Ту ӷанэс?

Терэнас и лодки андэ библейско время анда папирусо?

АНДА папирусо терэнас листоря, кай тэ пистрон. И всаворэ ӷанэн, кай андэ дэлмутни время и римляноря, египтяноря и ӷрекоря пистронас по папирусоa. Но най всаворэ ӷанэн, кай андар лэстэ терэнас и лодки.

Май бут чем 2 700 бэрш палпалэ, андэ Библия о пророко Исаия ԥэндя, кай и мануша, савэ жувэн паша лэна, савэ андэ Эфиопия, бишалэна пэстирэ манушэн па моря, па лодки, савэ стердэ анда папирусо. И инке о пророко Иеремия ԥэнэнас, кай и мидяне и персы захутилэна о Вавилоно и сԥабарэна и лодки, анда папирусо, савэ сас кай и вавилоняноря, кай вонэ тэ на нашэн анда форо (Ис. 18:1, 2; Иер. 51:32).

И Библия лэ Дэвлэстар. И амэ на удивисавас, кала и мануша виарақэн андэ ԥув варисо дэлмутно, со доԥэнэн, кай анда папирусо чаче терэнас и лодки андэ время, кала пистронас и Библия (2 Тим. 3:16). Со жэ вонэ кацаво виарақлэ, со доԥэнэн када?

САР ТЕРЭНАС И ЛОДКИ АНДА ПАПИРУСО?

Пэ стины андэ ӷробница андо Египто сас вишындэ рисункоря, пэ савэ дицолас, сар стидэнас о папирусо и терэнас и лодки. О папирусо шынэнас и стидэнас лэс андэ связки, кай потом тэ заԥандэн вмести. И форма кай о стеблё сас треуӷольно. Важ када и связки вижанас фартэ плотни и састэ. Сар ԥэнэнпэ андэ ек научно книжка, кай пистромэ пала древнё Египто, и лодки анда папирусо сас 17 метров андо лунгимос, пэ савэ можно сас тэ стос 10—12 рядоря лэ вёслонэнца (A Companion to Ancient Egypt).

ВАСО И ЛОДКИ ТЕРЭНАС АНДА ПАПИРУСО?

О папирусо барёлас паша лэн Нило андо Египто и лэс сас фартэ бут. Важ када лэс фартэ вушэро котэ тэ виарақэс. Инке и лодки анда папирусо сас вушэро тэ стерэн. И дажэ, кала и барэ лодки и мануша линэ тэ терэн анда каш, и рыбакоря и и плотникоря всаек терэнас пэстирэ лодки анда папирусо.

Пэ кадэла лодки ездинас бут бэрша. И дажэ андо пэрво и дуйто вико лэ И. Х. и мануша всаек терэнас и лодки анда папирусо. Када ԥэнэн о учоно Плутархо, саво жувэлас андэ кодэла бэрша.