Источникоря важ и тетрадка, кай тэ сытювас «Дром и служэния»
4—10 НОЯБРЯ
СОМНАК АНДА БИБЛИЯ | 1 ИОАННА 1—5
«На любин лэ мирос и кода, со дэл кадэва миро»
(1 Иоанна 2:15, 16) На любин лэ мирос, саво на тэлёл лэ Дэвлэсти, ни кода, со дэл кадэва миро. Ко любий лэ мирос, во на любий лэ Дэвлэс, 16 важ кода кай вся, со исин кай кадэва миро, када, со камэл и тила, со камэн и яқа, кода, кай путён кодэлэса, со лэндэ исин, най лэ Дадэстар, саво по нэбо, ай лэ миростар.
w05 1/1 10, абз. 13
Терэн кадя, сар о Христос
13 Варико можэт тэ ԥэнэн, кай най вся со кадэлэ миростар, найлашо. Можэт, када и кадя, но о миро и кода, со лэстэ исин, можэт вушэро тэ отцырдэл амэн, кай амэ тэ на служысарас лэ Иеговасти. Нисо анда кадэва миро на поможый амэнди тэ авас май пашэ каринг о Иегова. Важ када если амэ ласа тэ любисарас, со кадэлэ миростар, дажэ кода, со най нэӷожо, тоди амэ аваса по опасно дром (1 Тимофею 6:9, 10). Кадяжэ бут, со исин андо миро, када найлашимос, саво можэт тэ римой амэн. Если амэ диқас киноря или пэрэдачи, андэ савэ марэнпэ, гиндон пала барвалимос или терэн билажавардимос, тоди о найлашимос можэт тэ авэл важ амэндэ нармально, ай потом амэ дажэ закамаса тэ терас кадя. Если амэ общаемся лэ манушэнца, важ савэ май ӷлавно и барвали жызня или савэ камэн тэ домардён варисо андо бизнесо, тоди и амэ можэм тэ закамас тэ жувас кадяжэ (Матфея 6:24; 1 Коринфянам 15:33).
(1 Иоанна 2:17) О миро, саво на тэлёл лэ Дэвлэсти, прожал, ай лэнца и кода, со вонэ камэн, ай ко терэн кадя, сар камэл о Дэл, лэна тэ жувэн вечно.
w13 15/8 27, абз. 18
«Савэ трэбуй тэ авэн тумэ»
18 Кадяжэ тэ жас против кода, со исин андо миро, амэнди поможын и алава, савэ ԥэндя о Иоанно: «О миро, саво на тэлёл лэ Дэвлэсти, прожал, ай лэнца и кода, со вонэ камэн, ай ко терэн кадя, сар камэл о Дэл, лэна тэ жувэн вечно» (1 Иоанна 2:17). Здэлпэ, кай лэ Сатанаско миро авэла вечно и лэса нисо на терэлапэ. Но андэ ек райкано дес лэсти авэла конец. Если амэ сэрас, кай вся, со дэл лэ Сатанаско миро, най вечно, када поможыя амэнди тэ на попэрас андэ лэ Сатанастирэ ловушки.
Виарақас сомнак анда Библия
(1 Иоанна 2:7, 8) Кучутнэ, мэ пистросарав тумэнди най нэво законо, ай о законо пурано, саво тумэндэ исин дэлмут. Кадэва пурано законо и исин кодэва алав, саво тумэ ашундэ. 8 И всаек мэ пистросарав тумэнди нэво законо, законо, саво ритярэлас во и саво ритярэн тумэ, важ кода кай и тэмнота прожал и о чачуно свето ужэ светий.
