Ӷотови тумэ тэ получин и ԥув?

ӶОТОВИ ТЭ СТЕРАС, КАЙ ПЭ ԤУВ ТЭ АВЭЛ РАЁ

Кала о Иегова ԥэндя, кай и мануша тэ залэнпэ ла ԥувьяса и тэ авэн хулая пэр латэ, када сыкавэлас, кай вонэ трэбуй тэ стерэн, кай па вся и ԥув тэ авэл раё (Быт. 1:28). Када стерэна кодэла, касти дорэсэлапэ и ԥув. Но лэндэ на авэла Эдэмско садо, савэстар вонэ моӷут тэ залэн тэ терэн кадэя дила. Спэрва лэнди трэбуй авэла тэ стерэн, кай и ԥув тэ авэл вужи и тэ авэл пэр латэ порядко. Андэ кадэва маменто бути авэла фартэ бут!

Када шолпэ пэ найвушэро дила, сави трэбуй сас тэ стерэн и израильтяноря, кала вонэ рисайлэ анда Вавилоно. Пэ лэндири ԥув 70 бэрш нико на жувэлас, и вой сас замэкли. Но о Исайя ԥэндя, кай лэ Иеговастирэ зорэса вонэ смоӷут тэ стерэн кадя, кай вой тэ авэл кацави жэ шукарни, сар сас. Андо пророчество ԥэнэнаспэ: «[О Иегова] стерэла кай... [и] пустыня тэ авэл, сар о Эдэмо... ҭана, савэ зашутелэ, авэна сар лэ Иеговаско садо» (Ис. 51:3). И кай и израильтяноря вижыля кадя тэ стерэн. Точно кадя жэ, лэ Иеговастирэ зорэса кодэла, касти дорэсэлапэ и ԥув, смоӷут тэ стерэн, кай пэр латэ тэ авэл фартэ шукарно раё. Тумэ ужэ акана можэте тэ сыкавэн, кай тумэндэ исин бари жэлания тэ терэн када.

Например, тумэ можэте ужэ акана тэ диқэн пала вужымос и порядко, саво трэбуй тэ авэл андо цэр, андэ града и пала латэ. Нэважно, терэн када тумарэ сосидоря или най. Кадяжэ тумэ можэте тэ поможын, кала жал уборка или ремонто андо зало Царства или андо зало важ и канӷрэсоря. Если тумэндэ исин кацави возможность, можэте тэ пистрон и заявления, кай тэ поможын лэ ԥралэнди и лэ ԥэянди, савэндэ тердяпэ и природно бида. Кадя тумэ сыкавэна, кай ӷотови тэ дэн лэнди зор. Пушэн пэстар: «Моӷу мэ ужэ акана варисости тэ сытював, со приӷодияпэ манди андо раё пэ ԥув?»

ӶОТОВИ ТЭ ЗАБОТИСАВАС ПАЛА КОДЭЛА, КО ВОСКРЕСНУТ

Кала о Иисусо рисардя каринг и жызня лэ Иаиростиря щеёра, во сразу жэ ԥэндя, кай ла бэята тэ праварэн (Мар. 5:42, 43). Канешно, най ԥарэс тэ праварэс ла бэята, савяти 12 бэрш. Но погиндон, пэскати амэнди авэла трэбуй бут со тэ стерас, кала о Иисусо исполнит пэстири обещяния и «всаворэ, ко мулинэ ашунэна лэско ӷолосо и ущена» (Иоан. 5:28, 29). Хоть андэ Библия на росԥэнэнпэ полностью вся, со авэла, амэ полас, кай кодэлэнди, ко рияпэ каринг и жызня, трэбуй авэла хамос, ӥда и цэр. Можэте тумэ ужэ акана тэ сыкавэн, кай фартэ камэн лэнди тэ поможын? Акэ дэсавэ вопросоря, пала савэ тумэ можэте тэ погиндон.

Кала авэл о раёно барэдэр ԥрал, ақарэн тумэ лэс пэстэ по обедо? Кала о вефильцо парашэл тэ служый андо Вефилё, и лэс бишалэн тэ служый андэ тумари собрания или кала о раёно барэдэр ԥрал парашэл тэ служый андэ разъездно служэния, моӷли бы тумэ лэсти тэ виарақэн цэр, кай тэ жувэл? Ай если котэ, кай тумэ жувэн, авэла регионально или спецыально канӷрэсо, моӷли бы тумэ тэ поможын, кай тэ подӷотовят вся каринг лэстэ или тэ виарақэн и время, кай тэ встречаете кодэлэн, ко авэла?

ӶОТОВИ ТЭ СЫТЯРАС КОДЭЛЭН, КО ВОСКРЕСНУТ

Кала амэ адиносарас Деяния 24:15, амэ полас, кай о Дэл рия каринг и жызня милиарды манушэн. Бутэндэ на сас возможность тэ уӷанэн лэ Иеговас. Но андо раё пэ ԥув вонэ смоӷут пала лэстэ тэ уӷанэнa. Кадэлэсти лэн сытярэна предани и опытни лэ Дэвлэстирэ служытеля (Ис. 11:9). И Шарлотта, сави росԥэнэнас важ о Дэл андэ Европа, Южно Америка и Африка, фартэ аштярэл кадэя время. Вой анда оди ԥэнэн: «Манди фартэ камэлпэ тэ сытярав лэ Дэвлэстирэ чачимасти кодэлэн, ко рияпэ каринг и жызня. Кала мэ адиносарав пала кодэла, ко жувэнас дэлмут, мэ часто гиндосарав: „Если кадэва мануш тэ ӷанглоп лэ Иеговас, андэ лэстири жызня авелоп вся па аврятэ“. Мэ фартэ камав кадэлэ манушэнди тэ росԥэнав пала Дэл и пала кода, сави дэ лащи жызня лэндэ авэла, если вонэ лэна тэ служын лэ Иеговасти».

Лэ Иеговастирэ служытелёнэнди, савэ жувэнас жы каринг о Иисусо, трэбуй авэла бут со тэ уӷанэн. Прецтавьте пэсти, савэ амэ аваса бахталэ и сави када авэла бари честь тэ росԥэнас лэ Даниилости, сар исполнисайлэ лэстирэ пророчества, савэ во пистросардя, но на полэлас! (Дан. 12:8). Ай камлоп тумэ тэ росԥэнэн ла Руфяти и ла Ноеминяти, кай анда лэнго ери жыля о Мисия? Сар жэ амэ аваса ради тэ участвуем андэ кадэя бари обучения. Пар мэндэ на лэла тэ тасавэл кадэва найлашо миро, и нисо амэн на лэла тэ змарэл!

Ай сар тумэ ужэ акана можэте тэ сыкавэн, кай камэн тэ участвуете андэ кадэя бари обучения? Када дицола, если тумэ лэна тэ старыинпэ тэ уӷанэн, сар май драго тэ проандярэн и изучении Библии и реӷулярно тэ проповедуете (Матф. 24:14). Дажэ если исин трудности через и бэрша или через авэр ситуацыи, кода, кай тумэ пристон зор, сыкавэла, кай тумэ камэн тэ сытярэн лэ Дэвлэстирэ чачимасти кодэлэн, ко воскреснет.

Камэн тумэ тэ получин и ԥув? Аштярэн тумэ кодэя время, кала лэна тэ диқэн пала латэ, тэ заботинпэ пала кодэла, ко воскреснут и тэ сытярэн лэн? Тоди на умэкэн и возможность тэ участвуете андэ дила, сави лэна тэ терэн, кала тумэнди дорэсэлапэ и ԥув!