Сар о дэлмутно пророчество влияет пэ амари жызня

1. Со стердя о Иегова посли кода, сар о Адамо и Ева на канглэ лэс? (Бытие 3:15).

ПОСЛИ кода, сар о Адамо и Ева на канглэ лэ Иеговас, во ԥэндя райкано пророчество, саво дэл и надежда всаворэ манушэнди. Кадэва пророчество запистромэ андэ Бытие 3:15 (проадинон).

2. Васо можно тэ ԥэнас, кай Бытие 3:15, када особено пророчество?

² Кадэва пророчество сас запистромэ андэ пэрви ӷлавы андэ Библия. Но вся, со пистромэ андэ авэр библейски книӷи, связано лэса. Сар всаворэ страницы андо блокното стидэ пэ ек пружына, кадя жэ и о пророчество анда Бытие 3:15 стидэл вся, со пистромэ андэ Библия, андэ ек лащи новость. О Дэл бишалэла кодэлэс, ко спасыя амэн, улэла лэ Сатанас и всаворэн, ко лэс подритярэлb. Сар дэ фартэ лэна тэ радуинпэ кодэла, ко любий лэ Иеговас!

3. Со амэ роздиқаса андэ кадэя статья?

³ Андэ кадэя статья амэ уӷанаса май бут пала пророчество анда Бытие 3:15. Амэ роздиқаса кацавэ вопросоря: Пала кастэ жал и дума андэ кадэва пророчество? Сар во исполнийпэ? Васо амэнди трэбуй лэс тэ ӷанас?

ПАЛА КАСТЭ ЖАЛ И ДУМА АНДЭ КАДЭВА ПРОРОЧЕСТВО?

4. Ко када «о сап» анда Бытие 3:14, 15 и катар амэ када ӷанас?

⁴ Андэ Бытие 3:14, 15 ԥэнэнпэ пала «сап» и лэстирэ «потомкоря», ай кадяжэ пала «жувли» и лако «потомко». И Библия поможый амэнди тэ полас, кас вонэ сыкавэнc. Спэрва подаса дума пала «сап». Канешно, андо Эдэмско садо о Иегова на дэлас дума ворта лэ сапэса, пэ саво диқэлас и Ева. Кацаво сап на полиноп лэ Иеговастирэ алава. Вижал, о Иегова дя амрая кодэлэс, ко моӷ када тэ полэл. Пала кастэ жал и дума? Андэ Откровение 12:9 драго дицол о атвето пэ кадэва вопросо. «О пурано сап» — када о Сатана. Но ко када лэ сапэстирэ «потомкоря»?

5. Ко када лэ сапэстирэ «потомкоря»?

⁵ Дэкала андэ Библия о алав «потомкоря» ԥэнэнпэ пала кодэла, ко сытёл варикастар, кадя жэ, сар и бэяцэ сытён лэ дадэстар и шонпэ пэр лэстэ. Лэ сапэстирэ «потомкоря» — када и анӷелоря и мануша, савэ, сар о Сатана, жан против о Иегова и лэско народо. Андэр лэндэ ужан и анӷелоря, савэ андэ лэ Ноёстирэ деса, ашадэ пэстири служэния по нэбо, ай кадяжэ и вэрыти мануша, савэ терэн сар лэнго дад, о Сатана (Быт. 6:1, 2; Иоан. 8:44; 1 Иоан. 5:19; Иуды 6).

6. Васо «и жувли» — када най и Ева?

⁶ Акана давайте уӷанаса, ко када «и жувли» анда кадэва пророчество. Када нэ можэт тэ авэл и Ева. Васо? Акэ кати ек причина: андо пророчество ԥэнэнпэ, кай лако потомко ростасавэла лэ сапэсти о шэро. Сар амэ кати уӷанглям, о сап — када о найлашо анӷело, о Сатана. Хэба можэт лэс тэ умарэл варисаво ла Евако потомко? Канешно най! Тоди сар о Сатана авэла уничтожэно?

