И Библия, када книӷа, савяти можно тэ патяс

Важ фартэ бут бэрша и мануша анда разни нацыи гиндонас, кай кода, со пистромэ андэ Библия, чачимос. Адес и милионоря мануша жувэн кадя, сар вой сытярэл. Но исин и кодэла, ко гиндой, кай и Библия, када пурани книжка, андэ сави бут сказки. Ай со ту гиндос пала Библия? Исин андэр латэ чачимос?

ВАСО ЛА БИБЛИЯТИ МОЖНО ТЭ ПАТЯС

Со поможыя тути тэ патяс, кай андэ Библия кати о чачимос? Роздиқам ек примеро. Тутэ исин друӷо, савэс ту дэлмут ӷанэс и саво вся и время ԥэнэн тути чачимос. Важ када, наверно, лэсти исин патяимос. Ай можно тэ ԥэнэс, кай и Библия сар кадэва друӷо? Исин чачимос андэр латэ чи най? Давай подаса дума пала када.

Ла пистронас мануша, савэ на гаравэнас о чачимос

И мануша, савэ пистронас и Библия, ԥэнэнас вся сар исин и на гаравэнас кода, со най кадя терэнас. Ек анда кацавэ мануша о пророко Иона. Во на гарадя, кай еқвар отԥэнделя тэ стерэл кода, со ԥэндя лэсти о Дэл (Иона 1:1—3). Андэ пэстири книӷа во росԥэндя пала дума, сави лэстэ сас лэ Дэвлэса. О Иона ворта росԥэндя, кай о Дэл сыкадя лэсти, со во стердя най кадя. Но во ни ек алав на ԥэндя пала кода, кай потом во паруделя (Иона 4:1, 4, 10, 11). Дицол, кай всаворэ мануша, савэ пистронас и Библия, любинас о чачимос.

Вой поможый андэ жызня

Можэм амэ тэ ԥэнас, кай и алава анда Библия поможын андэ амари жызня вся и время? Да. Акэ со андэр латэ ԥэнэнпэ пала кода, сар тэ ладисарас аврэнца: «Андэ вся андярэн пэс лэ манушэнца кадя, сар камэн, кай вонэ тэ андярэн пэс тумэнца» (Матфея 7:12). Ай андэ Притчи 15:1 пистромэ: «Ковло алав улэл и холи, ай ӷрубо алав терэл, кай тэ авэл и холи». Чаче, и Библия адес поможый кадя жэ, сар и андэ кодэя время, кала ла пистросардэ.

Вой точно росԥэнэн кода, со сас дэлмут

Кода, со виарақлэ и учони важ и послидни бэрша, доԥэнэн, кай и мануша, и ҭана и авэр, пала со пистромэ андэ Библия, када чаче сас. Роздиқам ек примеро. Андэ Неемия 13:16 ԥэнэнпэ, кай варикай 2 500 бэрш палпалэ и тиряноря (и финикийцоря анда Тиро), савэ жувэнас андо Иерусалимо, анэнас андо форо «мащё и разно товаро».

Но исин кода, со доԥэнэн кадэла алава анда Библия? Да. И учони виарақлэ андо Израилё и товароря анда Финикия. Када доԥэнэн, кай машкар израильтяноря и финикийцоря сас торӷовля. Кадяжэ, андо Иерусалимо виарақлэ пуранэ кокаля лэ мащестар, саво анда Средиземно моря. И учони гиндон, кай лэ мащес анэнас дурал. Важ када ек библеисто ԥэндя: «И алава анда Неемия 13:16 пала кода, кай и тиряноря битинэнас андо Иерусалимо о мащё, шонпэ по чачимос».

Вой сжалпэ кодэлэса, со ԥэнэн и наука

И Библия, када книӷа, андэ сави май бут пистромэ пала вера и пала кода, со сас. Но кала андэр латэ ԥэнэнпэ пала наука, када тожэ точно. Акэ ек примеро.

Варикай 3 500 бэрш палпалэ андэ Библия сас пистромэ, кай и ԥув ритярдёл «ни пэр со» (Иов 26:7). Но и мануша андэ кодэя время гиндонас совсем па аврятэ. Ԥэнэнас, кай и ԥув ритярдёл по паи или пэ фартэ бари черепаха. Прожыля варикай 1 100 бэрш, сар сас запистромэ и книӷа Иов, но и мануша всаек патянас, кай и ԥув нэ можэт тэ ритярдёл ни пэр со и вой трэбуй пэ варисостэ тэ тердёл. И кати варикай 300 бэрш палпалэ, андо 1687 бэрш, о Исаако Ньютоно доԥэндя, кай и ԥув можэт тэ ритярдёл ни пэр со. И када точно сжалпэ лэ алавэнца анда книӷа Иов, савэ слинэ запистромэ 3 000 бэрш палпалэ!