ уӷанас, со лэнца и екжэнэ нисо на терас, кай тэ дас дума лэ мулэнца. Сар дасас дума андэ статья, сави сас май англал, амэ нисо на терас кацаво, андэр со патян и мануша, кала о мануш мэрэл. Кадяжэ амэ на жас тэ драбатярдювас и на диқас и ӷороскопоря, кай тэ уӷанас, со авэла англэ (Исаия 8:19). Амэ полас, кай кадэлэстар трэбуй тэ фэрисавас, важ кода кай кала амэ када тераса, амэ ужэ аваса сԥанглэ лэ Сатанаса и лэ бэнгэнца.
Кода, со тердэ и пэрви христианоря, сытярэл амэн, кай тэ на авэл амэндэ нисо, со сԥангло лэ бэнгэнца, кадяжэ тэ ритярдювас май дур лэ развличениендар, савэ сԥанглэ лэ бэнгэнца (Диқэн и абзацоря 10—12.)
10, 11. а) Со стердэ дэсавэ мануша, савэ жувэнас андо Эфесо, кала уӷанглэ о чачимос? б) Васо, сар пистромэ андэ 1 Коринфянам 10:21, амэнди важно тэ сытювас лэндар и сар када тэ терас?
10 Тэ на авэл тумэндэ кода, со сԥангло лэ бэнгалимаса. Андэ пэрво вико, дэсавэ мануша, савэ жувэнас андо Эфесо, терэнас териматэ. Кала вонэ уӷанглэ о чачимос, вонэ сразу стердэ кадя, сар пистромэ андэ Деяния 19:19: «Анда кодэла, ко терэнас териматэ чи мало мануша стидэ пэстирэ книжки и сԥабардэ лэн англа всаворэ». Вонэ полэнас, сар дэ важно тэ одмардён лэ бэнгэндар. И книжки, па савэ терэнас териматэ, ашэнас барэ ловэ, но и христианоря анда Эфесо на линэ лэн тэ отдэн чи тэ битинэн, ай вонэ лэн сԥабардэ. Вонэ гиндонас пала кода, сар тэ радосарэн лэ Иеговас, ай най пала кода, сар май куч тэ битинэн и книжки.
11 Со можно тэ сытювас кадэлэ христианонэндар? Авелоп годявэрнэс тэ избавимся всаворэстар, со сԥангло лэ бэнгалимаса, када амулеторя, талисманоря, инке варисо, со ԥиравэн и амблавэн и мануша, кай тэ фэринпэ лэ бэнгэндар. (Адиносар 1 Коринфянам 10:21f.)
12. Савэ вопросоря поможына амэнди тэ полас, савэ амэндэ развличении?
12 Погиндон, савэ тумэ витидэн развличении. Пуш пэстар: «Ай андэ мэрнэ развличении исин кода, со сԥангло лэ бэнгалимаса? Исин котэ пала вампироря, зомби или инке варисо кацаво? На сыкавэн котэ, кай тэ драбатярэн чи тэ калдуин, када интересно?» Канешно, най андэ всаворэ развличении, андэ савэ исин дэсо анда фантастика чи дэсо анда сказки, сԥангло лэ бэнгалимаса. Кала гиндон, савэ тумэндэ развличении, витидэн кодэла, савэ поможына тумэнди тэ ритярдён май дур кодэлэстар, со вэрыцый о Иегова. Амэнди трэбуй тэ стас зор, кай «тэ авэл вужи совесть» англа Дэл (Деяния 24:16)g.
13. Пала со амэ на камас тэ дас дума?
13 На росԥэнэн и дума пала бэнга. Амэ камас тэ терас сар о Иисус Христос (1 Петра 2:21). Жы каринг кода, сар тэ авэл пэ ԥув, во жувэлас по нэбо, и важ када во бут со ӷанэнас пала Сатана и пала бэнга. Но о Иисусо на росԥэнэнас и думы, со терэнас и бэнга. Во камэлас тэ росԥэнэн важ о Иегова, ай най важ о Сатана. Кала амэ терас, сар о Иисусо, амэ на ласа тэ росԥэнас думы пала бэнга. Мэк пэ амари дума дицол, кай амаро ди, «лошавэл шукарнэ алавэсти», важ о чачимос (Псалом 45:1).
Амэнди най васо тэ дарас лэ бэнгэндар, важ кода кай о Иегова, о Иисусо и анӷелоря пэ бутэстэ май зоралэ (Диқэн и абзацоря 14, 15.)h
14. Васо амэнди на трэбуй тэ дарас лэ бэнгэндар?