7. Кас сыкавэл «и жувли» анда Бытие 3:15? (Откровение 12:1, 2, 5, 10).

⁷ Кай тэ полас, кас сыкавэл «и жувли» андэ Бытие 3:15, давайте шаса сама, со пистромэ андэ книӷа Откровение. (Проадинон Откровение 12:1, 2, 5, 10.) Котэ ԥэнэнпэ, кай када най обычно жувли. «Тала пэрнэ латэ сас луна, ай по шэро корона анда 12 черӷая». Кай кадэя жувли арақадёл нэобычно бэято — лэ Дэвлэско Царство. Кадэва Царство находийпэ по нэбо, вижал и кадэя жувли тожэ трэбуй тэ авэл по нэбо. Вой сыкавэл лэ Иеговастири небесно арӷанизацыя, андэ сави ужан верни лэ Дэвлэсти анӷелоря (Гал. 4:26).

8. Ко ӷлавно ла жувляко «потомко» и кала во появисайля? (Бытие 22:15—18).

⁸ И Библия поможый амэнди тэ полас, ко ӷлавно ла жувляко «потомко». Во трэбуй сас тэ авэл анда лэ Авраамоско родо. (Проадинон Бытие 22:15—18.) Кадэва пророчество исполнисайля по Иисусо, саво сас лэ Авраамоско потомко (Луки 3:23, 34). Но о потомко анда Бытие 3:15 нэ моӷ тэ авэл обычно мануш, важ кода кай котэ ԥэнэнпэ, кай во улэла лэ Сатанас. Кала лэ Иисусости сас варикай 30 лет, о Иегова помазал лэс лэ свынтонэ духоса. Кадя во ашэля ӷлавно ла жувляко потомко (Гал. 3:16). Посли кода, сар о Иисусо муля и рисайля каринг и жызня, о Иегова дя «лэсти слава и честь». О Иегова дя лэ Иисусости «вся и власть по нэбо и пэ ԥув», кадяжэ, кай во «тэ розмарэл лэ Сатанастирэ делоря» (Евр. 2:7; Матф. 28:18; 1 Иоан. 3:8).

9, 10. а) Ко инке ужал андэ ла жувлятирэ «потомкоря» и кала вонэ лэнца ашэн? б) Со амэ роздиқаса май дур?

⁹ Но кай и жувли трэбуй сас тэ авэн и авэр «потомкоря». О апостоло Павло пистросардя пала када лэ памазаниконэнди анда евреёря и най евреёря: «Если тумэ лэ Христостирэ, тоди тумэ лэ Авраамостирэ потомкоря, наследникоря, сар сас дино алав» (Гал. 3:28, 29). Кала о Иегова витидэл, кай о христианино тэ авэл памазанико, во ашэл ла жувляко потомко. Вижал, кадэла потомкоря — када о Иисусо и 144 000 памазаникоря (Отк. 14:1). Вонэ пристон зор, кай тэ гиндон и тэ терэн кадя, сар лэнго Дад, о Иегова.

¹⁰ Амэ уӷанглям, пала кастэ жал и дума андэ Бытие 3:15. Ай акана давайте подаса дума, сар о Иегова исполний кадэва пророчество и саво лашымос када амэнди анэн.

САР ИСПОЛНИЙПЭ КАДЭВА ПРОРОЧЕСТВО?

11. Со сыкавэн и алава, кай ла жувлятирэ потомкос дэндалдэ андэ талпа?

¹¹ Андэ Бытие 3:15 пистромэ, кай ла жувлятирэ потомкос дэндалэна андэ талпа. Када исполнисайля, кала о Сатана подмардя лэ евреёнэн и лэ римлянонэн тэ умарэн лэ Дэвлэстирэ Шавэс (Луки 23:13, 20—24). Если кай о мануш дуқал и талпа, во дэсави время нэ можэт тэ ԥирэл. Кадяжэ и кала о Иисусо муля, во трин дес нисо нэ моӷ тэ терэл (Матф. 16:21).

