Лэ Иеговаско вас най скурто

1. Сар о Маисеё сыкадя, кай патял лэ Иеговасти, кала виандярэлас лэстирэ народос анда Египто?

АНДО Письмо лэ евреёнэнди ԥэнэнпэ пала бут лэ Иеговастирэ мануша, савэндэ сас бари вера. Ек андар лэндэ — о Маисеё (Евр. 3:2—5; 11:23—25). Во андэ вся патялас лэ Иеговасти, кала виандярэлас лэстирэ народос анда Египто. О Маисеё на пэрэдарайля лэ фараоностар и лэстирэ халавдэндар. Во надеияспэ по Иегова и важ када андярдя лэстирэ народос через и Лоли моря андэ пустыня (Евр. 11:27—29). Май бут анда израильско народо на допатянас, кай о Иегова можэт пала лэндэ тэ позаботийпэ. Но о Маисеё на парашэлас тэ патял пэстирэ Дэвлэсти, и о Иегова лэс на подвэдисардя. О Дэл стердя чудеса и дя лэ манушэнди хамос и пимос, кай вонэ тэ на мэрэн андэ пустыня, андэ сави почти нисо на барёлас (Исх. 15:22—25; Пс. 78:23—25)a.

2. Васо о Дэл пушля лэ Маисеёстар: «Хэба лэ Иеговаско вас скурто?» (Числа 11:21—23).

² Варикай через бэршэстэ посли кода, сар и израильтяноря вижылэ анда Египто, о Иегова ԥэндя, кай дэла лэнди мас. О Маисеё патялас кадэлэсти, но всаек на полэлас, сар кай о Иегова вижала тэ проправарэл масэса милионоря манушэн. Важ када о Дэл пушля лэстар: «Хэба лэ Иеговаско вас скурто?» (Проадинон Числа 11:21—23.) Лэ Иеговаско вас — када лэско свынто зор. Можно тэ ԥэнас, кай о Иегова пушля лэ Маисеёстар: «Ту чаче гиндос, кай мандэ нинай зор тэ зритярав пэско алав?»

3. Васо авэла драго тэ погиндосарас пала кода, со тердяпэ лэ Маисеёса и лэ израильтянонэнца?

³ Ту варикала загрыжосаспэ, сможэт о Иегова тэ позаботийпэ пала тутэ и пала тиро ери? Всаворэнди амэнди авелоп драго тэ погиндосарас важ кода, со тердяпэ лэ Маисеёса и лэ израильтянонэнца. Амэ уӷанаса, васо вонэ линэ тэ на допатян, кай о Иегова можэт тэ дэл лэнди хамос. Кадяжэ подаса дума важ и принцыпоря анда Библия, савэ поможын амэнди инке май фартэ тэ патяс, кай лэ Иеговаско вас най скурто.

СО ТЕРДЯПЭ ЛЭ МАИСЕЁСА И ЛЭ ИЗРАИЛЬТЯНОНЭНЦА

4. Васо бут израильтяноря линэ тэ на допатян, кай о Иегова можэт пала лэндэ тэ позаботийпэ?

⁴ О израильско миро, ай кадяжэ и мануша анда авэр народоря ужэ дэсави время жанас па пустыня каринг и Обещано ԥув (Исх. 12:38; Втор. 8:15). И мануша анда авэр народоря цыелэ тэ хан ек и мана и линэ тэ мангэн авэр хамос. И израильтяноря тожэ линэ тэ ровэнпэ. Вонэ ԥэнэнас, кай скучисайлэ пала хамос, саво сас лэндэ андо Египто (Чис. 11:4—6). О миро фартэ тасавэлас по Маисеё, и во ля тэ гиндой, кай обязано тэ праварэл лэн всаворэн масэса. Но во на ӷанэнас, кай лэс тэ лэл (Чис. 11:13, 14).

5, 6. Сар и мануша анда разни народоря парудэ лэ израильтянонэнго гиндо и сости амэ можэм анда када тэ сытювас?

⁵ И мануша анда авэр народоря на цэнинас кода, со важ лэндэ стердя о Иегова. Через лэндэ кадя жэ линэ тэ гиндон и израильтяноря. Кацаво можэт тэ авэл и амэнца. Если круӷом амэндэ мануша, савэ на цэнин кода, со лэндэ исин, амэ тожэ можэм тэ парашас тэ лошавас кодэлэсти, со дэл амэнди о Иегова. Амэ можэм тэ лас тэ скучисарас пала кода, со амэндэ сас раньшэ, или тэ завидуисарас кодэлэсти, со исин аврэндэ. Если амэ сытюваса андэ люби ситуацыи тэ авас лошалэ кодэлэсти, со амэндэ исин, тоди амэ аваса май бахталэ.

