Катар амэндэ исин ловэ пэ дила, сави терас па вся и ԥув?

Кажно бэрш амари арӷанизацыя вимэкэл и би ловэнго роздэл милионоря Библии и авэр литература. Амэ строисарас и терас ремонторя андэ амарэ залоря и филиалоря. Амэ подритярас лэ ловэнца бутэ вефильцонэн и мисианеронэн, ай кадяжэ кодэлэн, кастэ тердяпэ варисави бида. Можэт, ту камэс тэ пушэс: «Катар амэ пэ када лас ловэ?»

Амэ на потинас и десято часть и на стидас ловэ па авэр мануша. Хоть пэ дила, кай тэ росԥэнас и лащи новость, и жан бут ловэ, амэ на родас манушэн, савэ пала када потинэна. Май бут чем шэл бэрш палпалэ андэ «Сторожэво башня» важ о августо 1879 бэрш, ԥэнэнаспэ: «Амэ патяс, кай о Иегова подритярэла амэн». Кадяжэ котэ сас пистромэ, кай амэ «никала на ласа тэ мангас варикастар помощь». И амэ зритярдям пэско алав! (Матфея 10:8).

Амари дила терэлпэ пэ ловэ, савэ и мануша дэн екжэнэ пэстар. Бут мануша цэнин амари дила и важ када дэн ловэ. Но кадяжэ и лэ Иеговастирэ свидетеля екжэнэ лошалэ тэ отдэн пэстирэ ловэ, время, и о зор, кай па вся и ԥув тэ терэн кода, со камэл о Дэл (1 Летопись 29:9). Андэ амарэ залоря исин ящикоря важ и ловэ. Кадяжэ, тэ шас ловэ можно па интэрнэто через амаро сайто jw.org. Май бут ловэ дэн кодэла мануша, савэ найбарвалэ. Вонэ шонпэ пэ чороры ԥивли, савя о Иисусо похвалисардя, кай вой шутя дуй хурдэ монетки (Луки 21:1—4). Кадя, любо мануш можэт кажно разо тэ отстол набут ловэ, кай тэ дэл лэн, «сар камэл андэ пэско ди» (1 Коринфянам 16:2; 2 Коринфянам 9:7).

Амэ патяс, кай и мануша лашэ одеса и май дур лэна тэ цэнин лэ Иеговас кодэлэса, со лэндэ исин, кай тэ подритярэн и дила важ о Царство (Притчи 3:9).

• Соса амари арӷанизацыя на шолпэ пэ авэр веры?

• Пэр со жан и ловэ, савэ дэн и мануша корко пэстар?