Май драго полэн лэ Дэвлэско Алав

1, 2. Сар со май драго тэ адинон и тэ изучаете и Библия? Росԥэнэн о примеро.

ПРЕЦТАВЬТЕ, кай тумэ тидэнпэ тэ тинэн цэр. Со тумэ закамэна тэ диқэн англа кода, сар прилэна ришэния? Просто и карточка па цэр? Най, наверно тумэ ладэна каринг о цэр, прожана круӷом лэстэ, зажана андэр лэстэ, кай тэ диқэн всаворэ комнаты. Можэт, тумэ дажэ диқэна и лила и о плано па цэр, кай тэ полэн, сар лэс строисардэ. Май ӥто всаворэстар, тумэ закамэна вся драго тэ розуӷанэн пала пэско будущё цэр.

² Варисо кацаво жэ амэ можэм тэ терас, кала изучаем и адиносарас и Библия. Ек библеисто ԥэндя, кай кадэя книжка шолпэ «пэ розбари здания, кай исин вуче башни и ӷлыбоко фундаменто». Чаче тоди можно тэ уӷанэн вся, со пистромэ андэ Библия? Если тумэ просто ӥто проадинона ла, тоди уӷанэна кати о ӷлавно чачимос анда лэ Дэвлэско Алав (Евр. 5:12). Но, сар и кала тинэн цэр, трэбуй тэ зажан «андрэ», кай вся драго тэ розуӷанэн. Райкано способо важ и изучения Библии — када тэ старыинпэ тэ диқэн, сар разни латирэ части сжанпэ ек еқэса. Старыинпэ тэ полэн най кати кода, андэ саво чачимос тумэ патян, но и кода, васо тумэ кадэлэсти патян.

3. Каринг со о апостало Павло побудияс лэ ԥралэн и лэ ԥэян и васо? (Эфесянам 3:14—19).

³ Кай драго тэ полас и Библия, амэ трэбуй ӷлыбоко ла тэ изучаем. О апостало Павло ԥэнэнас пэстирэ ԥралэнди и ԥэянди тэ стон бут зор, кай тэ изучают лэ Дэвлэско Алав — кадя, кай андо чачимос «полностью тэ полэн о буӷлимос, о лунгимос, о вучимос и ӷлубина». Тоди лэндири вера авелоп састи и нисо лэн на змардоп. (Проадинон Эфесянам 3:14—19.) Амэ трэбуй тэ терас кадя жэ. Давайте диқаса, со амэнди поможыя драго тэ иследуем лэ Дэвлэско Алав, кай фэдэр тэ полас лэско смысло.

ДРАГО ИСЛЕДУЙТЕ О БИБЛЕЙСКО ЧАЧИМОС

4. Сар и изучения Библии поможый тумэнди тэ ашэн май пашэ каринг о Иегова? Росԥэнэн и примероря.

⁴ Сар христианоря, амэ камас май драго тэ уӷанас и Библия. Амэ камас тэ полас «дажэ бари лэ Дэвлэстири мудрость». И амэ ӷанас, кай через о свынто духо амэндэ када вижала (1 Кор. 2:9, 10). Тумэ можэте тэ витидэн тема или вопросо, саво тумэнди интересно, и май драго пала када тэ уӷанэн. Кацави изучения поможыя тумэнди тэ ашэн май пашэ каринг о Иегова. Например, иследуйте, сар о Иегова сыкавэлас любовь каринг пэстирэ служытеля, савэ жувэнас дэлмут, и сар када доԥэнэн, кай тумэн во тожэ любий. Или сыстон, сар лэ израильтянонэндири поклонения андэ библейско время шоласпэ пэ лэ христианонэндири поклонения адес. Кадяжэ можно май драго тэ уӷанэн и пророчества, савэ исполнисайлэ пэ лэ Иисусостири жызня и служэния.

5. Исин тумэндэ вопросоря, андэ савэ тумэ камлоп май драго тэ розлэнпэ пэ лично изучения?

⁵ Кай и опытни иследователя Библии пушлэ, андэр со вонэ камлоп тэ розлэнпэ май драго. Дэсавэ анда лэндирэ атветоря пистромэ андэ рамка «Советоря важ и лично изучения». Тэ проандярэн кацави изучения фартэ интересно. Тумэ можэте тэ используете о «Списко па темы андэ публикацыи кай лэ Иеговастирэ свидетеля» или о «Справочнико па публикацыи кай лэ Иеговастирэ свидетеля». И лащи изучения Библии поможыя тумэнди май драго тэ уӷанэн пала Дэл и тэ стерэн пэстири вера май састи (Прит. 2:4, 5). Шам сама по дэсаво библейско чачимос, саво потом тумэ сможэте тэ розуӷанэн май драго.