14 На даран лэ бэнгэндар. Андэ кадэя найсовершэно люма амэнца можэт тэ терэлпэ варисо найлашо. Када можэт тэ авэл насвалимос чи кала варисо терэлпэ, чи мэрэл о мануш. На трэбуй тэ гиндосарас, кай андэ вся дошалэ и бэнга. Сар пистромэ андэ Библия, кажно можэт тэ авэл най андэ кодэя время и най пэ кодэва ҭан (Экклезиаст 9:11). Сар бы тэ на авэл, о Иегова пэ бутэстэ май зорало лэ бэнгэндар. Например, во на домэкля лэ Сатанас, кай тэ умарэл лэ Иовос (Иов 2:6). Андэ кодэя время, кала жувэлас о Моисеё, о Иегова сыкадя, кай во май зорало, чем и египетски жрецоря, савэ терэнас териматэ (Исход 8:18; 9:11). Ай инке о Иегова дя лэ Иисусости власть пэ Сатана и пэ бэнга, и о Иисусо сшутя лэн па нэбо пэ ԥув. Ай йто во лэн ԥандавэла андо баруно, и лэндэ ужэ будэр на вижала тэ терэн варикасти вэрыто (Откровение 12:9; 20:2, 3).
15. Андар со дицол, кай о Иегова фэрий пэско народо?
15 Исин бут, со доԥэнэн, кай о Иегова фэрий пэско народо. Погиндон пала кода, кай амэ росԥэнас важ о Дэл и сытярас лэ манушэн лэ чачимасти па вся и ԥув (Матфея 28:19, 20). Кадэлэса амэ сыкавас лэ Сатанастирэ найлашэ дилы. Канешно, во амэн тердярдоп, но када най па лэско зор. Важ када амэнди на трэбуй тэ дарас лэ бэнгэндар. Амэ ӷанас, кай «лэ Иеговастирэ яқа обдиқэн вся и ԥув, кай во моӷ тэ сыкавэл пэско зор, кай тэ авэл драго кодэлэнди, ко всаворэ одеса лэса» (2 Летопись 16:9). Кала амэ любисарас лэ Иеговас и на парашас лэс тэ кандас, кай и бэнга на вижала тэ стерэн амэнди кадя, кай амэндэ тэ на авэл вечно жызня.
О ИЕГОВА БЛАӶОСЛОВИЙ КОДЭЛЭН, КО ПРИЛЭЛ ЛЭСТАР И ПОМОЩЬ
16, 17. Росԥэнэн, сар можно смило тэ одмардён лэ бэнгэндар?
16 Кай тэ одмардювас лэ бэнгэндар, амэнди трэбуй смилость, особенно, кала пар мэндэ тасавэн о родо и кодэла, кас амэ ӷанас. Но о Иегова блаӷословий кодэлэн, ко на дарал. Акэ, со сас ла ԥэяса, сави жувэл андэ Гана, и ла ақарэн Эрика. Кала лати сас 21 бэрш, во ля тэ сытёл па Библия. Вой сас лэ жрецости щей. Важ када вой сас трэбуй тэ терэл кода, со ужал андо бэнгалимос. Када тэ хал о мас, саво анэн андэ жэртва, кай тэ замалин лэ мулэн. Кала и Эрика отԥэнделяпэ тэ терэл када, лако родо ԥэндэ, кай вой кадэлэса холярдя лэ мулэн. Вонэ пэрэдарайлэ, кай и мулэ бишалэна пэр лэндэ насвалимос.
17 О родо камлэ тэ заставин нахально, кай вой тэ стерэл када. Но вой на подяпэ кодэлэсти, кай вонэ пэр латэ тасавэнас и через када лати прижыляпэ тэ ужал цэрал. Но вой на ашэляпэ пэ вулица, ла линэ каринг пэстэ лэ Иеговастирэ свидетеля. Кадя о Иегова подарисардя лати нэво ери, ԥралэн и ԥэян, савэ ашэлэ лати сар чаче (Марка 10:29, 30). Хоть о родо отԥэнделяпэ ла Эрикатар и дажэ сԥабардэ латирэ кирпы, вой на парашэля тэ кандэл лэ Иеговас, болделя и акана служый пианероса. И Эрика на дарал лэ бэнгэндар. Ай важ о родо вой ԥэнэн: «Мэ кажно дес мангавпэ, кай мэрнэ чаче тэ уӷанэн лэ Иеговас и лэндэ тэ авэл свобода, сави можэт тэ авэл кати тоди, кала служыс амарэ любящёнэ Дэвлэсти».