12. Кала ростасавэна лэ сапэсти о шэро и сар када авэла?

¹² Кай тэ исполнинпэ и алава анда Бытие 3:15, о Иисусо нэ моӷ тэ ашэлпэ андэ моӷила. Васо? Сар ԥэнэнпэ андэ кадэва пророчество, о потомко трэбуй сас тэ ростасавэл лэ сапэсти о шэро. Вижал, во трэбуй сас тэ рийпэ каринг и жызня. Кадя и тердяпэ! Через трин дес, сар о Иисусо муля, о Иегова рисардя лэс каринг и жызня, кай во будэр никала тэ на мэрэл. О Иегова стодя и время, кала трэбуй тэ авэл уничтожэно о Сатана, и о Иисусо када обязательно стерэла (Евр. 2:14). О Иисусо и авэр памазаникоря па вся и ԥув улэна лэ Дэвлэстирэ вороӷонэн, савэ ужан андэ лэ сапэстирэ потомкоря (Отк. 17:14; 20:4, 10)d.

ВАСО АМЭНДИ ТРЭБУЙ ТЭ ӶАНАС КАДЭВА ПРОРОЧЕСТВО?

13. Саво лашымос амэнди анэн кода, кай исполнийпэ кадэва пророчество?

¹³ Если ту лэ Иеговаско служытелё, тути анэн бут лашымос кода, кай исполнийпэ кадэва пророчество. О Иисусо жувэлас пэ ԥув сар мануш. Во андэ вся шоласпэ пэ пэско Дад (Иоан. 14:9). И блаӷодаря лэсти амэ уӷанглям и полюбисардям лэ Иеговас. Кадяжэ амэнди анэн бари польза, кай о Иисусо диқэл пала христианско собрания и сытярэл амэн, сар тэ жувас, кай о Иегова тэ авэл амэнца довольно. Инке лэ Дэвлэско Шаво сас дэндалдо андэ талпа, аврэ алавэнца, муля важ амэндэ. Блаӷодаря кадэлэсти, амэндэ исин надежда пэ лащи жызня англэ. Кала о Иисусо рисайля каринг и жызня, о Иегова приля лэстири жэртва, сави «терэл, кай амэ тэ авас вужэ всаворэ ӷрехонэндар» (1 Иоан. 1:7).

14. Катар амэ ӷанас, кай о пророчество, саво о Иегова ԥэндя андо Эдэмо, трэбуй сас тэ исполнийпэ най сразу?

¹⁴ И алава, савэ ԥэндя о Иегова андо Эдэмо, сыкавэнас, кай кадэва пророчество исполнияпэ най сразу. Трэбуй сас тэ прожал дэсави время, пока кай и жувли арақадёна потомкоря, ай лэ Сатанас подритярэна авэр анӷелоря и мануша, савэ вмести лэса жана против о Дэл. Кадэла дуй ӷрупы трэбуй сас тэ вороӷуин машкар пэстэ. Амэнди важно тэ полас кадэва пророчество, важ кода кай кодэла, ко жан пала Сатана, лэна тэ нэнавидят лэ Иеговастирэ служытелёнэн. Пала када кадяжэ ԥэндя о Иисусо пэстирэ учениконэнди (Мар. 13:13; Иоан. 17:14). Амэ всаворэ диқас, сар исполнийпэ кадэва пророчество, особено важ кадэла 100 лет.

15. Васо о миро фартэ вэрыцый амэн, но васо амэ на трэбуй тэ дарас лэ Сатанастар?