РОЗМЫШЛЯЙТЕ ПАЛА ЛЭ ДЭВЛЭСКО ЗАМЫСЛО

6. а) Соса о замысло на шолпэ по плано? б) Васо можно тэ ԥэнэн, кай лэ Иеговаско замысло важ и ԥув и мануша вечно?

⁶ Роздиқам, например, со андэ Библия ԥэнэнпэ пала лэ Дэвлэско замысло. Машкар замысло и плано исин бари разница. О плано — када сар дром, саво андярэл андэ нужно ҭан. Но если па дром появийпэ варисави трудность, о плано можэт тэ на поможый. Ай о замысло можно тэ сыстосарас лэ ҭанэса, каринг амэнди трэбуй тэ авас. Амэ точно ӷанас, кай амэ камас тэ авас, но амэнди най кадя важно, сар амэ интя попэраса. Если варисо жала най кадя, амэ можэм тэ ладас па авэр дром. Наис лэ Иеговасти, кай амэ ӷанас лэско вечно замысло пала ԥув и мануша (Эф. 3:11). О Дэл полокорэс ԥэрнавэлас лэс через и Библия. Савэ бы трудности тэ на авэн, кай о Иегова всегда вся вижал, важ кода кай во «терэл кадя, кай вся [тэ] поможый андэ кода, со во загиндосардя» (Прит. 16:4). Нико и нисо нэ помешает лэсти тэ стерэл кода, со загиндосардя. Ай со загиндосардя о Иегова и со прижыляпэ лэсти тэ парувэл, кай тэ стерэл када?

7. Со о Иегова стердя, кай тэ исполница лэско замысло, кала и пэрви мануша жылэ против лэстэ? (Матфеё 25:34).

⁷ О Дэл ԥэрнадя пэрвонэ манушэнди, со́ во важ лэндэ загиндосардя. Во ԥэндя лэнди: «Авэн тумэ ерялэ, мэк авэн тумэндэ бут бэяцэ па вся и ԥув, залэнпэ ла ԥувьяса и авэн тумэ хулая... пэ вся жундо», со пэ ԥув (Быт. 1:28). Через кода, кай о Адамо и Ева жылэ против Дэл, всаворэ мануша ашэлэ ӷрешни. Но када на тердярдя лэ Иеговас тэ стерэл кода, со во загиндосардя. Во использовал авэр способо, кай тэ домардёл пэстири цэль. О Дэл сразу жэ ришыл, кай стола по нэбо Царство, саво стерэла вся, со во загиндосардя важ и мануша и ԥув. (Проадинон Матфеё 25:34.) Андэ пэстири время о Иегова бишалдя пэстирэ пэрвонэ Шавэс пэ ԥув. О Иисусо росԥэнэнас лэ манушэнди пала кадэва Царство и отдя пэстири жызня, кай тэ витинэн амэн лэ бэзэхэстар и ла смэртятар. Андэ када дицэля фартэ бари лэ Иеговастири любовь. Потом о Иисусо жунделя, кай тэ жувэл по нэбо и тэ авэл Царё андэ лэ Дэвлэско Царство. Но када инке най вся, со можно тэ уӷанас пала лэ Дэвлэско замысло.

8. а) Саво ӷлавно гиндо андэ Библия? б) Со инке ужал андэ лэ Иеговаско замысло? (Эфесянам 1:8—11). (Диқэн и картинка пэ обложка.)

⁸ Саво ӷлавно гиндо андэ Библия? О Иегова фэрия пэско лашо алав. Када авэла тоди, кала во через о Царство, андэ саво правий о Христос, стерэла вся, со загиндосардя важ и ԥув. Нисо на парувэла лэ Иеговаско замысло. О Дэл дэл алав, кай зритярэла всаворэ пэстирэ обещянии (Ис. 46:10, 11; Евр. 6:17, 18). И ԥув ашэла раё, андэ саво и совершэни праведни лэ Адамостирэ и ла Еватирэ потомкоря лэна тэ радуинпэ ла жызняти вечно (Пс. 22:26). Но андо лэ Дэвлэско замысло ужал пэ бутэстэ май бут. О Иегова стерэла кадя, кай всаворэ лэстирэ служытеля по нэбо и пэ ԥув авэна сар ек ери. Вонэ прижанэна и власть лэ Всевышнёнэ Дэвлэстири и авэна полностью предани лэсти. (Проадинон Эфесянам 1:8—11.) О гиндо пала кода, сар о Иегова терэл вся, со загиндосардя, фартэ лэл лэ одестар!

