Ай тумэ ӷанэн?

Васо андэ Библия дэсавэ алава и гиндоря пистронпэ упалэ и упалэ?

КОДЭЛА, ко пистронас и Библия, дэкала най еқвар пистронас дэсавэ алава и гиндоря. Роздиқаса трин маменторя, васо вонэ када терэнас.

Кала када сас пистромэ. Андо дэлмутно Израилё кай бут мануша на сас пэстири копия па Свынти Лила. Вонэ ашунэнас, со пистромэ андо законо, кала стидэнаспэ англа свынто катуна, ай ӷэт май интя — англа храмо (Втор. 31:10—12). И мануша ашунэнас тердендой дэсавэ часоря (Неем. 8:2, 3, 7). Котэ, файма, сас баро ӷурто мануша и через када сас шумо, саво лэнди моӷ тэ мишыий. Блаӷодаря кодэлэсти, кай упалэ и упалэ ԥэнэнас и ӷлавни гиндоря и алава, лэ израильтянонэнди сас май вушэро тэ сэрэн лэ Дэвлэстирэ законоря и тэ прилэн лэн (Лев. 18:4—22; Втор. 5:1).

Сар када сас пистромэ. Андэ ла Библиятирэ книжки 10 процэнтов — када и диля, например, Псалом, Песня Соломона и Плач Иеремии. Дэкала андэ диля сас припево. Во шолас сама по ӷлавно гиндо андэ дили и поможыяс лэ манушэнди тэ сэрэн латирэ алава. Например, шон сама по Псалом 115:9—11: «Израилё, надеисав по Иегова, во тири помощь и о щито. Кодэла, ко жылэ лэ Аароностар, надеинпэ по Иегова, во тумари помощь и о щито. Кодэла, ко даран лэ Иеговастар, надеинпэ по Иегова, во тумари помощь и о щито». Кода, кай дэсавэ алава дилабэнас упалэ и упалэ, поможыяс, кай о важно чачимос тэ ашэлпэ андо ди и годи.

Васо сас када пистромэ. Дэкала кодэла, ко пистронас и Библия, най еқвар пистронас и ӷлавни гиндоря, кай тэ шон сама пэр лэндэ. Кала о Иегова ԥэндя лэ израильтянонэнди тэ на хан о рат, во приԥэндя лэ Маисеёсти тэ ԥэнэн када лэнди най еқвар. О Дэл камэл тэ шол сама, кай и жызня кодэлэндири, ко жувэл пэ ԥув — анда рат; аврэ алавэнца, о рат сыкавэл и жызня (Лев. 17:11, 14). Ӷэт май интя и апосталоря и барэдэр ԥрала андо Иерусалимо пистросардэ лэ христианонэнди, состар лэнди трэбуй тэ фэринпэ. Вонэ упалэ шутэ сама, кай трэбуй май дур тэ ритярдён лэ ратэстар, кай тэ радуин лэ Дэвлэс (Дила 15:20, 29).

О Иегова на камэлас, кай амэ просто тэ присытювас тэ пэрэԥэнас и алава анда Свынти Лила. Например, лэско Шаво ԥэндя: «Кала мангэнпэ, на́ ԥэнэн ек и ек» (Матф. 6:7). Ай тоди во росԥэндя, пала со можно тэ мангаспэ, кай када тэ авэл уӷодно лэ Дэвлэсти (Матф. 6:9—13). Важ када, хоть амэ на пэрэԥэнас пэстирэ молитвы алав андэ алавэстэ, амэ можэм тэ мангаспэ пала варисаво гиндо упалэ и упалэ (Матф. 7:7—11).

Чаче, кай о Дэл сас бут васо тэ запистрой андэ Библия дэсавэ гиндоря и алава упалэ и упалэ. Кадэлэса, о Иегова, амаро Само Баро Учителё, сытярэл амэн, кай амэ тэ авас лошалэ и бахталэ (Ис. 48:17, 18).