Со терэн и служэбни помошникоря?

Андэ Библия ԥэнэнпэ, кай и старейшыноря и служэбни помошникоря трэбуй тэ диқэн пала христианско собрания (Филиппийцам 1:1). Обычно кацавэ ԥрала служын андэ кажно собрания. Со терэн и служэбни помошникоря?

Вонэ поможын лэ старейшынонэнди. Кай и служэбни помошникоря лащи дружба лэ Дэвлэса и лэнди можно тэ патяс. Вонэ терэн дила, сави трэбуй важ и собрания. Важ кода, кай вонэ поможын, и старейшыноря моӷут май бут время тэ сытярэн и тэ подритярэн аврэн андэ собрания.

Вонэ поможын пэ дила. Дэсавэ служэбни помошникоря служын, сар и распорядителя и шон сама всаворэн, ко авэл пэ собрания. Авэр ԥрала диқэн пала аппаратура и пала ловэ андэ собрания. Кадяжэ вонэ видэн и литература и роздэн и участкоря важ и служэния. Вонэ кадяжэ поможын тэ диқэн пала зало и тэ прилэн андэр лэстэ. И старейшыноря моӷут тэ ԥэнэн кадэлэ ԥралэнди, кай вонэ тэ поможын лэ ԥурэ манушэнди андэ собрания. Сави бы дила тэ на терэн и служэбни помошникоря, амэнди трэбуй тэ стас пэр лэндэ патив, важ кода кай вонэ камэн тэ служын амэнди (1 Тимофею 3:13).

Лэндар моӷут тэ сытён. Лэ ԥралэн, савэндэ лащи дружба лэ Дэвлэса, моӷут тэ стон, кай вонэ тэ авэн служэбни помошникоря. Кала вонэ поможын тэ проандярэн и собрания, вонэ камэн тэ дэн помощь, кай амари вера тэ ашэл май састи. Кодэлэстар, сар вонэ сытярэн и росԥэнэн важ о Дэл, амэ камас тэ терас кадяжэ. Кода, сар вонэ терэн и дила, сави лэнди дэн и старейшыноря, дэл радость всаворя собранияти и всаворэ ладин ек еқэса (Эфесянам 4:16). Через дэсави время лэн моӷут тэ стон старейшынонэнца.

• Ко када и служэбни помошникоря?

• Сар и служэбни помошникоря поможын, кай и дила андэ собрания тэ жал драго?