Доверяйте лэ ԥралэнди и лэ ԥэянди

1. Васо амэ на удивисавас, кай адес найвушэро тэ доверяем аврэнди?

АНДЭ кадэя люма и мануша на ӷанэн, касти тэ доверяют. И барвалэ мануша, и политикоря и рашая андярэн пэс кадя, кай о миро хасарэл о патяимос лэнди. Кадяжэ лэ манушэнди найвушэро тэ допатян пэстирэ друӷонэнди, лэ сосидонэнди и дажэ лэ ерести. Но амэ на удивисавас кадэлэсти. Андэ Библия дэлмут сас пистромэ: «Андэ послидни деса авэла фартэ ԥари время. И мануша... на лэна тэ зритярэн пэстирэ алава... лэна тэ андярэн хохавни дума... лэна тэ придэн». Аврэ алавэнца и мануша андярэн пэс точно кадя жэ, сар о Сатана, «кадэла люмако дэл», савэсти амэ нащи тэ доверяем (2 Тим. 3:1—4; 2 Кор. 4:4).

2. а) Касти амэ можэм андэ вся тэ доверяем? б) Савэ вопросоря дэсавэ моӷут тэ задэн?

² Но амэ христианоря, и амэ ӷанас, кай можэм андэ вся тэ доверяем лэ Иеговасти (Иер. 17:7, 8). Амэ уверени, кай во амэн любий и никала на ашавэла пэстирэ друӷонэн (Пс. 9:10). Кадяжэ о Иисусо затердя амари доверия, важ кода кай отдя пэстири жызня пала амэндэ (1 Пет. 3:18). Ай инке амэ андэ пэстири жызня полям, кай и советоря анда Библия анэн лашымос (2 Тим. 3:16, 17). Амэ ӷанас, кай можэм тэ доверяем лэ Иеговасти, лэ Иисусости и ла Библияти. Но дэсавэ моӷут тэ пушэн: «Ай можно всегда тэ доверяем амарэ ԥралэнди и ԥэянди? Если да, тоди васо?»

АМЭНДИ ТРЭБУЙ ԤРАЛА И ԤЭЯ

3. Саво кучутно подарко амэндэ исин? (Марка 10:29, 30).

³ О Иегова приля амэн андэ пэско баро ери, андэ саво ужан милионоря мануша. Амэ фартэ блаӷодарни лэсти важ кадэва кучутно подарко! (Проадинон Марка 10:29, 30.) Амэндэ исин бут ԥрала и ԥэя па вся и люма, савэ фартэ любин лэ Иеговас и старыинпэ тэ жувэн па лэстирэ законоря. Амэндэ можэт тэ авэл разно шыб, культура и ӥда, но амэ всаек фартэ любисарас лэн, дажэ если раньшэ лэн на ӷанасас. Амэнди фартэ чалёл вмести тэ служысарас амарэ небеснонэ Дадэсти, лэ Иеговасти, и тэ восхваляем лэс! (Пс. 133:1).

4. Васо амэнди трэбуй амарэ ԥрала и ԥэя?

⁴ Адес сар никала фартэ важно, кай тэ авэл ладо машкар ԥрала и ԥэя. Дэкала вонэ поможын амэнди тэ виритярас о ԥаримос (Рим. 15:1; Гал. 6:2). Вонэ придэн амэнди зор, кай амэ тэ на парашас тэ служысарас лэ Иеговасти и кай амари дружба лэса всегда тэ авэл састи (1 Фес. 5:11; Евр. 10:23—25). Кати погиндон, сави жызня амэндэ авелоп би лэ ԥралэнго и ԥэянго анда собрания! Вонэ поможын амэнди, кала пар мэндэ тасавэл о Сатана и лэстири люма. Ӥто амарэ вороӷоря дэна по лэ Дэвлэско народо. Амэ аваса фартэ ради, кай паша амэндэ авэна амарэ ԥрала и ԥэя!

5. Васо дэсавэнди найвушэро тэ доверяют лэ ԥралэнди и лэ ԥэянди?

