«Ту авэса манца андо раё»

1. Со о Иисусо ԥэндя лэ приступникости, саво сас паша лэстэ по столбо? (Луки 23:39—43).

ЛЭ ИИСУСОСТИ сас фартэ дуқанэс, во полэлас кай ӥто мэрэла. Паша лэстэ сас амбладэ дуй приступникоря (Луки 23:32, 33). Вонэ ԥэнэнас пэр лэстэ найлашэ алава. Вижал, вонэ на сас лэстирэ ученикоря (Матф. 27:44; Мар. 15:32). Но ек андар лэндэ парудя пэско гиндо и ԥэндя: «На бистэр пала мандэ, кала авэса андэ пэско Царство». О Иисусо дя алав лэсти: «Ԥэнав тути адес, ту авэса манца андо раё». (Проадинон Луки 23:39—43.) Возможно, кадэва приступнико раньшэ ашунэлас и лащи новость пала «небесно Царство», но во на ашэля лэ Христоско ученико. О Иисусо на ԥэндя, кай кадэва мануш авэла андэ лэ Дэвлэско Царство (Матф. 4:17). О Иисусо дэлас дума пала раё пэ ԥув. Васо амэ можэм кадя тэ ԥэнас?

2. Васо можно тэ ԥэнас, кай о приступнико, саво каисайля, сас евреё?

² Наверно, кадэва приступнико, саво каисайля, сас евреё. Во ԥэндя аврэ приступникости: «Хэба ту совсем на дарас Дэвлэстар?» (Луки 23:40). И евреёря тэлёнас еқэ Дэвлэсти, ай и мануша анда авэр народоря бутэ хохавнэ дэвлэнди (Исх. 20:2, 3; 1 Кор. 8:5, 6). Если кадэва мануш тэ авелоп най евреё, тоди во, наверно, пушлоп па аврятэ: «Хэба ту совсем на дарас дэвлэндар?» Кадяжэ о Иегова бишалдя лэ Иисусос най каринг всаворэ народоря, ай кай «и хасардэ бакрорэ андо Израилё» (Матф. 15:24). Инке о Дэл росԥэндя лэ евреёнэнди, кай во рия каринг и жызня кодэлэн, ко муля. И кадэва приступнико, наверно, ӷанэнас пала када. Анда лэстирэ алава дицолас вера, кай о Иегова воскресия лэ Иисусос и стола лэс царёса андэ пэско Царство. Возможно, кадэва мануш надеияспэ, кай о Иегова лэс тожэ воскресия.

3. Пала со, наверно, погиндосардя о приступнико, кала о Иисусо ԥэндя пала раё? Росԥэнэн (Бытие 2:15).

³ Если кадэва мануш сас евреё, тоди во ӷанэнас пала Адамо и Ева и пала раё, саво важ лэндэ создал о Иегова. Важ када, кала о Иисусо ԥэндя пала раё, наверно, кадэва приступнико прецтавил пэсти шукарно садо катэ пэ ԥув. (Проадинон Бытие 2:15.)

4. Пала со трэбуй тэ погиндосарас, кала адиносарас и алава, савэ о Иисусо ԥэндя лэ приступникости?

⁴ Кала амэ адиносарас лэ Иисусостирэ алава, савэ во ԥэндя лэ приступникости, амэ гиндосарас пала жызня, сави авэла андо раё пэ ԥув. Дэсо пала раё амэ можэм тэ уӷанас, кала роздиқаса, сар правияс о Соломоно (Матф. 12:42). Андэ Библия пистромэ, кай о Иисусо май баро, чем о Соломоно. Важ када во вмести лэ памазаниконэнца стерэла кадя, кай пэ ԥув авэла райкани жызня. И «аврэ бакрорэнди» важно тэ ӷанэн, со трэбуй тэ терэн, кай тэ жувэн андо раё пэ ԥув (Иоан. 10:16).

