Катар лэнпэ и ловэ кай лэ Иеговастирэ свидетеля?

Ловэ пэ амари проповедническо дила обычно дэн екжэнэ лэ Иеговастирэ свидетеляa, кала моӷут. Вонэ моӷут тэ шон и ловэ андо ящико, саво исин андэ ҭана, кай вонэ стидэнпэ. Кадяжэ исин авэр способоря, пала савэ пистромэ пэ вкладка «Пожэртвовании». Кажно мануш екжэно ришает пэр со во камэл тэ дэл и ловэ: пэ кода, кай амари дила тэ жал пэ вся люма или пэ кода, со трэбуй важ и катутни собрания, ай можэт и пэ кода и пэ кода.

Кай лэ Иеговастирэ свидетеля нинай кацаво, кай трэбуй тэ дэн десято часть, кодэлэ ловэндар, савэ затердя о мануш важ о шон, пэ када ԥэнэн десятина, или варисави авэр определёно сума (2 Коринфянам 9:7). Мануша на трэбуй тэ потинэн, кай тэ авэн пэ амари встреча. И кала собрания ужэ жал, тожэ на стидэн ловэ. И кала варико болдёл, или варикастэ ябьяв, или кала притидэн лэ манушэс или авэр варисаво событие — пала када вся ловэ на лэн. Амэ на битинас варисаво празнично хамос, кай тэ стидас ловэ, на терас важ када ярмарки и нисар па аврятэ на вимангас ловэ лэ манушэндар. Мануша, савэ терэн пожэртвования, на камэн, кай авэр тэ уӷанэн, ко дя ловэ (Матфея 6:2—4). Пэ амаро сайто и андэ амарэ публикацыи нинай нисави реклама.

Еқвар андо шон англа вся и собрания, пэ савэ можэт тэ авэл любо мануш, росԥэнэн, скати ловэ пожэртвовали и пэр со вонэ жылэ. Счета андэ кажно собрания реӷулярно проверяют, кай тэ убединпэ, кай ловэ чаче жылэ пэ кодэя дила, пэ сави лэн пожэртвовали (2 Коринфянам 8:20, 21).

Сар тэ стерэс пожэртвования

• Ящико важ пожэртвовании. Тумэ можэте тэ шон и ловэ андэ спецыальни ящикоря, савэ исин андэ Залоря Царства, андо Зало важ и канӷрэсоря или андэ авэр ҭана, кай прожан амарэ собрании.

• Пожэртвовании через интэрнэто. Андэ бут страны тумэ можэте тэ стерэн пожэртвования через страница «Пожертвование Свидетелям Иеговы», кай можно тэ дэс ловэ через и кредитно карточка, банковско карточка, через банковско пэрэводо или варисар па аврятэ, сар пистромэ по сайтоb. Дэсавэ лэ Иеговастирэ свидетеля камэн тэ шон определёно сума кажно шон, и важ када терэн спецыально настройка по сайто, кай кажно шон тэ списываеца кодэя конкретно сума (1 Коринфянам 16:2).

  

• Пожэртвовании, пала савэ погиндосардэ май данглал. Дэкала кала мануш камэл тэ стерэл пожэртвования, во трэбуй май данглал тэ погиндой пала када, и можэт дажэ авэла трэбуй тэ жал кай о юристо важ и помощь. Через када андэ дэсавэ страны дажэ лэн май мало налоӷо, если мануш терэл пожэртвовании. Бут касти можэт тэ приӷодийпэ инфармацыя, савэ способоря исин сар тэ стерэн и пожэртвовании. И мануш дажэ можэт тэ пистрой и завещяния, касти жана лэстирэ ловэ или хабэ, кала во мэрэла. Если тумэ камэн тэ стерэн и пожэртвования кадя, сар пистромэ тэлэ, мангас тумэн, ԥэнэн пала када андэ катутно филиало.

  • банковско вкладо,

  • страхови выплаты,

  • недвижимость,

  • акцыи и ценные бумаги,

  • завещание и довереность пэ пэско хабэ.

Кай тэ уӷанэс савэ пожэртвования можно тэ терэн андэ тумари страна, диқэн и вкладка «Пожертвование Свидетелям Иеговы».