Кодэлэсти, со най еқвар ԥэнэн о Иегова, трэбуй тэ патяс
14 Андэ Христиански Гречески Писании часто пистройпэ, кай амэ трэбуй тэ любисарас еқаврэс. О Иисусо ԥэндя, кай о дуйто само баро законо, када «любисар манушэн, сар корко пэс» (Матфея 22:39). Кадяжэ лэ Иисусоско чачо ԥрал о Иаково ԥэндя пэ любовь «царско законо» (Иакова 2:8). О апостоло Иоанно пистрояс: «Кучутнэ, мэ пистросарав тумэнди най нэво законо, ай о законо пурано, саво тумэндэ исин дэлмут» (1 Иоанна 2:7, 8). Пала со дэлас дума о Иоанно, кала ԥэндя и алава «пурано законо»? Во ԥэнэнас, кай трэбуй тэ любисарас. Кадэва законо сас пурано андэ кодэва смысло, кай о Иисусо дя лэс «дэлмут», то есть важ бут бэрша жы каринг кадэя время. Но во сас «нэво» андэ кодэва смысло, кай лэ учениконэнди авэла трэбуй тэ любин аврэн май фартэ, чем пэс ужэ андэ нэвэ ситуацыи. Важ када, сар лэ Христостирэ ученикоря, амэ трэбуй тэ цэнисарас кадэла алава. Вонэ фэрин амэн, кай амэ тэ на гиндосарас кати пала пэстэ, сар када терэн и мануша андо миро, важ кода кай кадя амэ парашаса тэ любисарас аврэн.
(1 Иоанна 5:16, 17) Если варико диқэла, кай лэско ԥрал терэл бэзэх, саво на андярэл каринг и смэрть, тоди во трэбуй тэ мангэлпэ важ лэстэ, и о Дэл дэла лэстирэ ԥралэсти жызня. Дав дума катэ пала кодэла, ко терэл бэзэх най каринг и смэрть. Но исин бэзэх, саво андярэл каринг и смэрть. Мэ на ԥэнав тэ мангэнпэ важ кацаво бэзэх. 17 Любо найлашимос, када бэзэх, но исин бэзэх, саво на андярэл каринг и смэрть.
it «Прощение», абз. 10
Прощения
Можно тэ мангаспэ пала кода, кай о Дэл тэ простий аврэ манушэндирэ бэзэха, и дажэ всаворя собранияти. Кадя, о Моисеё мангэласпэ лэ Дэвлэсти важ о Израилё, во прижанэлас, кай вся о народо тердя бэзэх и мангэлас, кай о Дэл тэ простий лэн. О Иегова атветил пэ лэстири молитва (Числа 14:19, 20). Кала о Соломоно отдэлас о храмо лэ Иеговасти, во тожэ мангэласпэ пала кода, кай о Иегова тэ простий пэско народо, если во терэла бэзэх и потом каияпэ (1 Царей 8:30, 33—40, 46—52). О Ездра англа всаворэ прижандёлас важ лэ народостирэ бэзэха англа Дэл, кала вонэ рисайлэ анда плено. Лэстири молитва анда вся оди и кода, со во ԥэндя лэ иудеёнэнди, поможысардя лэнди тэ закамэн варисо тэ стерэн, кай о Иегова лэн тэ простий (Ездра 9:13—10:4, 10—19, 44). О Иаково ԥэнэнас, кай о мануш, савэстэ римосайля и дружба лэ Иеговаса, трэбуй тэ ақарэл лэ старейшынонэн анда собрания, кай вонэ тэ мангэнпэ важ лэстэ. «И если во тердя ӷрехоря, простинапэ лэсти» (Иакова 5:14—16). И всаек, исин «бэзэх, саво андярэл каринг и смэрть». Када бэзэх против о свынто духо, кала о мануш ӷанэн, кай када бэзэх, но спецыально терэл лэс. Важ кацаво бэзэх о Дэл на простий. Важ кодэла, ко кадя терэл, и христианоря на трэбуй тэ мангэнпэ (1 Иоанна 5:16; Матфея 12:31; Евреям 10:26, 27; дик ГРЕХ; ДУХ).
11—17 НОЯБРЯ
СОМНАК АНДА БИБЛИЯ | 2 ИОАННА — ИУДЫ
«Анда вся зор борисав важ пэстири вера»
(Иуды 3) Кучутнэ, мэ фартэ камавас тэ пистросарав тумэнди важ амари спасения. Но мэ погиндосардэм, кай трэбуй андэ пэско письмо тэ ԥэнав тумэнди, кай тумэ анда вся зор тэ боринпэ важ пэстири вера, сави динэ лэ свынтонэнди еқвар и пэ вся и время.
w04 15/9 11, абз. 8, 9
«Лэн зор кай о Ӷосподо»
8 Амэ ӷанас, со загиндосардя о Сатана, важ кода кай андэ Библия росԥэнэнпэ пала лэстирэ ловушки (2 Коринфянам 2:11). Кадя, по праведно Иово о Сатана бишалдя бут биды. О Иово хасардя бут хабэ, лэ чачен, пэр лэстэ тасавэлас о ери, во пэрэандярдя ԥаро насвалимос. Кадяжэ лэс евья дошалярэнас и хохавнэ друӷоря. Лэ Иовости сас фартэ ԥарэс и лэсти здэласпэ, кай о Дэл ашадя лэс (Иов 10:1, 2). Хоть нащи тэ ԥэнас, кай адес о ԥаримос бишалэл о Сатана, кацаво ԥаримос исин кай бут христианоря, и о Сатана кадэлэса пользуеца.