⁵ Но дэсавэнди найвушэро тэ доверяют лэ ԥралэнди и лэ ԥэянди. Васо? Можэт, варико росԥэндя лэнго секрето аврэнди или на зритярдя пэско алав. Ай можэт, лэ христианиности стердэ или ԥэндэ варисо, состар лэсти ашэля дуқанэс по ди. Тоди можэт тэ авэл ԥарэс тэ доверяем аврэнди. Но со поможыя када тэ терас?

АМЭ НЭ МОЖЭМ ТЭ ДОВЕРЯЕМ, ЕСЛИ НА ЛЮБИСАРАС

6. Сар и любовь поможый тэ доверяем аврэнди? (1 Коринфянам 13:4—8).

⁶ И любовь — фундаменто важ и доверия. Андэ 1 Коринфянам, 13 ӷлава, разнонэ ригэндар пистромэ пала любовь. Вой можэт тэ поможый амэнди тэ доверяем аврэнди дажэ тоди, кала амэ ужэ хасардям и доверия каринг лэндэ. (Проадинон 1 Коринфянам 13:4—8.) Например, андо 4 стихо ԥэнэнпэ, кай и «любовь терпеливо и добро». Амаро Дэл Иегова терпеливо амэнца, дажэ кала амэ терас бэзэх. Канешно, тоди и амэ трэбуй тэ авас терпеливи амарэ ԥралэнца и ԥэянца, дажэ кала вонэ ԥэнэн или терэн варисо, со холярэл амэн или терэл амэнди больно. Андо 5 стихо ԥэнэнпэ, кай и любовь «на вижал андар пэстэ, на адиной и ошыбки». Важ када амэ на камас тэ адиносарас и ошыбки, савэ стердэ амарэ ԥрала и ԥэя против амэндэ. Андэ Экклезиаст 7:9 пистромэ: «На грабисав тэ холявэс». Ай кадяжэ андэ Эфесянам 4:26 ԥэнэнпэ: «Мэк прожала тумари холи, сар о қам инке на бэшля».

7. Сар и принцыпоря анда Матфеё 7:1—5 поможын амэнди тэ доверяем лэ ԥралэнди и лэ ԥэянди?

⁷ Со инке поможый амэнди тэ доверяем лэ ԥралэнди и лэ ԥэянди? Важно тэ диқас пэр лэндэ кадя, сар диқэл о Иегова. О Дэл лэн любий и на адиной лэндирэ ошыбки. И амэ камас тэ терас кадяжэ (Пс. 130:3). Давайте ласа тэ пристас зор, кай тэ диқас о лашымос, саво исин кай и ԥрала и ԥэя, и тэ на шас сама пэ лэндирэ нэдостаткоря. (Проадинон Матфеё 7:1—5.) Амэ на камас тэ сомневаемся андэр лэндэ и патяс, кай вонэ на камэн тэ стерэн амэнди вэрыто. Кадя амэ сыкавас, кай и любовь «всаворэсти патял» (1 Кор. 13:7). Канешно, о Иегова на аштярэл, кай амэ просто кадя всаворэнди тэ доверяем, но амарэ ԥрала и ԥэя ужэ затердэ амари доверияb.

8. Сар тумэ можэте тэ сытён тэ доверяете лэ ԥралэнди и лэ ԥэянди?

⁸ Кадя жэ сар и уважэния, и доверия на лэлпэ корко пэстар. Ла трэбуй тэ затерэн, ай пэ када трэбуй время. Важ када авэн терпеливи: дэн возможность лэ ԥралэнди и лэ ԥэянди тэ сыкавэн, кай лэнди можно доверять. Со тумэ можэте тэ стерэн пэстиря ригатар, кай тэ доверяете лэнди? Уӷанэн лэн май драго. Общяйтесь лэнца пэ собрании. Ақарэн лэн андэ служэния. Возможно, тумэ на лэна тэ ԥэрнавэн пэско ди кодэлэнди, кас уӷанглэ кати найдэлмут. Но со май бут тумэ уӷанэн лэ манушэс, со май вушэро тэ росԥэнэн лэсти, со тумэндэ по ди (Луки 16:10). Ай со, если варико анда собрания хасардя тумари доверия? На грабинпэ тэ одбандён лэстар. Мэк прожал время, авэн терпеливи. Дажэ если варико андярдя пэс нэправильно, на парашэн через када тэ доверяете аврэ ԥралэнди и ԥэянди. Давайте подаса дума пала дэсавэ лэ Иеговастирэ служытеля, савэ на парашэлэ тэ доверяют аврэнди, хоть варико хасардя лэндири доверия.