ГИНДОН ПАЛА БУДУЩЁ

9. Скати пала кода, со авэла англэ, амэ можэм тэ уӷанас, кала адиносарас и Библия?

⁹ Роздиқам о пророчество, саво о Иегова ԥэндя андо Эдэмско садо. Во запистромэ андэ Бытие 3:15b. Андэр лэстэ о Дэл росԥэндя, сар во стерэла кода, со загиндосардя. Но и событии, пала савэ во ԥэндя, линэ тэ терэнпэ кати посли кода, сар прожылэ тысячи бэрша. Например, о Дэл дя алав лэ Авраамости, кай ек анда лэстирэ потомкоря ашэла Христос (Быт. 22:15—18). Потом андо 33 бэрш н. э. лэ Иисусос дэндалдэ андэ талпа (Дл. 3:13—15). Ай полностью кадэва пророчество исполнияпэ най раньшэ, чем через 1000 бэрш, кала о потомко ростасавэла лэ Сатанасти о шэро (Отк. 20:7—10). Анда Библия можно тэ уӷанас пала бут авэр событии, савэ лэна тэ терэнпэ англа кода, сар лэ Сатанастири люма и лэ Иеговастири арӷанизацыя лэна тэ вороӷуин ек еқэса, сар никала.

10. а) Савэ событии ӥто авэна? б) Сар амэ можэм тэ подӷотовим пэско ди и годи каринг кода, со ӥто авэла? (Диқэн и книжка, пала сави пистромэ андэ сноска.)

¹⁰ Погиндон пала фартэ интересни пророчества, савэ запистромэ андэ Библия. Спэрва и народоря ԥэнэна: «Мирно и безопасно!» (1 Фес. 5:2, 3). Потом вонэ дэна пэ всаворэ хохавнэ веры (Отк. 17:16). Кадя залэлапэ и бари бида. Посли када и мануша «додиқэна лэ манушэстирэ Шавэс, саво жала па тучи. Лэнди дицола, саво дэ баро лэстэ зор и сави дэ бари бах лэстар марэл». Возможно, када сыкавэл, кай терэлапэ варисо фартэ нэобычно (Матф. 24:30). Потом о Иисусо сындоя лэ манушэн и отделия лэ бакрэн лэ бузнэндар (Матф. 25:31—33, 46). Но вся кадэя время о Сатана на бэшэла би дилако. Через пэстири холи во заставия и объединёни правительстворя (када о Гого па ԥув Магого) тэ дэн пэ лэ Иеговастирэ служытеля (Иез. 38:2, 10, 11). Андэ варисаво маменто и избрани, савэ жувэн пэ ԥув, ужана по нэбо, кай вмести лэ Христоса и лэстирэ войскоса тэ марэнпэ андо Армагедоно — андэ послиднё события андэ бари бида (Матф. 24:31; Отк. 16:14, 16)c. Ай потом залэлапэ и Тысячелетнё лэ Христостири правления (Отк. 20:6).

11. Савэ возможности амэндэ авэна, кала амэ жуваса вечно? (Диқэн кадяжэ и картинка.)

¹¹ Акана попробуем тэ погиндосарас пала будущё, саво инке май дур, кала прожана и 1000 бэрш. Андэ Библия ԥэнэнпэ, кай амаро Создателё «стодя вечность андэ лэ манушэнго ди» (Эккл. 3:11). Погиндон, сар када влияет пэр тумэндэ и пэ тумари дружба лэ Иеговаса. Андэ книжка «Приближайся к Иегове», пэ страница 319, пистромэ кацавэ шукарнэ алава: «Кала амэ прожуваса сотни, тысячи, милионоря и дажэ милиардоря бэрша, амэ ласа тэ ӷанас пала Дэл Иегова пэ бутэстэ май бут, чем ӷанас акана. Но англэ авэла инке фартэ бут, со амэ ласа тэ уӷанас. [...] И вечно жызня авэла фартэ интересно и бахтали! Ай само ӷлавно, амэ сможэм май драго и май драго тэ уӷанас амарэ небеснонэ Дадэс!» Ай акана, кала амэ на парашас тэ изучаем лэ Дэвлэско алав, со инке амэ можэм тэ уӷанас?

ДИҚЭН ПО НЭБО

12. Со поможыя тэ диқас по нэбо? Росԥэнэн о примеро.