9 Андэ кадэла послидни деса, амэн везде аштярэн лэ Сатанастирэ ловушки. Амэ жувас андо миро, андэ саво и мануша кадя камэн тэ барвадён, кай почти на гиндон пала дружба лэ Иеговаса. Па телевизоро и андэ ӷазеты пала билажавардимос ԥэнэнпэ, сар пала кода, со анэн и бах, ай най состар ԥарэс по ди. Май бут мануша линэ тэ любин тэ терэн кати кода, со лэнди чалёл, но на любин лэ Дэвлэс (2 Тимофею 3:1—5). Кай кацавэ гиндоря тэ на римон амари дружба лэ Иеговаса, трэбуй анда вся зор тэ борисавас «важ пэстири вера» (Иуды 3).
Виарақас сомнак анда Библия
(Иуды 4) Тумэндэ чоралэс зажылэ мануша, савэн па Писании дэлмут сындосардэ. Када и найлашэ мануша, савэ оправдывают пэс через о лашимос амарэ Дэвлэско, кай андярэн пэс билажавардэс. Вонэ отԥэндёнпэ лэ Иисусостар Христостар, саво амаро единственно Хулай и Ӷосподо.
(Иуды 12) Вонэ, сар загарадэ бара тала паи, кала тумэ сар ԥрала стидэнпэ тэ побэшэн, вонэ хан и пэн тумэнца. Вонэ пастухоря, савэ би дарако праварэн пэс, шушэ облака, савэн росшол и балвал, витки, савэ на анэн и плодоря, кала када трэбуй, савэ дувар мулинэ и вишэндэ лэ корнёса,
it «Пиры братской любви», абз. 1
И ԥрала стидэнпэ тэ побэшэн
Андэ Библия на ԥэнэнпэ, со за када слинэ мисяйле и сар часто и ԥрала кадя стидэнаспэ (Иуды 12). О Ӷосподо о Иисус Христос и лэстирэ апостолоря на приԥэнэнас, кай лэн трэбуй тэ стон. Важ када дицол, кай кацавэ мисяйле на слинэ сар законо и на трэбуй слинэ тэ авэн вся и время. Дэсавэ гиндон, кай кадэла мисяйле стонас и барвалэ христианоря, пэ савэ вонэ ақарэнас лэ чорорэн ԥралэн и ԥэян. Котэ и сироты, и ԥивля, барвалэ и чорэ моӷли еқэҭанэ тэ хан и драго тэ проандярэн и время лэ ԥралэнца.
it «Скала», подзаг. «Переносное значение», абз. 4
Плай
Авэр греческо алав спила́с, наверно, сыкавэл плай или бар тала паи. О Иуда ԥэнэн кадэва алав, кала дэл дума пала мануша, савэ чоралэс зажылэ андэ христианско собрания и савэ римонас аврэндири дружба лэ Дэвлэса. Сар и бара тала паи, пэ савэ моӷли тэ розмардён и кораблёря, кадя и кацавэ мануша моӷли тэ стерэн вэрыто ла собранияти. Пала лэндэ о Иуда ԥэнэн: «Вонэ, сар загарадэ бара тала паи, кала тумэ, сар ԥрала стидэнпэ тэ побэшэн, вонэ хан и пэн тумэнца» (Иуды 12).