¹⁵ Ӥто посли кода, сар о Иисусо ашэля Царёса андо 1914 бэрш, во сшутя лэ Сатанас пэ ԥув. Акана лэ Дэвлэско вороӷо нэ можэт тэ авэл по нэбо и аштярэл, пока лэс уничтожат (Отк. 12:9, 12). Но во на бэшэл би дилако. О Сатана вишол пэстири холи по лэ Дэвлэско народо (Отк. 12:13, 17). Акэ васо о миро кадя вэрыцый лэ Иеговастирэ служытелёнэн. И всаек амэ на трэбуй тэ дарас лэ Сатанастар и кодэлэндар, ко лэс подритярэл. Амэ кадя жэ, сар о апостоло Павло, уверени: «Кала о Дэл амэнца, тоди, ко авэла против амэндэ?» (Рим. 8:31). Амэ можэм андэ вся тэ доверяем лэ Иеговасти, важ кода кай диқлям, кай май бари часть анда пророчество анда Бытие 3:15 ужэ исполнисайля.

16—18. Саво лашымос андя амарэ ԥралэсти и лэ ԥэянди, кай вонэ полинэ о пророчество анда Бытие 3:15?

¹⁶ Лэ Иеговастири обещяния анда Бытие 3:15 поможый амэнди тэ виритярас любо ԥаримос, со бы тэ на авэл. О Кёртисо, саво служый мисианероса андо Гуамо, росԥэнэн: «Дэкала через о ԥаримос, можэт тэ авэл найвушэро тэ ашавпэ предано лэ Иеговасти. Но кала мэ розмышляю пала пророчество анда Бытие 3:15, када придэл манди зор састэс тэ ритярав лэ Иеговаско вас». О Кёртисо фартэ аштярэл кодэва дес, кала о Иегова улэла вся о ԥаримос анда амари жызня.

¹⁷ И ԥэй Урсула анда Бавария росԥэндя, кай о пророчество анда Бытие 3:15 поможысардя лати тэ патял, кай и Библия лэ Дэвлэстар. Вой додиқля, сар сжанпэ машкар пэстэ кадэва и авэр пророчества анда Библия. Када фартэ лати чалеля. Акэ со вой росԥэнэн: «Ман фартэ ля лэ одестар, кай сразу посли кода, сар о Адамо и Ева жылэ против о Иегова, во дя лэ манушэнди надежда».

¹⁸ Ай акэ со росԥэнэн и ԥэй Джессика анда Микронезия: «Мэ никала на бистрава кодэва дес, кала мэ полэм, кай виарақлэм о чачимос. Мэ диқав, сар исполнинпэ и алава анда Бытие 3:15! Када поможый манди тэ на бистрав, кай о Иегова на камэлас, кай амэ тэ жувас кадя, сар жувас адес. Кадэва пророчество дя манди май фартэ тэ патяв, кай нинай нисо май лашо, чем и служэния лэ Иеговасти и кай англэ авэла кацави лащи жызня, сави мэ дажэ пэсти прецтавить нэ моӷу».

19. Васо амэ можэм тэ патяс, кай и дуйто часть анда пророчество анда Бытие 3:15 исполнияпэ?

¹⁹ Драго дицол, кай о пророчество анда Бытие 3:15 ужэ исполнийпэ. Амэ ӷанас, ко ла жувлятирэ потомкоря, ай ко лэ сапэстирэ потомкоря. О Иисусо — ӷлавно ла жувляко потомко. Лэс дэндалдэ андэ талпа, но акана во фартэ зорало бесмертно Царё. О Иегова стидя ужэ почти всаворэ́ ла жувлятирэ потомконэн. Если пэрво часть анда кадэва пророчество ужэ исполнисайля, тоди амэ можэм тэ патяс, кай и дуйто часть тожэ исполнияпэ. Амэ уверени, кай ла жувляко потомко ростасавэла о шэро лэ сапэсти. Сар жэ авэна ради лэ Дэвлэстирэ служытеля, кай о Сатана авэла уничтожэно! Важ када, ԥрала и ԥэя, на сдэнпэ. Амэ можэм андэ вся тэ патяс амарэ Дэвлэсти. Через ла жувлятирэ потомкоря «блаӷословинапэ всаворэ народоря пэ ԥув» (Быт. 22:18).