⁶ И израильтяноря трэбуй сас тэ сэрэн, саво алав лэнди дя о Иегова. Во ԥэндя, кай, кала вонэ авэна андэ пэско нэво цэр — андэ Обещано ԥув, лэндэ авэла вся, со лэнди трэбуй. Но када о Иегова трэбуй сас тэ стерэл имено андэ Обещано ԥув, ай най па дром андэ пустыня. Кадяжэ и амэнди на трэбуй тэ ровас пала кода, со, можэт, на дорэсляпэ амэнди андэ кадэя люма. Фэдэр тэ шас сама пэ райканэ подаркоря, савэ о Иегова дэла амэнди англэ. Инке можно тэ гиндосарас пала стихоря анда Библия, савэ поможына амэнди инке май фартэ тэ патяс лэ Иеговасти.

7. Васо амэ можэм тэ патяс, кай лэ Иеговаско вас най скурто?

⁷ «Хэба лэ Иеговаско вас скурто?» Васо о Дэл задя имено кацаво вопросо? Можэт, кай о Маисеё тэ погиндой най кати пала лэ Дэвлэско зор, но и пала кода, кай о Дэл можэт «тэ доцырдэлпэ» жы каринг пэстирэ мануша, кай бы вонэ тэ на авэн. Важ о Иегова нинай кацаво ҭан, каринг саво лэско вас на дорэслоп. Во моӷ чалэс тэ праварэл лэ израильтянонэн масэса дажэ андэ пустыня. О Дэл сыкадя «барэ зорэса и састэ [ворта «процырдэ»] вастэса», кай можэт лэнди тэ поможый (2 Цар. 17:36). Кочай, саво ԥаримос амэндэ тэ на авэл, давайте тэ сэрас, кай о Иегова можэт пала амэндэ тэ позаботийпэ, важ кода кай лэско вас най скурто (Пс. 138:6, 7).

8. Со поможыя амэнди тэ на терас кадя, сар и израильтяноря андэ пустыня? (Кадяжэ диқэн и картинка.)

⁸ О Иегова ӥто стердя кадя, сар ԥэндясас, — дя пэстирэ народости фартэ бут перепёлки. Но о израильско миро дажэ на ԥэндя наис лэ Дэвлэсти важ кадэя чуда. Вонэ сар па чорымастэ динэ пэ кодэла птицы и нащи парашэнас тэ стидэн лэн дес епашэса. О Иегова росхоляйля и спушля па кадэла «чорымастирэ мануша» (Чис. 11:31—34). Амэ можэм бутэсти тэ сытювас анда кадэва случаё. Амэ трэбуй тэ фэрисавас, кай тэ на ашас чорымастирэ. Неважно, скати амэ затерас, — давайте тэ старысавас тэ ашас май пашэ каринг о Иегова и каринг о Исусо. Кадя амэ ласа тэ стидас «о барвалимос по небо» (Матф. 6:19, 20; Лука 16:9). Тоди о Дэл дэла амэнди вся, со трэбуй важ и жызня.

9. Андэр со амэ можэм тэ патяс?

⁹ О Иегова и адес поможый амэнди пэстирэ састэ вастэса. Но када на сыкавэл, кай амэнди всегда лэла тэ хутилэл хамос и ловэb. О Иегова вся и время авэла паша амэндэ. Во подритярэла амэн андэ любо ԥаримос. Сар тэ сыкавас, кай патяс лэ Дэвлэсти: 1) кала амэнди ԥарэс лэ ловэнца и 2) кала амэ гиндосарас, со тэ стерас, кай тэ хутилэн ловэ андэ ԥурэ бэрша?

КАЛА ԤАРЭС ЛЭ ЛОВЭНЦА

10. Саво ԥаримос амэндэ можэт тэ авэл, если андэ люма ашэла май ԥари ситуацыя лэ ловэнца?

¹⁰ Со май фартэ пашол кадэла люматири время, со май хужэ можэт тэ авэл и ситуацыя лэ ловэнца. Андэ люма часто парудён и правителя, терэнпэ войны и биды андэ природа, ай кадяжэ розжалпэ нэво насвалимос. Через вся када лэ мирости прижалпэ тэ тратий май бут ловэ. Кадяжэ и мануша моӷут тэ хасарэн бутя, пэско мищимос или цэра. Можэт, амэнди прижалапэ тэ родас нэви бути или тэ пэрэладас пэ авэр краё, кай хоть варисар тэ проправарас пэстирэ ерес. Сар амэ тэ сыкавас, кай патяс лэ Иеговасти?