(Иуды 14, 15) Важ лэндэ кадяжэ росԥэнэнас о Енохо, саво седьмо потомко лэ Адамостар. Во ԥэндя: «О Иегова авеля лэ свынтонэ анӷелонэнца, савэн мириады, 15 кай тэ сындой всаворэн найлашэ манушэн важ вся лэндири найлащи дила, сави вонэ стердэ, и важ всаворэ вэрыти алава, савэ вонэ ԥэнэнас против лэстэ».
wp17.1 12, абз. 1
Во «уӷодисардя лэ Дэвлэсти»
Пала со росԥэнэнас о Енохо? Во ԥэнэнас: «О Иегова авеля лэ свынтонэ анӷелонэнца, савэн мириады, кай тэ сындой всаворэн найлашэ манушэн важ вся лэндири найлащи дила, сави вонэ стердэ, и важ всаворэ вэрыти алава, савэ вонэ ԥэнэнас против лэстэ» (Иуды 14, 15). Пэрво, со шолпэ андэ яқа, када, кай о Енохо дэл дума кадя, ԥэнэса о Дэл ужэ када стердя. И кацавэ алавэнца слинэ запистромэ бут авэр библейски пророчества. Вижал, о пророко ԥэнэн пала кода, со инке на стердяпэ, но обязательно авэла англэ, кабута када ужэ сас (Исаия 46:10).
wp17.1 12, абз. 3
Во «уӷодисардя лэ Дэвлэсти»
Кала гиндосарас пала кода, со сас лэ Енохоса, амэ можэм тэ пушас пэстар: «Диқав ли мэ пэ кадэва миро кадя жэ, сар пэр лэстэ диқэл о Дэл?» О сындо, пала саво смило ԥэндя о Енохо, поджал каринг о миро андэ амари время кадя жэ, сар во поджалас каринг о миро андэ лэ Енохостирэ деса. Сар и ԥэнэнас о Енохо, о Иегова стердя кода, со ԥэндя, кала жыля о Потопо по найлашо миро андэ лэ Ноёстирэ деса. Но о Потопо сыкадя, кай англэ дэла май бари бида, сави йто трэбуй тэ авэл (Матфея 24:38, 39; 2 Петра 2:4—6). Сар и тоди, о Дэл йто вижала «лэ свынтонэ анӷелонэнца, савэн мириады», кай тэ сындой кадэва найлашо миро. Кажнонэсти андар мэндэ трэбуй тэ приашундювас каринг лэ Енохостирэ алава и тэ росԥэнас аврэнди, кай пашол и бида. Амарэ чаче и амарэ друӷоря моӷут тэ отԥэндён амэндар. Амэндэ по ди можэт тэ авэл кацаво, кай амэ ашэлямпэ екжэнэ. Но, сар о Иегова на ашадя лэ Енохос, кадя во на ашавэла и пэстирэ служытелёнэн андэ амарэ деса.
18—24 НОЯБРЯ
СОМНАК АНДА БИБЛИЯ | ОТКРОВЕНИЕ 1—3
«Мэ ӷанав тири дила»
(Откровение 1:20) И свынто тайна пала семь черӷая, савэ ту диқлян андэ мэрно право вас, и пала семь сомнакунэ светильникоря акэ сави. И семь черӷая, када и анӷелоря важ и семь собрании, ай и семь светильникоря, када семь собрании.
w12 15/10 14, абз. 8
Саво тутэ настроё?
8 Кай амэндэ тэ на авэл кацаво настроё, амэнди трэбуй тэ сэрас и алава анда Библия, кай лэ Иисусостэ андэ право вас «семь черӷая». «Черӷая», када и памазаникоря, ай кадяжэ кадэва алав поджал и каринг всаворэ старейшыноря андэ собрании. О Иисусо можэт тэ управляет лэ черӷаенца, савэ андэ лэско вас, кадя, сар во камэл (Откровение 1:16, 20). Вижал, о Иисусо диқэл пала кажно совето старейшын, сар Барэдэр андэ христианско собрания. Если варикасти анда старейшыноря трэбуй тэ парудёл, кодэва, кастирэ яқа, сар яг, диқэла када и стерэла вся, кай тэ сытярэл лэ ԥралэс андэ пэстири время и кадя, сар када трэбуй лэ Иисусости (Откровение 1:14). Ай пока во када на стердя, амэ пэстиря ригатар на парашас тэ стас патив пэ кодэла, кас стодэ свынтонэ духоса, важ кода кай о Павло пистросардя: «Кандэн кодэлэн, ко тумэндэ сытярэл, и кандэн дажэ, кала на камэн. Важ кода кай вонэ вся время диқэн и фэрин тумэн сар кодэла, ко трэбуй тэ дэл отчёто. Кай вонэ тэ терэн када лошаса, ай най кай тэ авэл лэнди ԥарэс, важ кода кай тумэнди када стердоп вэрыто» (Евреям 13:17).