СЫТЁН КОДЭЛЭНДАР, КО НА ХАСАРДЯ И ДОВЕРИЯ КАРИНГ АВЭР

9. а) Сар и Анна на хасардя и доверия каринг о Иегова через о бэзэх, саво терэнас дэсавэ лэстирэ прецтавителя? б) Сар ла Аннако примеро поможый амэнди тэ доверяем лэ Иеговастиря арӷанизацыяти? (Диқэн и картинка.)

⁹ Сас тумэндэ кацаво, кай тумэ хасардэ о патяимос каринг дэсавэ назначени ԥрала? Если да, тоди погиндон пала Анна. Андэ кодэя время о Илиё служыяс сар ӷлавно рашай и сас лэ Иеговаско прецтавителё андо Израилё. Лэстирэ шавэ, хоть и служынас рашанца, терэнас билажавардимос. Но лэнго дад ԥандавэлас пэ када и яқа и почти нисо на терэлас, кай тэ поможый лэнди тэ парудён. О Дэл на заля лэстар сразу лэстири назначения. Парашэля и Анна тэ тэлёл лэ Иеговасти андэ свынто бари катуна, кай служыяс о Илиё? Наверно, латэ дажэ на сас кацаво гиндо. Кала о Илиё додиқля, кай вой мангэлпэ, лэсти здяпэ, кай вой мати. Во дажэ на ля тэ розлэлпэ и сразу дошалярдя ла (1 Сам. 1:12—16). Но и Анна всаек дя алав лэ Иеговасти, кай если латэ арақадёла шаворо, вой отдэла лэс пэ служэния андэ свынто бари катуна, хоть и ӷанэнас, кай пала лэстэ лэла тэ диқэл о Илиё (1 Сам. 1:11). Хэба лэ Илиястирэ шавэ на затердэ, кай лэн тэ просытярэн? Затердэ. И о Иегова андэ пэстири время лэн просытярдя (1 Сам. 4:17). Ай ла Аннати во дя лэ шавэс, лэ Самуилос (1 Сам. 1:17—20).

10. Парашэля о Давидо тэ доверяет аврэ манушэнди, кала лэс придинэ? Росԥэнэн.

¹⁰ Сас тутэ кацаво, кай тут придя пашутно друӷо? Если да, давай подаса дума пала царё Давидо. Лэстэ сас друӷо, савэс ақарэнас Ахитофело. Но кала лэ Давидоско шаво о Авессаломо жыля против пэско дад и закамля тэ залэл лэско царство, о Ахитофело подритярдя лэс. Лэ Давидости сас фартэ ԥарэс кадэлэстар, но во на хасардя и доверия каринг авэр мануша. Например, во доверял лэ манушэсти, савэс ақарэнас Хушай, кала во отԥэнделя тэ жал пала Авессаломо. И о Давидо най евья доверял лэсти. О Хушай сас лашо друӷо и дажэ сас ӷотово тэ хасарэл пэстири жызня, кай тэ поможый лэ Давидости (2 Сам. 17:1—16).

11. Сар ек анда лэ Навалостирэ слуӷоря сыкадя и доверия?