¹² Лэ Дэвлэско Алав поможый амэнди тэ прецтавим, сар када — тэ авас паша Иегова, саво жувэл упрэ (Ис. 33:5). Андэ Библия росԥэнэнпэ бут со интересно пала Иегова и пала лэстири небесно арӷанизацыя (Ис. 6:1—4; Дан. 7:9, 10; Отк. 4:1—6). Например, и видения, сави диқля о Иезекиилё, кала ԥэрнаделэ и небесоря! (Иез. 1:1).

13. Со тумэ цэнин андэ лэ Иисусостири служэния по нэбо? (Евреям 4:14—16).

¹³ Погиндон кадяжэ, саво ҭан залэл о Иисусо по нэбо. Во Царё и Ӷлавно Рашай, саво жалуий. Блаӷодаря лэсти амэ можэм тэ пашувас «каринг лэ Дэвлэско престоло, важ кода кай во дэл лашимос, саво на затердям». Аврэ алавэнца, амэ можэм тэ мангаспэ лэ Дэвлэсти и тэ патяс, кай во жалуия амэн и, «кала када трэбуй», поможыя амэнди. (Проадинон Евреям 4:14—16.) Амэ камас кажно дес тэ розмышляем пала кода, со о Иегова и о Иисусо стердэ и терэн важ амэндэ па нэбо. Через лэндири любовь амэ тожэ камас тэ любисарас лэн и анда вся оди тэ тэлювас лэ Иеговасти (2 Кор. 5:14, 15).

14. Сар амэ можэм тэ сыкавас лэ Иеговасти и лэ Иисусости, кай фартэ лэнди блаӷодарни? (Диқэн кадяжэ и картинка.)

¹⁴ Ек анда способоря тэ сыкавас лэ Дэвлэсти и лэстирэ Шавэсти, сар дэ фартэ амэ лэн любисарас, — када тэ поможысарас лэ манушэнди тэ ашэн лэ Иеговастирэ свидетеля и лэ Иисусостирэ ученикоря (Матф. 28:19, 20). О Павло сас блаӷодарно лэ Дэвлэсти и лэ Христости и важ када имено кадя во и терэлас. Во ӷанэнас, кай о Иегова камэл, кай «и разни мануша тэ спасынпэ и драго тэ полэн о чачимос» (1 Тим. 2:3, 4). О Павло отдэлас вся пэско зор пэ служэния и росԥэнэнас важ о Дэл всаворэнди, касти кати моӷ. Важ када во моӷ тэ ԥэнэн, кай «стердя вся, со можно сас, кай тэ поможый разнонэ манушэнди, кай со бы тэ на авэл тэ спасый дэсавэн» (1 Кор. 9:22, 23).

МЭК ЧЕРЕЗ И БИБЛИЯ АНДЭ ТУМАРИ ЖЫЗНЯ АВЭЛА БУТ РАДОСТЬ

15. Сар пистромэ андо Псалом 1:2, через со амэ ашас бахталэ?

¹⁵ О псалмопевцо пистросардя, кай бахтало и успешно мануш — када кодэва, ко «радуийпэ лэ Иеговастирэ законости и адиной и гиндой пала лэстэ дес и рят» (Пс. 1:1—3). Ла Библияко переводчико о Джозефо Ротергамо пала мануш анда кадэва стихо ԥэндя: «...во кадя фартэ любий лэ Дэвлэско совето, кай родэл лэс, бут изучает и потом долӷо обгиндой лэс. [...] ...Если посли кода, сар прожал дес, во нэ можэт тэ ԥэнэн, кай фэдэр полэл варисави библейско мудрость, тоди кацаво дес во прожудя евья» (Joseph Rotherham. Studies in the Psalms). Тэ изучаеш и Библия фартэ интересно, кала ту диқэс бут разни детали и сар вонэ всаворэ сԥанглэ ек еқэса. Сави када дэ бари радость тэ изучаем лэ Дэвлэско Алав!

16. Пала со амэ подаса дума андэ авэр статья?

¹⁶ Андэ пэско Алав о Иегова росԥэнэн бут со интересно. Дэко можэт тэ дарал, кай во никала вся када на полэла. Но када най кадя. Андэ авэр статья амэ подаса дума пала ек анда ӷлыбоки темы: баро духовно лэ Иеговаско храмо. Пала лэстэ пистросардя о апостало Павло андо Письмо лэ евреёнэнди. Амэ уверени, кай тумэнди чалёла тэ иследуете кадэя статья.