(Откровение 2:1, 2) Лэ анӷелости анда собрания андо Эфесо пистросар: „Кадя ԥэнэн кодэва, ко ритярэл семь черӷая андо право вас и ԥирэл машкар семь сомнакунэ светильникоря: 2 „Мэ ӷанав тири дила, кода, со ту терэс и сар виритярэс о ԥаримос, ай кадяжэ кода, кай ту на любис лэ найлашэ манушэн и кай ту испытал кодэлэн, ко ԥэнэн, кай вонэ апостолоря, но када най кадя, и ту полян, кай вонэ хохавнимаря.
w12 15/4 29, абз. 11
О Иегова фэрий амэн, кай тэ спасый
11 Андэ дуйто и трито ӷлава андэ книӷа Откровение запистромэ, сар о Иисус Христос андэ пэстири слава продиқэл семь собрании андэ Мало Азия. Катэ дицол, кай о Христос диқэл вся, со терэлпэ андэ собрании, дажэ кажно ситуацыя. Дэкала во дажэ ԥэнэн варисавэ манушэн па алавэндэ и кажно разо важ варисостэ хвалий или дэл совето, саво трэбуй. Со када сыкавэл? Андэ кадэва пророчество и семь собрании сыкавэн лэ памазаниконэн посли 1914 бэрш, ай и советоря, савэ динэ важ и семь собрании, поджан адес важ и всаворэ собрании андэ лэ Дэвлэско народо пэ ԥув. Анда када дицол, кай о Иегова через о Шаво андярэл пэско народо. Со трэбуй тэ терас, кай амэнди када тэ анэн лашимос?
w01 15/1 20, абз. 20
Жас лэ Иеговастиря арӷанизацыяса
20 Кай тэ жас вмести лэ Иеговастиря арӷанизацыяса, трэбуй тэ прижанас, кай во стодя лэ Иисусос «барэдэрэса андэ собрания» (Эфесянам 5:22, 23). Кадяжэ трэбуй тэ шас сама пэ алава анда Исаия 55:4: «Акэ, мэ дэм лэс сар свидетелёс важ и народоря, сар барэдэрэс и начальникос важ и народоря». Амэ патяс, кай о Иисусо ӷанэн тэ правий. Во ӷанэн пэстирэ бакрорэн, ӷанэн лэндири дила. Кала во продиқэлас семь собрании андэ Мало Азия, во панч разоря ԥэндя: «Мэ ӷанав тири дила» (Откровение 2:2, 19; 3:1, 8, 15). О Иисусо, сар и лэско Дад, о Иегова, кадяжэ ӷанэн, со амэнди трэбуй. Англа кода, сар тэ сытярэл аврэн тэ мангэнпэ, о Иисусо ԥэндя: «Тумаро Дад ӷанэн, со тумэнди трэбуй, инке англа кода, сар тумэ тэ мангэн» (Матфея 6:8—13).
Виарақас сомнак анда Библия
(Откровение 1:7) Акэ, во авэла андэ облака, и всаворэ диқэна лэс пэстирэ яқэнца, и кадяжэ кодэла, ко умардя лэс. Тоди важ лэстэ всаворэ народоря пэ ԥув лэна тэ ровэн и тэ марэн пэс андо колин. Чаче, аминь.
kr 226, абз. 8
Лэ Дэвлэско Царство улэл лэ враӷонэн
8 Анда лэ Иисусоско пророчество пала послидни деса дицол, кай англа Армагеддоно терэлапэ варисо важно. Пэрви дуй событии анда кода, со амэ акана роздиқаса, запистромэ андэ книӷи Матфея, Марка и Луки (Адиносар Матфея 24:29—31; Марка 13:23—27; Луки 21:25—28.)