САВИ ЖЫЗНЯ АВЭЛА АНДО РАЁ?

5. Со ту прецтавляеш пэсти, кала гиндос пала раё пэ ԥув?

⁵ Со пэрво авэл тути по гиндо, кала ту розмышляеш пала раё пэ ԥув? Можэт шукарно садо, сар сас андо Эдэмо? (Быт. 2:7—9). Или вспоминаеш пала пророчество, саво пистросардя о Михеё, кай кажно лэ Дэвлэско мануш «бэшэла тала пэстири винаӷрадно витка и тала пэско инжыро» (Мих. 4:3, 4). Анда библейски стихоря дицол, кай лэ манушэндэ авэла фартэ бут хамос (Пс. 72:16; Ис. 65:21, 22). Важ када ту можэш прецтавить пэсти, кай ту бэшэс андо шукарно садо. Паша тутэ баро столо, пэ саво бут разно хамос. Ту чуствуеш запахо, саво жал бутэ шукарнэ цвитонэндар. Ту ашунэс, сар дэн дума и асан и мануша, савэн ту фартэ любис — тирэ чаче и друӷоря. Машкар лэндэ кадяжэ кодэла, ко рисайля каринг и жызня. И тутэ кадэлэстар драго по ди. И када най сказка. Амэ уверени, кай кацави райкани жызня авэла па вся и ԥув. Ай инке, амэндэ авэла розинтересно бути.

6. Со амэ ласа тэ терас андо раё пэ ԥув? (Диқэн и картинка.)

⁶ О Иегова создал амэн кадя, кай и бути тэ анэн амэнди радость (Эккл. 2:24). Андэ лэ Иисусостири Тысячелетнё правления амэндэ авэла особено розинтересно бути. Пэ ԥув авэна милионоря мануша: кодэла, ко пэрэжувэна и бари бида, ай кадяжэ, ко ринапэ каринг и жызня. Кажнонэсти авэла трэбуй хамос, ӥда и цэр. Кай вся када тэ авэл, амэнди прижалапэ тэ стас зор. О Адамо и Ева трэбуй сас тэ заботинпэ пала Эдэмско садо и тэ стерэн, кай па вся и ԥув тэ авэл шукаримос. Кадяжэ и амэ ласа тэ заботисавас пала ԥув, кай вой тэ ашэл раё. Прецтавь, сар дэ интересно авэла, кала и милионоря мануша, савэ на ӷанэнас пала лэ Дэвлэско замысло, ринапэ каринг и жызня! Амэ ласа тэ росԥэнас лэнди пала амаро Дэл и пала кода, со сас, кала лэн на ашэля.

7. Андэр со амэ можэм тэ авас уверени и васо?

⁷ Амэ можэм тэ авас уверени, кай андо раё пэ ԥув, авэла мирно жызня. И амэндэ авэла вся, со трэбуй. Катар амэ када ӷанас? О Иегова ужэ сыкадя амэнди, сави жызня авэла, кала правия лэско Шаво. Кай тэ уӷанас пала када май бут, давайте подаса дума пала время, кала правияс о Соломоно.

ЛЭ СОЛОМОНОСТИРИ ПРАВЛЕНИЯ СЫКАВЭЛ, САВИ ЖЫЗНЯ АВЭЛА АНДО РАЁ ПЭ ԤУВ

8. Сар и алава анда Псалом 37:10, 11, 29 исполнисайлэ андэ дэлмутни время? (Диқэн «И читателя пушэн» андэ кадэва журнало.)