¹¹ Ай акана давайте подаса дума пала ек анда лэ Навалостирэ слуӷоря. О Давидо пэстирэ манушэнца фэрияс лэстирэ пастухонэн. Сар прожыля время, во мангля, кай о Навало тэ дэл лэсти и лэстирэ манушэнди набут хамос. Кала о Навало отԥэндя лэ Давидости, во кадя росхоляйля, кай закамля тэ умарэл всаворэ муршэн андэ лэ Навалоско цэр. О слуӷо росԥэндя пала када лэстиря хулаяти, савя ақарэнас Авигея. Канешно, во моӷ просто тэ унашэл, но во патялас, кай и Авигея можэт тэ фэрий лэстири жызня. Во сас уверено андэр латэ, важ кода кай ӷанэнас, кай вой сас мудро жувли. И вся вижыля имено кадя, сар во гиндояс. И Авигея сас фартэ смило, и латэ вижыля тэ подэл дума лэ Давидоса, кай во тэ на стерэл кода, со загиндосардя (1 Сам. 25:2—35). Ай вой доверяла лэ Давидости и патялас, кай во андярэла пэс годявэрнэс.

12. Катар амэ ӷанас, кай о Иисусо доверял пэстирэ учениконэнди, хоть вонэ и терэнас дэсавэ ошыбки?

¹² О Иисусо доверял пэстирэ учениконэнди, хоть вонэ и терэнас дэсавэ ошыбки (Иоан. 15:15, 16). Еқвар о Иаково и о Иоанно манглэ, кай во тэ дэл лэнди почотно ҭан андо Царство. Но о Иисусо на ля тэ гиндой пала лэндэ вэрыто, и вонэ на парашэлэ тэ авэн лэстирэ апостолоря (Мар. 10:35—40). Кала лэ Иисусос астардэ, всаворэ ученикоря лэс ашадэ (Матф. 26:56). Но о Иисусо на парашэля лэнди тэ доверяет. Во драго ӷанэнас, кай лэндэ исин нэдостаткоря, но всаек «любияс лэн до конца» (Иоан. 13:1). Посли кода, сар о Иисусо рисайля каринг и жызня, во дя важно дила пэстирэ вернонэ апостолонэнди, савэн сас 11, кай вонэ тэ диқэн пала проповедь и тэ заботинпэ пала лэстирэ бакрорэ (Матф. 28:19, 20; Иоан. 21:15—17). И кадэла нэсовершэни мурша доԥэндэ, кай лэнди можно тэ патян. Жы каринг пэстири смэрть вонэ верно служынас лэ Иеговасти. Сар амэ диқлям, и Анна, о Давидо, лэ Навалоско слуӷо, и Авигея и о Иисусо сыкадэ райкано примеро, сар тэ доверяем лэ манушэнди, савэ нэсовершэни.

САР ТЭ СЫТЮВАС УПАЛЭ ТЭ ДОВЕРЯЕМ АВРЭНДИ

13. Васо можэт тэ авэл найвушэро тэ доверяем аврэнди?

¹³ Сас кацаво, кай тумэ варикасти росԥэндэ и лично инфармацыя, ай пала када уӷанглэ авэр? Кадэлэстар можэт тэ авэл фартэ дуқанэс. Ек ԥэй росԥэндя лэ старейшынасти пала пэстири лично проблема. Вой сас уверено, кай пала када будэр нико на уӷанэна. Но пэ авэр дес лати позвонисардя лэстири хулаи, кай тэ подритярэл ла. Тоди и ԥэй поля, кай вой тожэ пала када ӷанэн. Посли када лати сас найвушэро тэ доверяет кадэлэ ԥралэсти. Но вой стердя годявэрнэс и подя дума пала када аврэ старейшынаса. Када поможысардя лати упалэ тэ доверяет лэ старейшынонэнди.

14. Со поможысардя еқэ ԥралэсти упалэ тэ доверяет аврэнди?

¹⁴ Ек ԥрал на ладияс дуе старейшынонэнца. Во гиндояс, кай лэнди нащи доверять. Но во вспомнил кода, со ԥэндя ек мануш, савэс во уважал. Када сас састо гиндо: «Амаро вороӷо — о Сатана, ай най амарэ ԥрала». Во долӷо розмышлял пала када, мангэласпэ и помирисайля кодэлэ старейшынонэнца.