18. Саво амэндэ авэла лашимос, если амэ май фартэ патяса лэ Иеговасти?
18 Най всаворэнди андар мэндэ прижалпэ тэ прожас через кацаво ԥаримос важ и вера. Но кажнонэсти трэбуй тэ отмардёл лэ бэнгэндар и май фартэ тэ патяс лэ Иеговасти. Кадя амэндэ авэла бут лашимос, и тэ на домэкас, кай о Сатана амэн тэ обхохавэл. Амэ на дарас лэ бэнгэндар и на отԥэндюваса лэ Иеговастар. Инке, со май ӷлавно, амари дружба лэ Иеговаса авэла май састи. Андэ Иакова 4:7, 8 ԥэнэнпэ: «Кандэн лэ Дэвлэс, но тердён против о Сатана, и во нашэлатар тумэндар. Авэн май пашэ каринг о Дэл, и во пашола каринг тумэндэ».
ДИЛИ 150 Ищи Иегову, чтобы спастись
a О Иегова любий амэн и фэрий лэ бэнгэндар. Кадяжэ во камэл, кай амэ тэ ӷанас, сар вонэ обхохавэн лэ манушэн и сар амэнди лэндар тэ одмардювас. Анда кадэя статья амэ уӷанаса, сар о Иегова амэнди поможый тэ на попэрас андэ лэ бэнгэндирэ ловушки.
b Эфесянам 6:10—13: «И акэ, на парашэн тэ лэн зор кай о Ӷосподо и лэстирэ фартэ барэ зорэстар. Лэн пэр пэстэ всаворэ доспехоря лэ Дэвлэстар. Кай тумэ састэс тэ тердён против лэ Сатанаско хохаимос, савэса во жал пэр тумэндэ. Важ кода кай амэ мараспэ най кодэлэнца, кастэ исин и тила и о рат, но против и бэнга, савэ по нэбо, савэ исин правителёря, хулая, савэ правин андэ вся кадэва миро, саво андэ тэмнота. Важ када лэн пэр пэстэ всаворэ доспехоря лэ Дэвлэстар, кай андо найлашо дес, тумэ тэ сможэте тэ одмардён и, кала вся драго стерэна, тэ виритярэн».
c РОСԤЭНЭНПЭ, САР ТЭ ПОЛАС О АЛАВ. Бэнгалимос, када кала патян и терэн варисави дила лэ бэнгэнца. Андо бэнгалимос ужал, кала терэн териматэ и кала врыжын. Андэ када кадяжэ ужал, кай и мануша патян, кай и мулэ моӷут тэ дэн дума лэ жундэнца. И кала и мануша варисо камэн тэ уӷанэн важ и мулэ, вонэ жан варикастэ тэ драбатярдён чи кай и экстрасэнсоря. Андэ кадэя статья ԥэнэнпэ пала териматэ, например, кала задэн амрая или пала яқалимос.
d Экклезиаст 9:5: «И жундэ ӷанэн, кай вонэ мэрэна. Ай кодэла, ко муля, нисо на ӷанэн и нисо лэнди на дэн, важ кода кай пала лэндэ бистэрдэ».
e Псалом 146:4: «Вижал и дыхания лэстар, и во рийпэ андэ ԥув. Андэ кодэва дес во ужэ ни пала со на гиндой».
f 1 Коринфянам 10:21: «На вижал тэ пэн анда лэ Иеговастири чаша и анда лэ бэнгэндири, на вижал тэ хан „лэ Иеговастирэ скаминдэстар“ и лэ скаминдэстар кай и бэнга».
g И старейшыноря на приԥэнэн, савэ развличении можно, ай савэ нащи. Кажно христианино екжэно трэбуй тэ витидэл па пэсти совесть, сави во сытярэл па Библия, со тэ адиной, со тэ диқэл чи андэр со тэ цэлэл. Годявэрно хулай следий, савэ развличении витидэл лэско ери, кай вонэ тэ сжанпэ кодэлэса, сар пистромэ андэ библейски принцыпоря. (Диқэн по сайто jw.org статья «Запрещены ли у Свидетелей Иеговы какие-то фильмы, книги или песни?» андэ вкладка О НАС > ЧАСТО ЗАДАВАЕМЫЕ ВОПРОСЫ.)
h Пэ картинка. О Иисусо со май зорало Царё, саво барэдэр андо небесно воинство.