Со аштярэл кодэлэн, ко муля?

1. Со аштярэл кодэлэн, ко муля?

Кай о Иисусо сас друӷо Лазарё, саво жувэлас паша Иерусалимо андо гав Вифания. Еқвар о Лазарё фартэ занасвайля и муля. Во сас муло ужэ штар дес, кала авеля о Иисусо. Лэ Лазарёстирэ ԥэя, и Марфа и Мария, жылэ лэ Иисусоса каринг и моӷила. Йто котэ стидяпэ бут миро. Англа всаворэ о Иисусо рисардя лэ Лазарёс каринг и жызня. Сави дэ бари радость сас кай и Марфа и кай и Мария, кала лэнго ԥрал жунделя! (Адиносар Иоанна 11:21—24, 38—44.)

И Марфа патялас, кай и мулэ ринапэ каринг и жызня. Вой ӷанэнас, кай о Иегова рия лэн, кай вонэ тэ жувэн пэ ԥув. (Адиносар Иов 14:14, 15.)

2. Со терэлпэ лэ манушэса посли смэрть?

О Дэл создал лэ манушэс анда ԥув (Бытие 2:7; 3:19). Кай и мануша и тила най сар кай и анӷелоря. Нисо анда мануш нэ можэт тэ жувэл посли смэрть. Кала о мануш мэрэл, и годи тожэ мэрэл, и во парашэл тэ гиндой. Кала о Лазарё жунделя, во нисо на росԥэндя пала жызня посли смэрть, важ кода кай ла просто нинай. (Адиносар Экклезиаст 9:5, 6, 10.)

Ԥабарэл ли о Дэл лэ мулэн андо адо? Андэ Библия ԥэнэнпэ, кай и мулэ нисо на ӷанэн, на полэн и на ашунэн. Вижал кода, сости сытярэн пала адо, када хохаимос, саво андярэн по Дэл. Ужэ о гиндо, кай тэ ԥабарэл лэ манушэн ягаса, гряца лэ Дэвлэсти. (Адиносар Иеремия 7:31.)

Дик видео «Со терэлпэ лэ манушэнца, савэ мулинэ?».

3. Моӷут ли и мулэ тэ дэн дума амэнца?

И мулэ на ашунэн и на дэн дума (Псалом 115:17). Но и найлашэ анӷелоря моӷут тэ притерэнпэ кодэлэнца, ко муля, и тэ дэн дума лэ манушэнца (2 Петра 2:4). Важ када о Иегова ԥэндя, кай амэ тэ на виақарас лэ мулэн. (Адиносар Второзаконие 18:10, 11.)

4. Ко рияпэ каринг и жызня?

Каринг и жызня ринапэ милионоря мануша, и дажэ кодэла, ко на ӷанэнас лэ Дэвлэс и терэнас нэправильно. (Адиносар Луки 23:43; Деяния 24:15.)

Кодэла, ко ринапэ каринг и жызня, смоӷут тэ уӷанэн о чачимос пала Дэл и тэ патян андо Иисусо (Откровение 20:11—13). И мануша, савэ терэна лашимос, лэна тэ жувэн вечно андо раё пэ ԥув. (Адиносар Иоанна 5:28, 29.)

5. Со сыкавэл пала Иегова кода, кай во камэл тэ рий лэ мулэн каринг и жызня?

И мулэ смоӷут тэ ринпэ каринг и жызня, важ кода кай о Дэл бишалдя пэ ԥув пэстирэ Шавэс, саво муля важ всаворэ мануша. Кода, кай о Иегова камэл тэ рий кодэлэн, ко муля, сыкавэл, кай во фартэ любий амэн. Кас пэрвонэс ту камлоп тэ диқэс анда кодэла, ко муля? (Адиносар Иоанна 3:16; Римлянам 6:23.)