kr 226, абз. 10
Лэ Дэвлэско Царство улэл лэ враӷонэн
10 Виандярэн о сындо. Тоди всаворэ лэ Дэвлэстирэ враӷонэнди прижалапэ тэ диқэн кода, состар лэнди авэла инке май вэрыто. О Иисусо ԥэндя: «Тоди диқэна лэ манушыканэ Шавэс, саво жал андэ облака фартэ барэ зорэса и андэ бари слава» (Марка 13:26). Кода, со терэлапэ кадэлэ нэобычнонэ зорэса, сыкавэла, кай о Иисусо авеля тэ ԥэнэн, со присындосардя о Дэл. О Иисусо май драго росԥэндя пала кадэва сындо андэ кодэва жэ пророчество важ и послидни деса, андэ притча пала бакрорэ и бузнэ. (Адиносар Матфея 25:31—33, 46.) Пэ кодэла, ко пала лэ Дэвлэско Царство, ԥэнэна «бакрорэ». Вонэ ваздэна и шэрэ, важ кода кай полэн, кай йто лэн спасына (Луки 21:28). Ай пэ кодэла, ко жан против лэ Дэвлэско Царство, ԥэнэна «бузнэ». Кала вонэ полэна, кай лэн умарэна, вонэ лэна «тэ ровэн и тэ марэн пэс андо колин» (Матфея 24:30; Откровение 1:7).
(Откровение 2:7) Кастэ исин кан, мэк ашунэл, со о духо ԥэнэн лэ собраниенди: „Кодэлэс, ко победий, мэ домэкава тэ хал и плодоря па ла жызнятири витка, сави андэ лэ Дэвлэско раё“.
w09 15/1 31, абз. 1
Интересни гиндоря анда книӷа Откровение. Часть 1
2:7. Со када «лэ Дэвлэско раё»? Кадэла алава ԥэндэ важ и памазаникоря. Важ када, можэт, о раё, пала саво катэ ԥэнэнпэ, када и жызня андо нэбо, кай исин екжэно о Дэл. Лэ памазаниконэнди, савэ кандэн, дэна наӷрада. Вонэ лэна тэ хан «и плодоря па ла жызнятири витка». Вонэ жувэна вечно и тэ умарэн лэн будэр никастэ на вижала (1 Коринфянам 15:53).
25 НОЯБРЯ — 1 ДЕКАБРЯ
СОМНАК АНДА БИБЛИЯ | ОТКРОВЕНИЕ 4—6
«Штар всадникоря»
(Откровение 6:2) Тоди мэ шутэм сама и додиқлэм лэ парнэ грастэс. Кай о всаднико, саво бэшэлас пэр лэстэ, сас луко, и о Дэл дя лэсти корона. Во вилагля, сар кодэва, ко вицэлэл андэ война и кай тэ вицылэл ла.
wp17.3 4, абз. 3
Штар всадникоря. И тайна динэ тэ ӷанэн
Кас сыкавэл о всаднико по парно грас? О атвето исин андэ кодэя жэ книӷа андэ Откровение. Пэ кадэва небесно всаднико ԥэнэн «Лэ Дэвлэско Алав» (Откровение 19:11—13). Важ кода кай о Иисусо ԥэнэн лэ Дэвлэстирэ алавэстар, лэстэ исин титуло «Алав» (Иоанна 1:1, 14). Инке андэ Откровение пэр лэстэ ԥэнэн «Царё пэ царёря», «Ӷосподино пэ ӷосподиноря» и «Верно и Чачуно» (Откровение 19:16). Дицол, кай лэ Иисусостэ бари власть и во вижал сар Воино и Царё. Амэ патяс, кай во на терэла кода, пэр со лэстэ нинай право. Но амэндэ исин дэсавэ вопросоря.
wp17.3 4, абз. 5
Штар всадникоря. И тайна динэ тэ ӷанэн
Кала и всадникоря вилаглэ? О пэрво всаднико, о Иисусо, вилагля посли кода, сар лэсти по нэбо о Дэл дя и царско корона (Откровение 6:2). Но кала о Иисусо ашэля Царёса? Сразу, сар рисайля по нэбо? Най. Андэ Библия ԥэнэнпэ, кай трэбуй сас тэ прожал время посли кода, сар во вазгляпэ по нэбо (Евреям 10:12, 13). О Иисусо росԥэндя пэстирэ учениконэнди, сар тэ полэн, кай и время, кала аштярэнас, закончилась и во ля тэ правий по нэбо. Во ԥэндя, кай, кала лэла тэ правий, пэ ԥув сразу терэнапэ барэ биды. Авэна бут войны, боқалимос и насвалимос (Матфея 24:3, 7; Луки 21:10, 11). Йто посли кода, сар андо 1914 бэрш жыля и Пэрво мирово война, дицэля, кай важ и мануша авеля и «фартэ ԥари время». Андэ Библия пэ кадэя время ԥэнэнпэ «послидни деса» (2 Тимофею 3:1—5).