11. Со дэла помощь, если тути ԥарэс лэ ловэнца? (Лука 12:29—31).

¹¹ Пэрво, со трэбуй тэ стерэс, — када тэ росԥэнэс лэ Иеговасти, пала со тутэ дуқал оди (Прит. 16:3). Манг лэстар помощь, кай тэ прилэс решэния годяса и тэ ашэспэ спокойно. (Проадинон Лука 12:29—31.) Май часто манг лэс, кай во тэ поможый тути тэ авэс лошало кодэлэсти, со тутэ исин (1 Тим. 6:7, 8). Пэ амаро сайто исин бут статьи и видеоря, андэ савэ дэнпэ лашэ советоря, кала исин ԥаримос лэ ловэнца. Кадэла советоря ужэ бутэнди поможысардэ.

12. Савэ вопросоря поможына лэ христианиности тэ сэрэл пала ери, кала во витидэл важ пэстэ бути?

¹² Дэсавэ линэ тэ терэн бути дур лэ цэрэстар, но май интя полинэ, пэскати када сас дэ найгодявэрнэс. Англа кода сар тэ жас тэ терэс пэ нэви бути, драго пала вся погиндосар. Дажэ если тути ԥэнэн, кай лэна драго тэ потинэн, шув сама, на лэла када тэ одлэл кодэя время, сави ту и тиро ери трэбуй тэ отдэн лэ Дэвлэсти (Лука 14:28). Пуш пэстар: «Со авэла мэрнэ ереса, если мэ авава лэндар дур? Вижала мандэ тэ авав пэ всаворэ собрании, тэ росԥэнав важ о Дэл и тэ проандярав и время мэрнэ ԥралэнца и ԥэянца?» Ай если тутэ исин бэяцэ, трэбуй тэ задэс пэсти и кацаво важно вопросо: «Вижала мандэ тэ дав лэнди годи и тэ сытярав лэн, если мэ на авава паша лэндэ?» (Еф. 6:4) Кала ту прилэс решэния, приашундюв каринг кода, со ԥэнэн о Иегова, ай най каринг кода, со ԥэнэн о ери и о родо, саво на жувэл па Библияc. Акэ со сас андэ жызня кай о То́ни, саво жувэл андэ ек азиацко страна. Лэс най еқвар ақарэнас тэ терэл лащи бути, важ сави лэсти драго потиндоп. Но тэ терэл лэсти прижылопэ андэ авэр страна. Со во стердя? Амаро ԥрал мангляпэ, подя дума пэстиря хулаяса и приля решэния никаринг тэ на ладэл. Вонэ стодэ цэль тэ тратин май набут ловэ и тэ жувэн май просто. О Тони росԥэнэн: «Мэ радо, кай на лаглэм. Мандэ вижыля тэ поможысарав дэсавэ манушэнди тэ авэн каринг о Дэл, ай мэрно шаво и мэрни щей фартэ любин лэ Иеговас. Амаро ери пар пэстэ поля, кай кода, со пистромэ андо Матфеё 6:33, — када чачимос. Если амэ жувас кадя, сар сытярэлас о Исусо, тоди о Иегова обязательно лэла пала амэндэ тэ заботийпэ».

КАЛА ГИНДОСАРАС, СО ТЭ СТЕРАС, КАЙ ТЭ ХУТИЛЭН ЛОВЭ АНДЭ ԤУРЭ БЭРША

13. Со амэ можэм тэ терас ужэ акана, кай андэ ԥурэ бэрша амэнди тэ авэл, пэр со тэ жувас?

¹³ Амэ можэм тэ загиндосавас, сар амэнди тэ хутилэн ловэ, кала амэ ԥурюваса. Сар тэ сыкавас, кай андэ када амэ патяс лэ Иеговасти? Лэско Алав, и Библия, ԥэнэн амэнди тэ погиндосарас май данглал и тэ пристас бут зор (Прит. 6:6—11). Если исин возможность, авелоп годявэрнэс полокорэс тэ отстас ловэ. Да, андэ дэсо и ловэ моӷут тэ фэрин (Эккл. 7:12). Но амэнди трэбуй тэ на домэкас, кай о затеримос тэ ашэл ӷлавно андэ амари жызня.