⁸ О Иегова побудисардя лэ Давидос тэ пистрой пала кода, сави авэла жызня, кала правия мудро и предано лэ Дэвлэсти царё. (Проадинон Псалом 37:10, 11, 29.) Обычно амэ сыкавас о стихо анда Псалом 37:11 лэ манушэнди, кала росԥэнас, сави жызня авэла пэ ԥув (Матф. 5:5). И када правильно, важ кода кай екжэно о Иисусо призындярдя кадэва стихо, кала андэ пэстири дума по плай росԥэнэнас лэ манушэнди пала лэ Дэвлэско Царство. Но кадэла алава кадяжэ поджанас каринг кодэя время, кала правияс о Соломоно. Кала во сас царё, андо Израилё сас мирно жызня, и лэ манушэндэ сас вся, со трэбуй. Лэ народостэ сас райкани жызня пэ ԥув, кай «питял о ҭуд и ядин». О Дэл ԥэндя: «Если тумэ лэна тэ ритярэн мэрно законо... Мэ стерава мирно жызня пэ кадэя ԥув. Кала тумэ пэрэна тэ совэн, тумэн нико на даравэла» (Лев. 20:24; 26:3, 6). Кадэла лэ Дэвлэстирэ обещянии исполнисайлэ, кала правияс о Соломоно (1 Лет. 22:9; 29:26—28). Кадяжэ о Иегова дя алав, кай на авэла манушэн, савэ терэна о найлашымос или тэлёна лэ хохавнэ дэвлэнди (Пс. 37:10). Важ када и алава анда Псалом 37:10, 11, 29 ужэ исполнисайлэ андэ дэлмутни время. Но инке вонэ исполнинапэ и май англэ.

9. Со ԥэндя и царица Шевы, кала диқля лэ Соломоностири правления?

⁹ И царица Шевы ашундя, кай андо Израилё мирно жызня. И кай о народо котэ жувэл райканэс. Кай тэ диқэл када пэстирэ яқэнца, вой пролагля баро дром (1 Цар. 10:1). Кала вой диқля, сар жувэн и мануша тала лэ Соломоностири правления, вой ԥэндя: «Манди на росԥэндэ май бут, чем епаш! [...] Бахтало тиро народо и тирэ слуӷоря, савэ вся и время тердён англа тутэ и ашунэн тири мудрость!» (1 Цар. 10:6—8). Кадэя райкани жызня, кала правияс о Соломоно, сыкавэл, сави авэла время, кала правия лэ Дэвлэско Шаво, о Иисусо. И жызня кай и мануша авэла инке май бахтали.

10. Васо можно тэ ԥэнас, кай о Иисусо май лашо царё, чем о Соломоно?

¹⁰ О Иисусо май лашо царё, чем о Соломоно. О Соломоно сас нэсовершэно мануш. Важ када во терэлас барэ ошыбки, савэ андэ́ бида всаворэ народости. Ай о Иисусо совершэно правителё, и во никала на терэл ошыбки (Луки 1:32; Евр. 4:14, 15). Во ашэляпэ верно лэ Иеговасти, хоть через о Сатана во пэрэжудя бут ԥаримос. Во доԥэндя, кай никала на стерэла бэзэх или варисо, со андоп бида лэ манушэнди. Када бари бах, кай амэндэ исин кацаво царё.

11. Ко лэла тэ правий вмести лэ Иисусоса?

¹¹ Лэ Иисусоса лэна тэ правин 144 000 лэстирэ помошникоря. Вонэ лэна тэ заботинпэ пала мануша и тэ терэн, кай пэ ԥув тэ авэл кадя, сар загиндосардя о Иегова (Отк. 14:1—3). Кала кадэла мануша жувэнас пэ ԥув, лэндэ сас бут биды и ԥаримос. Важ када вонэ лэна тэ полэн и тэ жалуин лэ манушэн, савэ жувэна пэ ԥув. Со имено вонэ лэна тэ терэн?

САВИ ДИЛА АВЭЛА КАЙ И ПАМАЗАНИКОРЯ?

12. Сави важно дила о Иегова дя лэ памазаниконэнди?

¹² Кай о Иисусо и лэстирэ помошникоря авэла пэ бутэстэ май бут дила, чем сас кай о Соломоно. О израильско царё заботияспэ пала милионоря мануша, савэ жувэнас кати андэ ек страна. Ай лэ Дэвлэско Царство лэла тэ заботийпэ пала милиардоря мануша па вся и ԥув. Сави дэ важно и интересно дила авэла кай и памазаникоря.