(Откровение 6:4—6) И вижыля авэр грас, лоло сар яг, и лэ всадникостэ, саво бэшэлас пэр лэстэ, сас власть тэ залэл и мирно жызня па ԥув, кай и мануша тэ умарэн еқаврэс. И лэсти сас дино баро мечо.5 И кала во зля и трито печать, мэ ашундэм, сар и трито жунди тварения ԥэндя: «Жа!» Тоди мэ шутэм сама и додиқлэм лэ всадникос по кало грас и андэ лэско вас слинэ весоря. 6 И мэ ашундэм ӷолосо, саво машкар штар жундэ тварении сар бы ԥэнэнас: «Ек хи́никсо пшеница важ ек дина́риё, и трин хи́никсоря ячменё важ ек дина́риё. На римосар о аливково вулей и о вино, савэ стидэ».
wp17.3 5, абз. 2
Штар всадникоря. И тайна динэ тэ ӷанэн
Кадэва всаднико сыкавэл войны. Лэсти динэ право «тэ залэл и мирно жызня» най кай дэсавэ народоря, ай па вся и ԥув. Андо 1914 бэрш пэрво разо тердяпэ война, сави жыля па вся и ԥув. Посли латэ жыля и Дуйто мирово война, андэ сави помулинэ инке май бут мануша. Дэсавэ мануша виадиносардэ, кай анда 1914 бэрш андэ разни войны помулинэ май бут, чем 100 милионоря мануша и фартэ бут ашэлэпэ инвалидонэнца!
wp17.3 5, абз. 4, 5
Штар всадникоря. И тайна динэ тэ ӷанэн
«Тоди мэ шутэм сама и додиқлэм лэ всадникос по кало грас и андэ лэско вас слинэ весоря. И мэ ашундэм ӷолосо, саво машкар штар жундэ тварении сар бы ԥэнэнас: „Ек хиниксо пшеница важ ек динариё, и трин хиниксоря ячменё важ ек динариё. На римосар о аливково вулей и о вино, савэ стидэ“» (Откровение 6:5, 6).
Кадэва всаднико сыкавэл боқалимос. Андэ кадэя видения ԥэнэнпэ, савэ дэ барэ цэмина авэна по хамос. Ек хиниксо (0,7 кг) пшеница ашэл ек динариё, када еқэ десэско затеримос андэ пэрво вико! (Матфея 20:2). Кадя жэ ашэн и трин хиниксоря (2,1 кг) ячменё, май дэшэво зэрно, чем и пшеница. Сар андэ кацави время тэ проправэрэн баро ери? Кай тэ ашэнпэ ловэ по само необходимо, прижалапэ тэ отԥэндён дажэ кодэлэстар, со обычно хан и мануша. Андэ видения када сыкавэн о аливково вулей и о вино, со сас обычно хамос важ и мануша андэ библейско время.
(Откровение 6:8) И мэ шутэм сама и додиқлэм лэ бледнонэ грастэс. По всаднико, саво бэшэлас пэр лэстэ, ԥэнэнас Смэрть, и пала лэстэ жалас моӷила. Лэнди динэ власть пэ штарто ла ԥувьятири часть, кай тэ умарэн мечоса, боқалимаса, мэримаса и лэ зверёнэнца, савэ пэ ԥув.
wp17.3 5, абз. 8—10
Штар всадникоря. И тайна динэ тэ ӷанэн
О штарто всаднико сыкавэл смэрть, сави жыля лэ насвалимастар и па авэр причины. Йто посли 1914 бэрш лэ насвалимастар, пэ саво ԥэнэн испанка, мулинэ бут милионоря мануша. Кадэлэ ӷриппоса занасвайлэ варикай 500 милионоря, када кажно трито мануш пэ ԥув андэ кодэя время!
Но када кати жыля о насвалимос. Дэсавэ мануша виадиносардэ, кай андо 20 вико фартэ бут милионоря мануша мулинэ лэ насвалимастар, пэ саво ԥэнэн оспа. И андэ амари время, хоть и учони бут со домарделэ андэ медицина, милионоря мануша всаек мэрэн через о СПИДо, туберкулезо и малярия.
Войны, боқалимос, насвалимос... Вся када андярэл каринг и смэрть. И общё моӷила важ всаворэ мануша вся и время ԥэрдёл, и можэт тэ здэлпэ, кай лэ манушэн на аштярэл нисаво лашимос.