14. Сар и алава анда Евреёря 13:5 поможын амэнди фартэ тэ на загрыжосавас пала кода, со аштярэл амэн англэ?

¹⁴ Андэ ек пэско примеро о Исусо шутя сама, кай кодэва, ко стидэл ловэ, но «на старыийпэ тэ ашэл барвало андэ лэ Дэвлэстирэ яқа», терэл найгодявэрнэс (Лука 12:16—21). Ни ек мануш на ӷанэн, со авэла лэса тэся (Прит. 23:4, 5; Иак. 4:13—15). Ай пэстирэ учениконэнди о Исусо ԥэндя, кай вонэ трэбуй тэ авэн ӷотови тэ отԥэндён всаворэ́ пэстирэ мищимастар (Лука 14:33). Кала андо пэрво вико и христианоря андэ Иудея ашавэнас вся, со лэндэ сас, вонэ ашэнаспэ лошалэ (Евр. 10:34). Андэ амари время бут ԥрала похасардэ пэстирэ бутя, важ кода кай отԥэнделэ тэ ӷулен андэ лэ правителёнэндири дила (Тайна 13:16, 17). Со поможысардя лэнди тэ ашэнпэ састэ? Вонэ всаворэ́ одеса патянас, кай о Иегова зритярэла пэско алав: «Мэ никала на ашавава тут и никала на помэкава тут». (Проадинон Евреёря 13:5.) И акэ, кала амэ гиндосарас пала время, сави аштярэл амэн англэ, амэ терас кода, со па амаро зор. Ай авэр ашавас андэ лэ Иеговастирэ вас. Амэ патяс, кай, со бы тэ на терэлпэ андэ амари жызня, о Дэл сможэт пала амэндэ тэ позаботийпэ.

15. Со трэбуй и на трэбуй тэ аштярэн пэстирэ бэятонэндар и христианоря? (Кадяжэ диқэн и картинка.)

¹⁵ Андэ дэсавэ народоря гиндон, кай и родителя, кала вибарёна лэндирэ бэяцэ, лэна тэ жувэн пэ лэ бэятонэндирэ ловэ. Но андэ Библия ԥэнэнпэ, кай када и родителя трэбуй тэ заботинпэ пала бэяцэ (2 Кр. 12:14). Канешно, кала и родителя ԥурён, лэнди, можэт, трэбуй авэла варисави помощь, и бут бэяцэ радостяса ӷотови ла тэ дэн (1 Тим. 5:4). Но и родителя, савэ христианоря, полэн, андэр со и чачуни бах. Кацавэ родителя авэна па чачимастэ бахталэ, най кала поможын лэ бэятонэнди май бут тэ затерэн, кай потом тэ обеспечивают лэн, ай кала сытярэн лэ бэятонэн тэ андярэн лэ Дэвлэстири время (3 Иоан. 4).

16. Сар и родителя моӷут тэ поможын пэстирэ бэятонэнди тэ авэн ӷотови каринг и взросло жызня? (Ефесо 4:28).

¹⁶ Родителя, сар тумэ можэте тэ поможын пэстирэ бэятонэнди тэ авэн ӷотови каринг и взросло жызня? Сыкавэн лэнди лашо примеро, кай важно андэ вся тэ надеинпэ по Иегова. Пока вонэ инке цынёне, дэн лэнди помощь тэ присытён каринг и ԥари дила (Прит. 29:21; проадинон Ефесо 4:28). Кала вонэ лэна тэ ԥирэн андэ школа, приԥэнэн лэнди, кай вонэ тэ старыинпэ драго тэ сытён. Если тумэ драго розуӷанэн и Библия и жувэн па латирэ советоря, тоди тумэндэ вижала тэ поможын пэстирэ бэятонэнди годяса тэ витидэн, каринг вонэ тэ жан тэ сытён посли школа. Тумэ трэбуй тэ домардён, кай вонэ най кати тэ сытён тэ затерэн важ пэстэ, но и тэ любин тэ росԥэнэн важ о Дэл, — можэт, дажэ тэ ашэн пианероря.

17. Пала со амэнди важно никала тэ на забистрас?

¹⁷ Кодэла, ко надеийпэ по Иегова, патян, кай во можэт и камэл тэ дэл лэнди вся, со трэбуй. Со май пашэ поджал кадэла люматири время, со май фартэ амэ трэбуй тэ надеисавас по Дэл. Со бы тэ на терэлпэ, давай никала тэ на бистрас, кай лэ Иеговастэ исин зор тэ позаботийпэ пала амэндэ. Амэ драго ӷанас, кай лэско вас най скурто!