Ай тумэ сэрэн?
Тумэ сэрэн, пала со адинонас андэ «Сторожэво башня» важ кадэва бэрш? Давайте уӷанаса, вижала тумэндэ тэ дэн атветоря пэ кадэла вопросоря.
Саво лашымос амэндэ авэла, если амэ ласа тэ витидас май бут время, кай тэ дас дума лэ Иеговаса, тэ ашунас лэс и тэ розмышляем пала лэстэ?
Амэ ласа тэ прилас лашэ ришэнии, ашаса май лашэ учителёря, амари вера авэла май састи, и амэ ласа инке май фартэ тэ любисарас лэ Иеговас (w22.01, страницы 30—31).
Васо важно тэ доверяем лэ Иеговасти и лэ ԥралэнди, савэн во назначил?
Ужэ акана трэбуй тэ сытювас тэ доверяем лэ Дэвлэсти и тэ патяс, кай кода, со ԥэнэн и ԥрала, анэна амэнди лашымос. Тоди андэ само бари бида амэнди авэла май вушэро тэ кандас лэ ԥралэн, кала вонэ дэна указании, савэ, сар можэт тэ здэлпэ, найгодявэрнэ и нэпонятни (w22.02, страницы 4—6).
Со камля тэ ԥэнэн о анӷело, кала ԥэндя лэ Захариясти пала «отвесо андо вас кай о Зоровавелё»? (Зах. 4:8—10).
Кадэя видения поможысардя лэ Дэвлэстирэ народости тэ патян, кай хоть о нэво храмо и на авэла кацаво жэ шукарно, сар лэ Соломоноско храмо, о Иегова всаек лэс блаӷословия, кай андэр лэстэ тэ тэлён лэ чачунэ Дэвлэсти кадя, сар лэсти уӷодно (w22.03, страницы 16—17).
Сар амэ можэм тэ сыкавас примеро андэ дума? (1 Тим. 4:12).
Андэ служэния амэ дас дума лэ манушэнца по доброму и пативалэс; пэ собрании амэ анда вся оди дилабас и дас каминтарии; ай андэ жызня подритярас аврэн пэстирэ алавэнца и старысавас тэ на ԥэнас ни ек вэрыто алав (w22.04, страницы 6—9).
Васо и части анда штар зверёря (правительства) анда 7 ӷлава Даниила стидэ андэ ек зверё, пала саво пистромэ андэ Откровение 13:1, 2?
О зверё анда 13 ӷлава Откровение сыкавэл най варисаво ек правительство или мирово держава, например о Римо, ай всаворэ правительства, савэ правинас манушэнца важ вся и время (w22.05, страница 9).
Сар амэ можэм тэ сыкавас, кай патяс андэ лэ Иеговастири справедливость?
Если варико холярдя амэн, обидел или стердя бэзэх против амэндэ, амэ на ласа тэ холявас, ай отдаса вся андэ лэ Иеговастирэ вас. Во улэла вся о найлашымос, саво андя о бэзэх (w22.06, страницы 10—11).
Пала со трэбуй тэ сэрэл о ԥрал, кала во мангэлпэ пэ собрания или пэ встреча важ и служэния?
Андэ молитва на трэбуй тэ дэл совето ла собранияти или тэ терэл объявлении. На трэбуй тэ дэл дума бут, особено кала во мангэлпэ англа встреча (Матф. 6:7) (w22.07, страницы 24—25).
Со сыкавэн и алава, кай кодэла «ко терэнас о найлашымос, ринапэ, кай о Дэл тэ сындой лэн»? (Иоан. 5:29).
Када на сыкавэл, кай о Дэл лэла тэ сындой лэн пала ӷрехоря, савэ вонэ терэнас дэлмут. О Иисусо лэла внимательно тэ диқэл пала лэндири дила, сави вонэ лэна тэ терэн посли кода, сар ринапэ каринг и жызня (w22.09, страница 18).
Савэ алава ԥэндэ по канӷрэсо андо сентябрё андо 1922 бэрш, савэ фартэ линэ всаворэн лэ одестар?
По канӷрэсо андо Сидар-Пойнто (штато Огайо, США) о ԥрал Рутерфордо ӷромко ԥэндя: «Акэ, о Царё правий! Ай тумэ — кодэла, ко росԥэнэн пала лэстэ. Важ када росԥэнэн, росԥэнэн, росԥэнэн пала Царё и лэско Царство!» (w22.10, страницы 3—5).
Сар о Иегова поможый амэнди тэ пэрэандярас о ԥаримос, сар ԥэнэнпэ андэ 30 ӷлава Исайя?
Анда кадэя ӷлава дицол, кай о Дэл: 1) ашунэл амарэ молитвы и атвечает пэр лэндэ, 2) андярэл амэн и 3) поможый амэнди акана и дэла о лашымос май англэ (w22.11, страница 9).
Васо можно тэ ԥэнас, кай и алава анда Псалом 37:10, 11, 29 исполнисайлэ най кати дэлмут, но исполнинапэ и май англэ?
Анда лэ Давидостирэ алава дицол, кай кала правияс о царё Соломоно, андо Израилё сас райкани жызня. О Иисусо ԥэндя и алава анда 11 стихо, кала дэлас дума пала раё пэ ԥув, саво амэ аштярас май англэ (Матф. 5:5; Луки 23:43) (w22.12, страницы 8—10, 14).