Виарақас сомнак анда Библия
(Откровение 4:4) Круӷом престоло тердён инке 24 престолоря, ай пэ престолоря бэшэн 24 старейшыноря, савэ утидэ андэ парни йда, и пэ шэрэ лэндэ сомнакунэ короны.
(Откровение 4:6) Ай инке англа престоло исин ԥэнэса стеклянно моря, сави шолпэ по хрусталё. Андо цэнтро кай о престоло и круӷом престоло слинэ штар жундэ тварении, савэндэ англал и палал фартэ бут яқа.
re 76, абз. 8
Райкано лэ Иеговаско престоло по нэбо
8 О Иоанно ӷанэнас, кай андэ пурани время стонас лэ рашан, кай тэ служын андэ свынто катуна. Важ када важ лэстэ, наверно, сас нэобычно, кода, со во диқля: «Круӷом престоло тердён инке 24 престолоря, ай пэ престолоря бэшэн 24 старейшыноря, савэ утидэ андэ парни йда, и пэ шэрэ лэндэ сомнакунэ короны» (Откровение 4:4). Вместо рашая во диқэл пэ престолоря 24 старейшынонэн, савэндэ пэ шэрэ короны, сар кай и царёря. Ко кадэла старейшыноря? Канешно жэ, када и памазаникоря анда христианско собрания, савэнди динэ жызня по нэбо и власть, пала сави о Иегова дя алав. Катар амэ када ӷанас?
re 80, абз. 19
Райкано лэ Иеговаско престоло по нэбо
19 Ко кадэла тварении? Видения, сави диқля авэр пророко, о Иезекиилё, поможый амэнди када тэ полас. О Иезекиилё диқля лэ Иеговас по престоло андэ небесно колесница, ай паша латэ жундэ тварении, савэ шонпэ пэ кодэла, пала савэ пистросардя о Иоанно (Иезекииль 1:5—11, 22—28). Май дур о Иезекиилё упалэ диқля кадэя колесница и о престоло, ай кадяжэ и жундэ тварении лэнца. Кати кадэва разо во ԥэнэн пэр лэндэ херувиморя (Иезекииль 10:9—15). Штар жундэ тварении, савэн диқэл о Иоанно, вижал, сыкавэн бутэ лэ Дэвлэстирэ херувимонэн, савэндэ бари власть андэ лэстири арӷанизацыя по нэбо. Наверно, о Иоанно на удивисайля, кай и херувиморя кадя пашэ каринг о Иегова, важ кода кай андо дэлмутно Израилё андэ катуна пэ крышка кай о ковчеӷо, сави сыкавэлас лэ Иеговаско престоло, слинэ дуй сомнакунэ херувиморя. Машкар кадэла херувиморя ашундёлас лэ Иеговаско ӷолосо, саво ԥэнэнас лэ народости, со тэ терэн (Исход 25:22; Псалом 79:2).
(Откровение 5:5) Но ек анда старейшыноря ԥэндя манди: «На ров. Акэ, о Лево анда лэ Иудастири племя, о корнё лэ Давидоско, победисардя и важ када достойно тэ злэл и семь печати па свитко и тэ ԥэрнавэл лэс».
cf 36, абз. 5, 6
«Акэ, о Лево анда лэ Иудастири племя»
5 О Лево нисостар на дарал и во смило. Диқэсас ту варикала лэ Левости андэ яқа? Если да, то, наверно, машкар тумэндэ сас оӷраждения и када сас андо зоопарко. И всаек оди тутэ, наверно, марэласпэ даратар. Кала диқэс кадэлэ барэ и зоралэ зверёсти андэ яқа и полэс, кай во диқэл пэр тутэ, на патялпэ, кай во можэт варисостар тэ пэрэдарал и тэ занашэл. Андэ Библия ԥэнэнпэ, кай «о лево, май зорало машкар зверёря... на дэл палпалэ ни англа кастэ» (Притчи 30:30). Именно кацави смилость сас кай о Христос.
6 Подам дума, сар о Иисусо, «о Лево анда лэ Иудастири племя», сас смило, кала зашоласпэ пала чачимос, тердёлас пала справедливость и кала лэс ӷонинас. Амэ кадяжэ уӷанаса, кай кажно андар мэндэ, смило во чи най, можэт, сар о Иисусо, тэ на дарал.