10. Пэр тутэ можно тэ надеиспэ?

ВАСО?

Лэ манушэсти, пэ саво можно тэ надеиспэ, патян и родителя и друӷоря и кодэва, каса во ладэл пэ бутятэ. Во жувэл па законоря, зритярэл пэско алав и вся и время ԥэнэн чачимос.

ВАСО КАДА ВАЖНО?

Пэ скати тути лэна тэ мэкэн тэ терэс кода, со ту камэс, дицола па кода, сар ту пэс андярэсас.

«Кай о дад и дэй тэ патян тути, трэбуй тэ андярэс пэс, сар годявэрно мануш най кати, кала ту паша лэндэ, но и кала вонэ тут на диқэн» (Сарахи).

БИБЛЕЙСКО ПРИНЦЫПО. «На парашэн тэ диқэн пала пэстэ» (2 Коринфянам 13:5).

СО МОЖНО ТЭ СТЕРЭС?

Если тути парашэлэ тэ патян или ту камэс, кай тути май бут тэ патян, со ту можэш тэ стерэс.

На хохав. Через о хохаимос парашэн тэ патян. Ай если ту на хохавэс и прижанэс пэстирэ ошыбки, авэр лэна тэ патян тути.

«Вушэро тэ авэс чесно, сар вся драго. Ай сар ту на хохавэс андэ кода, андэр со ту дошало, тоди и мануша май бут тути лэна тэ патян» (Каймано).

БИБЛЕЙСКО ПРИНЦЫПО. «Амэ ни андэр со на камас тэ хохавас» (Евреям 13:18).

Старысав тэ терэс дила драго. Сар сыкадя и исследования, сави стердэ андэ США, 78 процэнтов спецыалисторя, савэ родэн кодэлэн, ко лэна тэ терэн бути, гиндон, кай трэбуй, кай о мануш тэ старыийпэ тэ терэл дила драго, хоть лэстэ важ када и нинай опыто. Если ту сытёса тэ терэс любо дила драго, када приӷодияпэ тути, кала ту авэса взросло.

«Лэ дадэсти и ла мамати чалёл, кала мэ екжэни терав и дила па цэр, и на аштярав, кала манди пала када ԥэнэна. Со май часто мэ пэс кадя андярав, со май бут вонэ патян манди» (Сара).

БИБЛЕЙСКО ПРИНЦЫПО. «[Ганав] кай ту стерэса дажэ май бут кодэлэстар, со мангав» (Филимону 21).

Ӷан тэ аштярэс. Кода, кай ту подбарелян, када сразу дицол. Но кай и мануша тэ полэн, кай ту ашэлян май годявэрно и кай ӷанэс тэ ритярэс пэско алав, трэбуй время.

«Если ту еқвар стердян правильно, кадэлэстар тути на лэна вся и время тэ патян. Важ када трэбуй кажно дес пэ дила тэ сыкавэс, кай тути можно тэ патяс» (Брэндоно).

БИБЛЕЙСКО ПРИНЦЫПО. «Утидэнпэ андэ... [кода, кай] тэ ӷанэн тэ аштярэн» (Колоссянам 3:12).