«О Иегова никала на бистрэлас пала мандэ»

Мэ арақаделэмпэ андо 1983 бэрш. Кала манди сас дэш бэрш, мандэ ля тэ дуқал вся и тила. Ай варикай через дуй бэрш, мэ нэ моӷ тэ бандював. Еқвар тэсара мэ прошутэмпэ и полэм, кай на ашунав и пэрнэ. Кодэла времятар мэ парашэлэм тэ ԥирав и тэ барював. Мэ ашэлэмпэ кацаво жэ цынёнё, сар и сымас бэятоса.

Еқвар каринг амэндэ авелэ дуй манушня. Вонэ сас лэ Иеговастирэ свидетеля. Каринг кодэя время мэ ужэ дэсавэ шона на вижавас анда цэр. Обычно мэ гарадювавас лэ манушэндар, савэн на ӷанав, но кадэва разо, мэ закамлэм тэ подав дума лэнца. Вонэ росԥэндэ манди пала раё, саво авэла пэ ԥув. И манди дя по гиндо кода, со мэ ашундэмас, кала манди сас варикай панч бэрш. Тоди андэ амаро гав еқвар андо шон авэлас анда страна Суринамо мисианеро, савэс ақарэнас Джетро. Во поможыяс мэрнэ дадэсти май драго тэ уӷанэн и Библия. Кадэва ԥрал фартэ манди чалёлас. Кадяжэ мэрно папо и баба ԥирэнас пэ собрания, сави прожалас андэ амаро гав, и дэкала вонэ ман лэнас пэса. Важ када, кала ек анда кадэла манушня пушля мандар, камав мэ тэ уӷанав пала Библия, мэ ԥэндэм, кай камав.

Пэ авэр разо кадэя манушни, савя ақарэнас Флоренс, авеля каринг мандэ пэстирэ хуласа и вонэ линэ тэ изучают манца и Библия. Вонэ полинэ, кай мэ на ӷанав тэ адиносарав, и линэ ман тэ сытярэн кадэлэсти. Прожыля время, и мэ ужэ екжэно моӷ тэ адиносарав. Потом лэн бишалдэ тэ служын андо Суринамо. Ай андэ мэрно гав нико на ашэляпэ, ко сытярдоп ман па Библия. Но драго, кай о Иегова сэрэлас пала мандэ.

Прожыля набут время, и амэндэ андо гав авеля пианеро, савэс ақарэнас Флойдо. Во росԥэнэнас пала Дэл цэр цэрэстар и зажыля каринг амэндэ. Кала во ԥэндя пала изучения Библии, мэ дэм тэ асав. Во пушля, васо мэ асав. Мэ росԥэндэм лэсти, кай ужэ прожылэм и брашура «Что от нас требует Бог» и лэм ужэ тэ сытював па книӷа «Познание, ведущее к вечной жизни»a. Кадяжэ мэ росԥэндэм, васо мэ парашэлэм тэ сытював па Библия. О Флойдо ля тэ изучает манца кодэла ӷлавы, савэ ашэлэпэ андэ книӷа «Познание». Но потом и лэс бишалдэ тэ служый андэ авэр ҭан. Кадя мэ упалэ парашэлэм тэ изучаю и Библия.

Андо 2004 бэрш андэ амаро гав бишалдэ дуе спецыальнонэ пианеронэн. Лэн ақарэнас Гранвилло и Джошуа. Кала вонэ служынас па цэра, вонэ зажылэ каринг мандэ и пушлэ, камав мэ тэ изучаю и Библия. Мэ упалэ дэм тэ асав и манглэм, кай вонэ тэ изучают манца и книӷа «Познание» инке еқвар. Мэ камлэм тэ полав, сытярэна вонэ кодэлэсти жэ, сости сытярэнас и кодэла ԥрала. О Гранвилло росԥэндя, кай андэ амаро гав исин собрания. Мэ на вижавас анда цэр варикай дэш бэрш и манди кадя закамляпэ тэ жав пэ кодэя собрания! О Гранвилло поможысардя манди. Во зажыля пала мандэ, бэшардя ман андэ инвалидно каляска, и амэ жылям пэ собрания.