13. Со лэна тэ терэн лэ Иисусостирэ соправителя?

¹³ Кадя жэ сар о Иисусо, 144 000 авэна царёря и рашая (Отк. 5:10). Кала и израильтяноря жувэнас тала лэ Моисеёско законо, и рашая заботинаспэ, кай лэ манушэндэ тэ авэл лашо зор и лащи дружба лэ Иеговаса. Важ када амэ полас, кай андо раё пэ ԥув лэ Иисусостирэ соправителя кадяжэ лэна тэ заботинпэ пала лэ манушэнго зор и кай всаворэндэ тэ авэл лащи дружба лэ Иеговаса (Евр. 10:1). Амэ на ӷанас, сар имено и памазаникоря лэна тэ общяюца лэ манушэнца, савэ жувэна андо раё пэ ԥув. Но амэ точно ӷанас: о Иегова позаботияпэ, кай лэ манушэндэ тэ авэн всаворэ указании, савэ трэбуй (Отк. 21:3, 4).

СО ТРЭБУЙ ТЭ ТЕРЭН И «АВЭР БАКРОРЭ», КАЙ ТЭ ЖУВЭН АНДО РАЁ ПЭ ԤУВ?

14. Со общё кай о «найбаро стадо» и кай и «авэр бакрорэ»?

¹⁴ О Иисусо ԥэндя пала мануша, савэ правина вмести лэса, кай вонэ «найбаро стадо» (Луки 12:32). Инке во дэлас дума пала дуйто ӷрупа манушэн, пала «авэр бакрорэ» (Иоан. 10:16). Лэдуй кадэла ӷрупы стидэ сар ек стадо. Вонэ ужэ адес терэн ек дила, и андо раё пэ ԥув вонэ кадяжэ лэна тэ терэн кадэя бути вмести. О «найбаро стадо» авэла по нэбо. Ай кай и «авэр бакрорэ» авэла райкани возможность тэ жувэн пэ ԥув. Но вонэ ужэ акана трэбуй дэсо тэ терэн, кай тэ жувэн андо раё.

15. а) Сар и «авэр бакрорэ» подритярэн лэ Христостирэ ԥралэн? б) Диқэн пэ картинка. Сар тумэ можэте тэ терэн кадя жэ, сар о ԥрал андэ аптека?

¹⁵ Кай о приступнико, саво каисайля, на сас возможность тэ сыкавэл лэ Иисусости пэстири блаӷодарность. Ай кай и «авэр бакрорэ» исин бут возможности тэ сыкавэн лэ Дэвлэстирэ Шавэсти пэстири любовь. Например, амэ можэм тэ подритярас лэ памазаниконэн, лэстирэ ԥралэн. О Иисусо ԥэндя, кай во лэла тэ сындой лэ бакрорэн па кода, сар вонэ обжанаспэ лэстирэ ԥралэнца (Матф. 25:31—40). Амэ можэм тэ подритярас лэ памазаниконэн, если ласа тэ поможысарас лэнди тэ росԥэнэн и лащи новость пала лэ Дэвлэско Царство и тэ сытярэн лэ манушэн, кай вонэ тэ ашэн лэ Иисусостирэ ученикоря (Матф. 28:18—20). Акэ васо амэ камас тэ сытювас инке май драго тэ проандярас и изучения Библии па нэви книӷа «Жувэн вечно пэ бахтатэ». Если ту инке никаса на проандярэс и изучения, стов англа пэстэ цэль тэ ԥэнэс лэ манушэнди пала изучения.

16. Сар ужэ адес амэ можэм тэ подӷотовимся каринг и жызня, сави авэла андо раё пэ ԥув?