15. Васо можэт тэ прожал дэсави время, пока амэ упалэ ласа тэ доверяем лэ ԥралэнди? Росԥэнэн примеро.

¹⁵ Ай со, если тумэ хасардэ и почотно дила андэ собрания? Кадэлэстар можэт фартэ тэ дуқал оди. Амари ԥэй и Грета и латири дэй на парашэнас тэ служын лэ Иеговасти андэ нацыстско Германия андэ 30-ти бэрша, кала андэ кодэя страна сас запрето. Амаря ԥьяти динэ важно дила, кай вой тэ терэл копии па «Сторожэво башня». Но сар прожыля время, и ԥрала уӷанглэ, кай лако дад на любий лэ Иеговастирэ свидетелёнэн. Вонэ даранас, кай во лэн сдэла и залинэ латар кадэя дила. Но када инке най вся. Пока сас и Дуйто мирово война, кадэла ԥрала на дэнас лати и латиря дати амарэ журналоря и дажэ на ԥэнэнас лэнди: «Доров», кала диқэнас лэн пэ вулица. Кати погиндон, сар дэ ԥарэс сас амаря ԥьяти! И Грета фартэ долӷо нэ моӷла тэ простий лэн и тэ доверяет лэнди. Но сар прожыля время, вой диқля, кай о Иегова лэн простисардя, и ришыла тэ стерэл кадяжэ.

16. Васо важно тэ сытювас тэ доверяем лэ ԥралэнди и лэ ԥэянди, хоть када можэт тэ авэл найвушэро?

¹⁶ Если андэ тумари жызня сас кацави жэ ситуацыя, на умэкэн и вас. Сытён упалэ тэ доверяете лэ манушэнди. Пэ када трэбуй время, но када ашэл, кай амэ тэ пристас зор. Роздиқам ек примеро. Если тумэ отрависайлэ лэ хамастар, тумэ авэна май внимательно тэ поджан каринг кода, со тэ хан. Но канешно тумэ на лэна тэ морин пэс боқатар. Кадяжэ если варико андярдя пэс амэнца найдраго, амэ на парашаса тэ доверяем всаворэ ԥралэнди и ԥэянди. Амэ сэрас, кай амэ всаворэ нэсовершэни. Кала амэ сытювас упалэ тэ доверяем аврэнди, амэ ашас май бахталэ и можэм тэ поможысарас лэ ԥралэнди и лэ ԥэянди андэ собрания тэ доверяют ек еқэсти.

17. Васо и доверия фартэ важно и пала со амэ подаса дума андэ авэр статья?

¹⁷ Андэ лэ Сатанастири люма и мануша фартэ ридко доверяют ек еқэсти. Но амэ можэм тэ доверяем амарэ ԥралэнди и ԥэянди, важ кода кай амэ любисарас лэн, ай вонэ любин амэн. И доверия анэн амэнди бари радость, и блаӷодаря кадэлэсти амэ ладисарас ек еқэса. Кадяжэ вой поможыя амэнди андо ԥаримос, саво авэла англэ. Но со тэ терэс, если варико хасардя тири доверия и тути кадэлэстар фартэ ԥарэс? Старысав тэ диқэс пэ када кадя жэ, сар о Иегова. Прилэ и принцыпоря анда Библия, стов зор, кай май фартэ тэ любис лэ ԥралэн и лэ ԥэян и сытюв па примероря анда Библия. Тутэ вижала вся када тэ виритярэс и тэ сытёс упалэ тэ доверяеш лэ манушэнди. Тоди тутэ авэла фартэ бут друӷоря, савэ моӷут тэ авэн дажэ май пашэ, чем о родо (Прит. 18:24). Но на хутила, кай и доверия тэ авэл кати амаря ригатар. Трэбуй, кай и ԥрала и ԥэя кадяжэ тэ доверяют амэнди. Андэ авэр статья амэ подаса дума, со амэнди важ када трэбуй тэ терас.