Потом о ԥрал Гранвилло поможысардя манди тэ запистросавав пэ школа. Во ԥэндя манди кацавэ алава: «Тэ ԥирэс ту нэ можэш, но тэ дэс дума можэш. И мэ патяв, кай варикала ту росԥэнэса речь пэ собрания. Обязательно росԥэнэса!» Лэстирэ алава придинэ манди зор.

Амэ лям тэ служысарас лэ Гранвиллоса. Но важ кода кай и дрома сас най лашэ пэ каляска сас фартэ ԥарэс тэ ладас. Но амэ виарақлям, сар када тэ стерас. Мэ ԥэндэм лэ Гранвиллости, кай во тэ стол ман андэ тачка. И кадя амэ лэса служысарасас. Прожыля время, и андо апрелё андо 2005 бэрш мэ болделэм. Посли и ԥрала сытярдэ ман тэ диқав пала литература и пала аппаратура, сави сас андо Зало Царства.

Андо 2007 бэрш мэ хасардэм лэ дадэс. Кала во плавуияс пэ лодка, лэса тердяпэ бида, и через дэсавэ деса во муля. Важ амаро ери када сас фартэ ԥарэс. О Гранвилло мангэласпэ амэнца и подритярэлас алавэнца анда Библия. Через дуй бэрш тердяпэ инке ек бида. И лодка, пэ сави плавуияс о Гранвилло, тасыля, и во муля.

Амари найбари собрания фартэ пэрэжывала. Амэндэ на ашэляпэ ни ек старейшына. Кати сас ек служэбно помошнико. Манди сас фартэ ԥарэс, кала муля о Гранвилло. Важ кода кай во сас мэрно друӷо, саво никала ман на ашавэлас. Во вся и время сас паша мандэ, кала манди трэбуй сас любо помощь. Кала сас пэрво собрания, посли кода, сар во муля, мэ пэрво разо адиносаравас и «Сторожэво башня» па сцэна. Мэ проадиносардэм пэрви дуй абзацоря, ай май бут ужэ нэ смоӷ. Мэ дэм тэ ровав.

Через дэсави время амэнди анда авэр собрания авелэ тэ поможын и ԥрала. Манди када придя зор. Ай инке о филиало бишалдя андэ амаро гав спецыальнонэ пианерос, савэс ақарэн Коджо. Мэ фартэ лошало сымас, кала мэрни дэй и мэрно цыкнэдэр ԥрал линэ тэ изучают и Библия и болделэ. Андо марто андо 2015 бэрш ман стодэ служэбнонэ помошникоса. Прожыля набут время и мэ ԥэндэм пэстири пэрво речь пэ собрания. Кодэва дес мэ ясвэнца сгиндосаравас лэ Гранвиллостирэ алава, савэ во ԥэндя: «Варикала ту росԥэнэса речь андэ собрания. Обязательно росԥэнэса!»

Анда Бродкастинго мэ уӷанглэм пала лэ Иеговастирэ свидетеля, савэндэ сас кацаво жэ андэ жызня, сар и мандэ. Хоть кай и ԥрала и ԥэя сас бут ԥаримос лэ зорэса, вонэ на парашэнас тэ служын лэ Иеговасти, и вонэ сас бахталэ. Сар и вонэ, мэ камав тэ отдав лэ Иеговасти вся пэско зор. Важ када мэ ашэлэм общё пианеро. Андо сентябрё андо 2019 бэрш, важ мандэ о Иегова стердя подарко! Ман стодэ старейшынаса, и акана мэ заботисавав пала амари собрания, андэ сави служын варикай 40 вазвещятеля.

Мэ фартэ блаӷодарно лэ ԥралэнди и лэ ԥэянди, савэ сытярэнас ман па Библия и поможынас тэ росԥэнав пала Дэл. Но май бут всаворэстар мэ блаӷодарно лэ Иеговасти, кай никала на бистрэлас пала мандэ.