¹⁶ Кай тэ уӷодисарас лэ Иеговасти, амэнди на трэбуй тэ аштярас, кай тэ авэл о раё пэ ԥув. Амэ можэм ужэ адес тэ авас чесни андэ пэстирэ алава и дила и правильно тэ андярас пэстири жызня. И канешно, амэ можэм тэ авас предани лэ Иеговасти, пэстирэ хуласти или хулаяти, ай кадяжэ лэ ԥралэнди и лэ ԥэянди андэ собрания. Если амэ жувас па лэ Дэвлэско законо ужэ адес андэ кадэва найлашо миро, амэнди авэла май вушэро тэ кандас лэ Иеговас андо раё. Ту ужэ акана можэш тэ сытёс тэ терэс варисо полезно, кай када тэ приӷодийпэ тути андо раё пэ ԥув. Ай кадяжэ тэ терэс вся, кай тутэ тэ авэн кацавэ качестворя, савэ чалён лэ Иеговасти. Пала када тумэ можэте тэ проадинон андэ статья «Ӷотови тумэ тэ получин и ԥув?» андэ кадэва выпуско.

17. Трэбуй амэн тэ хал и совесть пала амарэ бэзэха, савэ амэ тердямас? Росԥэнэн.

¹⁷ Амэ трэбуй тэ терас вся, кай амэн тэ на хал и дош пала амарэ бэзэха, савэ амэ варикала стердям. Канешно, амэ на ласа тэ гиндосарас: «Если о Иисусо муля пала мандэ, акана мэ моӷу спецыально тэ терав бэзэх» (Евр. 10:26—31). Но амэ можэм тэ патяс: если амэ анда вся оди каисайлям андэ пэско бэзэх, мангасас помощь лэ Иеговастар и паруделям, во амэн простисардя (Ис. 55:7; Деян. 3:19). На бистрэн, со ԥэндя о Иисусо лэ фарисеёнэнди: «Мэ авелэм тэ поможысарав, кай тэ каинпэ най и свынти, ай и ӷрешникоря» (Матф. 9:13). Кай лэ Иисусостири жэртва исин баро зор и блаӷодаря кадэлэсти о Иегова можэт тэ простий амарэ ӷрехоря.

ТУ МОЖЭШ ТЭ ЖУВЭС ВЕЧНО АНДО РАЁ!

18. Пала со ту камлоп тэ подэс дума лэ приступникоса, саво муля паша Иисусо?

¹⁸ Прецтавь пэсти, сар андо раё пэ ԥув ту дэс дума лэ приступникоса, саво муля паша Иисусо. Тумэ лэса фартэ блаӷодарни лэ Дэвлэсти пала лэ Христостири жэртва. Возможно, ту пушэс кай кадэва мануш: «Со сас англа кода, сар о Иисусо тэ мэрэл? Со тутэ сас андо ди, кала во ԥэндя, кай ту авэса андо раё?» Ай во, можэт, пушэла тутар: «Ԥарэс тути сас тэ жувэс андэ послидни деса, кала правияс о Сатана?» Сави када авэла дэ бари бах тэ изучаем лэ Дэвлэско Алав кацавэ манушэнца! (Эф. 4:22—24).

19. Васо и жызня андо раё пэ ԥув на авэла скучно? (Диқэн и картинка пэ обложка.)

¹⁹ И жызня андо раё пэ ԥув на авэла скучно. Ту лэса тэ знакомишся разнонэ манушэнца. Тутэ авэла разно интересно дила. Кажно дес ту лэса май драго тэ уӷанэс лэ Иеговас, и кадэлэстар тири любовь каринг лэстэ авэла май бари. Ту авэса бахтало кодэлэстар, пэскати дэ бут лашымос о Иегова дя тути. Ай инке тути авэла фартэ интересно тэ уӷанэс бут со нэво пала лэстирэ тварении. Амэ фартэ блаӷодарни лэ Иеговасти и лэ Иисусости пала возможность тэ жувас вечно андо раё пэ ԥув!